三田製麵所 (K11購物藝術館)

营业中

休息中

這間麵店平時行街成日經過，今次又來到尖沙咀行街，行街前當然要醫醫肚！我同老公揀咗個二人前，套餐包括有前菜兩款、麵兩碗、小食三款及飲品。🍜前菜～枝豆（冷）& 冷奴（柚子醋）枝豆十分脆香新鮮，大大粒。冷奴是冰鎮過後的豆腐，撒上蔥花、柴魚片等配料，再沾著柚子汁，酸甜美味，十分開胃。🍜三田特製拉麵&辛辣濃香豚骨魚介沾麵拉麵的豬骨湯底濃香，不會太咸。 面質爽口彈牙，不會太軟或太硬。 豚肉夠薄夠軟身，容易咀嚼。沾麵麵條有著非常彈牙的口感，比較粗身，濃郁的湯汁和鮮美的魚介味道非常契合，每一口都散發著誘人的香氣。 湯汁並不過於油膩，讓我吃得非常舒服。🍜吉列炸蠔、日式炸薯餅北海道牛肉&日本唐揚協會金獎炸雞炸物全部酥軟而不油，吉列皮也不會太硬和厚。值得一提的是，出乎意外好味的炸雞，炸完依然多汁肉又滑，時間掌握到剛剛好！總結，二人餐多花款，抵食又好食，值得一試！

次次經過尖咁咀K11都見排大隊一於試下係咪真係咁掂過江龍餐廳採日式佈置，雖然多人已滿坐，但空間感大，坐落都唔會太擠迫.餐廳有拉麵和拉麵提供，也有連小食的套餐 。餐廳主打沾麵，試下呢個厚豚骨魚介沾麵同樣價錢，可揀小，中，大份量大胃王可以選擇特大只需加十蚊。中份量麵底其實都好多，而豚骨湯底另上，加上掛湯力強而富口感，湯底的另一靈魂，是魚介,食落有濃濃魚味。麵係幼麵,可選硬度,中度岩岩好,唔會太軟身半熟蛋拉麵麵配搭叉燒、半熟玉子、筍簡簡單單拉麵，最主要嘅叉燒肉香厚切,唔夠肥但口感好，湯底濃稠，味道較鹹.日式忌廉蟹肉薯餅軟滑細膩, 外層香脆而不太油膩，薯香皮脆, 啖啖厚蟹肉

點解咁多人讚得落🥹???早幾日睇咗伊丹十三嘅電影蒲公英，成套片都係圍繞住拉麵，經過見到呢間拉麵，記得成日都排隊，咁就諗住試試佢，入到去發現係沾麵，而且係粗麵，都姑且試吓😚✨濃厚豚骨魚介沾麵一上嚟，個湯冇煙，夾起麵沾落去見唔到有咩溫度變化，因為兩樣嘢都係凍嘅，食落亦都完全唔熱，湯係濃但唔厚，偏死鹹冇層次🥲麵質算係咁，算彈牙，食到尾所有麵嘅質地都冇唔同，應該係煮嘅時間啱啱好。至於配菜——1️⃣叉燒：厚切叉燒，肉味唔濃（唔知係咪因為個湯底太鹹），肉質偏韌😵‍💫2️⃣荀：爽脆度每條唔同，而大部份都係冧嘅3️⃣半熟蛋望落okay, 食落反而冇乜味😨另外嗌咗碗赤沾麵，更鹹，冇特別。真係未試過嘅想睇我講嘅係咪真，可以去試吓，但都建議大家慳返啲時間，排隊就完全唔使考慮🙏🏽尖沙咀仲有好多間更值得去嘅拉麵店🙌🏽

放工後來K11食晚餐，碰巧想吃的餐廳都要排一段時間，平日大排長龍的三田製麵所竟然可以直接入座，毫不猶豫改食拉麵菜單簡單，拉麵選擇挺單一的，只有沾麵或拉麵，仲可以升級套餐或單點小食🍜濃厚豚骨魚介つけ麵沾麵使用的是粗的麵條，搭配相當濃郁的豚骨沾醬。麵條可以選冷的或熱的，我們選冷麵，配上沾醬麵條彈牙味道清爽。🍜三田特製半熟蛋拉麵相比之下拉麵就中規中矩，用的是一般的細麵，湯頭濃郁，半熟玉子份量很實在，叉燒厚實軟嫩。整體而言，沾麵很有特色，拉麵也不遜色，值得一試！

星期六返半日工，放工後就同家人於尖沙咀會合一齊午餐。家人想食拉麵或烏冬，現時星期六的尖沙咀其實都唔係咁容易揾到餐廳食飯。揾咗一輪終於決定食三田製麵所，因為好似無咁多人排隊。等咗大約10分鐘就有位。家人叫咗濃香豚骨魚介沾麵餐，麵湯香濃，麵質亦算彈牙。我就叫咗期間限定的胡椒柚子雞拉麵餐，麵湯及雞肉都較為清淡。跟餐的煎餃子有3件，肉質好香，口感亦都一流。跟餐可以選擇的炸雞 (奪得日本唐揚協會金獎), 咬落外表鬆脆，內裏肉質嫩滑，跟餐同樣有3件。

K11門外嘅呢間三田製麵所主打食拉麵，平時都好多人排隊，今次終於黎食咗佢地最出名嘅沾麵！麵條有著非常彈牙的口感，比較粗身，濃郁的湯汁和鮮美的魚介味道非常契合，每一口都散發著誘人的香氣。最重要的是，沾麵的湯汁並不過於油膩，讓我吃得非常舒服。一人前仲包左一個小食同飲品，我叫咗佢地自家製唐揚炸雞，炸雞有3塊但每塊比想像中大塊，炸雞外皮酥脆，肉質鮮嫩，非常好吃。建議可以加埋佢地嘅辛味粉及黑胡椒粉令味道更加豐富。令外如果你喜歡半熟蛋，記得一定要揀玉子拉麵！叉燒肉質鮮嫩多汁，帶有微微的焦糖香氣，與豚骨魚介湯相得益彰。半熟蛋的蛋黃濃郁而不膩，與湯汁混合後，味道更加豐富。

朋友話呢間ok 咁近近地就食你啦🍴濃厚豚骨魚介沾麵 (中 / 辛)中Size份量都多 麵質雖然粗身但軟硬適中而且煙韌有口感 湯味濃厚都幾掛麵 可惜越食越覺咸建議唔好全部麵沾哂黎食會好啲😋湯中有一舊肉 入哂味又夠腍 麵上亦有一塊肉 肥瘦適中食肉獸表示如果多1,2塊就好啦😂😂 (人地主打麵囉唔該🙄)整體來講💁🏻‍♀️環境唔大比較狹窄，但食物質素係OK嘅，可惜服務差啲，落單叫嘢食個店員係正我隔離都扮睇我唔到，仲要叫好幾次先理我🤨

濃厚豚骨沾麵有分唔同size 小250g ，中350g，大450g ，大中小都係同價84蚊，仲有一個特大670g $94。我就叫咗個特大。呢到有最低消費，每人80蚊。麵有得揀凍/熱麵。覺得食唔飽都有其他一品料理可以叫，炸雞$38 ，餃子$40。麵質好粗好有口感，叉燒得一塊，唔夠食。不過我主要係為咗個麵而嚟食

今晚同朋友happy hour完就睇下附近有咩食，中意食沾麵拉麵嘅我咁近當然試三田制麵所💙去到啱啱排第一，可能人手唔夠入面有位但門口都係要排隊，不過都唔係排左好耐🫠我哋嗌咗個二人餐⋯⋯🥢先嚟個濃香豚骨魚介沾麵🍜麵條較粗但煮得啱啱好，QQ嘅口感掛濃湯簡直正👍🏻🥢我朋友個特製拉麵都唔錯，麵條彈牙，加埋啱啱煮好嘅叉燒、蛋同蔥花，味道好正，一啖就夠滿足！🥢炸蠔同金獎炸雞都好好食，炸蠔外脆內嫩，炸粉唔會厚，啱啱好👍🏻炸雞皮脆肉嫩，味道香酥。炸紫薯薯餅就更加特別啦，炸得鬆脆，薯味香甜，非常好味！🥢小食有枝豆同冷奴（凍豆腐）總括嚟講，二人餐兩個女仔食份量食到好飽，抵食👍🏻呢間拉麵店嘅濃湯沾麵好好食環境都舒適

成日都聽到啲朋友話三田製麵所唔錯，但平時經過條隊都排到好長，咁啱嗰日見無乜人排隊，所以就去咗試一試佢🤓濃香豚骨魚介沾麵(中) $84用上自家製極粗麵，口感煙韌又彈牙，亦都好掛湯，湯底方面選用大量豬骨、雞骨同魚介類食材，熬製12小時，味道極為濃郁😈三田特製拉麵(中) $84呢款同沾麵嘅麵條同湯底都大同小異，只係湯底無咁稠身，味道亦相對淡返少少，所以麵條都會無咁掛湯，想食清少少嘅朋友仔都可以考慮吓呢款😉最欣賞係呢度大部份嘅款式都係大中小Sɪᴢᴇ同價，可以因應返自己嘅食量選擇，唔會造成浪費🫰🏻

喺香港其中一間有啲名氣嘅沾麵店，所以一點食物一定係首選沾麵，我覺得豚肉做得出色，唔會好硬同實，面嘅硬度都做得唔錯，但係我認為湯嘅味道可以再濃一點，沾麵其中一個特色就是湯底需要好濃味突出湯底的味道

見呢間拉麵店持續保持人氣，今日終於的起心肝嚟試吓， 晚上7:00左右有條小人龍但勝在夠大間流量快，大概等咗10分鐘就入座，點左每檯必點嘅濃香豚骨魚介辛沾麵，大中小份量劃一$84，特大$94，沾麵追加湯$12，有熱麵供選擇～份量：小 250g中 350g大 450g特大670g湯汁味道鮮甜，味道濃郁，但不膩口，辣味香得嚟又不會太刺激；麵條口感煙韌彈牙，粗度適合掛湯，價錢合理，大小劃一收費，CP值頗高。如配小食同飲品叫套餐性價比更高，一人套餐$121包一碗麵、一款小食及一杯飲品 ，部份項目額外加錢，配搭彈性。亦有二人餐（$288）及四人餐供選擇（$588）。推介配自家製日本唐揚協會金獎炸雞，皮脆肉嫰，非常多汁～另點左期間限定胡椒柚子雞拉麵（中$98/大$108），湯頭清新帶柚子香，胡椒味唔會過搶，用雞胸肉都做到好嫰滑，麵質幼身彈牙，清爽之選。

魚介沾麵湯底突然變辣，同店員和經理反映，得出的答案同態度竟然係「你哋味蕾係咪有問題？」「就算我換其他拉麵都一樣」。朋友勉強食左一碗（除消另一碗），埋單走人Been here a dozen times with no issue. Today’s soup base tasted strangely spicy. When I pointed it out, a whole group of staff talked to us condescendingly like we had problens with our tastebuds and nothing they can do about it. At the end they called the manager out so that I could cancel my order. Not coming back.

同朋友，夜晚嚟到K11，四個人諗緊食咩好，碌下OpenRice見到間食沾面既，諗住試一試😉😉😉入口並唔係喺K11商場內，而係喺外圍嘅，我哋唔太熟路，所以搵咗一陣。我哋四個人都叫咗兩個二人套餐，沾麵有得揀唔同size嘅份量，收費都係一樣，所以同行朋友不論係大食定少胃口嘅，同台食飯都唔會尷尬啦🤭🤭🤭🤭🤭沾面有得選擇，凍同熱，個人覺得味道尚好，份量真係好夠❤️❤️❤️❤️❤️嘅朋友都有叫到櫻花蝦拉麵，櫻花蝦好好多，而且個湯都好香好好味，所以整體來講不論沾麵定拉麵，我哋都覺得好食！小食方面，種類都好足夠，我哋兩個餐大家嘅小食都撈亂咗食，所以人多嘅朋友仔可以考慮吓跟我哋嘅叫法😉😉😉由於太喜歡食吉列炸蠔嘅關係，我哋都點咗個吉列炸蠔小食（係額外叫嘅）

路過尖沙咀k11見到有間沾麵鋪價錢又ok就去試吓，咁午市時間有啲人排隊但係就塞喺門口，去問職員先知原來係要喺出面排隊。唔問都唔出聲，成堆人塞住喺門口都唔理吓。咁之後入到去嗌咗嗰辛辣沾麵食，嗰沾麵完全唔夠熱，淨係暖。而且一啲辣味都冇，只係勝在麵嘅份量夠多。嗰麵就好似求求其其咁塞落嗰碗度，一啲美觀都冇，而且塊叉燒又好騷，難以下咽。最噁心嘅係佢叫我坐喺bar枱，啲bar枱又冇抹過咁，味架下面發晒霉，menu 又好油，近住廚房放晒小風扇嗰度好多塵同昆蟲屍體！午市好忙我都明，但係帶住黑色頭巾嗰個阿叔重要懶懶閒咁，淨係見佢點人做嘢又唔做嘢，啲餐都擺滿晒，我要催好幾次先出到嗰餐比我。真係冇下次