三巡小廚 (已結業)

上次幫襯三巡係大約1個月前，不經不覺又過咗一個月。今次都係叫咗二人餐同埋外賣自取。其實三巡呢個二人餐吸引之處在於樣樣都有，唔需要擔心無菜食，而且有好幾個選擇裏面揀一個小菜，加上又可以選擇要雙拼海南雞，二人餐真係照顧到唔同人的需要。除此之外，三巡對於附送的醬汁亦一絲不苟，記得當初幫襯時，都試過有漏俾醬汁的情況，一旦欠缺醬汁真係相差好遠。所以我絕對建議大家要開晒全部的醬汁試下。唯一要提今次個通菜炒得過咗少少。

尋晚家人唔想煮飯，於是決定喺Yoho Mall揀其中一間餐廳外賣。都有一啲日子無幫襯過，所以決定落個2人套餐，套餐包括有一個小菜，一個海南雞例牌，一個小食拼盤，一個炒菜再加2個飯。我同家人都鍾意食呢個餐，一來餸菜都較為豐富，二來個人認為三巡小廚的食品質素一向都唔錯，通常一個月都會幫襯1至2次。佢地海南雞，小菜及炒通菜都好美味。雖然於價錢上可能Yoho Mall內尚有好多其他選擇，但我會認為三巡的食品相對穩定。

星洲海南雞碗飯這裡出名吃雞，當然要嘗試招牌海南雞飯啦！不是非常的特別，份量適中，雞其實還可以，挺滑的！服務員態度也友善，唯獨等位時間較長，星期一午餐也有很多客人。

今日食評有✍🏻 三巡小廚@Yoho mall 1試食指數⭐️⭐️⭐⭐店舖衛生⭐️⭐️⭐⭐侍應態度⭐️⭐⭐️⭐((每項5⭐️為滿分)) ·下午茶餐有多樣選擇我揀咗白魚蛋叻沙配熱檸水@$44👍🏻叻沙湯底正常，不過量少，好快被米粉索晒水白魚蛋幾鮮味，有三粒，再加三塊魚片，三粒豆卜，好均真👍🏻👌🏻米粉質地嘅麵底起爽口，不碎加分👌🏻熱檸水正常下次有興趣試佢哋嘅海南雞🥢·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

本身都有幫襯開，食過幾次..但今日除左等位等得比較耐..入到去拿拿聲叫左個海南雞飯一上到枱..骨仲多過肉 可以食既肉只係得兩舊。冇錯..果兩舊肉以外..其他都係頭頭尾尾既雞骨明明之前食都唔會係咁..想唔到今日要食雞翼尖同骨頭..真係有啲失望囉..冇乜肉食又唔係幾夠飽原本都冇諗住打差評..不過真心覺得廚房要注意下出品同個份量。唔應該因為忙而減少份量又求其出俾個客希望下次再去會有改善啦….再係咁既情況，真係唔會想再幫襯..

Sergent Kitchen is often found at every Food Republic food court. Wnenever I'm there, I usually choose this place as it's consistent. Not too bad yet not remarkably memorable. Much to my surprise when I found they had an actual dine in restaurant in Yoho Mall.The menu here is more extensive than the food court but they still have the basics. We were there during afternoon tea time so they offered a tea menu. Menu is in English and Chinese. There is no 10% service charge during tea time. Sets com

遠渡而來元朗，簡單食個lunch, 不用等位。試了一個兩款海南雞飯，加凍咖啡，也是$56（另加一），凍飲不用加錢。分量是足夠的，海南雞和燒雞各有3-4件，油飯也很入味，只是雞塊不算很嫩滑，但也是飽肚的一餐，可以一試。

海南鴛鴦雞油飯首先稱讚下間餐廳佢喺保持社交距離做得好好，每張枱都分隔得好舒服。雖然佢嘅午餐份量唔算特別多但係食材每一部份都係好食嘅。先講講佢嘅油飯每一粒飯都好煙韌同埋有香茅味係做到油飯嘅。不過本人略嫌飯有少少硬。而佢嘅鴛鴦雞都係做得唔錯嘅如果鍾意食有口感嘅雞肉嘅話呢應該好鍾意，但係如果鍾意食好滑好滑身嘅雞呢就可能爭少少。但係最想稱讚係鴛鴦飯嘅醬料，佢嘅特製豉油醬好配合呢個飯非常好食，係出乎意料之外。另外再嗌左一個星洲八魚蛋喇沙呢個都係不過不失正常嘅喇沙佢嘅八魚蛋口感都唔錯嘅。飲品方面：熱奶茶就冇乜特別啦。如果好鍾意飲茶餐廳奶茶呢就可能會有少少失望。如果鍾意飲星馬嘅奶茶，都唔會覺得出色。所以我都評定唔到呢個係港式奶茶定係星馬奶茶啦。以Yoho 呢個稍為舒服嘅地段嘅餐廳，呢個價錢都值得食嘅。重點係唔使加一所以都幾抵。經開可以食，但個人唔推薦特別為咗呢間餐廳已入元朗食。

天氣太熱，週末只想留在室內享受冷氣。上星期選擇到戲院欣賞電影《她和他的戀愛花期》。入場前打算在商場趕快吃午餐，沒料到所有餐廳都人山人海，要等20張桌子或以上。唯獨三巡比較少人，等5張桌子，別無他選決定了。假日下午茶時光套餐很划算，由$44-$50不等，經濟實惠，全部奉送冷熱飲品乙杯。🔘香煎豬頸肉叻沙米 $48雖說是下午茶，但份量不少。豬頸肉彈牙爽口，邊邊煎得微脆。叻沙湯底味道濃郁，微辣帶點惹味，可惜奶味不夠重。整體不錯。

係元朗形點商場入面，星期六既下午接近間間餐廳都要排下隊，而咁岩見到呢間等既人好似比較少，咁就一於等佢啦，不過都等到由午餐時段變成下午茶時段啦～就咁睇餐牌黎講午餐同下午茶最大分別就係下午茶係包埋野飲，同埋價錢都會平啲，而今次就叫左一份豬頸肉喇沙同海南雞飯～香煎豬頸肉喇沙（$48），首先當你揀喇沙時你係可以揀個麵底，而佢係有一款叫摻摻，姐係油麵加米粉溝埋，呢種既食法的確係新加坡同馬來西亞比較常見，而香港亦比較小餐廳可以咁溝，但由於今日唔係好想食油麵，所以就揀左米粉，首先以賣相嚟講算係唔錯，豬頸肉既份量都算正常，而湯底亦好濃，飲左啖個喇沙湯亦覺得好香好濃，配合米粉食能夠吸哂個湯底，而豬頸肉就正常，切既厚度亦合格，而整體嚟講呢碗喇沙都算唔差～海南雞飯配滷水蛋（$48），個人認為海南雞飯有兩樣野係重要，就係個汁同啲雞夠唔夠滑，首先個汁有薑蓉，泰式酸甜汁同黑豉油，呢三種都係海南雞飯必有既汁黎，而今次呢三款醬醬汁都調配得幾好，而啲雞同樣地都係起左骨既，而雞既份量都算合理，食落啲雞肉亦算嫩滑，呢樣都係幾重要既，而於個雞飯都係油飯黎，食落都唔錯～整體來講呢間餐廳都係正常水準，而下午茶餐明顯係比午餐抵食好

呢間之前食過一次，又係下午茶（留意：佢淨係下午茶叫抵同多野食，午市晚市睇過menu，無野岩食）之前就係食南洋豬頸肉咖哩，d咖哩都好一般，唔夠香。今次我地就試叻沙，一個食豬頸肉，另一個食牛肉。叻沙唔算辣，就算我呢d唔點食辣既人都頂得順－佢係一入口辣，但係每啖食完唔會有餘韻個種，唔會辣親你喉龍，點到即止。叻沙既味都食到有椰香，但問題係，佢d粉完全唔掛汁，每啖都要一口粉，再勺一啖叻沙湯黎飲！成碟配菜得個塊豆腐係吸到汁，d牛肉完全無味，又乾，不如唔好要。下午茶48蚊配埋凍飲，我地叫左凍奶茶同凍檸茶，呢樣抵讚。但！食完第二日，兩個都肚痾！可能食物唔乾淨定點。以後都唔幫襯。

叫左兩份餐 一份鴛鴦雞，一個海南雞。兩份都無味，兼夾份量少。個飯仲要生生地，同埋唔似油飯。唯一可取之處係...？我都諗唔到呀。外賣80$份，只值20$，兩份。

嗌左個喇沙，可轉米粉。因為其他牛腩麵唔可以轉米粉，只能配麵，所以算了，就試吓個喇沙。個喇沙米粉，湯的味道好好，夠椰香。我叫那個喇沙叫雜錦叻沙，米粉上面有雞、魚旦、蝦、豆卜。蝦就係雪蝦，所以其實唔會expect 有乜鮮味，豆腐卜就入味的，魚蛋都合格，但係個四舊雞呢，就比較肥。有一舊仲得塊厚皮，只有一絲肉在舊厚皮中間，我唔食皮，抿曬出嚟丟了一大堆，結果無乜肉食。所以雞就真係好麻麻了，下次去食都係叫過其他麵試吓。飲品我叫咗熱薏米水，都唔錯，加了20蚊的。加埋72蚊個叻沙，加一，總共101，偶爾試下就算，日日食就唔抵。總括來說，除咗舊雞，其他都好。下次我會再去嘅話，會試吓其他菜式囉。平均來說，味道是合格的，食材方面就有進步空間。

是日想簡簡單單食個下午茶 閒日3點左右去到 即入🤩🔸白魚蛋清雞湯米 $44唔預湯圓妹既話 應該會叫叻沙湯底（同價） 清雞湯底就第一次試 好健康好清淡 餸方面有白魚蛋+魚片+豆卜 份量質素都理想 白魚蛋都幾彈牙😻🔸南洋咖哩豬頸肉飯 $48👵🏻like this! 咖哩香而不辣 豬頸肉食到啖啖肉香 略帶嚼勁但唔鞋口養生特飲🔸紅棗龍眼水 +$10唔會死甜 都抵飲🔸酸柑特飲 +$10清新開胃埋單$112 甚飽肚 又唔駛加一 可以再黎🤩

事源唔想跟餐，因為唔想要佢個菜。咁想買淨海南雞飯，睇左咁耐。都搵唔到淨係海南雞飯買。就以為海南雞（例牌）既意思係有飯跟埋。我叫左5個例牌。因為佢仲有半隻雞買等等既！咁就好大意咁以為海南雞（例牌）係有跟埋飯！大家要小心啲呀！係一定要跟餐先有飯跟！唔好好似我咁咁大意！服務員亦都唔係好貼心，冇問我點解一個人會買5個例牌返家，唔直接買2隻全雞呢！唉！電子版係方便買野就咁去羅，但係就真係一不留神就容易出錯，以後都係親自去買比較安心。盡量都唔好用App。