三才魚蛋粉麵

营业中

休息中

疫情影響之下，多左好多機會叫外賣！今日收工經過銅鑼灣，我就買個外賣番屋企食嘈諗左好耐都唔知食咩好，經過見到一間粉麵店排左好多人，我就試下啦主打魚蛋粉既鋪頭，價錢性價比高，我叫左一碗雙拼河粉！好多人都叫左魚蛋粉，下次有機會都試下先我叫左鮮蝦雲吞牛腩河粉，鮮蝦雲吞大大粒，有一隻蝦肉，爽口唔會好霉，無腥味，皮薄！牛腩好入味，牛腩肉味重而且半肥瘦，油香感高！而且份量都好多喎果然吸引附近好多人買叫左凍檸茶，外賣番屋企！

今天和媽咪來了銅鑼灣掃貨，尾站來了渣甸坊，發現原來這裡有一間三才魚蛋粉，媽咪說新都城中心二期地下都有一間喎，還讚他們的出品不錯啊⋯⋯於是我們便揀了在這裡吃午餐。我們叫了一碗魚蛋魚片米線、一碗紫菜四寶河粉，飲品叫了熱杏仁霜，及凍奶茶。魚蛋魚片米線：這個是媽咪的飛弗，魚蛋和魚片非常彈牙，魚味十足，確是真材實料，怪不得媽咪是忠實粉絲啦！紫菜四寶河粉：四寶是魚蛋、豬肉丸、魚皮餃及貢丸，四寶各有特色，除了魚蛋好正外，豬肉丸及貢丸也是爽口彈牙，魚皮餃外皮煙韌，size 亦大大件，紫菜份量也好多。飲品方面：奶茶入口細滑，茶味濃郁。埋單不用一百元，這確是一餐性價比超高的午餐

三才魚蛋粉麵 (銅鑼灣)放工突然想食港式雲吞河，見呢間小店車水馬龍，一於就食呢間粉麵店～除了雲吞河，還點了一份生菜🥬和一份魚皮☺️其實我平時唔食魚皮，但呢間既魚皮好脆，如果擔心太乾，又可以浸少少麵既湯，吸收埋湯底的精華🥰 而且魚皮竟然沒有腥味，處理得好好～不過由於環境狹小，食客之間的距離比較近，但這也是特色之一，拉近人與人之間的關係❤️地址：銅鑼灣渣甸坊48號采怡閣地下6號舖

//#賤精黃店地圖💛間野叫：三才魚蛋粉麵邊度黎：銅鑼灣渣甸坊48號采怡閣地下6號舖 (另有將軍澳分店)••••••••••••••••••••••••••••••牛腩西洋菜餃河 $397分牛腩肥膏唔多 禾中意 肉味都濃 夠入味 唔算乾柴 西洋菜餃不過不失 餃皮係類似雲吞皮 跪求西洋菜比例更多 河粉就太碎了 必須匙羹輔助 禾想嘶嘶雪雪咁食河粉🥲••••••••••••••••••••••••••••••魚蛋墨魚蝦條米 $396.5分湯底相比起上麵嗰碗黎得淡口好多 可能因為無腩汁 重口味人士請加汁 米粉唔碎 魚蛋算爽 魚片太薄 無咩口感 墨魚蝦條食到粒粒墨魚 但就唔夠調味 調唔起陣鮮味 太可惜～••••••••••••••••••••••••••••••腐乳通菜 $0 (下午茶時段2:30-6:00pm送油菜/炸魚皮/熱飲)9分通菜無渣 腐乳夠多 仲要免費 無嘢好投訴啦••••••••••••••••••••••••••••••炸魚皮 $156分老闆話炸魚皮送曬 但可以額外叫的 食落比坊間嘅厚硬 唔夠薄脆 鹹香味唔夠 麻麻地

2021年6月19日 星期六呢排準備由灣仔搬到大圍，所以希望臨搬屋之前食晒灣仔區想食既餐廳，而今日就去左銅鑼灣食呢一間魚蛋粉，因為聽講好出名，有好多人介紹去到嘅時候見到店舖裏面坐滿晒人，出面仲排緊一條長長嘅隊，於是唯有改轉食外賣睇返餐牌，都係一般魚蛋粉店提供嘅菜式同飲品，不過價錢方面冇因為餐廳出咗名又或者銅鑼灣區既關係而有所加價，都幾親民化，最後我同老婆每人叫咗一碗粉，另外再加一碟油菜同炸魚皮拎返屋企食返到去當然首先打開我碗魚蛋粉，係魚蛋魚片雲吞河，每款食物都有兩至三塊，都足夠一個人食，魚蛋同魚片都好彈牙，充滿魚既鮮味，而雲吞都包滿餡，食到最少都有兩三隻蝦喺裏面就算普通嘅蠔油生菜都幾大盒，唔會淥到黃晒，而且有咬口，唔會太腍最後仲有炸魚皮，打開個袋先發現包得好好，無走到空氣，裡面既魚皮仍然係脆卜卜，食落去無魚骨，而且唔油膩，浸一浸魚蛋粉既湯之後先食味道更加好

住了灣仔這麼久還未食過這間遠近馳名的三才魚蛋粉麵，今天終於到銅鑼灣朝聖～～ 下午茶時段仍然人山人海，需要排隊等入座，餐廳座位不多，由於太肚餓和趕時間，我們決定外賣回家吃～餐廳很貼心，外賣都把湯和麵分開上～牛肚魚片頭麵牛肚煮得很腍，有腩汁味～ 魚片頭非常彈牙！魚肉好香魚的味道，外皮炸得好香口，是令人食不停口的味道～郊外油菜都幾大碟，有幾款菜可以選擇，菜都好新鮮～鮮炸魚皮好香脆！不油膩，厚身而脆卜卜！非常香口！

今日下午突然好大雨，與此同時又覺得特別肚餓，於是急急腳喺銅鑼灣附近想搵間餐廳食碗粉面。餐廳的粉面種類都挺多，還可以加$6多一款餸，經濟實惠。2:30後仲有下午茶，真係好抵！片頭米粉片頭皮厚香口，經油炸過後亦不會十分油膩，食落仲好有口感，配上清湯底、炸蒜等份外美味。墨魚蝦條魚蛋米線超級推介墨魚蝦條，除咗有蝦味之外，仲會食到一粒粒的墨魚肉，口感有嚼勁。另外，魚蛋亦是餐廳賣點之一，每啖都好彈牙爽口！好好味😋！腐乳通菜通菜新鮮，口感爽脆，加上腐乳的鹹香，令人開胃。喺銅鑼灣竟然可以食餐飯不用$100，真係好難得👍🏻👍🏻👍🏻！

已經第3次食三才， 真係可以講平靚正 每一次一定要叫墨魚春捲， 墨魚好彈牙，春捲好香^^ 加埋佢個辣椒油簡直冇得頂， 佢嘅河粉都好滑 ， 米粉大大碗架~ 佢嘅價錢真係好抵食 ，二三蚊已經可以食一碗麵， 午餐嚟講， 真係好吸引， 下午茶仲會送飲品同菜添^^ 三次都係叫外賣已經覺得唔錯下次真係要現場坐低食。

今日來到銅鑼灣行逛，又到下午茶時間，就搵到三才魚蛋粉麵醫下肚。兩點半後，粉麵可選擇跟熱飲，炸魚皮或油菜一款。加七蚊仲可跟凍飲。下午茶時間旺到要排隊😵‍💫等了十五分鐘左右入座。我要了魚蛋河加腩汁，熱辣辣上枱，份量於下午茶時段都冇減少。魚旦魚片彈牙，食落唔會好林好散。腩汁都好香，滑溜河粉吸收了腩汁，正。牛雜河都足料，牛雜軟嫩兼入味。炸魚皮很酥脆，於下午茶限額很早便滿晒了。當然客人可給正價試下嘅。油菜選了蠔油生菜，都新鮮翠綠。兩人埋單都唔洗一百元，係銅鑼灣真係少之又少，性價比都算高。

下午茶時間未到已經係咁嘅場面, 客似雲來, 三才比較出名魚蛋, 做街坊生意為主, 口碑都唔錯。小店一間, 香港傳統雲吞麵細舖特色, 食完就閃嗰種。。簡單的一個餐牌, 粉麵及小食飲品, 另外可以外賣未經煮熟嘅雲吞及餃子, 魚蛋粉$30, 牛腩麵$33, 大部分食品都係三十多元, 喺銅鑼灣地帶算便宜, 難怪有咁多街坊嚟幫襯。今日嚟到未到下午茶時間, 錯過咗呢個下午茶時段贈送食品時機。二人前牛腩撈粗麵炸魚皮白味鳳爪飲品x2埋單$11x, 連飲品, 食得飽飽的。檸檬可樂($19）大熱天時先來一杯檸樂減下身體嘅熱度先, 爽呀!白味鳳爪 ($22)有泰式酸辣及白味兩種, 白味即係我哋食開嘅白雲鳳爪, 有少少麻油香及魚露的鹹香, 鳳爪是爽脆的, 鳳爪皮及肉都是脆脆的, 鳳爪裏面嘅根也很爽口。炸魚皮 ($15)邪惡之物, 炸得脆卜卜的, 入口鬆化, 魚皮炸得夠乾身, 入口冇油淋淋嘅感覺, 食完一塊再一塊, 再飲兩口檸樂, 不得了, 快活過神仙。牛腩撈粗麵 ($33+10)呢度嘅撈麵特別大份, 足夠兩位女士食有餘,牛腩是偏瘦的, 但中間都有啲肥位, 比較甘香, 瘦嘅部分鹵得尚算軟腍, 肉質不嚡口, 食到

🍜牛腩拼墨魚蝦條河呢度嘅墨魚蝦條真係唔少人食過都大讚😋墨魚同蝦膠爽口彈牙，咬嘅時候真係食到啲墨魚粒粒🤩本身有掙扎過想嗌西洋菜餃，但見人哋碗麵啲牛腩有幾靚所以都跟叫😆牛腩每件到切得幾大，肥膏唔多，但咬落亦一啲都唔韌，肉味仲好濃👍🏻佢哋下午茶時段仲會送嘢食⏰可以揀炸魚皮、油菜或者熱飲☕️今次就揀咗炸魚皮，因為送嘅都唔會預有好多塊，不過一個人有三四塊其實都好足夠😻

常聽到住將軍澳的朋友說會去三才買火鍋料，是日來到銅鑼灣獨自搵食，就想到不如去三才試試它的魚蛋河！店舖不算大，到達的時候過了午膳的高峰時間，在門外等了不足5分鐘就有位～～～魚蛋魚片河，配生菜及炸蒜，湯底加入炸蒜，增添香氣！湯底是用門鱔的魚骨熬制而成，夠香甜，又完全不油膩，食完一整碗河粉也不覺得口渴～～魚蛋及魚片份量恰好，有4粒魚蛋及3片魚片，魚蛋新鮮彈牙，魚片大塊，炸得夠香，口感同樣彈牙，好味！河粉質感滑溜而不會糊糊的～～～即使沒加入其他醬料來調味，整碗魚蛋魚片河都夠味！！見到有其他食客外賣淨片頭，令我想下次也試試它的片頭河啊！

ғᴏᴏᴅɪᴇ ᴛɪᴍᴇ 今次就食咗三才魚蛋粉麵舖頭唔係好大，但一路都有好多人仲有人外賣！店員都好好人😆推薦大家嚟食！佢下午茶時間仲好抵，食一碗麵仲送菜/魚皮或者野飲🤩食咗菠菜餃米粉+腐乳通菜($28) 有成五粒菠菜餃，每一粒嘅餡都好飽滿🥰有肉有菜🥬味道唔會太濃，好味🥳腐乳通菜既份量都唔算少🤤而且通菜唔算超淋，而呢個價錢絕對係好抵😍

以前佢係將軍澳新都城街市可以成日食，今日出銅鑼灣又可以黎搵番中學時期既回憶。 下午茶時段黎到，叫一碗粉麵就有野送，可以揀油菜、炸魚皮或者熱飲，真係好抵食。墨魚蝦條米粉墨魚蝦條入面食到粒粒墨魚，蝦肉打到起膠十分彈牙。牛筋粗麵牛筋好林好入味，配料份量唔少。加埋自家製炸蒜好，頂呱呱。炸魚皮炸魚皮異常酥脆，一咬就發出清脆既聲音。有魚味，唔會太厚或者好硬，卜卜脆。就咁食又得，浸湯食都得。腐乳通菜菜唔會話煮過火，仲保留爽脆。泰式鳳爪酸酸甜甜微微辣，天氣熱熱地食好開胃，入面既青瓜紅蘿蔔絲吸收哂d味。

今日去左銅鑼灣食野！下午茶想食碗湯河，咁岩見到有間三才魚蛋粉！餐廳位於巷仔入面，地理位置比較隱閉，但係人流都唔少喎！環境乾淨整潔，我睇完menu之後叫左一碗河粉牛腩和墨魚蝦條！牛腩超級鬆化，炆得好入味，入口完全唔乾仲好juicy咸香牛腩味道的確唔錯！河粉唔碎，入口爽口，吸哂湯汁！香口墨魚蝦條，食落爽口彈牙，炸過又唔會太油膩！間中食下港式粉麵，回味無窮！女朋友平時鐘意食下cafe，今日佢約左朋友我就有機會黎食個港式茶餐廳有機會我想帶佢黎試下！