三小漁

营业中

休息中

相約朋友到觀塘近駱駝漆嘅電訊一代商場食晚飯，傾落先知道呢間三小魚係響疫情之下由細舖搬大舖，聽落好冒險，但食過佢哋啲餸菜之後，我唔會懷疑佢哋呢個決定👏🏼先嚟一壺陳皮普洱（$12/包），香陳皮味嘅普洱用袋袋住，飲用時唔會令食客成口渣，好體貼👍🏼話梅淮山（$48），酸酸甜甜配上正氣嘅淮山做冷盤，將淮山切成條狀，用井形砌高，井頂放埋粒話梅，如同藝術品👍🏼10年陳皮魚茸羹（$68），魚茸羹用上世紀陳皮配埋幼細嘅薑絲，食落帶點微微辛辣，啱晒我哋啲繁忙上班族，有理氣作用😍蓮藕蜜椒骨（$108），超鍾意，因為薄切蓮藕片沾上甜甜嘅糖衣，輕輕冷卻後變得更脆身，視覺係蓮藕片，口感似甜薯片，好奇妙🥳桃膠燉菊花豆腐（$48），用豆腐切成菊花樣式，靚到唔捨得食，除咗靚，D菊花都好味，一問之下原來來自新疆，唔怪之得比起平時食嘅菊花更香更濃🌼食完呢餐，已約定幾位舊同事，下星期再嚟幫襯，食物除咗煮法及配搭獨特，味道美味，坐得都舒服，雖然裝修唔算豪華，但係空間感充足，食得安心又開心🥰

再次到訪觀塘的朋友，再去同一間餐館，餐館佈置簡約舒適，設有卡座及大堂座位，還有貴賓房。已經是到訪過多次，新張期內電話訂位的八八折優惠已經完結，不過仍有九五折，而且沒有其他雜項及加一服務費等「下欄」，所以相當抵食，值得一再到來。因為在朋友公司附近，所以訂了位置後，我們六時半已經來到，趁人客還未算多，可以先點菜。雖然來過多次，差不多每次到來我們都會點不同的菜色試試。茶方面我們之前已經試過陳皮普洱及桂花烏龍都不錯，今次我們就來過瑰麗堂煌 ($12)，就是飲到再加了水，仍然飄逸著玫瑰花的清香。小食就點了陳醋黑琥珀木耳 ($48)，之前都未試過這種黑琥珀木耳，與一般的雲耳、木耳不同，它是呈繡球狀的，而且可能經過冷泡關係，黑琥珀木耳十分爽脆，口感一流，以陳醋及略帶點微辣相襯，非常醒胃。砵仔蒸絲苗白飯 ($12)，份量很多，一般已經足可供二人食量。其中一樣主食是山葯蝦球雪裏紅 ($168)，山葯切成椎形，有點像竹筍的形狀；雪裏紅經過走油，有些像潮式的川椒葉，不鹹而香脆可口。主角的蝦球大隻鮮美，肉質爽口，加上配料如紅椒及香芹等，略帶微辣，鑊氣十足，有水準之作。另一主食是椒鹽骨 ($98)，排骨炸得通透

喺觀塘一間文具店買咗三盒香港製造嘅口罩之後見到街頭有banner介紹呢間菜館晚飯可以免茶芥免加一，咁就入去是旦食。菜館裝修雅潔，枱同枱之間又唔會話好迫咁樣。食物上枱時真係驚喜連連，菜牌上啲菜名普普通通，點知食物入口完全係驚喜，普通嘅食物可以煮到咁好嘅味道👍。廚師一定係武林高手，刀功一流，豆腐可以切到一朵花咁。黑豆腐外脆內軟。小炒皇用料足之餘仲好好味😋。呢塊唔好以為係pizza，其實係芝士+飯一齊煎，唔單止有創意，仲係好香口👏!

一個人食晚餐 又想養生 經朋友介紹 我最後選擇咗呢間 主要係近我屋企果然無介紹錯 又養生既有口福的一晚呢間餐廳岩曬多人黎食 因為太多選擇喇😆眼花撩亂 岩曬眼闊肚窄既我 但奈何今晚只有我一人食😂下次叫多啲人黎 先試埋其他菜喇天氣炎熱 想叫啲冷頭盤食 令自己開胃返 呢款話梅准山岩曬我食 話梅酸酸味味的精華已經入曬落准山度 粒話梅食落又唔太酸 味道適宜 令到夏日無胃口大家 胃口大開 連果三粒紀子都浸到脹卜卜 就知道呢道係誠意菜式👍擺碟好靚既鮮菠蘿芥末蝦球 不但只靚 係色香味俱全 蝦球剛剛炸起 一咬落去就十分彈牙 而且好新鮮 配合埋芥末醬同菠蘿 離奇地十分夾🤤 好味推介如果喜歡食芥末朋友不容錯過飲品我就叫咗自家制之桂圓紅棗茶 呢個都係經理推介之一 仲讚我識簡桂圓紅棗茶係好似出面d飲品鋪 一杯杯裝 佢地會整曬擺係雪櫃 出面都賣成$30不等 但呢杯只售$18😯 職員仲要好細心問我想唔想飲熱的 特意用熱水幫我浸左 真係岩曬各位氣虛血弱既人士 經理同我傾計 話呢款紅棗桂圓原自新疆引入 比起一般紅棗係大粒d 佢地店舖話試過香港紅棗桂圓都比不上新疆的 我覺得呢間食店對食物係有一種執著 令到來到食客都感受到

估唔到三小漁小菜賣相精緻，每款菜式好有驚喜又好好食，推介家人聚餐或三五知己食飯之選!煙燻糖心蛋 $18/半隻非一般糖心蛋，上面有少少惹味香料，好得👍🏻黑磚豆腐 $18/件熱辣辣既黑磚，金磚豆腐就食得多，黑磚就第一次試，微辣，炸完豆腐入面仲好滑😋鮮菠蘿芥末蝦球 $148蝦球爽脆彈牙，炸得好好，芥末醬份量適中，底部有新鮮菠蘿，仲要大大粒👍🏻蓮藕蜜椒骨 $108好香脆，但有少少過咸，不過送飯一流仲有好多小菜未試，一定會再嚟食🥳

今晚接老公收工，係開飯平台搵食，見到一間中菜廳未食過，就試下新野好肚餓呀🤤坐低要馬上點菜，先泥頭盤煙燻糖心蛋，我見檯檯都必叫，味道十分開胃主菜叫左鮮菠蘿芥末蝦球，🦐球大大隻被炸過特別脆口，味道較清淡，要吃一口鮮菠蘿中和一下接住叫個菜食下，金銀蛋浸時菜，清淡之選，晚飯怎樣食都需要補充綠色食物老公要食肉叫個話梅骨，酸酸甜甜好開胃最後食埋中西式甜品，十分之滿足分別叫左芝士蛋糕🍰同桃膠燉菊花豆腐，桃膠甜品賣相好吸引

又到星期五放lunch 夠鐘拉我阿姐去食好西 今次呢度舒服😌得黎 又有麻甩小炒食 仲有甜品🍮 抵食得黎 又擺得上大枱••😋桃膠燉菊花🌼豆腐（$48）第☝🏻位介紹 唔係因為佢最和味 係因為呢款甜品好特別 一上菜就俾佢舊雕曬花🔪嘅豆腐吸精 呢碗切到髮絲咁幼嘅豆腐叫文思豆腐 係乾隆御用名菜 呢個價錢 講功夫 兼打卡 已經值曬✨✨••😋菠蘿🍍咕嚕肉（$55 - 連白飯+養生飲品）本身見佢有個冰鎮鮮菠蘿咕嚕肉 但lunch set咁平唔好揀 照殺！不過佢無令我失望🔥🔥佢啲菠蘿🍍好鮮甜 但絕對唔係罐頭糖水個種甜 係靚菠蘿黎 粒肉個水晶🔮皮唔太厚 唔痴牙 但係好脆🤤🤤再咬落去 啲豬肉無骨 實淨得黎又唔韌完美☺️☺️••😋椒鹽豬扒🐽（$50 - 連白飯+養生飲品）可惜小妹好唔食得辣 如果唔係都會幾鐘意呢道小炒 個豬扒幾香脆 我阿姐好怕食生洋蔥🧅但佢啲洋蔥🧅炒得唔辣得黎又爽脆 睇黎師傅個火喉控制得唔錯

the service is so terrible. asked two different waitresses for rice and reminded each of them multiple times. the waitresses continued to ignore our request. waited 40 minutes throughout the process for just rice .. we ended up not having rice before we paid the bill and left. can you imagine us having to take out the dish of food back home and cooked our own rice at home in order to finish our dinner?ridiculous

點解佢哋啲服務態度可以咁差? 做人咁耐都冇試過叫一碗白飯叫咗大半個鐘 都冇嚟. 叫個兩個侍應,每個侍應兩次, 佢哋都係敷衍下就算. 正常嘅第二次叫就會親自攞畀我㗎喇, 但係點解咁基本嘅嘢都唔做 .我老婆仲問我佢哋係唔係狗眼看人低?我啲餸都凍曬 啲飯都唔嚟 咁咪賣單囉 .最扯火係 臨埋單嗰陣時 見到對面嗰家人 飯就畀咗佢哋先. 我真係唔知道點解食飯食到咁屈辱...

觀塘新開既新式中菜🥳——————————————.🔶話梅骨 $98 (💡8/10)醬汁酸酸甜甜表面亦輕輕煎過夠哂香口而家一字骨肉質亦軟易食 推薦😋——————————————.🔶黑蒜粉絲蒸扇貝 $52/1 (💡7.5/10)黑蒜蒸都係第一次食 味道幾特別冇左生蒜個種辛辣😂扇貝都大粒 但唔知點解冇左舊膏🧐得個貝柱 感覺唔係好夠喉😩——————————————.🔶椒鹽鮮魷 $108 (💡7/10)鮮魷都爽口粉漿夠薄 炸得香口👍🏻椒鹽味唔係好出—————————————.🔶鮮菠蘿芥末蝦球 $148 (💡6/10)賣相十分吸晴👀蝦球都爽口彈牙既但個沙律醬有少少怪😂如果用番BB沙律醬應該會好D———————————.🔶牛仔骨啲肉都幾腍黑椒味香濃 洋蔥夠甜 不錯！——————————————.🔶豉椒炒蟶子蟶子係細size 但肉質都ok係炒得鹹咗少少 但個調味唔錯👌🏼————————————————.🔶蔥油雞我冇食到 但屋企人話啲雞肉好梅....———————————————.🔶芥末拍青瓜正正常常嘅前菜有少少芥末味 都幾清爽—————————————其實食物都ok嘅 但係要彈嘅係服務問題當日一去到要

之前喺舊鋪食過三小漁嘅午餐，小菜抵食又好味。知道佢搬咗嚟呢度，就試吓晚餐。黑蒜蒸扇貝，大大粒，蒸到啱啱好！豬油渣野菜粉絲，野菜係椰菜，炒得乾身唔油膩。本來想叫埋白飯，但侍應話啲粉絲好夠飽，好彩聽佢講，啱啱好食得哂！蓮藕蜜椒骨，要趁熱食因為凍咗好「痴」牙，夠香口，啲肉又嫩。脆米咖哩肉蟹，好惹味，不過蟹肉有啲「痴」殼。仲有好多菜色想試，但今次兩個人食得唔多。下次多啲人嚟試多啲。見其他客都有叫蝦球同蠔餅，下次要試吓！今餐係隻蟹貴，三百幾蚊。如果淨係叫小菜價錢都好合理。

見咁多好評，諗住試下新野，一早book 定枱。入到去冇人理，又唔比menu.落完單等左好耐都冇野食，加單果陣催左一次，等左45分鐘真係覺得好離譜，再催果陣竟然話未落單 漏左，但已經等左45分鐘！一早book 定既湯都要等左45分鐘先上。最後係等左一個鐘先有野食。仲要因為佢漏order, 原先order 時仲有，但佢再落一次就話已經賣哂。比我地遲來遲order 既人就有，真係好離譜。未試過晚餐可以等到咁晏。臨走前見到廚房出左碟佢一早話賣哂既餸。對呢間野真係好灰心 唔值得推薦

大份抵食小菜館🥢是適合與家人朋友聚餐的餐館。可能由於新開張的關係，感覺店員人手不足，服務有待改善1️⃣金湯小米獅子球 $98 👍🏻可口的南瓜汁金湯；獅子球內有馬蹄、冬菇，增添了口感；半肥瘦肉質煮得軟硬度剛好😋；可惜控制火候水準不穩定，曾經再點這道菜時，遇上獅子頭未煮熟透的情況，肉球中央有血水流出，最後店員也有幫忙更換了2️⃣自家製南瓜汁菠菜豆腐煲$88 👍🏻以石窩上菜，熱力十足🤤南瓜汁很香甜；菠菜碎釀於煎過的硬豆腐內3️⃣鮮菠蘿芥末蝦球$148 👍🏻炸好的大隻爽彈大蝦🍤炸粉是很薄的一層；略嫌只有很淺的芥末味；下層還有不少菠蘿塊墊底4️⃣黑蒜蒸蟶子$55隻黑蒜味濃；蟶子尚算大份；中規中矩5️⃣豬油渣野菜粉絲煲$88惹味的粉絲吸收了豬油渣的濃烈的油脂香，粉絲亦煮得乾身；略嫌配菜較少，口感較少6️⃣家鄉海鮮炒米粉$108有鑊氣；但有燶味；魷魚沒鮮味；調味鹽炒得不均勻7️⃣三小漁小炒皇$128正常水準，不過不失茶$12壺 —————————————————————環境：7 /10服務：6.5 /10衛生：6 /10味道：6.5 /10性價比：高回頭率：70%

父親節失望之行。由於一早經網上訂位並且順利確認，但去到俾個侍應話一早已經book滿晒，由於屋企人好似好大希望可以一嘗美食，但最後因為混亂嘅安排需要臨時再搵另外一間餐廳，失望失望。

呢晚黎到觀塘, 由於好想食中菜既關係又搵到呢間三小漁就黎試試佢~ 平日晚上都幾多人~ 好彩等左陣就有位入得~ 我地4個人叫左個日本牛漬蒡~ 因為係漬物既關係個味道係帶酸~ 本身有個調味係咸咸地~ 店員話牛蒡係來自日本~ 我就未試過日本既牛蒡, 但呢間餐廳既牛蒡食落又真係好爽脆~同埋係漬物既關係都令人食完一舊又接一舊! 好正!! 另外我地叫左個黑磚豆腐, 咁就一件$18, 真係好正! 連埋D 炸蒜食真係好正! 又夠脆!!! 另外又叫左個山藥蝦球雪裏紅~ 勁多粒蝦球!!!! 隻隻都勁大勁彈牙! 配埋D 紫菜! 好好食! 送飯一流, 淨食D 紫菜就會有DD 咸, 但配飯真係食到兩碗! 同埋入面都有好多准山! 食落感覺都好健康HAHA 仲有叫左一隻風沙雞! 有避風塘FEEL! 超正!同埋我地叫足一隻雞份量! 食落好正! 雞脾位超滑,唔會過煮! 必叫之選! 最後我地叫左柚子雪糕同埋桃膠菊花豆腐, 前者個雪糕真係好重柚子味! 勁正! 後者勁補, 女仔食超養顏! 個豆腐超考刀功! 好西利!!!