三才魚蛋粉麵

营业中

休息中

位置銅鑼灣既內內街，正常人都唔會行入去，但係佢既人流唔會因為咁而減小，好多ol sales會入去食，同埋佢係黃店更加要去懲罰佢啦，下午茶仲抵佢會送菜，魚皮，飲品三揀一都係三十蚊到，係銅鑼灣仲要而家咁去邊搵🤷🏽‍♂️最重要係好食既👍🏼👍🏼👍🏼蝦條西洋菜餃，好小地方有西洋菜餃，佢入面好多西洋菜，皮又薄，蝦條好彈牙，不過入面有啲蔬菜粒🤦🏽‍♂️🤦🏽‍♂️每碗都有冬菜同蒜👍🏼👍🏼個度都有牛腩牛雜，牛雜好入味好冧好食，牛腩又唔會一夾就散，好重牛味再加多個自家整魚皮，好脆加湯食一流👍🏼👍🏼👍🏼

第一次光顧貴店，店內員工有禮貌，顧客也多，環境乾淨整潔，食物新鮮，味精也好好吃，食完沒有口渴的感覺，實在太好了！一定會再去光顧，支持小店！不得不去！西洋菜比菠菜比韮菜更好食！可能我愛西洋菜多一點！

銅鑼灣內街一間魚蛋河去到嗰時河粉同墨魚條已經賣晒我本身好鍾意食菠菜見到有菠菜餃 其他地方冇見過真係好好食 好新鮮 ^^ 有成3隻魚蛋就係好食嘅魚蛋加啲辣椒油仲好食另外有個白色鳳爪 (有個泰式嘅)味道鹹鹹地幾香佢係有啲硬個隻 好有咬口食完一啲都唔口喝完全冇味精加罐可樂兩個人都係98!單併33雙併只要36下次要試吓個墨魚條同埋入面有個叔叔見我拎住好大個袋叫我放喺隔離張凳度食得舒服啲雖然間舖好細魚蛋菠菜餃米(有埋魚片)牛腩粗

呢間麵店隱藏於內街入面 但人流絕唔會因為呢個原因而減少 我平日夜晚8點幾去到都要等一陣先有位 我要同其他人搭枱所以只係求其影咗兩張相就開始食 等其他喺店舖出面等緊位嘅人快啲有得食嘛😣⠀⠀去之前都知道佢哋最出名嘅係魚蛋 礙於前一晚已經食咗碗魚蛋河 今次就食咗佢哋另一樣好多人都讚好嘅西洋菜餃河 (HKD28) 初初諗喺銅鑼灣食一碗$28河粉飽極有限 點知呢碗河粉非常足料又好味 每一隻西洋菜餃皮夠薄同埋漲卜卜 如果我唔係叫咗碟炸魚皮 真係俾$28就可以埋單走人

食物鮮蝦雲吞河 $28哩個年代仲有廿幾蚊的麵真係好難得，超抵食!!一碗有4粒雲吞，雲吞味道同其他餐廳一樣，不過每粒都有大大隻的蝦同幾新鮮😋河粉份量食落比想像中多，食到中間啲麵已經索左好多湯🤭湯底就偏清淡，如果有腩汁調調味會更開心魚旦魚片河 $36魚旦魚片彈牙有魚味，鹹味適中熱西洋菜蜜 +$5濃濃的西洋菜蜜，飲完都幾滋潤見到幾多人食西洋菜餃，有機會可以試試環境店舖細細，座位有少少擠迫檯同地下都好乾淨，地下無垃圾積水，以粉麵店黎講實在少有服務店員十分細心同衛生，因為坐的位置比較難拎櫃筒內的筷子，店員主動拎比我地筷子放係枱的時候，筷子接觸食物的部份係外露出枱面，令人安心使用👍🏻👍🏻

早前在三才吃麵時看到原來可以買手造餃子，我和老公都很喜歡吃西洋菜，但甚少自己買來煮，於是就在這𥚃買了12件手造西洋菜餃，這天早餐煮了來吃，餃子皮非常薄，西洋菜饀料包得脹卜卜，口感及味道也非常好👍

前年在銅鑼灣返工，喜歡近近的在渣甸坊，簡單買個魚蛋粉，外賣回公司休息。轉久久了，今天突然想吃一碗回味一下。晚上來到，依然多人，還要排隊。我點了牛筋河，牛筋很腍，河粉滑，果然無失水準。朋友點了魚蛋魚片河，魚蛋彈牙，魚片也香，加了一點招牌辣椒油，更加惹味。另外點了泰式鳳爪，酸辣開胃，也有不少泰式白，紅蘿蔔絲作配菜醃料。飲品點了凍檸茶，解辣消暑，茶香少甜。被譽為銅鑼灣女人街的渣甸坊，隱藏著不少美味平價小店。

本來唔認識這間麵店，在附近搵間填肚。在小街內，不易找到，但google search 路是很準確！入內感覺乾淨，店員都很有禮貌。他給我餐牌，一看到西洋菜餃，非常有興趣，貪心的叫雙拼，叫埋墨丸。好快有得食；各有3粒；西洋菜餃好食，墨丸呢，似魚蛋，建議大家食佢地推介魚蛋可能更好。見到有得賣火鍋料，淨餃，街坊有口福！再叫左淨魚蛋，我就會suggest 叫炸墨魚蝦條，更好食！其實坐下才知是一間open rice 得過獎的店。我賺左。

一向🥰情迷餃類物體🥟🥟之前都聽朋友介紹過呢度嘅魚蛋好好食，今次路過就去試吓，試咗菜肉雲吞同埋魚蛋，呢個菜肉雲吞一試難忘，菜嘅比例係比肉多，正合我心意，魚蛋一試難忘彈牙，不過完全比菜肉雲吞搶咗風頭... 仲有一個🦑🦐墨魚蝦條，都超級好味，非常彈牙同埋有粒粒墨魚.. 呢度嘅粗麵同埋炸魚皮都要試🍜相信店主好鍾意粉紅色💗.. 正如如果有一日我可以有間自己嘅鋪頭入邊都會全部都係紫色💟#菜肉雲吞 #三才魚蛋粉麵 #渣甸坊 #魚蛋 #墨魚蝦條

經過銅鑼灣女人街買野，發現呢間標榜手打魚蛋粉店，便入來試試！叫左碗魚蛋魚片米，招牌潮州手打魚蛋的確好彈牙！真材實料！仲有個西洋菜餃都多人叫，但可惜太飽，下次一定會試下！

做完運動想搵啲輕鬆嘅野食買完髮型用品咁啱髮品店附近有間粉麵店呢度出名手打魚蛋同自家餃所以揀左個紫菜四寶米加腩汁同菠菜餃一次過試晒招牌野夜得濟河粉都賣晒，好似幾好生意睇睇下餐牌，原來寶林有間總店好似無見過咁嘅😅😅一開始驚米粉無咁吸湯但都無問題，好好味！仲無咁肥👍份量好大，每款丸都有四粒四寶丸有貢丸，魚皮餃，豬肉丸同魚蛋魚蛋果然無魚腥味，彈牙可口豬肉丸同貢丸都好爽口西洋菜餃好鮮甜！食完感覺好滿足仲覺得唔夠食添下次餓啲食要加底先得！熱利賓納一杯，好經典😂

星期一至五午餐吃什麼永遠是個難題。而且在銅鑼灣吃飯，好多餐廳、粉麵店都不便宜，三才是少有我覺得又平又不錯的粉麵店。三才和一般粉麵店格局差不多，內部非常新淨，牆身張貼好多食物及名人到訪的相片。 點了墨魚蝦條拼牛筋河，雙拼粉麵只需$39。有兩條墨魚蝦條，鮮甜彈牙、用料實在。牛筋份量多，口感軟綿綿，而且手非常入味。 另外，點到蠔油生菜，份量非常多，抵吃。以這個價錢在銅鑼灣吃到這種份量及質素的粉麵，沒什麼好挑剔的。

依家銅鑼灣嘅小店佢買嘅係魚蛋粉，但係我真心覺得佢唔同一般嘅潮州粉麵，今次我叫左佢嘅西洋菜餃，佢嘅西洋菜搞好有西洋菜味，佢嘅魚蛋又好有魚蛋味，湯底清甜分量十足加埋佢嘅辣椒油，性價比高價錢合理可以一試！

今日老公放假，我地去Samsung 客戶服務部，換領隻Galaxy Fit手錶，跟着睇戲，入場前揾野食下，之前食過呢間三才魚旦粉面，回味無窮，就再來食佢地最出名手打魚旦河，店子雖小,但乾淨企理，唔少明星都有來光顧過。魚旦魚片河嘅魚旦同魚片依然咁好食，冇腥味，又爽口彈牙,河粉好滑😋老公要咗墨魚蝦條河，我夾咗一條食，食得到有粒粒蝦肉同粟米粒，墨魚味濃，自家制的真係好食D👍🏻我地仲叫咗份炸魚皮，魚皮炸得鬆脆，又唔腥😋老公話睇完戲，再來買一打自家制西洋菜同韮菜餃返家，今晚煮來食🤭

趕住去睇戲之前食個快飯朋友話想食魚蛋河，隨手係openrice搵到三才超級驚喜雖然鋪頭係橫街，仲要畀啲鐵皮檔遮住曬但鋪頭入面好乾淨企理見牆上面貼滿老闆娘自家整魚蛋魚片ge相立即超期待啦於是叫左個西洋菜餃魚蛋河果然不負所望，個魚蛋口感彈牙之餘，仲好香魚味，係粒名副其實ge真 · 魚蛋個西洋菜餃都好真材實料另外叫左個炸魚皮，香脆唔油膩朋友都對佢個魚蛋牛腩河讚不絕口雖然客滿好忙，鋪頭姐姐都好好禮貌美中不足係叫左個凍檸水走飲管但可能姐姐太忙唔記得