三幸糖 (已結業)

咁啱黎開呢頭整野好難先發現到呢間野祖堯邨之前黎過幾次呢邊都真係冇咩野食呢間餐廳係2樓 中午黎試下 一入到黎環境不錯 小清優環境算整潔 又似cafe 又似餐廳 有種小店感覺 會願意坐多一陣望下風景當日食左個手打牛肉芝士漢堡 全店都係即叫即整所以都等左大約10分鐘整體上不錯 有肉汁 麵包鬆軟 脆邊$62價錢算抵食 又有杯野飲野飲叫左凍咖啡 不過不失下次都會再黎的下次都會想再黎試下個卡邦尼意粉淨係記得影環境相 太肚餓，唔記得影野食😂😂😂櫻花

第一次去祖堯邨，祖堯邨本身好少餐廳，所以午餐揀左呢間餐廳來食，一入到去職員就唔多理，都唔緊要啦，自助都ok。餐廳既環境好差，地下好污糟，應該好耐冇掃過同清潔過🥶🥶🥶首先要落左單比埋錢先坐係位等佢送來，我地就叫左漢堡包同咖啡。餐廳連上菜的碟全部都用張紙「賤」住，嚴重懷疑啲碟係唔洗🥶，開頭以為食漢堡包先有張紙「賤」住，但連隔離枱叫左卡邦尼既人，都用紙「賤」住碟😵‍💫😵‍💫😵‍💫😵‍💫

住喺呢度附近都會知道其實冇咩嘢食簡直係美食沙漠最近係咁聽到街坊講三幸糖唔錯㗎我就決定要去試吓啦原來佢又有珍珠奶茶又有漢堡同意粉餐廳入面亦會散發住好香嘅味道即刻令我好肚餓於是我點咗一個炒雙蛋手打牛肉漢堡餐加杯森林乳酪 外貌十分吸引！成個漢堡好足料 塊肉好有味道及肉汁個麵包仲要好好食！OMG 點解我而家先食到另外仲有杯嘢飲令我十分驚喜雖然我仲未試佢嘅珍珠奶茶但係佢杯森林乳酪真係好好飲😍下次再試多啲住附近嘅表示太後悔而家先來食🙈

從來冇寫過食評，但呢間店太不誠實了，所以要寫－次。昨天中午同小朋友叫了All day breakfast B 餐及 熱狗+珍珠奶茶。餐廳只有兩枱客，我坐背着廚房的位，小朋友就望到廚房位。隔離枱食肉醬意粉同魚旦小食。食物味道只是一般但主要係All day breakfast 本身有一條腸，回到家後才回想起冇咗條腸。小朋友就講見到廚房同收銀應該發現比少咗條腸，可能見我哋冇發現，佢哋互相打眼色後，冇誠實地比番條腸我哋，反而留黎自己食（之後見廚房吃午飯），小朋友當時唔知條腸係我哋嘅，當我提到個餐少咗條腸，佢才整合到整件事。間店咁唔誠實，無下次

被譽為 #美食沙漠 之一嘅 荔景 行條斜路上到 #祖堯邨 原來有間 #沙漠綠洲🏜️ . 本身主打 #台式飲品 #小食 #糖水 但由於街坊反映邨內冇咩好食😅Menu加設 #ADB #AlldayBreakfast 同 #burger 🍔#雙層芝士漢堡 #doublecheeseburger $68🍔即叫即整 選用 #安格斯漢堡 #angusbeefpatty 麵包亦都好新鮮 軟熟（由於太餓 所以影完即食 冇望吓啲相影得好唔好 今次角度不太好🙇🏻‍♀️🙇🏻‍♀️）配有蕃茄🍅 洋蔥🧅 生菜 再加上茄汁由於茄汁唔會好多 食都漢堡扒嘅肉汁 Burger再配上沙律菜🥗配胡麻醬 仲有薯片😍仲有跟熱飲添～當然可以半價換購台式飲品🧋題外話 店員好nice 好細心 果然做開街坊生意🥰

咁啱嚟開祖堯邨，見到間台式飲品小店，而且仲有野食，咁就試試佢啦😗🔶法蘭克福腸熱狗（$45）熱狗夠哂大隻，淋上茄汁同芥末夠哂惹味～仲有生菜同番茄可以refresh下，當lunch都夠哂飽☺️🔶三幸朱古力咖啡（跟餐加$13）好大個幸字係面頭浸奶泡度，都幾得意😚奶泡綿密，咖啡夠熱，如果朱古力味再多啲就更好🔶小食拼盤（跟餐加$18）有花枝丸、牛丸、波波腸、燒賣、魚蛋🍢味道都係正常水準，驚唔夠飽都可以叫個嚟食有樣嘢想反映嘅就係等候食物時間有啲太耐，lunch去食可能會有啲趕🤫

之前曾經在網上外賣平台叫過一次，檸檬愛玉加珍珠和芝士奶蓋綠茶，當時已經試過一次檸檬愛玉是沒有愛玉的，但為怕麻煩都冇加番。今次同朋友食完飯經過見到又試吓，因為趕住走冇仔細查看，點知原來自取外賣，檸檬愛玉加珍珠都係沒有愛玉的，珍珠仲要加$4，即係成杯嘢$30，然後杯野好難飲，話明係檸檬愛玉冇愛玉都算，檸檬味仲要勁少，我就好似飲緊一杯少少甜味嘅糖水仲有一啲珍珠喺入邊，另外今次仲要左一杯珍珠鮮奶紅茶，一杯野$28絕對唔值呢個價錢，我只係叫咗小糖但係佢走咗糖比我，然後係鮮奶茶但係只有好少嘅奶味同埋茶味，我就好似飲緊一杯勁淡嘅奶水咁樣，然後啲珍珠係勁霖，真係好失望。我唔會想落樓下買呢杯嘢飲。

今日有特別工作喺祖堯邨做野，同同事搵🧐下午餐有咩啱食，呢度真係幾荒蕪，得兩間茶餐廳，一間酒樓，仲有一間就係三幸糖❤！三幸福主打輕食，土司、芋圓糖水、all day breakfast、同台式飲品🥤🧋。我地都叫左個最豐富嘅C餐(all day breakfast )，芝士鮮奶炒蛋、胡麻沙律菜、車打芝士腸、白豬肉腸、煙肉、炒雜菇、牛油多士🍞、厚切煎蕃茄🍅、茄汁焗豆，真係即叫即整，熱辣辣嘅。味道唔錯，份量仲幾多下，差啲食唔曬🤣🤣！飲品我叫芝士奶蓋四季春茶🥤，好飲！除左啱啱坐低果陣有三枱客之外，走左之後大部分時間都係得我地兩個，好舒服咁傾偈食左個半鐘，滿足咁再繼續下午嘅工作呢度其實唔係住喺附近或工作，真係無機會再嚟！有緣試過一次，感覺良好！但值得改善係抽風系統，油煙比較犀利，食完成身都係油煙味喺身度🙈。

住喺呢區嘅人都知，祖堯邨係一個超級美食沙漠黎嘅～～ 幾個月前終於都開左一間台式飲品店，作為街坊都好興奮呀！一開始小店主力都係賣台式飲品多，後來先慢慢再增加啲小食，都係啲燒賣魚蛋嗰啲。不過最近再有多啲飽肚食物登場，繼多士之後仲有新出嘅All Day Breakfast.講返質素先～ 飲品我最中意飲手感芋頭奶露（熱），有粒粒芋頭肉喺入面，天氣凍時飲真係好正好正！ 芝士奶蓋我覺得ok, 但聽朋友講話唔夠咸。由於我冇飲過出面嘅芝士奶蓋所以冇得比較，我自己係滿意嘅（不過飲完好飽）～ 仲有桃膠鮮奶系列，飲過一次，都好飲嘅不過好似食糖水嘅feel, 當野飲就飽得滯喇……食物方面，之前食過多士覺得都幾好食，今晚食埋All Day Breakfast 覺得飽到反艇...... 啲食物幾有誠意，雖然價錢唔算太平（以屋邨黎講），咁嘅質素同份量對得起個價錢嘅。佢地嘅麵包係用全麥包食落就硬硬地，炒蛋好滑，加埋塊芝士喺面超邪惡整體黎講～飲品：價錢平，好親民街坊價，質素唔錯食物：選擇暫時唔太多（希望可以繼續增加），唔算好便宜但有相對嘅質素服務：家庭式經營小店，老闆一家都好nice, 不過速度慢啲因為呢間係美食沙漠居

“手感紫薯奶露”($30)人生第一次嚟祖堯村🤣就係為咗嚟呢間小店😛呢道除咗有外帶手搖飲品仲可以坐低食小食,台式甜品☺️今次就淨係叫咗杯紫薯奶露😆成杯都粉紫色睇落已經好靚💜飲落好香紫薯味個底仲有好多紫薯蓉☺️真係幾足料😛不過怕甜嘅朋友叫小甜會好啲🤣買完行出走廊邊飲邊睇靚景都幾舒服☺️