七喜粥麵小廚

营业中

休息中

我女友一年前新浦崗工作,佢某日突然向我提起呢間食肆,話【腐乳蒸雞】非常好味。所以我趁女友休息前一晚,先車去將軍澳接佢收工,再去新浦崗見識一下【七喜】。去到門口將車泊對面馬路,一落車年青高大老闆,已經熱情咁向我倆招手,我問佢將車泊對面會唔會抄牌,佢話你放心都得啦!入內坐低幾個阿姐熱情招呼,及介紹各樣好味菜式。由於我之前,已經呢個網頁度,參考過各食評家資料提供,所以我隨身寫一張食品名單。我倆叫【腐乳蒸雞、蘿蔔豬紅、蜆芥醬配炸鯪魚球及白蠔油油菜】,並叫兩碗白飯。先講【腐乳蒸雞】約三十多元,味但太鹹,雞較肥及皮厚,但都值得一食。【蘿蔔豬紅】一大碗只十多元抵食,沙嗲醬又係惹味,蘿蔔普通太大件,豬紅就真係幾好味及有口感。【蜆芥醬配炸鯪魚球】都係十零蚊一碟六大粒,我女友推介,我第一次食亦覺勁好味又彈牙...正!【白蠔油芥蘭】$10元一碟份量唔細,菜亦新鮮碧綠。連兩碗白飯埋單,都係八十多元真係勁抵食。如果唔係只得兩個人,多人去幫襯話,相信叫菜方面,係比較多選擇。所以我下次一定,搵埋三五知己再幫襯。

點解咁好味呢?係因為我老豆整既d野,哈聽到個個都讚d粥好味,我聽日都會同佢講架啦我個人推介d雲吞,我阿媽推介d魚雲@o@不過最好食一定係粥,我老豆煲既粥真係好好食@o@間野既牛腩同埋牛筋真係超好食呀@o@大家記住去試下@o@

尋日去媽咪鋪頭幫手,lunch媽咪想食七喜,我買左豬手撈面,淨墨魚丸,炸鯪魚球同油菜一齊食...豬手撈面- 太多鹼水味,豬手未夠"林"淨墨魚丸- 尚算ok炸鯪魚- 太多味精下次都係食番佢地好綿d粥算喇~!

星期六老婆接完放工後，我地去左新蒲崗食野。眾多食肆中我地決定食七喜。1. 鯪魚球粥- 粥好綿，五大粒鯪魚球又好味。2. 雲吞牛根麵- 雲吞有三大粒，牛根好味。3. 蘿蔔豬紅- 汁好味，蘿蔔夠稔，豬紅老婆話好好味。4. 腐乳通菜- 不錯。有機會下次再來食。

成日都o黎呢度食飯o架.. 尋晚諗唔到食咩又o黎左呢度喇rder 左:1) 蝦醬通菜: 好食.. 勁多蝦醬味..2) o者o者雞煲: 有齊豬潤.. 冬菇.. 雞.. 豬潤夠"林".. 入晒味.. 雞就好多骨.. 但係味道都好好食哇.. 2個字唔駛就上唒d 菜.. 效率奇快..heee!!以前試過呢度o既煲仔粥.. 麵.. 同埋其他小菜都幾好食呀!!

今次係第二次食, 記得上次食過d粥好好味, 所以再黎試其他野...田雞豬潤粥& 蜆螺牛肉粥- 粥底好濃好淋, 田雞味道ok好多肉, 豬潤好爽好味, 蜆螺ok, 牛肉夠淋蜆介炸鯪魚球- 蜆介醬好咸, 鯪魚球唔係炸既, 好un唔脆唔好味豉汁抄大蜆- 辣辣地都算多肉, 但唔係大蜆囉七喜小抄王- 抄埋d買唔晒既野出黎, 得d蝦乾, 花生, 腰果, 青椒, 洋蔥同埋西芹, 抄得又唔好味生抄骨- 上得好遲, 抄d醬又抄得唔勻, 巳經唔想食啦原來淨係得d粥好味, 其他野食完全唔掂, 服務都只係一般, 所以未必會再去lu...

我去過呢間七喜都好多次,因為我住0係附近,呢間舖d麵就OK啦,不過不失,D雲吞幾大粒,而D粥就幾好味,我最鍾意食豪仔粥,而晚市D小菜我覺得幾好,款又多,抄得又幾好,我都幾鍾意呢間煎D豪餅,唔太燶D豪又有肉,價錢合理,抵食,夜晚好多人幫襯,去有心理準備.

黎開呢頭食午飯兩個人叫左水餃河($15)同牛腩撈($23)水餃大大隻,一碗有三粒,有蝦,肉,冬菇同木耳,口感豐富,味道都好鮮,可惜成碗湯面都係油,雖然話係河粉會油d,但我未試過油成咁既樣,食完即刻肚痛(睇相都見到反晒光)牛筋同牛腩都偷食左d牛筋好淋又入味可惜牛腩有d韌同埋麵鹼既水味未散唔太好想飲杯凍檸茶都無阿姐又無乜禮貌唔得

這裏環境比較濟迫,每次來都是晚飯時段,因為晚飯時段才有小菜供應,而它的粥麵不是十分特別好味,只在日間時段偶然買下外賣(它的炸醬和蝦子都OK),而它的小菜就好好多了,而京都骨是必然之選,它是用半肥瘦腩排做的,外脆內軟,個汁味道剛剛好,不過要診熱食,凍了便不會有外脆內軟的口感.跟住要留意啤酒汽水櫃....隔離個水牌,看下當天有甚麼貝類,用蒜蓉蒸,個D汁包你撈兩碗飯食.再來一碟金銀蛋莧菜(可選其他菜),一碟蝦子撈麵,飽晒....

點了炸醬撈麵。不消五分鐘就上菜，極快！很久沒有吃過炸醬撈，不過這店的令我有點失望。炸醬味道是不錯的，濃濃的辣味，很惹胃口。但是竟然不夠熱．．．不開心啊！！！最大的敗筆是那個麵，硬崩崩的，我懷疑到底有沒有煮過．．．當時趕著上班，所以就放棄了叫師傅再煮的念頭．．．唯一解決辦法就是用那碗湯來浸淋它．．．倒是有效！不過要知道我一向吃撈麵都不喝那碗湯的！－＿－最後因肚子餓和炸醬實在太惹味的情況下ｋ.ｏ.了整碟麵．．．ｋａｋａ，有點「飢不擇食」。但是再光顧的機會不高了．．．

七喜既粥真係好好食~~ 就算果日想食其他~~ 都會叫一碗白粥來食~~除左粥~~ 佢既牛筋都係非常好食~~ 不過lunch 既時候好多人~~但係佢有外賣服務~~ 一兩碗都會送~~不過當然係同一區內啦~~

七喜D粥底好鬼正，又綿、又滑、又甘、又唔覺油膩和味精；柏葉鵝腸粥，粥又綿，柏葉鵝腸夠爽脆，加埋碗辣椒豉油，正！勁大碗，靜係食粥都飽晒！我覺得至出位就係七喜衣個「車仔粥」的構思，「車仔麵」就週圍有得食，「車仔粥」真係唔係好覺，七喜將「車仔」材料加入靚粥底，值得一試。

同事想食粥和小菜, 所以就去了這間, 點知原來lunch係無小菜叫, 唯有點了以下食物魚雲粥- 粥幾綿, 但魚雲份量不算多魚腩粥五香豬皮- 完全唔香, 大家都食了一兩舊都無食蘿蔔牛腩- 蘿蔔很林很入味, 而牛腩亦都很林, 唔錯油菜海哲薰碲牛展- 大大碟, 但海哲無味, 可以不吃而呢間食店最可取就係服務幾好, lunch勁多人, 但d 阿姐都會滿面笑容

雖然地方麻麻，但食物同服務都好好。

11:00pm打完波,比平時晚了一小時,沖埋涼已經係11:20.本來去開明星，由於時候不早加上明天要返工.所以一行17人到了這裡...勁呀!!一黎到估唔到有甘多人．老闆係門口開了5張臺才可容納我地haha＜雲吞墨魚丸麪>$21好好味~~雲吞味好夠，蝦和肉比例剛剛好.墨魚丸好彈牙同有墨魚味．．麪好爽．．加埋無得頂辣椒油..正呀!!<炸鯪魚球＞（同人share)$8$16有乒乓波甘大6粒...加上勁有魚味．．．如果再彈牙仲好．．．同場偷其他人果D...牛腩正．．好夠味又唔會鹹同太濃阿姐service 好好