影片
招牌菜
以为一间个名叫自己做烧鹅专门店嘅餐厅，唔会差得去边啊！点知..............SURPRISE 🎉🎉🎉濑晒嘢😭😭😭😭😭😭😭😭😭#啲烧鹅瘦过阿婆个啰Pat☹️！除咗啲烧鹅好瘦，叉烧仲瘦，啲鸡又多毛碎骨又多！谂住饮下啲汤啦，个味道都正常嘅，饮到一半见到搭多条头发！以上评论只系搞笑，但作为一个好钟意食烧味饭嘅人，食到一间咁难食嘅烧味真系好伤心，希望店舖可以改善！
继续阅读
一个字讲晒 — 伏！衰懒同贪平，经xx送叫外卖，见有7折，就试下呢间嘅烧鹅5宝饭，折左都唔平，要成$80！但我觉得$50都比多佢！𠮶几件烧鹅得棚骨，冇肉的，不是烧鹅专门店吗？连主打食物都咁曳！系得叉烧食得下，不过全部都系瘦叉！切鸡都可以，够滑！但饭系干争争，好在有咸蛋送下饭喳！跟餐送嘅老火汤，冇味架，又冇渣，饮左一啖即放低！如果呢个烧鹅五宝饭冇特价，卖成$11x的话，我觉得好揾笨，难听啲讲句，大x乐个四宝饭都好食过佢啊，一定唔会再帮衬！
继续阅读
呢间烧味我一向都有食开，义烧系劲正，就算健康啲唔叫半肥瘦都好正，叫半肥瘦就当然更加滋味，烧鹅都一流～ 有朋友黎我都会去加料，个个都赞好味。今日见佢有二人餐$138，有烧味双拼，小菜一个，例汤两碗，白饭两大盒。我加$20要烧鹅同$6 冻饮。小菜有成 20 款比你㨂，有鱼有肉有蛋，大路嘢。今日好为食叫个椒炎猪扒，真系有两大块既份量，虽然就无咩菜码洋葱𠮶啲，但味道好好，我返去冲凉后𡈼慢慢食都唔会冻晒咁。返到屋企一打开哗好大盒，𩠌&饭都系，自己炒个菜其实够一家四口食！赞！特登打够200字比个好评。
继续阅读
本身食客已不算多，再加埋疫情严重就更百上加斤，空虚寂寞的台凳。食饭就食饭，搭台就搭台，见住您条友无带口罩行入黎，坐低两条阿叔狂喷口水！好采就快食完，急急成碗汤饭倒落肚，碗例汤剩半汤唔要，弃汤速逃！诚意拳拳行过黎帮衬个午餐，叉烧煎蛋饭？您本身已经系烧味饭店，整个午餐又系叉烧有咩意义呀！点解唔做 ABCD 餐全部叉烧、烧肉、切鸡、烧鹅呢？我仲要睇错系叉烧炒蛋饭，搞到我真系好那黯然神伤！冻柠茶少甜，通透亮丽的茶色，看得见的清新，饮落芳香带著鲜柠味舒服可口。我要求只需半碗饭，婶婶竟然可以搭错线变冻柠茶少甜架呢？就算饮我系要走甜，既然放低左就费事退，跟餐加 $2 蚊啫。力抗武汉肺炎勤食咖哩，信年币证府百毒不浸！榄菜鸡粒炒饭，份量多到食唔晒，应该免强够两位享用！鸡丁大大粒，无腌既？有点雪藏味。即炒镬气喷射，粒粒饭干爽咽韧饱满，每粒都沾有咸香榄菜，美味纯净！本可得 4 星级数，不幸鸡丁强差人意。豉椒蒸排骨饭，普通蒸𩠌饭索价 $50 蚊真系有点高，同区应该 $40 蚊有找，不过份量较多，好多粒排骨呢！肉多骨少啖啖肉食极都有，我已细啖饭细啖饭来送排骨，但所有饭已消灭，仍有大量排骨，真心可以送到两碗饭㖞。望一眼排骨深啡色使我心情跌一跌，不是我幻想白雪雪的蒸排骨，既然已点就硬著头皮捞匀享用。竟然其貌不扬，但食得我满心欢喜，停不下来地扒饭！甜甜的豆卜索汁一流，排骨绵绵香口油润肉甜弹滑，浓浓惹味的豉椒汁不咸不呛不过份，跟白饭根本天作之合，不知不觉全部扫光。瑶柱肉松蒸水蛋，蒸𩠌要等十几廿十分钟，我早有心理准备，其实最好系餐牌上注明，免得有燥底食客发癫啦。突然想食住家蒸𩠌，瑶柱肉松蒸水蛋？几乎 1 比 99 呢，瑶柱肉松只系点缀装饰一下？比著我亲手蒸，起码肉同蛋要 1 比 2 才满足，否则那食得到肉甜肉汁㖞。主要甜豉油味道，滑滑震腾腾水蛋夹杂鸡汤味，没怎样的猪肉甜及猪肉汁，间中咬得到少许肉碎或几丝瑶柱，已是皇恩浩荡。湿湿水蛋有著甜豉油跟饭粒碰撞，大大啖塞满嘴仔，味道真心不错的，稳阵派蒸𩠌。土鱿蒸肉饼饭，即蒸请耐心等候，蒸肉需时约 15 分钟才可以完成，苦候多时 20 钟前送到。当然要先来一轮拍照留念动作后才可以起动﹗骤眼看以为系干瑶柱，我想得太多喇。卖相讨好美观，感觉精致热腾腾新鲜出炉，香喷喷的肉香夹杂著海味气味，诱惑万分口水流。薄薄的松软肉饼，滑嘟嘟的渗著肉汁，大量猪肉抱著几片香口咽韧土鱿再淋甜豉油，多多肉少少饭地享用，心动震撼好好味啊﹗不得了的色香味俱全，捞饭绝顶美味，必须勒紧缰绳，否则我会变成脱缰野马﹗这块肉饼用来送两三碗白饭湿湿碎，我要忍忍忍﹗干炒牛河全走，本想食鱼香茄子炒面，师傅回覆称做唔到？此乃不为非不能也，我系其他茶记间中会食鱼香茄子炆伊面，炒河炒河炒面炒乌冬架！就算麻婆豆腐炒粉面都做到，不知几鬼好食拍烂手掌。腍劈劈浓味𢲡牛肉，河粉颜色均匀，有点散有点湿，全部清晒半粒都无得留低，边食边抹嘴，油淋淋滋润我干枯的双唇，超级油腻食完立即来罐可乐清清口腔及肠胃。梅菜扣肉饭，眼测极大量梅菜，只得几片五花腩，多菜少肉真系非常唔健康，西兰花伴撞梅菜扣肉？有创意的九唔搭八。近来兴五花腩薄切吗？早前食过几间都如此出品，讨厌﹗要大大旧咬先原汁原味，够松化够软腍够啖啖肉，能保存更多肉汁。薄切无晒感觉，肉味淡油脂淡，存在感薄弱。大量凶涌的甜梅菜已将五花腩淹没，多多菜少少肉少少饭捞酱油也廷可口的，味道香香甜甜绝对无问题。西兰花刺身？生到有草青味，入口即吐﹗冬瓜鸭腿汤饭，冬瓜爽腍绵三层享受，渗透汤汁。坚系鲜髀，香料清新，肉味非凡真鸭腿。姜味暖胃，菇味清甜，浓郁汤底有诚意。咖哩牛腩饭，够热够香，满满的卖相得体。到底牛腩还是肉丁呀？切到方粒一样，弹牙爽爽不鞋不干，微甜少少牛膻味。牛粒夹著薯仔及湿滑咖哩捞饭灌入，茄味突出带少少酸，香而不辣醒胃无比，茶记哩味浓，西兰花依旧太生青味重重一啖放弃。罗汉斋饭，卖相可怕使我滴汗打冷震，惨不忍睹！我脑海画面完全系大家乐出品靓靓罗汉斋。鸳鸯莲藕片？啡色腍啤啤仲有渣，白色爽脆白烚滚水味，红萝卜烂溶溶。再挑战西兰花刺身一咬即吐，真系无烚过只系揾滚水渌一渌吗？还是装饰唔食得架？师傅您唔识煮斋就唔好搞咁多野啦，云耳粉丝腐竹冬菇莲藕格硬捞饭塞入吞落肚。粉丝碎湿腍，冬菇瘦瘦干干好似未浸发够一样。芋头炆猪肉饭，个名完全辞不达意，放到我面前先知道系荔芋炆五花腩。我要半碗饭架，平时半碗都食唔晒，仲要比成碗饭满满。有五旧五花腩可以食 5 啖饭，不吃芋头的我，但芋泥可以接受，湿湿黏黏可以食 3 啖饭。五花腩层层相连紧扣，用上柱侯酱炆不是南乳酱实属另类，滚埋汁连白饭一啖入口，甜酱中泛著重蒜味，五花腩爽夹滑，皮膏肉有层次，甜美不油腻。每次都系生坳坳的西兰花，放系嘴边已闻到草青味，放弃。红烧狮子头饭，依个造形完全系 Q 太郎，要加少少日本原素无难度啦。那来的红烧？只不过系玻璃芡，淡淡的蔬菜味，怪怪的芡使我不想再食落去。菜芯麻麻地没有菜甜味，娃娃菜腍劈劈还可以。松软肉球有著午餐肉的味道，感觉不到有炸完再炆的正宗狮子球，可能有煎过或煮轻炸，没有香口的味道，白色一点点是马蒂米吗？存在感薄弱的隐形，芡汁加肉配著白饭同吃还可以。冬瓜薏米水鸭汤，味道爆灯热热香甜越饮越想饮，汤渣都唔放过，全部清掉。眉豆红萝卜瘦肉汤，配搭十分独特，不过味道特浓甜美好好好饮，直灌落肚一饮而尽。赤小豆瘦肉汤，例汤一向美味无投诉，浓稠汤汁使人回味，直头有冲动想要多碗呢。专登行到老远一心想食豆腐火腩饭，上星期明明见到仲有供应，好日唔谂住食，想食就竟然取消，连个天都唔喜欢我﹗因乜解究高朋满座咁多人既？做节吗？多人到要搭台，政府话要食自己唔准搭台唔准聚餐架㖞！青红萝卜排骨汤天然植物甜味，混入浓浓肉味，梗好饮啦！合掌瓜红萝卜汤，萝卜本身浓甜，添上合掌瓜清新味道，更津津有味。
继续阅读
红磡烧味店不少，竞争也颇大，今次介绍嘅是高水准的一龙烧味。每份烧味饭都附送时令例汤，没有味精，消暑一流。主角烧味当然也绝不逊色，烧鹅皮脆肉乱嫩，叉烧半肥瘦、白切鸡也很滑乱嫩而且多姜溶、多汁也可按喜好要求，店员一一办妥，店舖的卫生情况良好，餐牌清晰，落单快捷妥当，红磡区首选
继续阅读