三代目 (港運城)

营业中

休息中

放工約咗朋友 係office附近搵咗間日本菜試下見呢間好似新新地 未食過就簡咗呢間🤣燒菠蘿燒菠蘿外脆內軟 有散發著焦糖香氣！係一道別具風味開胃小吃！極上刺身丼吞拿魚蓉和帶子嘅搭配好食新鮮👏燒海蝦五花豚串海蝦和五花豚經炭火烤製保持了肉質的鮮嫩 串燒香氣四溢火炙帶子一口壽司帶子經火炙處理搭配壽司飯 無得輸宮崎辛烏冬麵湯底：以宮崎風味為特色的湯底 辛香中帶有淡淡的海鮮味出奇地好味！麵條：烏冬麵彈牙 湯頭搭配恰到好處其他嘢食：味道都唔錯照燒魷魚筒、大蜆味噌煮、柚子蜜燒手羽、粟米天婦羅總括嚟講如果北角放工近近地 又想食日本嘢值得試一試呢間三代目😋

Trying this restaurant once again in a week was pretty unexpected and I wasn't even planning to write another review on this dining experience, but after my revisit, I would like to make a compliment more than just about food. We were again visiting during late afternoon and this time was all about trying out those we listed to try last week. We ordered the Miyazaki udon,Fried mackerel and Ox tongue don. Ox tongue don was well presented, exactly like the picture showed on menu. Ox tongue was gri

I am not a big fan of Japanese cuisine but lately I could barely find a Japanese restaurant that keeps their quality especially after the hit of sewage release in Japan. Suggested by my friend today trying out this Japanese restaurant which always crowded during lunch and dinner time, we went for a very late lunch. As it was pretty late for lunch, restaurant was empty. Staff still very welcoming and willing to serve politely. Orders made via QR code. Menu serves loads of options. Images indeed a

一般我很少會二訪一間餐廳除非，對某一款上次沒點的食物總是念念不忘。就是這個紫蘇燒豚梅肉拉麵🍜上面那二片厚切燒五花肉，咬下去會有一陣清新的紫蘇葉香氣，和腩肉的油香互相輝映。肥瘦也適中，口感嫩滑而不肥膩。豬骨湯底夠味而不太稠，剛好掛麵令每一根麵條都充滿豬骨湯的鮮味。就連流心蛋的生熟和味道也恰到好處，橙黃色溶岩般的蛋黃配拉麵好香滑。上次在荃灣因為想吃一口壽司所以沒點，今次在北角店終於嚐到了。然後發現原來很多上次未食過的菜式都很吸引松露紋甲墨魚🦑松露味是入口一刻前奏，蕃茄醬汁和刁草才是味道的主調，襯上昆布和墨魚本身的海洋鮮味，是結合了西班牙和日本風味的前菜海膽天婦羅🍤紫蘇葉包住海膽做天婦羅，口感外脆內軟滑，紫蘇葉的氣味帶引海膽滲出淡淡甘香彩虹凱撒沙律🥗用上不同顏色的蔬果，名乎其實有如彩虹一樣七彩繽紛。溫泉蛋拌入帶奶酪香味的凱撤沙律汁裏，辟去了蔬菜草青味，在新鮮爽脆外更加滋味一口燒牛丼🐮燒得香噴噴的牛肉粒，雖然不是超軟腍地入口即溶，但勝在夠牛味，簡單少少黑椒海鹽調味已很好吃。飯底用正日本米，澆上甘口的燒肉汁再拌勻溫泉蛋，是值得用澱粉質的限額去吃芝士焗蠔🦪這個要趁熱吃，把蠔從殼裏挖出來，連最外一層

之前都嚟食過一兩次，啲嘢食都算唔錯，但今次嚟到本想開開心心同家人一齊慶生，點知依家啲嘢食又差咗，啲服務態度更差！我今晚同家人未夠9:00就坐低，9:15就話截單，落完單未夠9:30叫你埋埋張單；9:35同你講9:45要離座！唔夠10分鐘再過嚟同你講要清場喇！但一句「唔好意思」嘅說話都無講！入座時又無講9:45要清場！我叫咗碗豚肉拉麵$98得兩片豚肉都算喇，片豚肉得10-20%係肉、80-90%係肥膏！啲湯又油到呢！另外嗌咗個味噌蜆，啲湯鹹到呢！可以加十碗水都得啊！我家人嗌咗個一口牛飯$98，啲肉韌到呢！爭啲連假牙都甩啊！我都食到爭啲哽親！作為客人，唔係淨係啲嘢食好食就得，更何況啲嘢食都唔太好食嘅時候，再加上啲職員嘅服務態度差，就更加影響食慾！同啲職員講，佢哋好似當你肺噏、完全漠視、懶理你咁！😠😤😡🤬

約咗朋友去北角食飯朋友揀咗日本嘢丼飯來講其實佢又唔算太平三盛燒肉丼牛豬雞有齊晒 🤣 飯好大碗五花腩少少炭火燒味鹽燒牛舌 我覺得個調味就唔算好重 可以比舊檸檬我 應該會好食啲雞肉都不過不失 反而洋蔥係精華 🤣🤣吸晒啲味幾好食鹽燒牛舌丼用咗鹽黑椒醃牛舌 牛舌都厚嘅 除非你好鍾意食牛舌，如果唔係嗌呢個比較單調又可能係因為朋友又走蔥又走辣椒仔🤣🤣🤣 所以望落比較單調環境幾舒適 地點又方便Staff 有禮貌同細心 主動問我要唔要碗仔同加茶嗰日七點去仲未滿 坐多陣到7:30 就滿左 想去可能喺OpenRice book位 好似有優惠 👍🏻

真係未食過咁難食嘅日本嘢，味道一啲都唔日式。叫咗以下幾樣嘢食：芝士焗蠔其實隻蠔就新鮮嘅，但係唔知點解個廚師會落大量tabasco去調味，十分九唔搭八。個味道完全唔似食緊日本嘢，似食緊港式川式串燒舖頭嗰啲焗蠔。豬腸豬肚豚骨鍋個味似食緊大排檔嘅豬雜。和風燒茄唔明點解燒完出嚟都唔熱嘅。同埋個味都係似港式川式串燒舖頭嘅燒茄子。唐揚豆池魚唔脆嘅，腍嘅。炸得一啲都唔乾身。自家製餃子無特別，唔似自家製，只係普通日式餃子。汁燒五花豚丼正常燒喜之次+白飯正常蘋果汁，巨峰梳打好飲，因為係入貨嘅總結：唔明點解咁多人話好食，可能係我唔識食啦

介紹返💁🏻‍♀️。。🇯🇵 日本菜 在北角 🇯🇵。三代目 Sandaime。港運城地下11-13號舖。薯仔沙律 Potato Salad。HKD42 + 10%火炙帆立貝壽司 Seared Scallop Sushi。HKD48 + 10%吞拿魚蓉壽司 Tuna Sushi。HKD58 + 10%大蜆味噌煮 Miso Cooked Clams。HKD82 + 10%海之天婦羅 Seafood Tempura中蝦 Prawn。鯛魚 Snapper。黑松露帶子Black Truffle Scallop。墨魚 Cuttlefish。紫蘇葉 Japanese Perilla。HKD118 + 10%三盛燒肉丼 Deluxe Meat Don煙燻雞 Smoked Chicken。五花肉 Pork。牛舌 Ox-Tongue。HKD108 + 10%🤫 Wei..今日竟然要OT..做到成七點先收工..落樓先發現原來好肚餓..於是乎同O同事過咗北角嗰邊開大餐..以慰OT之苦😌🤫 入到三代目先知道原來餐廳都幾大間..之前成日都係搭叮叮經過港運城嗰陣見到..外邊睇以為豆腐膶咁細..點知呢度卡位多又闊落仲要樓底

我同老公都鍾意食飯時小酌幾杯，但坊間既居酒屋好多時野食OK但酒就未必好岩口味。上網見呢間日本餐廳有部清酒機，特登過嚟試吓佢🤤一入座，覺得間餐廳裝修好特別，真係好似置身喺日本咁！最正就係佢可以望街，感覺非常開揚！一坐低，已經見到個「清酒放題」牌喺枱面，都有介紹吓佢地部清酒機。不過我地聽日仲要返早，所以今次就單叫兩杯清酒～呢度係自己掃QR code 落單，個人最鍾意佢有飽肚野食，唔使分兩場 XD 可以一次過先食飽再食小食！我地就首先叫咗《紫蘇燒豚肉拉麵》同《極上刺身丼》個人就鍾意佢個刺身丼多D，刺身份量都算幾多，而且佢既帶子仲係炙燒過，食落又有炭燒之餘又有帶子的鮮甜味！另外，佢既蠔又大隻又好甜好滑！跟住就輪到試清酒環節～清酒我地就叫咗兩款清酒，仲可以自己揀清酒杯添！小食方面就叫咗《芝士培根魚腐卷》，入面既芝士係可以拉絲架，岩哂送酒！總結黎講，我同老公都一致覺得佢野食好食、坐得舒服、服務細心，地點又就腳，如果想靜靜地飲下酒傾下計，呢度會係唔錯既選擇！

今晚同朋友去北角搵食，傾起日本旅行時光，決定去食日本菜。想兩個人靜靜地傾計，坐得舒服又無壓力，我地揀左三代目。一入去就俾呢部清酒機吸引，都幾特別，鍾意小酌幾杯嘅朋友仔可以自由揀岩口味嘅清酒正！今晚想食下又傾下，我哋叫左：🌟一口燒牛肉丼 $98燒牛肉丼豐富，尤其鍾意青椒、洋蔥、溫泉蛋攪拌米飯，配以一口牛，口感豐富，又夠晒Juicy😋😋😋🌟鰻魚雙霸 $128鰻魚肉質鮮嫩，有些許油香，入口即融，真係好好味！如果鍾意食鰻魚飯，可以加個白飯，當主食食都得，正！🌟大蜆味增煮 $82蜆湯有小火保溫，餐廳冷氣夠，飲碗熱辣辣嘅味增湯，好似重返日本咁，十分暖心！🌟豚肩叉燒拉麵 $128拉麵麵底軟硬適中，叉燒一塊已經係其他店鋪幾塊，而且勝在燒得入味，都值得一試！🌟芝士蛋糕 $28🌟芝士蛋糕(朱古力) $28三代目仲有甜品同雪糕食，我地今次就試芝士蛋糕，兩種口味都好食，任君選擇，大推❤️❤️如果想食日本料理，三代目係一個好選擇！

📍 三代目 (港運城) Sandaime (Island Place)🌍北角英皇道500號港運城地下11-13號舖 Shop 11-13, G/F, Island Place, 500 King's Road, North Point📝整體評分：9／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝港島我最喜愛居酒屋，性價比無得輸！ ⤫ 大蜆味噌煮 ⤫ ＄７８味噌加入左白蘿蔔同蜆，令成個味道鮮甜哂，再加埋細小檸檬片，不但唔會酸同苦澀，仲多左份清新仲要係用左沙白蜆，厚肉！⤫ 芝士培根魚腐卷 ⤫ ＄６８金黃脆口魚腐卷幾有嚼口，內餡足料，芝士拉絲又勁多又香濃，培根就唔夠突出。 ⤫ 豚肉醬油魚介拌麵 ⤫ ＄９２配料有櫻花蝦、筍絲、紫洋蔥粒、香蔥、紫菜、炸酥，五顏六色相當吸引，用蛋汁、魚介粉同醬汁將麵條拌勻，魚介比拉麵湯底更加香濃鮮明，麵質彈牙！ ⤫三盛燒肉丼 ⤫ ＄１０８滿足你三個慾望，有煙燻雞、五花肉和牛舌，唔洗左諗右諗～ 切丁的煙燻雞肉肉質嫩滑但牛舌最出色，肉香四溢，牛味好夠，慢煮關係特別鬆軟。⤫ 黑松露帶子天婦羅 ⤫ ＄８２⤫ 芝士蛋糕（原味) ⤫ ＄２８

等仔哥染髮，看見這餐廳中午時分滿座又滿座，心想應是可試的餐廳！ 仔哥點了一個魚介麵，我試吃一口，味道和麵質也很好吃我的宮殿六盒？等了又等，都未給我奉上🫤雖然有六格食物，但我點餐時，已是兩點多，只有一兩枱食客，我個人認為，實在有點慢六格食物，吞拿魚蓉飯（估不到這格讓我最喜愛）和海膽飯很鮮味，酒煮鮑魚（很爽）好吃，但可減少酒味🤔天婦羅炸得好吃，炸魚可以，個卷普通服務一般，店員你問佢可否跟一吓個餐，佢話好，幫你睇，睇完真係只得睇，也無答你睇成點🤣

今日難得黎到北角做野，放工就同同事係附近食嘢，見到哩間三代目餐廳大，冷氣充足，餐牌多選擇，唔理即刻入(天氣太熱喇)！由於時間早，我哋可以坐到卡位，不過就算唔係卡位，餐廳座位都較寬躺。餐牌就夠多選擇，拉麵，丼飯，剌身，壽司，天婦羅乜都有。炙牛拉麵，湯底係豬骨湯，上面塊牛肉煎得香，很惹味，麵質有彈性。牛舌丼亦都係對辦，醬汁係甜甜地帶燒烤肉味，牛舌薄切帶彈性，有咬口，配上珍珠米很是美味。黑松露帶子天婦羅有三粒，每一隻都鮮甜美味，吃得出是刺身級的那一種，黑松露是夾在中間，和帶子很夾。最後的喜知次也燒得很好，魚身不會乾，魚味重，配個酸汁加蘿蔔蓉一齊食就最完美。來居酒屋食嘢，最緊要配上一杯冰凍嘅啤酒，在炎熱夏日之下飲番杯是對在辛勤工作過後的人最大的報酬。

這間日本居酒屋之前嚟過，今日朋友話想食日本嘢，一於帶佢嚟試吓😋餐廳裝修很有日本風，座位寬闊，店員好有禮貌，餐牌有好多唔同嘅嘢食，有拉麵，有串燒，有丼飯，天婦羅⋯等等，諗咗好耐，終於叫咗：彩虹凱撒沙律～蔬菜新鮮，上面有隻溫泉蛋，撈埋食，有唔同嘅風味👍薯仔沙律～係我嘅至愛，薯仔好綿滑，有洋蔥，加埋其他配料，好好食😋鹽燒牛舌丼～牛舌啱啱燒起，日本飯加埋少少豉油，大大淡食落口，好滿足😇豚肉醬油魚介拌麵～淨係睇個名已經見到好豐富，加上麵質彈牙，超正👍和風炸雞～外皮香脆，炸得啱啱好，內裏仲有肉汁😚最後加埋兩杯生啤，邊食邊飲，呢餐真係好豐富🍻總括嚟講：呢間餐廳，同朋友傾偈，或者一家大細嚟食，都係不錯的選擇🤗

北角有一間必試嘅日式居酒屋「三代目」。地點非常就腳，餐廳環境格局開陽，樓底夠高，坐得夠舒服。午市套餐選擇十分多。宮廷六品盛 $178(海膽壽司丼、鮑魚漬、野菜天婦羅海鮮天婦羅、吞拿魚蓉壽司丼、加州卷2件）賣相好靚～天婦 羅、炸物、漬物、丼齊晒，超級大滿足迷你丼其實份量都唔少，海膽份量比預期多，甘甜美味～吞拿魚蓉香滑肥美！海鮮天婦羅有魷魚，魚柳，海蝦，夠鮮味！鮑魚，肉質柔軟有彈性，醃漬有少許酒香。套餐仲包括幾款指定飲品青森蘋果汁～青甜，濃郁蘋果味🍎另一款套餐揀咗鍋燒烏冬，有小蠟燭助暖keep 住溫度。日式叉燒配溫泉蛋湯底清甜，唔會好鹹～荔枝培茶（凍）荔枝味培茶，冰涼解渴！三代目自家製餃子$62外皮煎得香脆，餃子餡料有肉有菜，味道唔錯！吉列炸蠔這款炸蠔油溫控制得好好，好鬆化又唔油膩。蠔肉有鮮味。炙燒帶子壽司好厚的帶子肉，鮮甜至極！套餐加$18 仲可以配特色甜品原味芝士蛋糕🍰濃郁芝士香味，蛋糕質感綿密。朱古力芝士蛋糕味道同樣出色，芝士和朱古力味兩者平衡！這裏還有清酒放題（$188/每位）而且係無限時～