三不館車仔麵 (登發街)

营业中

休息中

有一次經過呢度，見個名咁特別就入咗嚟食，總括嚟講呢間啲嘢食其實好好食，裝修又特別又懷舊，有個人特色，服務態度幾好！佢啲河粉好特別，有少少似粿條！秘製香醬鳳爪 ，呢個好好食，鳳爪炆得夠林又入味醬燒豬頸肉，份量足夠，不過覺得唔係好有特色，味道正常，燒得唔夠香金牌麻辣豬手，味道係夠，不過豬手唔夠淋同唔夠入味，唔係太有特色滷水鮮豬大腸，呢個係特別推薦，每次去到必叫，好有懷舊的味道，佢炆得好好味，唔會太淋又唔會硬，瑞士雞翼，味道夠而且入味咖喱魷魚，呢個都唔錯，幾好味豬紅，味道夠而且炆得入味金牌麻辣汁，秘製辣汁，呢兩隻辣汁都好好味

最愛車仔麵，呢間三不館車仔麵，午飯時間，入面坐滿人之餘，岀面又有人排隊，都幾受歡迎😍店舖走懷舊路線，有很多香港八九十年代嘅店舖招牌、街招等做裝飾，很有心思🥰講返食物，車仔麵配料都算多，想食嘅都有齊哂，價錢亦都合理，兩餸一麵係$34，四餸都係$42，款款餸都係劃一價錢，唔會牛腩，大腸個啲會貴啲👍🏼食車仔麵一定會叫豬紅，大腸，牛腩，蘿蔔呢啲經典款式👍🏼😃🐖豬紅口感嫩滑入味冇異味☺️🐄牛腩都炆得入味，肉質軟嫩唔會好嚡同好硬😚🍜蘿蔔索湯又清甜，最緊要係一啲渣都冇！必食呀✋豬手都好好食，有兩大件，食🐷手塊皮係最緊要，豬皮好軟腍，滿滿骨膠原👍🏼滷水豬大腸 $28由於我地都鐘意豬大腸，所以另叫一碟豬大腸。份量好足，滷得入味，仲癡住啲肥膏，軟腍唔韌好好食🥰再叫番杯冰凍豆漿真係超滿足。價錢🌕🌕🌗🌑🌑回頭指數🌕🌕🌕🌖🌑

每次經過路德圍三不館,無論任何時段都見到有人等位,啲人又講到咁好食,今日終於走去試吓環境雖然細但充滿懷舊色彩,車仔麵嘅餸選擇又多我揀咗三餸一河粉再加腩汁湯底,個湯濃郁令整碗麵味道更有層次至於啲餸牛腩炆得入味,大大大舊軟嫩有嚼勁；豬頸肉爽口彈牙,帶點油香,果然係必食之選; 蝦條彈牙。整體唔錯可以回頭

超難食， 送又少 未食過一間 咁難食我昨晚去食叫了三個餸 叫咗蝦條 煮.未夠熱 凍冰冰 仲有豬大腸 四嚿細細嚿 當時見到門口感特別走入去試下囉 唔怪得冇乜人幫襯啦 當時連埋我得三個客人 我唔會選擇再去啦

時常都幫襯三不館，基本上每星期都會幫襯一次，荃灣路德圍我諗大大話話都有四五間車仔麵舖，大部份都試晒，最後我覺得三不館最好食每次必食咖哩魷魚，豬大腸豬大腸滷得好入味大家如果食辣既一定要加埋辣菜脯，我每次都加好多😂

三不館車仔麵 (登發街)地址: 荃灣登發街10號地下電話: 23482998🔹🔹🔹🔹🔹🔹🔹🔹🔹🔹🔹🔹一個人諗住簡簡單單食個快嘅晚餐。行落路德圍附近，俾呢間餐廳充滿老香港情懷嘅門口吸引咗入去。首先店內嘅人好友善有禮貌，入到去，裝修真係睇得出好花心思，大家坐摺凳，好似去咗大排檔咁。入面仲播住好多老歌添。💫兩餸河粉（$34）轉沙嗲湯底（+$6）叫咗豬紅同雞翼尖，分量偏少，啱晒會去路德圍掃街食下場嘅我😊 豬紅有四舊，不過不失，滑嘅，雞翼尖四隻。沙嗲湯底好濃厚，有花生香。菜莆好有驚喜，脆卜卜好新鮮，唔係放咗好耐果啲，辣辣地。正。整體好食指數：🤤🤤🤤🤤🤤（5/ 5）🔹🔹🔹🔹🔹🔹🔹🔹🔹🔹🔹🔹

三不館車仔麵3餸1麵麻辣豬手、蘿蔔、豬大腸古法麻辣價錢💲: $42好味程度😋: 4/5服務🍴: 3.7/5環境🗾: 3.5/5性價比🥢: 4.4/5回頭率😚: 4/5-講到車仔麵，其中一間幾出名的就係三不館車仔麵，我最愛飲食youtuber都介紹過架🤣 除左大埔總店外，而家荃灣都開了！佢哋的環境係舊香港，坐摺凳，好有特色。-✅古法辣汁/鹵水豬大腸/金牌麻辣豬手/清甜蘿蔔/幼麵😋湯底係比較清淡既，不過飲完唔口渴，熬得幾鮮甜😌 如果想食得濃味惹味啲，就一定要揀啲辣的餸+辣汁😎 佢個古法辣汁我揀小辣，再加埋麻辣豬手的辣都真係好辣下，但好刺激，我又幾中意🤪 蘿蔔清甜冇渣，似係用上湯煨過咁，一定要叫！😍 豬大腸入味唔臭，合格！重點的豬手真係好好食！😱 有2大舊。個皮用火槍炙過，所以d毛去得乾淨，又有陣燒過的味道！入面好辣好正，可以吸晒d辣味😚仲炆得好腍，啲骨位好易分開，一定要叫！-食左3樣餸都幾有水準，呢間一定要叫啲秘制餸‼️因為個湯比較淡，所以揀咩餸好緊要！同埋佢地都偏細碗呀🤫

Lunch 係荃灣食車仔麵。店內嘅裝修好花心機，見到d好搞笑嘅句子，例如 祖傳三代，依傢係第一代配餸超過30個選擇 ，推薦醬燒豬頸肉同埋金牌麻辣豬手，我平時唔係好食豬手，覺得好難咬，但呢個係好軟得嚟有咬口，辣辣地咁好正湯底都好多選擇 ，有麻辣汁、古法辣汁、沙嗲，想食清d嘅話可以選擇牛腩汁、蕃茄湯或者清湯 但本身食小辣嘅朋友要注意啦，如果你叫左麻辣豬手，已經等於叫左小辣，再加埋小辣嘅話，就已經變左中辣，所以我建議配返牛腩汁中和下留意返呢度嘅桌比較窄，適合食完就走，要吹水慢慢食嘅話，呢度就唔適合特別要注意嘅係d汁好容易彈到手袋，要自己放定紙巾係面

聽說這家係車仔麵黃店，所以午餐咁趕時間，行過路過都可以入去試下😍叫左時菜、豬頸肉同豬手米粉，加左少少辣成個麵變得惹味哂🥳其中豬頸肉同豬手係尼度招牌，所以專登嗌黎試一試。豬頸肉內質有啲靭，但有少少炭燒味好吸引。沙薑豬手都整得好入味，啲皮幾厚，再加少少肉，真係好好食。初初以為三餸車仔麵好大份，會擔心食唔哂，原來份量唔算話好多，豬頸肉兩塊略嫌少左啲，豬手份量就好足夠。小鳥胃表示夠飽，但正常食量者應該唔夠食，可以加底 總結成個車仔麵都幾高質，會回頭。

荃灣好多好野食，唔知食乜好，見呢間都幾多好評，就過黎試下，不過好似叫錯野🙈 三餸（豬頸肉/蝦條卷/日式餃子）沙嗲湯油麵 - 油麵正常，麵底好似比平時車仔麵少啲啲，附送小小（兩三條）生菜，$42 三餸麵，正常價位沙嗲湯底 （+$6）- 見打左粒星，就點黎試下啦，見到湯底好濃，知咩料啦，唔係流架，不過湯底整體偏鹹，沙嗲味唔係好突出。下次再黎會揀其他湯底。豬頸肉（三片）- 爽口唔韌好味，同泰國食肆既燒豬頸肉差唔多，推薦日式粟米餃子 - 呢個幾好食，食到粟米甜味，可以再嗌。蝦條卷 （4半條）- 除非你鐘意食粉，唔係唔好叫，完全無蝦，只係啲調色調味既粉。下次都係叫返大家推薦既餸先🙈舖頭環境係用霓虹燈招牌裝飾，加上播放80，90年代既歌曲，令人懷念以前既香港，無論係以前既明星，電影定環境…… 希望在明天

一個人想食個快 lunch / dinner，車仔麵絕對是平靚正的選擇。我的心水車仔麵店有麵尊、榮記和新記。最近仲多左一間，就係荃灣的三不館。三不館走懷舊香港路線，裝修以車仔麵店來說很別緻。最正係播埋懷舊今曲，幾有feel💃🏻食物方面，今次點了滷水豬大腸、沙薑豬手、醬燒豬頸肉、清甜蘿蔔和油麵。豬頸肉有三大塊，好味，一啲都唔乾👍🏻豬大腸又係必叫，好入味。沙薑豬手和蘿蔔就正常，唔算特別出色。下次會試下佢個秘製香醬鳳爪！📍 三不館車仔麵 荃灣登發街10號地下

因為係附近番工既緣故，基本上我每個星期總會食一次三不館，係路德圍呢一帶食過幾間車仔麵，始終覺得三不館係最好味👍🏻👍🏻，但當然價錢唔係最平推介咖哩魷魚，豬皮豬皮滷到超入味，冇細毛👍🏻👍🏻👍🏻

車仔麵一向受人歡迎，我都鍾意㗎，go go 馬上行動，正正近荃灣地鐵站，步行幾分鐘到了，登發街 「三、不、館 」裝潢 別具特色 ，欣賞一下 牆上懐舊設計尋人廣告、租 售 牌 ，靚靚吊燈 ..！🤗紙上有齊所有食物及冷 熱飲料✔️ 兩、三、四、餸 加粉 麵😊 ✔️ 湯底 ✔️ 秘制香醬鳳爪 ： 有2隻，入味 炆得淋，秘制好惹味，蝦條卷： 橙黃色，咀嚼后，係魚肉，三小件，味道一般，唔多覺有蝦味😀懷舊牛腩： 都好好味😋㗎碗內仲有爽脆生菜，增添賣相湯底：美颜清湯😀對皮膚好嗎？湯份量多多，甜甜哋喜歡食油麵 😋😊總結： 三餸一麵 $42😊職員服務態度表現不錯，下次再嚟 bye

車仔麵中規中距，冇話難食，但唔係特別好味，餸嘅份量比較少，揀左麻辣湯底但唔夠味，勝在枱上有得落醬料塔救。但份小食虎皮尖椒真係出哂事，menu上冇出「辣椒仔」嘅logo，我估辣都唔辣得去邊。點知一食，辣到個口痛，及事叫侍應比多權桔仔水同反映下。佢話啲尖椒係一時辣一時唔辣，大佬咁唔食得辣嘅人好易中伏。我平時食譚仔係小辣，但個口痛到我打到呢度都未平伏到。總結黎講我覺得價錢偏貴，但環境氣氛的確係唔錯嘅，但叫虎皮尖椒真係要小心啲。

食一次試下就算了，應該冇下次。周圍環境係不錯，行懷舊香港路線。但主角車仔麵，佢寫金牌湯底,原來冇味，豬腸五夠淋，鳳爪淋但冇味，叫三個餸料係多嘅，就咁塞飽個肚嘅話，佢係可以。不過，味道真係有待改善。因為同區或者附近地區都有更好選擇，所以只能說不過不失。價錢係可以的，同市價一樣。原鋪係大埔個間，希望下次試到。