三洋餐廳 (已結業)

昨日因為本人小學校友會參觀尖沙咀的天文台，所以要在附近吃點東西，我是乘九巴270A出來的，在文明里附近下車，一直行，行近佐敦附近，本來想吃麥文記，但忽然見到此間食店，又記起見過這兒有米線吃，而竟然有雞子！因為雞子好高膽固醇，而且好貴，更要吃自助火鍋才能吃到，這種冰室可以而便宜價吃到雞子，所以決定來這兒吃。本人叫了這個三併：雞子、田雞、雞件米線，時菜我跟白菜仔。不普，好好味，我真是第一次係茶餐廳食到雞子的，雞子好鮮甜，田雞及雞件好新鮮，唯獨米線不夠爽，爽口一些就更加好吃！唯一不好的地方是伙記經常用粗口問候對方！

睇咗咁多年openrice都淨係得個睇字, 未試過寫食評, 今次真係要寫下啦~呢間舖頭喺我公司附近, 而家已經變成我既飯堂啦~以茶餐廳質素黎講, 喺同區裡面都算係幾好味, 服務仲非常好~由於老細會喺朝早同埋晏晝坐陣既闗係, 朝早同晏晝既service同埋份量都係無得彈既~唔夠既話同老細講一聲, 要多飯絕對冇托手爭~! 不過夜晚老細唔喺度就差好多啦~ 講番啲嘢食, 呢度既湯飯話係冇落味精既, 我本身唔係太識分, 但至少食完冇口渴既感覺, 幾夠味, 個湯唔會淡茂茂~ 值得推介~另外呢度既脆脆奶油豬都值得一試, 夠脆口~仲有佢個蕃茄肉碎米粉都唔錯, 蕃茄夠濃, 啱晒我呢啲鍾意濃味既人~ 呢個餐仲有一個迷你奶油豬食架~ 午餐既餐牌日日都唔同, 食過幾次質素都唔錯, 茶餐廳水準黎講都算幾好味~呢度價錢茶餐聽黎講算係中上, 但就真係覺得抵食~ 讚!

在佐敦找早餐食, 見這裡的早餐挺吸引, 有未嚐過的水晶粉, 又有喜愛的脆脆豬仔飽可供選擇, 便入內一試, 這裡早餐亦供應一般的西式煎蛋,腸仔米粉及三文治, 還有馬來喇沙肥牛湯米線, 鎖定目標, 就向侍應下單先送上熱奶茶及凍咖啡, 喝一口熱奶茶, 茶味厚身挺濃, 奶下得多但依然帶點鞋口, 入口不夠幼滑, 至於凍啡則沒有香濃的咖啡味豬仔飽及水晶粉陸續上枱, 水晶粉配上蕃茄, 肉碎及薯粒, 比常食的濃味湯麵, 感覺淸新, 豬仔飽烘得脆的同時又微暖, 塗上牛油及牛奶, 永遠是最佳配搭, 一啖甜甜的奶油豬仔飽, 又一啖啖濃郁的蕃茄湯水晶粉, 已中和口腔甜膩的味道, 看來這款早餐蠻健康罷, 至於以水晶為名的水晶粉看來一點也不通透, 視覺和味覺都覺得是通粉的一種先喝一口喇沙湯, 入口不夠香濃, 只得淡淡的椰汁味又帶丁點微辣, 吃來自覺不甚滿足口福慾之同時, 滿佈米線上的肥牛反而在這碗湯粉上更見特出, 份量不少之餘又肥瘦得宜, 入口不un以HK$24 一份早餐來衡量食物質數及味道, 這兒算不錯, 如果店方能夠加強衛生, 食客食得安心之餘, 老闆又放心

同平時一樣小弟收工之後就四圍睇下有咩好野食行到佐敦道果頭見到有間叫做三洋餐廳(湯飯王 小炒王)諗一諗~~咁西利 ?? 就入去試下d 湯飯 叫左個 "豬潤..魚腩..菜心"湯飯等左一陣 個湯飯跟左個椒絲豉油同一碗飯就咁睇個賣相都幾好 4 件豬潤 4 件魚腩 d菜心仲要裁剪過 好有心思d 豬潤好大塊同埋好甜好爽 咬落去 shop shop 聲 讚!!!i而d 魚腩睇上去好似薄左d 但有返咁上下大塊同長 食落去好滑 仲有每舊魚腩切到都係得一條骨 呢樣野好有心思 GOOD !!d 菜心就裁剪過 食落口唔會太長亦唔會太短 食落口冇渣 仲好甜個魚湯好重魚味好白身好滑 仲有d 羌片甘荀片同沖段 個湯好有鮮味 好香羌酒味 而家好難搵到d 唔落味精既 "良心食肆" 讚!!!講埋個椒絲豉油 d 椒絲切得好幼令到d 椒絲好出味 同埋個豉由都煮得好出色 唔太咸 又冇落味精 唔會好似某d 餐廳煮豉由鋤大勺大勺味精落去煮食完之後覺得物超所值 仲有d service 也很好 我下次亦會再試埋其他湯飯總結: 食完之後感覺到好有心思 好出色 GOOD !!!

今天和太太女女想到澳牛食午餐,見到門口條人龍已冇哂心機等行吓行吓見到門口有鮮魚湯飯和午餐快餐大餐牌所吸引而入內.女女叫了一個金牌特餐B配水晶粉.見天氣凍.餐飲加5元改生薑蜜太太叫了一個魚湯飯.鮮雞.魚腩.豬潤.西洋菜.配辣椒豉油我叫了一個干炒牛河先來雞翼水晶粉,雞翼和粉分開上.夠細心,雞翼好香脆.喇沙湯底香濃.奄列也有驚喜.內有火腿腸仔芝士.好豐富.奶油脆豬真的很脆.太太的湯飯也很不錯.鮮雞.魚腩.豬潤.西洋菜.配辣椒豉油白飯一碗好似打邊爐咁.正我嘅干炒牛河.一上枱聞到啲鑊氣已尋回兒時的記憶.最正嘅係我們一家人食完都冇口喝的感覺.真的冇味精?順 帶一提也要讚讚樓面夠細心快手.下 次一定再光顧

打機嘅主要目的就話要升呢啫, 但估唔到寫食評都可以寫到升呢, 講真又真係幾有滿足感! 寫左八百幾個食評後, 終於去到所謂最高層次, 不過師傅絕對明白自己縱使去到高層次, 但亦就唔一定係好, 純粹滿足下自己嘅虛榮心! 既然升左呢, 師傅就決定搵一間從未食過而又新開張嘅食店作為食評, 於是師傅就揀左呢間食店!前身係主打豆品嘅食店曾幾何時比師傅彈到一文不值, 終於食店倒蔽, 取而代之係一間茶餐廳; 早一星期前師傅就單拖黎左呢間食店, 吃個午餐! 入到去食店唔算多人, 不過都唔少, 一兜友嘅好處係好易有位, 於是坐低後即刻睇下有咩想食先! 有午餐又有快餐, 真係令師傅花多眼亂, 幸好師傅冇選擇恐懼症, 如果唔係都唔知點算!睇左一陣就決定要快餐C, 餐湯揀左羅宋湯, C餐就係白汁雞扒腸仔飯, 不過師傅就轉左黑椒汁, 而餐飲就係凍檸茶! 呢個快餐又真係幾快, 嗰頭落單, 嗰頭就有湯飲, 雖然話個湯就咁喺廚房度攞出黎, 不過速度之快真係值得加許! 好先講下個羅宋湯, 料真的幾多, 而且煲得幾腍, 不過唔酸唔辣亦唔香, 就算師傅加左唔少白胡椒亦覺得好一般, 話係雜菜湯會好好多!黑椒雞扒腸仔飯賣相一般,