三不館車仔麵 (萬利商業大廈)

营业中

休息中

近近地放飯係附近求其食，聽聞呢間車仔麵唔錯。白蘿蔔+粟米豬肉餃子+蠔油冬菇配烏冬(麻辣汁湯底)白蘿蔔有三舊大大嚿，熟度岩岩好，但如果入味多少少會再好食啲。粟米豬肉餃子唔推薦，個皮好粉啲肉都冇咩味，冬菇反而好入味，幾好食。湯底中辣，食落唔算好辣，麻麻辣辣咁都幾惹味🥰小食口水雞，中規中矩冇咩特別。

如果要你一世只食飯or食麵？？？麵控嘅我真係食麵多過食飯好多好多，純粹記錄低食過好好食嘅麵又想推介俾大家，利申唔係食家，只係跟據自己喜好，嘻嘻...... 車仔麵係我食麵列表排位都幾前，揀左三餸車仔麵配classic樽裝可樂🧡2️⃣ 女仔黎講都算幾大碗，湯偏多，料都幾足，配菜算多，我是唔走青人士🤭。三送嗌左豬紅，豬紅唔腥，冇羶味，幾入味，份量都算多，唔錯。重有蘿蔔同埋舖頭招牌金牌麻辣豬手配油麵，牛腩汁+小小辣。重有佢配嘅生菜都算多，感覺健康咗🤭3️⃣ 鮮製油麵▪ 少彈牙，幾索到d湯，粗幼適中，麵量都適中。4️⃣ 麻辣豬手▪ 少麻少辣，食唔到辣嘅人都食得到，好入味，啖啖肉唔會剩係骨，一碗都有三舊多dd, 讚! 5️⃣ 蘿蔔▪ 夠哂淋，幾入味，少鮮甜，有三舊咁多。6️⃣ 枱面重會擺放左辣椒油同菜莆，菜莆輕微辣7️⃣ 辣椒油幾香，但唔係麻個種，落小小唔算好辣。8️⃣ 環境都幾骨子，座位唔算多，用大排檔d枱枱櫈櫈，地道香港裝修。食緊嘅時候都幾多人叫外賣同排緊隊，幾旺場。------------------------------埋單 $59性價比 🧡🧡🧡🧡🖤菜莆 ✔辣椒油 ✔樽仔可樂 ✔招牌菜：滷水豬大腸，秘制香醬鳳爪，

小編就唔係一啲好鍾意食車仔麵嘅人嚟嘅🤣但就見到成日都叫人介紹呢一間😙咁就過嚟試吓佢咩料😛🧊三餸一麵$42（轉沙嗲湯+$7）8/10呢一個面最讚嘅係佢個湯底真係超級濃郁！😍😍直程係想飲晒啲湯佢🤣🤣但係食完又唔會好頸渴喎👍🏻🤤依家唔打都唔知道原來我嗌嗰啲全部都係豬嚟嘅添🫣🫣🤣🐽豬大腸 7.5/10洗得好乾淨！個滷水汁幾入味，分量都幾多下👍🏻🐽醬燒豬頸肉 8.5/19份量大概有3塊左右，唔會太薄，幾有口感👍🏻燒得好香😚🐽金牌麻辣豬手 5/10呢個見係寫住店主必食推介所以先叫，但係就有啲失望🥺食落冇乜味，完全唔入味，口感又偏向硬身🙊真係試一次就夠 ～人均消費💵： $30-60性格比： 7/10好食程度😋：7.5/10回頭指數💓： 8.5/10📍三不館📌三不館車仔麵 (廣福道) (大埔)大埔廣福道88號地下📌 三不館車仔麵 (登發街) (荃灣)荃灣登發街10號地下📌 三不館車仔麵 (萬利商業大廈) (旺角)旺角豉油街15號萬利商業大廈地下4-5號舖

其實是早兩個月幫襯的，今天才想起寫食評兩個人去食，一個選了金湯，一個點了秘製沙嗲湯底，都是重口味之選。兩款湯底都濃郁美味，非常滿意！店員亦相當貼心，建議沙嗲湯底配搭比較不會吸收水份的油麵，吃起來美味得來不怕膩！每款車仔餸都很美味，能嚐到廚師的心思呢除了食物質素高以外，懷舊飲品也是超水準！涼粉冰用花奶調製，非常可口喝完超滿足！不得不提裝修相當懷舊，食車仔麵居然都有得打卡！不過店舖比較細，要在不打擾其他客人的情況下拍照啊！

三不館… 我年紀都未去到咁大😂見個名搞笑入去食，個裝修係似80年代既香港，貼滿街招，下面個牌匾笑左出嚟😂😂😂食物味道係ok 既，特別係新出果個金汁，幾濃郁，不過份量我有d唔夠😵‍💫世上無難事，只要肯放棄🤣🤣

三不館的裝修風格, 有點似同區的十六座車仔麵, 同樣都是以以前的香港特色擺設, 例如是舊廣告, 霓虹燈箱及舊時的剪報, 作為裝修的主要部份, 當然車仔麵本身也是充滿著傳統港式風味的美食, 但是否一定要硬sell老港情懷, 我不而為然, 還是以食物質素行先. 這裡的麵底店家推介是鮮製油麵, 不知它如何定義鮮製, 但的確比一般的軟身, 沒有久放之下變得乾硬的口感.配料之中以鳳爪最有印象, 剪開一半的鳳爪完全吸收了滷醬的味道, 入味非常, 而且如此處理過更易咬開, 外表保持一定爽度, 內裡夠腍, 相當不錯. 另外豬大腸也是膽固醇萬歲的代表, 處理乾淨, 內裡的脂層濃厚, 外面煮得夠腍而入味, 沒有抗拒的理由. 反而水魷和豬頸肉則大有改善空間, 前者辣醬完全不入味, 後者肉質太乾而沒有本身的爽腍口感, 配料質素有點參差, 未夠全能呢!I Don’t Care Noodles Stall has the decoration with old day HK style. Of coz cart noodles are the traditional HK cuisine as well. The

之前成日經過荃灣都會比「三不館」個招牌吸引我嘅眼球，佢哋嘅招牌係復古綠色嘅，再加埋霓虹燈嘅設計，真係非常sharp🤣 連舖頭入面嘅裝修都係復古大牌檔style~ 不過餐牌上嘅嘢食就唔係傳統嘅車仔麵咁簡單喇～最近見到有人介紹佢嘅沙嗲湯，又見到佢喺旺角開咗分店，所以就專登去試吓🤩 •📸 三餸一麵 $45 轉湯底同埋揀貴啲嘅餸要加錢，所以最後唔止呢個價錢～ 整體嚟講都唔算貴嘅，但每款餸嘅份量都唔算多，勝在啲麵嘅份量足夠，唔會唔夠飽🤣•🥢 濃香沙嗲湯底+$7 👍🏼 沙嗲味果然好濃，花生味都幾重幾香，但湯底嘅味道就偏為偏甜咗少少，所以食到尾就有啲啲膩～🤏🏼🥢 咖哩魷魚 +$4 真係煮到好入味，唔係就咁白灼魷魚加咖喱汁咁hea~ 啲魷魚又夠爽口，好惹味👍🏼🥢 懷舊牛腩 +$4 超級濃五香味，睇落少少乾，但食落一啲都唔嚡 ，無痴牙🤭🥢 鮮製油麵 呢到嘅油麵比平時食開嘅滑身同圓啲，好似仲更加吸湯，煮到軟硬度啱啱好，連平時唔太好油麵嘅我都覺得配沙嗲湯好正😋🥢 清甜蘿白 蘿白係食車仔麵必叫之一🤣 呢到嘅蘿白好腍好清甜，仲幾大嚿😋•🥢 醇香雪濃金湯+$7 👍🏼 飲落好鮮甜，但唔識形容佢仲有啲咩味😂 朋友話覺

三餸一麵 $45 豬皮 $9 日本蟹柳 $9 醬燒豬頸肉 (麵餐補差價+$4，單點$13)跟粗麵，招牌鮮茄湯底 +$7 + 牛腩汁+ 小辣好味指數：8/10首先講吓個🍵湯底，呢個湯底飲落去好似羅宋湯嘅味道，但係仲有粒粒嘅🍅蕃茄碎，一啲都唔似罐頭湯🥫嘅味道，係自己熬製出嚟，鮮甜☺️得嚟帶少少酸，真係停唔到口。再加埋🐷豬皮同埋🦀蟹柳呢啲最掛湯嘅餸料，簡直吸收晒個湯💦嘅精華。醬燒豬頸肉小店強烈推介，而我哋就略嫌唔夠肥同埋燒得乾身左小小🤏🏽，改善咗呢樣嘢會更加出色。粗面大家都不妨一試，呢隻粗麵同出邊嘅唔同，食落去有少少似伊面，非常特別。三餸一麵 $45 餐肉 $9 瑞士雞翼 $9 秘製香醬鳳爪 (麵餐補差價+$3，單點$12) 咖喱魷魚 (麵餐補差價+$4，單點$13)跟鮮製油麵，醇香雪濃金湯 +$7 + 古法辣汁好味指數：8/10 我個人本身最鍾意食金湯，但係好多間舖頭嘅金湯煮法都唔同，而呢間就係用咗南瓜🎃加雞🐔湯。飲落去甜甜嘅南瓜味，再加上濃郁😌嘅雞湯味，非常容易入口，而且南瓜同埋雞湯非常融和，真係可以飲晒成碗。👍🏽👍🏽👍🏽瑞士雞翼非常入味，滷水味都好重。秘製香醬鳳爪❤️非常出色，啲鳳爪好入味

之前喺另外兩間分店都有食過，原來旺角分店有佢哋自己特別嘅湯底、小食同埋飲品！店員推介必食旺角only「金湯」用雞同南瓜嘅香濃嘅湯低濃郁程度可以跟火鍋湯底媲美雖然店員建議油麵但今次想食少啲澱粉質所以叫咗兩碗淨餸：豬大腸、豬手、紫菜蘿蔔、冬菇、瑞士雞翼咖喱魷魚、時蔬、韭菜一個金湯底另外一個麻辣湯底兩個都好好味雖然我好鍾意食辣但係個金湯真係無敵竟然贏咗麻辣湯！小食試咗：·口水雞四川風味，做得好好·虎皮尖椒尖椒唔會太辣，甜豉油好惹味· 墨魚餅（NEW)即叫即做，爽滑彈牙，極力推介!飲品：紅豆冰&涼粉冰都係旺角分店only整體係我食過三間分店之中出品最好嘅！

三不館車仔麵 - 想食乜都沽清😞大埔車仔麵名店踩出旺角插旗，諗住過咗人潮先去。7點未夠，已經開始等位。幸好還早，等了10~15分鐘就有位。三餸一麵 $45，價錢尚可接受。看到沽清板，咖喱魷魚、麻辣豬手都賣晒。一心為咗咖喱魷魚而來，惟有下次再試☹️好彩落單更夠，因為坐多陣就連雞翼尖同咖喱齋都沽清了...湯底比平時的車仔麵清偏清淡。男朋友點了清湯加腩汁，味道很淡口。我的加了古法辣汁和咖喱齋味道才更豐富、味濃。#滷水雞翼尖 夠入味，而且不會煲到爛，還是骨肉分明。#咖喱齋 很軟熟，可見其新鮮度高，沾上微辣的湯底更惹味，但怪咁受歡迎。惟#醬燒豬頸肉 不夠香口，實為普通。男朋友點的豬大腸滷水味也夠濃，但油麵亦偏軟腍，不夠彈牙。可能剛新開，質素不穩定吧。都係等耐少少，先再試第二次。.👉🏻👉🏼👉🏽按bio link更多美食分享：https://littlemissfoodaholic.blogspot.com.#littlemissfoodaholic_mk #littlemissfoodaholic💛 #yummyyummy成波之路 #三不館車仔麵

終於係旺角可以食到三不館唔洗專登入荃灣大埔咁遠喇店舖裝潢充滿懷舊氣息不過座位太迫了食物個人口味😌濃香沙嗲湯底非常濃郁又夠香大廚秘製咖喱齋2款齋都有點，酸齋冇乜特別但個咖喱齋非常入味哩度鹵水汁夠哂濃豬大腸處理得唔錯又冇臭味又炆得夠淋瑞士汁雞翼好入味，太好味所以食完再叫多份😋另外醇香雪濃金湯，味道似南瓜味不過比較啖口陳皮魚蛋個辣汁夠喇但冇乜陳皮味炸虎皮尖椒係越食越辣😋🌶哩個辣到食唔哂😁建議有朋友都食辣先好叫總括哩度食物都多選擇，下次可以再來試埋其它嘢食先😊

車仔麵不嬲麵係香港人最愛，但講到最愛，點少得三不館？佢嘅咖哩魷魚，我認為係係世一。我食車仔麵就必點油麵，咖哩魷魚，豬大腸同蘿蔔，仲有瑞士雞翼。佢嘅蘿蔔值得一提，因為佢咬落去無蘿蔔E，又入味，爽甜！其二係大腸，我知有d人會怕有陣臭味同怕污糟，我麵叫玻璃肚，so far 食親麵ok，同望落都乾淨，仲要無咩臭味。瑞士雞翼佢係放埋落湯到，唔係分開上，所以碗湯都會有d甜甜地。咁我女友就叫咗魚旦、魷魚，炸魚皮，油麵。基本上都係穩陣。炸魚皮佢分開上，好多塊，放落湯到，索咗味超正。

推薦： 🍉🍉🍉🍉 (4/5)     味道： 🍉🍉🍉🍉🍉 (5/5)     價錢： 🍉🍉🍉🍉 (4/5)     打卡： 🍉🍉🍉🍉 (4/5)     位置： 🍉🍉🍉🍉🍉 (5/5)    回訪： 🍉🍉🍉🍉 (4/5)     一路都好想試吓呢間車仔麵店，不過大埔同荃灣我都唔係成日去，所以無乜機會可以去試，前排佢喺旺角開新分店，終於有機會試到啦！ 車仔麵 兩餸一麵$36 三餸一麵$45 My choice: 咖喱齋/咖喱魷魚/豬大腸 粗麵 招牌鮮茄湯底 加麻辣汁(小辣)本身唔係太好咖喱齋，但係朋友介紹完一次之後覺得嚿齋吸哂啲湯真係好正(邪惡)， 今次試呢間嚿齋本身都已經有香濃咖喱味，吸埋湯底嘅甜辣味，一咬落去爆啲汁出嚟，真係好正🤤 咖喱魷魚有魚身同鬚，真係好大件好厚身，勁正，咖哩味好入味，好彈牙，就算係最厚嘅魚身位都完全唔韌，應該係我食過間車仔麵入面魷魚最好食嘅頭5位😋 豬大腸好厚身，好入味，就算湯底咁濃味都會食得出豬大腸本身嘅滷水味，好正，而且望落都幾乾淨，唔係「食神」豬大腸😂 湯底都算OK，唔係hea到得茄膏味嘅茄湯，有少少稠，不過都係無蕃茄仔咁正🙈 麻辣汁小辣，下次可以試吓中辣

之前係其他分店食過呢間車仔麵，覺得唔錯，呢排竟然係旺角開左間分店，就叫左外賣自取試一試！店入面佈置都係同其他分店一樣，都好有懷舊復古feel😆。最鍾意食佢淨餸，可以一次過食到唔同餸，而且又夠飽～叫左秘制香醬鳳爪，滷水豬大腸，醬燒豬頸肉同生菜，古法辣汁（小辣）最鍾意個鳳爪，好淋好入味，好似平時酒樓食個款，豬頸肉都值得一試，外皮少少幹，幾入味。最特別係佢外賣盒，類似錫紙🤔第一次見咁樣嘅包裝，外觀吸引又唔會倒瀉👍。

感覺入咗一間差店，兩個字<呃錢>!感覺入咗一間差🙅🏼‍♀️🙅🏻🙅‍♂️店，係咪因為依家係特許經營權，間間唔同自己老細開！旺角呢間真係不堪🤪！食到懷疑人生，個金湯除咗味精，就係味精！仲俾佢呃咗$6，唔知點解食車仔麵個湯底都可以要加錢，然後佢推介嗰啲餸菜全部又係要加錢，感覺入咗一間🙅🏼‍♀️🙅🏻🙅‍♂️店！仲要坐埋啲摺檯/摺凳.大佬啊你收成$50/$60一碗車仔麵！俾返啲誠意，我見其他分店應該冇咁差！佢啲所謂秘制，最特別就係冇乜特別！俾錢入去唔可以食「車仔麵」，扮懷舊，又坐得辛苦，要坐得迫，又貴！真係好唔抵！一次就夠了！個湯味精好重，諗住叫嘢飲！望一望個餐牌真係嚇親，唯有嗱嗱聲賣單！走先啦，係咁先！如果我叫埋嘢飲進去 $70食個車仔麵唔知為乜…….