影片
大埔万发海鲜菜馆的晚餐体验中规中矩，适合多人聚餐。晚餐不设套餐，需逐道菜点选，每道菜价格约$100至$200，对于多人分享来说较为划算，但单人或小组用餐可能会觉得略贵。我们点了半只金牌风沙鸡、雪里红石头芥兰、椒盐鲜鱿及黑椒薯仔牛柳粒。当中雪里红石头芥兰比较好食，炒嘅火口啱啱好，菜叶爽脆，味道清新带点微辣，味道满意。椒盐鲜鱿外脆内嫩，调味适中，表现尚可。然而，金牌风沙鸡的调味稍欠突出，鸡肉略干，未能完全释放风沙风味；黑椒薯仔牛柳粒的牛肉质感普通，黑椒味亦不够浓郁，两道菜均显得平平无奇。整体而言，食物味道中规中矩，部分菜式有亮点，但整体性价比一般，价格偏高，适合喜欢海鲜及多人聚会的顾客。
继续阅读
口㾗想食鹅翼，路过买盒外卖鹅掌翼，等左半个钟都斩唔到出黎都算，出到黎细细盒得一只，可以够胆收你一百蚊，我食个烧鹅下庄好过，以后唔会再帮衬佢啦。 明晒点解啲人走晒去北上消费，咁样黎㓥客😡
继续阅读
叫咗个菠萝石头饭，入边啲鸡同虾过熟好嚡又冇乜味，菠萝好似¼只手指夹咁大，总体嚟讲好难食。一位大人同3岁小朋友去，俾人收两位$9/位茶钱加小食费，但店员都冇俾过小食，当你水鱼。茶楼都有得拣茶饮佢冇，茶餐厅咁款都学人收茶钱。晚餐个餐牌系茶楼价钱，但环境、食物、茶水又唔到茶楼嘅水准，夜晚真系冇乜客。上次中午入去食都好一般，叫咗个意粉好腍又冇味，红色酱好淡，衰过茶餐厅；出名嘅卤水又系冇味。今晚谂住俾多次机会，点知晚饭仲恶劣。附近大把餐厅选择。冇下次。
继续阅读
今日喺大埔𠮶度帮衬咗一间类似茶餐厅嘅餐厅, 我本身都几钟意食全日套餐, 所以都嗌咗类似嘅嘢：🐑香煎牛扒公仔面加炒蛋$50饮品嗌热咖啡：味道正常发挥牛扒都算大块！🤗
继续阅读
之前未批核到呢个新店，所以冇写到食评，啱啱见佢开咗个page所以就补写返。其实系𠮶晚打完波近近地过嚟试新铺。入到去劲多位，但系坐落唔够15分钟已经爆场。点菜之前去咗卤水档睇。好多嘢都想食，但系得三个人要慎重考虑。最后点咗鹅片，啲肉质都几嫩滑，但系就偏咸咗少少。啲豆腐衬托啲辣椒油超出色。讲返啲小菜先，捧出嚟都系热辣辣出晒烟嘅。个焗鱼肠见到佢有啲泡泡系咁哔哩哔哩，基本上系合格嘅，鱼肠都几干净冇腥味，不过如果可以落多少少陈皮会开心啲。金沙鱿鱼都够干身得嚟唔会割喉。另外个薯仔牛柳粒大大粒好有口感。个油麦菜虽然唔系啫啫煲上，但系都炒到出晒烟。除咗食物之外，最值得一赞系啲侍应，超勤快亦都自动自觉，依家真系好少有，尤其是啲侍应都系啲后生仔真系不得不赞。
继续阅读
您可能会有兴趣的...