三喜餐飲小廚鑊氣小炒雞煲火鍋 (已結業)

約同學在佐敦行街，順便食飯，看燈飾，但大家都唔知有什麼好食，行到圓方，就想起佐敦碼頭方向，有些舊區，仲保留了好多美味餐廳。聽過朋友的好介紹，這區有間鑊氣小廚，要值得去食，於是，大家便朝著那舊區進發，食飽後，再行路去看燈飾，消化一下。餐廳沒點裝修，茶餐廳格局，我想是做街方生意。晚飯時，客人流都唔少，必是有它的優點。好味！招牌口水雞，平時在外，食雞總是覺得肉質腍，沒點雞味。今晚食到不一樣的雞味，肉質結實，每件都淋上特製的醬汁，羗蔥好香，入口各味紛陳。蜜味善球，比我初次食，不同做法，善球分量都唔少，好厚肉，肉質結質，彈牙爽口，焦香蜜糖味，再用上黑椒粒，青椒、洋蔥，不但色香味俱全，入口香濃。芥末牛仔粒，上檯已被色澤吸晴了，啖啖芥末，芝麻清香，牛仔粒煮入味，但就韌左些，有嚼口，反而薯角就有驚喜，入口外脆內軟，外層吸收了芥末香味。

：秘制奇味牛筋腩煲 配生菜 $148呢間係佐敦簡直係平靚正，除左雞煲有好多味（海南椰子雞/ 花雕雞煲/ 三杯雞煲等等）🐔 仲有羊腩煲🐑同牛筋腩煲🐮！！最後揀左後者 一上檯開火滾左一陣 一掀蓋超爆香😋 牛筋好入味 牛腩都好嫩～ 唔好以為肉既份量好少呀，當然唔夠仲可以加料加湯好似打邊爐咁。我就加左腐竹同好耐未食過既竹笙，索晒湯真係冇得輸😍😍 不過本身湯有少少辣架 見到有好多乾辣椒🌶跟住仲叫左個低食晚餐。招牌雞，少少辣辣地咁，有d似泰式辣醬小菜有茄子魚～賣相一般 但味道唔差炒時蔬，油麥菜！

天氣一凍就最想瘋狂打邊爐，再凍啲就想食個羊腩煲暖一暖下個身呢到唔係朋友推介話小菜不錯都未必識行嚟呢到試，好在我有架巴士直到佐敦文蔚街附近<羊腩煲> $268 坐下來先點啤酒<藍妹> $28 啤啤佢，啤酒夠凍見牆上貼了紅紙寫剛推出咗個羊腩煲，咁就先下單來一個，份量都幾多，而味道調得不錯，可惜當天肉質腍身了一黠，食落比較鬆散，不過鍋內配料都幾多會送一份生菜再點了<竹笙> $38 <牛柏葉>$42火鍋料都幾新鮮大碟

想吃雞煲又唔想同人迫，又唔想吃2小時比人趕走，於是試下三喜！不用book 枱walk in 就有位，叫了個秘製奇味雞煲，再配以蔬菜包括冬菇丶金菇丶粟米丶娃娃菜，腐竹丶豆卜丶公仔麵及烏冬，樣樣都好新鮮又美味！雞煲可以叫小辣，味道夠濃！唯一是座位較狹窄，吃吃吓地下滲水要轉枱，但服務反應快！收費便宜抵食😊

與同事相處已兩年了，我很少與她們出去食晚飯聯誼的活動，一放工，便急速趕回家，買餸煮飯，是份天職。今晚，我放下牽掛，相約同事出去食飯聊天，我知道她們都是喜歡食小菜的，順口便要介紹她們到佐敦食好東西，早前，我都來過這間餐廳品嘗一下，夠鑊氣、味道唔錯，好野自然再食啦。雖然地點與港鐵站距離一小段路，但都唔難找到，其實，這區都是以食出名的，不但吸引外來客，街坊鄰居的食堂。價錢都好實惠，大眾化！話梅一字排，話梅，陳皮的香氣撲鼻，未食口水都在流出，排骨炆得非常入味，肉質鮮嫩，入口即溶，汁液掛滿肉排，最啱是佐飯，連話梅都不放過。一口豆腐，細細粒，剛好一粒入口，即叫即炸，上檯都仲熱辣辣，燙口。外皮酥炸，灑上小小鹽花，內嫩滑，豆味香濃，黃金大蝦球，大大蝦仁，每隻都黏滿蛋黃，牛油香，蝦仁爽滑彈牙，夠鑊氣，份量都唔少。

今次輪到朋友帶我食好西。行行下就黎到「三喜」。天寒地凍。唔洗諗嗌咗個羊腩煲。羊腩煲份量相當多。肉質嫩滑唔So。配埋生菜一碟盛惠$268。見到2人餐$148 抵到咁。唔order 真係對唔住我倆大胃王。招牌🐔～（例牌）自家醬汁好惹味。🐔肉唔鞋口。上湯浸菜心～上湯味道鮮甜。飲多兩啖都唔會口渴。菜心爽甜。黃金蝦～（補差價$30）有十幾粒蝦。份量相當多。蝦肉彈牙。滿滿鹹香。仲有生菜絲喺底底伴碟。減少部分油膩感老火靚湯～無味精嘅住家湯。窩心仲有兩杯熱O茶。兩個字：抵食

同媽媽去完佐敦shopping，天氣凍一凍，好想打邊爐。行入後街中，見到有間食店個名好長好長好長，幾過癮埋去望望有咩食。媽媽見到羊腩煲，雙目發亮，就呢間啦！店內唔算華麗，無咩特別裝修格調，傳統小菜小店模樣，但價錢十分親民。羊腩煲配生菜只是$268。其他火鍋生料價錢亦相宜。我地點了一個羊腩煲，加鳥冬。套餐十分大份，有睇頭，睇到已經流口水。好肚餓又要等水滾，媽媽提議點多個涼瓜蒼魚頂頂肚。蒼魚預先煎香再炆，魚肉保持到嫩滑，表皮有少少脆。涼瓜味甘且濃，味道入哂蒼魚，不錯。羊腩煲終於滾起，香氣撲鼻。羊肉炆到軟滑，十分入味，充斥各式香料的味道，又無蓋過羊肉本身的肉香。另一亮點是冬菇，十分大件厚實，吸收了所有醬汁的精華。呢個羊腩煲十分足料，煲底大而豐富，羊肉食極都有，愈食愈熱，令人完美忘了街外的寒流。熱辣辣的晚上，暖到回家，每人二百。舊區小店，沒有輝煌裝修，但有貼地價格。

天氣凍，總會想起打邊爐。今天吃了個清甜滋潤的椰子雞煲（半隻雞），真不錯！椰子雞煲用厚身瓦煲盛載著，未上枱已經聞到陣陣椰香味。在等待雞煲煮沸的時候，更濃郁的椰香飄散出來，令我們覺得等待的時間漫長。湯底呈奶香色，口感濃稠滑溜，味道香甜又不會膩，椰子味十足。湯底中有不少椰肉，而且應該加入了椰漿，才有這濃郁的滋味。我和朋友都忍不住飲了好幾口湯底。半隻雞的份量甚多，雞肉嫩滑，帶淡淡的椰香。我們食完雞件之後，便開始加其他食材。金菇吸收了湯汁精華，又甜又有咬口。唐生菜新鮮，顏色青翠，放入湯中略為浸燙，口感爽脆。之後，我們再點了一份小的安格斯牛肉。上枱的時候，感覺份量挺大的。牛肉呈鮮紅色，脂肪分佈尤如大理石花紋。牛肉切得厚身，有嚼口而且不韌，富有肉味。精緻小巧的芝士豆腐，咬開內有橙色的芝士，就像芝士圈的鹹香，質感似魚蛋般彈牙。頭一次吃芝士豆腐，感覺新奇。這一餐雖然點的食物不多，但食物新鮮有質素，我們都吃得滿足而愉快！

最近天氣又開始轉冷了, 昨夜一放工就走左去食雞煲火鍋暖下胃~ 我地叫左個台灣九尾雞煲, 佢個湯底有少少似藥材湯, 但藥材味吾算濃。佢唔同平時食開既雞煲甘將雞肉以濃味、小辣加杰身既醬汁醃製而成。至於火鍋配料, 我們點了爽口貢丸、炸魚皮、牛柏葉、油麥菜、唐生菜、甜粟米等等。

店位於偏僻的街道; 裝修, 怖局跟茶餐廳差不多; 開張不久的火鍋店, 老闆跟客人特別好傾。服務隨傳隨到, 可惜的是由於新開不久, 預備的材料有限, 我們想試的帶子片及桂花蚌都沒有. 於是我們點了一個椰子雞煲, 特級安格斯肥牛, 桂花陳皮話梅骨及炸響鈴。椰子雞煲, 清香的椰子味, 越滾越香. 椰子味清香撲鼻, 雞肉嫩滑, 吸收了椰子湯, 肉汁更為鮮甜。安格斯肥牛, 鮮紅的厚肉質, 紋路清晰, 筋肉均勻, 放在椰子雞煲內, 肉質更為鮮甜, 美味可口。炸響鈴, 這裏的響鈴, 不夠厚, 輕輕一碰水已經淋了, 不夠爽口. 但響鈴吸收了椰子湯的汁, 清香甜美。這裏的小炒, 較為美味特色。店推介的桂花陳皮話梅骨, 酸酸甜甜的話梅香, 十分醒胃, 大大件的骨, 肉厚, 肥瘦均勻, 炸過外皮香脆可口, 話梅味齒頰留香。一提到雞煲, 大家想到的都是麻辣, 想不到椰子雞煲都會使人一試難忘。

冬天又到了打邊爐的時間，今次到位於佐敦的三喜餐飲小廚打算一邊打邊爐一邊吃小菜。 椰子鷄鍋 半隻份量($128) 鷄件數量都唔少，不過有點嚡口，因為有椰子的關係，整個湯都充滿香氣，而且帶有甜味。 鮮蝦雲吞/白菜豬肉餃 ($45) 雙併之下，我們選了鮮蝦雲吞和白菜豬肉餃，皮的厚薄度適中，蝦肉都夠彈牙，相比之下白菜豬肉餃就較為平凡。 椒鹽九肚魚 ($88) 炸至金黃色的九肚魚非常惹味，外層香脆而魚質嫩滑，份量也不少，食不停口。 食物尚算不錯，可惜餐廳漏單情況嚴重，當日食客不多，但不少打邊爐的配料都要提醒才送過來，而且餐牌上小炒款式多，但有很多都是不能供應，希望餐廳可以改善一下。

久違了的準時收工六時即閃！過完炎熱既夏天，入冬後17度的晚上，我們揀選了雞煲一入門口，見到色彩豐富既餐牌食物種類超多是晚我兩大概6點半到餐廳，我們是晚市的第一台客人食到7點半，餐廳已經機乎滿座！還是早食飯好呢度既店員姐姐招呼好好，笑容滿面入座後好快遞上餐牌及熱水餐牌只有兩張，但選擇甚多！有小炒、小菜、雞煲、火鍋......我地揀左本地手切牛，再加個雞煲首先上台既係9尾雞煲醬料自己調配！每樣加少少很好搭!九尾雞煲：聽到雞煲，都唔會覺得係清淡但今晚喜出望外清清地既雞煲面頭有很多藥材，簡單、養生適合注重健康、養生既人！ 我地得兩位，叫半隻很合適雞肉好鮮嫰食完雞之後，我地再叫左個手切牛肉，唔好浪費個湯底淨係睇紋理已經好靚兩個人食一碟，份量剛剛好擺落去熱湯十秒已經食得油脂分佈均勻，牛肉味濃值得推介既一個牛肉有機會會再來食叫既野食唔多，簡簡單單！但驚喜滿分因為材料用得好

Hotpot is always good, in my opinion, whenever it is winter or summer. Along with a satisfactory at Happy 3, a small hotpot restaurant in Jordan comes my feelings / comments as follows. I first ordered a Taiwan-style chicken hotpot, suggested by the owner of the restaurant. According to his introduction, this hotpot is a kind of herbal cuisine, which consists of a number of medicine-making herbs, i.e. Setaria viridis. Unlike traditional Chinese medicine, this chicken hotpot is not bitter at all.

平日很少到佐敦區覓食，今次在網上平台看到這間餐廳，主打小菜及各款熱煲，於是就來了試試看。我跟男友點了四份小菜及白飯，包括：黃金蝦、椒鹽九肚魚蝦醬、牛肉炒通菜及惹味一口豆腐。先上枱的是惹味一口豆腐，份量非常多，而豆腐表面經過油炸以及用上椒鹽來調味，加上椒鹽的令豆腐更惹味，豆腐大小就是一口份量，一啖豆腐一啖啤酒，配上啤酒真的是令人吃不停。不過豆腐的嫩滑度可以更好，而且外皮需要炸得再香脆一點，這就會變得更加吸引了。然後就是黃金蝦，用鹹蛋黃炸成的黃金蝦味道香噴噴，而且餐廳已除去蝦殼，令食客食用時非常方便。蝦肉爽口彈牙，鮮味只是適中，幸好以鹹蛋香搭夠。而蝦外邊是炸粉包圍著，跟一般黃金蝦煮法有點不同，而我認為可將菜式煮得更Creamy會更好更吸引。蝦醬牛肉炒通菜，整碟菜夠熱夠獲氣，蝦醬不會過於咸又或掩蓋蔬菜味道，反而是提升蔬菜的味道。而通菜都是青綠，沒有炒至黃變老的情況。而牛肉都算是滑又易咬開，不過肉香不夠濃郁。

早前收看 TVB 飲食節目「區區開伙」，見幾位主持走訪了有「平民美食天堂」之稱嘅佐敦，而且還介紹了不少抵食餐廳。講真，筆者在佐敦的搵食經驗絕不豐富，所以也很想到區內逛逛。記得友人曾提過，渡船角一帶，不但舊樓林立，而且更雲集了不少親民食店，趁這晚天氣唔錯，就一於兩口子過來覓食。老公想吃中菜，在文蔚街碰到這間名字勁長的街坊小店《三喜餐飲‧小廚鑊氣小炒雞煲火鍋》，見門口貼著的小菜照片，不但賣相吸引，而且晚市套餐和小炒，價錢都幾經濟，決定入內一試。推開玻璃門，原來入面地方不大，除了店中央兩張預設可坐 8 人的圓檯外，餘下的都是以四人或六人桌為主，而且椅桌擺放得有點密麻；幸好店面以淺色為主調，環境光猛潔淨，配上一室簡約裝潢，整體感覺亦蠻不錯。拿起檯上的餐牌細看，一如店名，菜牌上除了有不少惹味小炒外，還有五款精選招牌雞煲、秘製羊腩煲、奇味牛筋腩煲、火鍋湯底、火鍋配料、二人小菜套餐及精選小菜晚餐等，選擇非常豐富。老公想吃蔥油雞和酥炸桶蠔，而筆者就對鱔球情有獨鍾，既然各有所好，就一於各取所需。最先來的是招牌蔥油雞，原來店裡的蔥油雞，可選例牌 ($58)、半隻 ($88) 或全隻 ($168)，就一於中