三洋餐廳 (已結業)

星期六，日放假，個人完全地無動力，呆呆滯滯，到到兩點半，就落街去食個下午茶餐。三洋又近又多位，就佢啦。叫左個雞脾配薯角，飲熱華田，盛惠32蚊。雞脾細細隻，又唔似炸，又唔似煎，不過d肉都好滑，薯角勁大塊，好似無切咁，又唔夠脆，華田，無味！…查看更多

2013年第一個Happy Friday但放工後依然有很多事要忙碌為了讓自己心情Happy一點一於早點起床去吃個豐富早餐才上班吧點了腸仔反蛋配多士 還有鮑魚火腿通(想吃通粉好久了)來到茶餐廳 當然要點熱奶茶啦套餐很快便到了腸仔沒什麼特別 反蛋賣相扁了點蛋黃也略為熟過頭 幸好並不是全熟的至於多士呢 牛油很有咸香多士亦烘得非常脆雖不至外脆內軟 但都很令人滿意:)通粉的份量可不少呢除了火腿絲外 還真的有一絲絲的鮑魚啊通粉是沒坑紋的茶餐廳通粉 尚算彈牙湯底不會有重味精的感覺整個通粉吃完都不覺口渴點餐飲的時侯其實有想過點熱朱古力的看來我的選擇沒有錯啊熱奶茶溫度剛好 不太盪口茶味可以再濃一點 但非常滑身總算令人滿意吃完這麼豐富的早餐可以充滿朝氣的開展新一天了:)…查看更多

全城老闆們都討論成本加價，一係就食物價錢加，一係就食物份量要減少時。。。。。突然發現，仍有大角咀茶記維持正常價錢，份量是完全足夠的。如果女孩們係細食的話，兩個餐一定夠三人食…查看更多

晚上自己一人, 貪方便去樓下三洋食飯不用等位, 餐廳空間還算闊大今次叫了啫啫芥蘭蝦干肉碎煲侍應服務態度好, 又會向我推介食物最後信他叫了這個煲來到時已經香氣撲鼻, 好有魚香茄子煲味道原來是肉碎的香味, 帶動整個煲都十分有煲仔風味, 芥蘭也不太硬可惜的是味道有一點太咸:(最後賣單55元, 正常小菜價…查看更多

去三洋,最鐘意食全天候都有得供應的魚湯飯,2餸+1菜+飯/米線=$32,仲可叫豉油加辣椒,我通常都是魚腩+豬膶,食材都算新鮮,但個湯就咸咗少少,飲品要另外加錢.下午茶時段有包飲品套餐,但餸選擇唔多,所以我都是食返正價罷…查看更多

這間餐廳新開時已經幫襯,當時樓面態度很好,食物也不太差.後來樓面態度越來越差,已很少幫襯,有一次跟朋友用膳,吃完飯還有幾句話,一心以為講完再走,誰知一個樓面,帶著兩個等位客人到檯邊,大聲說:"在這裡等!",嚇到即刻走人.早餐時間,成條街只有這裡有糯米雞吃,局住幫襯.落單後糯米雞很快到,但飲品(奶茶無論凍熱)都要等十分鐘以上才到,次次都是吃完食物,飲品才到(大佬,已經八點鍾啦),如果係咁,我剩叫糯米雞得啦,駛乜要奶茶.今日如常叫糯米雞,落單後糯米雞如常很快到,等左約十分鐘,奶茶如常遲到,第一個樓面剛放下奶茶,都未來得及落糖,另一個樓面就來想收起我仲未食嘅糯米雞,後來知我未食,至面懵懵走開,食完臨走在門口再遇上,禮貌上說聲拜拜,居然黑口黑面唔睬我......喂,我做錯乜呀? …查看更多

這間茶餐廳原來在openrice中極少有人品評，在有關它的寥寥可數的食評中，竟有差不多一半是我寫的，真的怕會被人誤會我造馬呢！但其實我是很少來的，就像這次幫襯來距離上次到來，已有一年有多，既然如此，這次又試了一些之前未在這茶餐廳吃過的東西，那便不怕重複，再寫一篇有關它的食評吧。也不知因為什麼原因，區內不止一間茶餐廳自命是「湯飯皇」，而這茶餐廳正是其中一間，雖然這茶餐廳與一般的港式茶餐廳所供應的食物大同小異，但它其中一樣推介的正是它標榜以不含味精鮮魚湯底製作的湯飯，橫豎它又不貴，雖然不包餐飲，但兩款餸料加時菜，還有白飯、粥、米線或米粉可揀，才不過賣$ 31，都算合理。我選的餸是黃鱔 + 豬膶，時菜揀了西洋菜，不過吃的卻不是飯，而是粥。這裡的粥底是夠綿滑的，也有甜味，不過到底是因為它以真材實料熬成還是以師傅人工製造出來的甜味，這次我卻不是太能分辨出來呢！至於主角的黃鱔豬膶西洋菜湯，味道有夠濃郁的，西洋菜豬膶滾湯，再加上黃鱔片，湯味鮮甜不是應該的嗎？但以這次所試的印象，它能否稱皇？我想還未算吧！ …查看更多

其實這間在環頭環尾都有不少的茶餐廳，都己經在openrice裡寫過不只一次了，不過自已久不久都會來這裡吃番餐早餐或午餐，而在午餐中這裡最有質素保証的要算是「鰻魚炒飯」，每次來到這裡時都會在是日午餐餐牌上見到，而另一款一定會見到的則是「海南雞飯」。這次幫襯，所試的正是「鰻魚炒飯」，而另一樣試的則是在餐牌上A-G款午餐以外的「瑞士雞中翼撈公仔麵」。「鰻魚炒飯」：這道鰻魚炒飯可算是這裡午餐中的招牌貨，味道帶甜的鰻魚汁把每顆飯粒都包裹住，入味得很，加上切成小塊的燒鰻魚和紅彤彤的紅椒，賣相不俗而好吃。「瑞士雞中翼撈公仔麵」：公仔麵條口感只是一般，瑞士汁未能完全撈勻、滲透進公仔麵條中，不過三隻雞中翼都頗為肥大肉厚，而且可以吃得出瑞士汁的味道，取回一些分數。:)至於飲品方面，凍奶茶和凍檸茶都是一般茶餐廳的水準，不過不失咁，無甚特別。…查看更多

大角咀區食肆林立，競爭激烈，茶餐廳都有好多，其中一間正是「三洋」。在現時百物騰貴，連早餐都紛紛悄悄地起價，愈來愈貴的時候，「三洋」仍然提供豐富而相對價錢廉宜的早餐，可算係區內街坊平價吃早餐的好地方之一。這裡的早餐有中有西，價格一般都算經濟相宜，特別是$20的粉麵早餐，可算甚為抵食。好似呢日咁，叫了兩個早餐同老婆仔一起吃：1）鮑片通粉+火腿炒蛋+奶油脆豬包.+熱飲：2）日式叉燒意粉+煙肉煎蛋+奶油脆豬包.+熱飲這樣豐富的早餐，都只係各賣$20而已。講到味道，就一般啦，煙肉煎得較好，不會煎到乾巴巴的像是柴皮一樣。:)不過個日式叉燒就實在差勁，完全不是意想中的日式叉燒，只得三幾塊像似鴨胸的東西扮成日式叉燒，差！另一樣令人不滿意的地方是這裡的伙計好像趕頭趕命似的，客人還未吃完碟上的食物，便已急不及待地問是否已吃完，可以收拾沒有。嘩！是不是這樣趕呀？這叫做效率高嗎？:(雖然有以上的瑕疵，不過這裡都算是經濟抵食的吃早餐好地方吧。…查看更多

公司在大角咀, 夜咗放工通常嚟呢間, 嚟親都係食湯飯.魚湯鮮甜冇味精, 餸菜份量足, 而且都okay 新鮮, 仲有好多選擇. 自己唔多食肉, 通常都係叫魚骨/腩, 豆腐, 番茄同菜. $33 四款餸大大碗, 熱辣辣, 加碗白飯, 仲有乜要求？伙記服務態度都算okay, 唔會飛刀叉掟碟. 座位窄咗小小, 茶餐廳, 環境不能荷求.冇試過其他食品, 不過通常見隔籬枱叫啲小菜 (如菜胆雞, 炒通菜, 蒸肉餅, 炒蜆之類) 都幾企理. 幫襯咗咁多次水準都保持到, 証明有誠意, 忍唔住要幫佢寫篇食評介紹不.…查看更多

禮拜日放假，出街搵嘢食。:)晏左出門口，區內的有名食店，好似「金船長」、「喇沙」咁，間間都無位，度度都要等。:(最失望係一心想去幫襯嘅「橋泰」竟然星期日都無開門，真奇怪！天氣熱辣辣，唔想等位，見附近間「三洋」近近地，費事再諗，就去試下啦。入到去，話晒係禮拜，裡面都有八成滿，好彩仲有卡位。呢日瞓得晏，未食早餐，兩公婆即刻叫番兩個午餐炳肚先。我地叫左一個「鰻魚炒飯」，一個「焗牛脷飯」，加$5，餐飲仲可以改「龍鳳檸樂」添，好，一於試下。:)呢度環境係一般茶餐廳格局，地方都算幾大，不過附近d人講嘢就嘈左d。話晒呢度只係一般茶餐廳，所以原先對佢d食物都無太大期望，諗住是但食一餐啫，點知又有意外驚喜喎！無論係個「鰻魚炒飯」定係「焗牛脷飯」都好好味！ 真係估佢唔到，埋單只係$70度，都算價廉物美，下次可以番兜呢！:)…查看更多

一直很忙, 沒有時間寫新食評, 今晚終於有時間, 很不高興寫的是一個的食評.....:( 其實光顧三洋都有一段時間, 一直對它的出品都尚可以, 特別是湯飯和米線, 鮮味又夠大碗, 環境也在本區的茶餐廳中算"新淨", 可惜就是那一次, 單單那一次的星期六下午茶餐, 我的經歷足以叫我以後都不會再去光顧它。 那個星期六, 天氣悶熱, 收工後相約妹妹吃飯, 當時很滿座, 我和妹妹有幸得到"卡位", 我叫了一個常餐(內容和一般的茶餐廳相約), 我要一丁麵, 行規加2元, 冇問題, 因為很想吃一丁麵的香和彈牙。 誰知道當麵一來, 我一看已知不妙, 我都算是他們的熟客, 吃過早餐, 午餐, 晚餐, 知道它們一般用的麵是大光光身麵, 有時會像"福麵"的麵, 但我面前這一碗一丁麵從表面看已知是A貨。再吃一口, 麵的質地不對, 湯的味道淡(調味粉一定是打了1折) 不是為了2元, 是為了原則, 加上實在不太喜歡這樣的做生意手法, 叫了伙記過來, 誰知更加火上加油, 得到的回應是: "呢個明明係一丁麵黎架, 係咁架, 我今朝先食過一丁麵", 真不明解, 你早上吃過"真"一丁和我面前"A貨一丁"有何關係呢???? 二話不說, 我一口也沒有再吃那碗麵, 亦下了決心以後都不會再光顧, 因為茶餐廳在大角咀是最多選擇的食店, 我有很多後備。 還有一段小插曲, 在所有事件未發生前, 有個伙記不小心把一杯冰倒在我們的檯上, 可能是她另外一隻手拿著一罐可樂引致不平衡所致, 好在沒有弄濕我妹妹, 但可佈的事是, 我見那伙記用檯布把檯上的冰抺回杯子裡, 再遞給我們後面檯的客人, 因為卡位很高, 他們根本看不到整個"抺冰"過程, 再加上A貨一丁事件, 唉, 做生意還是老實些好, 這樣子有幾好的宣傳也是浪費。…查看更多

補回15-10-2008食評下午茶時間,三個人叫了三個下午茶餐~又抵食,又幾好食~只是那個"熱狗"的"蕃茄"有點赫親人,不過~總估來說都值得再去既~…查看更多

凍奶茶肯定係加水，好淡，一開始就好似平時飲到最後d冰溶左既淡味。一d誠意都無！超難飲！下午茶芝士肉醬意粉無味，要加幾多茄汁都只係好d，差！薄牛扒薯條ok，以$25下午茶價錢份量少，唔抵。waitress落兩杯飲品，兩個下午茶落成分鐘，repeat問幾次先落到。結論：第一次去，以後都唔會去！ 大角咀區咁多餐廳要做得長要比d誠意罷！不怪得人地下午茶滿座之時佢得三枱客人。…查看更多

凍奶茶肯定係加水，好淡，一開始就好似平時飲到最後d冰溶左既淡味。一d誠意都無！超難飲！下午茶芝士肉醬意粉無味，要加幾多茄汁都只係好d，差！薄牛扒薯條ok，以$25下午茶價錢份量少，唔抵。waitress落兩杯飲品，兩個下午茶落成分鐘，repeat問幾次先落到。結論：第一次去，以後都唔會去！ 過隔離樂華餐廳好得多。怪不得人地下午茶滿座之時佢得三枱客人。…查看更多