三希樓 (已結業)

老板一有大陸客來港,一定招呼佢地去時代廣場的三希樓食晚飯，佢話食物質素好，環境幽雅，地方整潔又夠大，座位寬敞舒適，招呼又週到,自己去食和招呼朋友都好適合。今天剛好是女兒生日，我就請她食去三希樓，食d高級菜。三希樓地方果然很大，空間感十足，裝修設計獨特，好有中國feel！前菜沙拉鮮笋：鮮筍好嫩，爽口冇渣，撈沙律醬凍食好好味！青椒清香魚：魚片鮮甜笋片爽嫩，湯底鮮中帶酸辣，烏冬滑溜，還加有芫茜葱和青椒增加香味，好惹味！三希吊燒雞：燒至表面紅卜卜的吊燒雞，皮香脆，肉質鮮嫩，配用芝麻醬油等調製的醬汁，份外惹味。熗炒藕丁：夠穫氣炒得好香，藕丁爽口，味道帶點辣。棗茸千層糕：飯後甜品，上枱時熱騰騰，紅棗味濃，甜度適中，好味！

好友最近約我食川菜，揀左time sqaure 既三希樓~一開始先點左2個前菜，有沙拉鮮筍同麻辣口水豬手。麻辣口水豬手係酸酸辣辣，幾開胃；而個沙拉鮮筍真係配得岩岩好，可以中和麻辣口水豬手既辣，而且加上沙律醬後既筍粒食落爽脆、多汁，唔錯！菜式方面叫左 3 道菜，有青椒清香魚、三希吊燒雞、熗炒藕丁～青椒清香魚冇得輸，D 魚片全部去哂骨，湯底酸辣得黎帶有鮮味，而底下仲有好多烏冬，非常爽滑！而三希吊燒雞外皮香脆，而肉質嫩滑～雞肉肥瘦岩岩好，相當高質既吊燒雞！熗炒藕丁麻辣味濃烈，食落爽口又好食～最後黎個棗蓉千層糕，即叫即蒸，黎到時仲熱辣辣，質感Q彈，一定要試！

早幾晚去到銅鑼灣睇戲，之後順便落樓下搵食～見到有間食川菜既餐廳 - 三希樓，朋友話想食就一於去食啦～一開始先黎2個前菜，麻辣豬耳配埋西芹同埋木耳配百合~西芹、豬耳爽口， 味道比較辣；而木耳就比較清～佢地都非常爽口，愈食愈開胃！之後就叫左個麻辣口水豬手，豬手切成一口一粒，酸酸辣辣，唔錯！另外叫左 2 個主菜，有青椒清香魚、三希吊燒雞。青椒清香魚真係好推介，湯底微酸，但竟然飲到魚鮮味，魚片食落清甜可口，而且係去骨的！！鍋底內有好多烏冬，吸收左魚湯既精華，滑溜又好食~而三希吊燒雞，雞皮烤得超香脆，平時唔食皮既我今次都破例！雞肉厚實，食落啖啖肉，唔錯～最後甜品叫左個棗茸千層糕，棗茸甘甜、煙韌，入口不俗，正～

上次同Siubo食完花園道果間三希樓後一直念念不忘，所以今晚決定再去三希樓同鍋水煮魚死過不過今次就揀左銅鑼灣果間，之前無留意到原來Time Square都有一間，太方便la, 水煮魚~我黎la花園道三希樓比較古色古香，而銅鑼灣呢間就比較華麗，modern，樓底高而地方寬倘座位闊落又舒服華麗的燈飾在牆上的掛畫都很有特色碗碟都很清雅蜂蜜番茄，沙拉筍~ 食麻辣野前先食D酸酸甜甜的冷盤打左底先，蕃茄和蜂蜜原來味道好夾，新鮮的筍加埋沙律醬亦很開胃三椒豬手~ 將豬手切成細細粒，連埋青椒，紅椒和胡椒一齊炒，真係好惹味仲要係愈食愈覺辣，愈辣愈想食豬手細細粒食起來好方便，豬皮煙韌又有咬口，好正好似食左好落骨膠原落肚咁主角終於出場la水煑桂花魚，一上桌已聞到好濃烈的麻辣香味，鍋裏除了有桂花魚外，還有豬紅，芽菜，青瓜和薯粉，桂花魚肉質嫩滑又彈牙，仲要無骨，索哂D辣汁一齊食超爽，真係一邊食，一邊流住汗和鼻水真係超好味薯粉又厚又彈牙，令人忍唔住夾多幾箸熗炒萵筍絲~ 將乾辣椒和蒿筍絲一起炒，又香又辣又爽口棗蓉千層糕~ 好濃的紅棗加上椰奶味，又滑煙韌，我的至愛

老實說，近年的高通脹環境下，一方面要平衡租金、食材、薪金和燃料等方面所帶來的壓力之外，又要維持價廉物美的高水準出品，箇中難處又豈是一般食客所能體會呢!所以嘛...很多食肆，其出品也不過爾爾，有時候甚至可以用失望來形容。只要在網上搜尋一下這些店的評語，你就會發現我所言非虛了...但今次呢一間餐廳確是令我喜出望外...就是【三希樓】..因為今日去挑戰食辣....興奮呀！銅鑼灣時代廣場旁的食通天...便有很多不同餐廳走式選擇，花多眼亂，好彩一早鎮定目標...免卻類惱！一到【三希樓】，門面還算闊落，中式格調，拍了張照隨即入去被安排坐位，浴路踏上經過地毯看見的擺設及旁邊的卡式坐挺特別,如果坐那裡就好了...但我們被安排坐在這些位置的旁邊，也不錯的。看到有些人出去拎配料，應該是打邊爐吧！有些人就散叫....而我們亦決定散叫吧！.餐牌選擇太多樣化了...食到喜歡的就最開心啦..我非常期待我的水煮魚啊！【三希樓】裝演不錯，比中式酒樓高尚，而且夠晒大，如果想租場都絕對能容納多人，因為有獨立的動間，讓你聚聚會，辦辦活動呢。瑰麗堂皇都絕對可以用黎讚到呢一個場地！上層面鋪滿滿天椒，見到都醒晒！另讚餐廳，在枱上

一路都有聽過三希樓個名，直到佢係銅鑼灣開左分店之後先的起心肝去試下。三銅鑼灣三希樓位於時代廣場食通天，一出地鐵站就係，好方便。店面好有古代感，有兩張木櫈。可以選擇食火鍋或者小菜 我地今次就揀左食小菜，前菜我地叫左兩樣，分別係沙拉鮮荀，蜂蜜番茄。蜂蜜番茄故名思義係番茄加蜜糖食，意外地match，番茄酸味比蜂蜜中和返，後來我地食辣野之後食呢個都覺得可以解辣。仲有就係沙拉鮮荀，荀配上大量既沙律醬，d荀幾好食幾新鮮，不過對我黎講大多沙律醬 有d卻步。之後係麻辣口水豬手同埋干鍋豬大腸，口水豬手係凉既類似口水雞既溫度，豬手好爽脆得黎好入味，口水汁非常惹味，唔係好辣，可以留返d汁送飯。干鍋豬大腸係用辣椒去炒豬大腸，大腸外脆內軟，唔會咬唔開，亦都好乾淨冇怪味，份量亦都十足，成個洗面盤咁大。主菜就係水煮魚，分量好夠，成盤紅色夠晒霸氣。魚肉好入味好香，夠晒軟熟但係唔會一夾就散，亦都唔算好辣，入面配菜亦好多，芽菜多到食唔曬。呢個分量已經係水煮魚(小)，四個人絕對夠食。我地仲有叫隻三希吊燒雞，食落似炸子雞，皮脆肉嫩，加上芝麻豉油冇得頂。食完咁刺激既食物要食d野中和下，酸菜豆花就岩晒，豆腐好軟滑，配上酸菜夠晒清

係香港食川菜話就話有好多選擇，不過味道正宗性價比高就真係唔多。今次朋友帶我去呢間三希樓，係銅鑼灣時代廣場，開得係城市中心應該唔會差。蜂蜜蕃茄呢道冷盤首先將蕃茄去皮，再淋上蜂蜜灑上桂花，食落不單冇生蕃茄個種酸味，蜂蜜同桂花個種花香同蕃茄好夾，看似簡單卻非常清新有特色麻辣口水豬手口水雞食得多，口水豬手真係少食，原來都唔錯。豬手大部份都用左無骨部份，啖啖豬，而且皮爽口唔痴牙，唔會好似一笐豬手咁膩。酸菜豆花傳統川菜菜式，豆花十分滑一定要用匙斤先「不」到，搭上酸菜出奇地配合，好好既開胃菜。干鍋豬大腸味道同麻子雞好似，不過用豬大腸黎代替雞。豬大腸炸得岩岩好，唔好炸到好乾，加埋爆香左既辣椒，辣得好過癮水煮魚味道好正宗，同係四川食過既差唔多，魚肉好嫩滑，辣度剛剛好，加埋底下芽菜寬粉配料，份量十足。即撞山泉水豆腐花以為淨係川菜出名，估唔到係三希樓竟然可以食到咁高水準既豆腐花，淨係個咁靚既木箱仔已經值回票價。超滑豆腐花加上自製既桂花糖水，比起平時落薑汁黃糖更加好味，份量大概有6-8碗食到我地飽到郁唔到

很有氣派的門面，精緻的佈置突顯中國色彩。魷魚海帶+豆干: 豆乾海帶辣味十足, 食食下原來入面加左魷魚, 好特別。魷魚吸哂辣椒味, 好正蜂蜜蕃茄: 新鮮番茄配味道甜甜既蜂蜜，作為餐前小食確實開胃。沙拉鮮筍: 沙律醬配加埋鮮荀一齊食 ，口感好爽口。 水煮魚(小): 好多指天椒舖係盆上面, 一上菜已經嚇親(會唔會無魚要食指天椒架), 原來唔止成盆指天椒, 下面仲成盆魚架，見到都嚇一跳真係很大一鍋，二個人真係食得哂? 店員問我地需唔需要先將辣椒撈去，因為辣椒浸泡得耐，會愈來愈辣。我地一致認為: 唔洗。。就係想知辣成點XDDD除左好多魚肉之外, 仲有好多配料架 (扁薯粉, 芽菜, 青瓜, 少少碎豬紅, 鮮荀等等), 另外湯底一D都不覺油膩反而麻辣香氣十足。魚質嫩滑夠哂入味, 厚薄適中又大塊,  我把口係無停過架。XDD熗炒篙筍絲: 味道微辣, 篙筍絲切得好幼細, 口感爽脆, 食完重口味食物, 宜家清清地都唔錯棗茸千層糕: 棗茸千層糕甘甜可口, 作為最後一道中式甜品作總結, 太正了。三椒豬手: 豬手好有膠質，又有咬口，十分美味, 相比水煮魚係淡味少少

來飲茶，食點心，這是星期天。。。。。叉燒腸粉叉燒好有咬口，腸粉皮有紅米或白米之分，即係話個腸粉皮用嘅米漿，除咗平時食到嘅白米之外，佢哋有紅米俾你揀。不過腸粉嘅豉油好似老抽，怕鹹的話建議大家唔好落咁多。。。。。。燒賣皇正常尺寸，燒賣是以豬肉製成，面頭果粒食落似鮑魚，我也未能肯定是否鮑魚，有可能係鮑魚菇，整籠燒賣上枱時保持熱辣辣，都算不錯。。。。。。叉燒包有叉燒粒，唔係叉燒茸，餡料多到爆出嚟，事實上入面都幾足料，個包食落口甜甜地，熱辣辣入口就最好味。。。。。。沙律明蝦角飲茶最重要係啲點心夠熱，呢個沙律明蝦角就唔多夠熱，而且同我想像中有出入，我以為沙律&蝦會一齊被包住，再炸成蝦角。事實係，隻蝦被包住攞去炸，而沙律只係伴碟。。。。。。山泉水即撞豆腐花呢個製作需時，下單時侍應話會安排在最後上枱，呢個豆腐花好搶眼，我見隔離枱都有點。事實上呢桶豆腐花又真係好好味，好香好滑好熱。上枱時侍應話幫我地分落碗，不過我哋拒絕左，因為“筆”豆腐花好好玩，所以決定自己來處理。。。。。。。整體來講，呢度有服務，有裝修，有衛生，各樣都很不錯，侍應們有keep住幫我哋嘅茶壺加添熱水，還不是幫我們更換碗碟添。

平日偏愛西式和日式料理，但偶爾吃一頓中菜也不錯。來到朋友推介的三希樓，裝飾優雅脫俗，環境少了份酒樓般喧鬧感，適合與伴侶一起來享受的一頓晚飯。前菜先來沙拉鮮筍，加上沙律醬後的筍粒，仿似蘋果粒，爽脆多汁。另點了麻辣口水豬手，卻是我的最愛。豬手切成一口一粒，酸酸辣辣甚為開胃，而且豬手已被率先去了骨頭，適合貪吃又顧儀態的我。因為我怕水煮魚較油膩，所以點了青椒清香魚，湯底微酸得來帶點魚鮮味，襯托著魚片的清甜味道，去骨後的魚片更讓我停不了口。鍋底內舖滿烏冬，再一次吸收了魚湯的精華，相當好吃。另點了三希吊燒雞，雞皮烤得香脆，雞肉質感厚實，果然是鎮店招牌菜。熗炒藕丁卻因此產生了鮮明的對比，口味較想象中單調，不過吃完濃味菜式後，都是一個不錯的小菜去中和口味。最後甜品點了棗茸千層糕，微甜得來帶點煙韌的口感，份量剛好是二人份量。

一號風球嘅星期日，天色昏暗，雨勢忽大忽小，我們舉家毋懼風雨，按照原定的訂枱時間，前來三希樓飲茶。訂枱服務是經由Openrice系統處理，原本是想飲個早茶，但它的開市時間為11點，我們就只好11點前來。茶樓的環境及裝修讓人覺得舒服，牆壁掛上了一幅又一幅的畫作，顏色鮮豔而引人注目，我們跟隨著侍應的帶領，來到眼前的10人餐桌。清潔整齊的枱櫈，還有桌上的紙巾盒，牙櫼，整個畫面進入眼簾，的確加分不少。先要了一壺普洱，屬於中國人的傳統民間茶，是爸爸喜歡的口味。媽媽的肚子餓，所以急不及待點選了18多款美食，當中包括點心，炒飯及甜品等等。現在看看那出色的佳餚：1. 雞湯小籠飽 - 每籠有4件，要多叫兩籠先夠分。小籠飽入口，雞湯熱乎乎流出，飽皮不會太厚，好味。小孩子進食要注意熱湯流出啊！2. 豉汁蒸鳳爪 - 掛住食，忙了幫佢影寫真。爪夠大隻，唔係BB雞爪，而且好入味，不會太喊，皮骨鬆開，入口隻雞爪夠腍夠滑。3. 春風香脆百花腸粉(紅米) - 腸粉相信大家食得多，呢度嘅腸粉好特別，可以選用紅米米漿做腸粉皮，下單時要揀好紅米定白米做腸粉皮。4. 菜肉雲吞 - 好少酒樓可以淨叫一碗菜肉雲吞，雲吞皮好味，內裡配

舊同事同我講想食川菜，不過佢唔係好食得辣，不過為咗比佢有一個好正宗既川菜體驗，,所以我今日就帶咗佢去銅鑼灣嘅三希樓食啦，因為我聽講呢一間川菜喺香港嚟講係好正宗 ，。沙拉鮮筍 $49睇一睇佢menu發覺有一個菜叫做沙拉鮮筍 ，個筍好脆好清甜同好多水份，真係好新鮮，撈埋沙律醬食好似食緊沙律，不過係中式既沙律，感覺好fresh~蜂蜜蕃茄 $19個蜂蜜蕃茄係我同事叫既，因為佢好鐘意食蕃茄，我食咗兩件，個蕃茄好清甜同爽脆，淋上蜂蜜係甜上加甜，對我黎講就好似食緊一款水果甜品咁，而且我都試到有一陣桂花既香味，好特別!!三椒豬手 $138哈哈，因為我都算食到辣既人，所以我好鐘意食呢碟三椒豬手!先講佢既豬手，咬落去好彈牙，好入味，佢唔係淨係一味既辣，真係食得出好濃既椒香味，雙重辣感!水煮魚 $398跟住我地咗個水煮魚黎食，因為我朋友好鐘意食魚既。佢既魚片應該 係用桂花魚，魚肉片好厚，雖然個汁好辣但係都食得出好鮮魚味!肉質超滑超嫩，連我唔係好鐘意食魚既人都忍唔住食咗好多件，不過真係辣，食到我滴唒汗，好過癮!熗炒窩筍絲 $108呢碟萵筍絲炒得唔油，筍絲好多汁好新鮮，食咗好爽脆，火喉夠，水準不俗!棗茸千層糕

尋晚肥妹仔同咗朋友去銅鑼灣時代廣場既三希樓食晚餐 ，入到去見到個menu好多選擇，肥妹仔我覺得花多眼亂，唔知食咩好!!!沙拉鮮筍 $49前菜呢肥妹仔就嗌咗個沙拉鮮筍 ，可能依家係筍嘅當造季節，肥妹仔我覺得好好味，啲筍好大粒，食落去好多汁好爽口，超級清新~蜂蜜蕃茄 $19肥妹仔我未食過蜂蜜撈蕃茄，所以再嗌多個蜂蜜蕃茄試下!佢啲蜂蜜加咗桂花糖，食落有一陣桂花既香味，蕃茄爽脆清甜，好食!三椒豬手 $138肥妹仔首先嗌咗個山椒豬手，當初我以為會好辣，但食完咁多碟菜式後發覺其實呢碟三椒豬手係最唔辣果碟，當然對肥妹仔黎講都已經好辣了!啲豬手好肥美，豬皮彈牙，肉質煮到都幾軟諗同埋好入味，聞落去真係有椒香味，肥妹仔我估如果鐘意食辣既朋友仔一定好enjoy la!水煮魚 $398黎到食川菜既地方唔係唔試下識食水煮魚呀嘛？肥妹仔我落單既時候已經嗌咗少辣架啦，但係都真係好辣! d魚片係桂花魚片同埋我估條魚應該好大條，因為啲魚肉好厚，食得出好鮮味。就算有好多滾油滾上去我都食到魚嘅香味，唔食得太辣既肥妹仔我都食到咗差唔多一半，條魚真係幾出色!熗炒萵筍絲 $108之後嗌咗個熗炒萵筍絲， 相對水煮魚黎講，呢一個係一

要吃四川菜立即想起這裡裝潢有格調環境優雅前菜先點沙拉鮮筍鮮筍爽甜配沙拉醬很有趣另一前菜是麻辣口水豬手豬手已去骨食用方便調味又麻又辣恰到好處主菜是青椒清香魚 桂花魚肉質超嫩滑湯底味道複雜帶點酸味想不到餐廳竟用烏冬墊底四川之餘還帶點日式風味點了半隻三希吊燒雞外皮香脆肉質嫩滑雞肉肥瘦剛剛好附上醬油但不用沾汁也很好吃是質素相當高的吊燒雞熗炒藕丁麻辣味濃烈甜品點了棗蓉千層糕用蒸籠附上即叫即蒸質感Q彈甜甜的非常滿足

今日同同事gathering，去開尖沙咀，就決定去三希樓度食晚飯，因為評價都好似唔錯。入到去見到有得打邊爐或者係食小菜，因為近排有啲熱氣，所以我哋就揀咗食小菜。我哋四個人total叫咗七個小菜食。三小碟： 有沙拉鮮笋，蜂蜜番茄同埋麻辣口水豬手。個沙拉鮮笋好爽，第一次食呢個配搭，覺得幾好，幾新鮮。個蜂蜜番茄好好食，甜甜地咁，仲配埋桂花，有陣陣嘅桂花香。第一次食麻辣口水豬手，覺得比口水雞更加好食，啖啖都係骨膠原，值得一試。酸菜豆花：我都係第一次食酸菜配豆腐，個豆腐好滑，但係個酸菜有少少咸。三希吊燒雞：好好味，個皮好脆，而肉質好嫩滑，都幾惹味。干鍋豬大腸：啲豬大腸炸過，然後用辣椒以干鍋嘅形式去炒，非常惹味，而且豬大腸炸得好好，勁香口，而且一啲都唔肥，同埋豬大腸都洗得好乾淨， 同埋唔太辣。招牌咕嚕肉：個咕嚕肉炸得好脆，但肉質依然好滑，配料好似菠蘿都好新鮮，好高質。水煮桂花魚：鍾意食辣嘅我哋就好鍾意呢道菜式，佢唔算話超辣，但都滿足到我哋。個桂花魚好滑，調味非常好，最啱就係送飯。山泉水即撞豆腐花：好少會食豆腐花係成桶咁樣上，豆腐花好滑好有豆香！有三款嘅醬汁，包括係黃糖，糖漿同埋桂花汁，熱辣辣咁，我