一龍燒鵝專門店 (馬頭圍道) (已結業)

以為一間個名叫自己做燒鵝專門店嘅餐廳，唔會差得去邊啊！點知..............SURPRISE 🎉🎉🎉瀨晒嘢😭😭😭😭😭😭😭😭😭#啲燒鵝瘦過阿婆個囉Pat☹️！除咗啲燒鵝好瘦，叉燒仲瘦，啲雞又多毛碎骨又多！諗住飲下啲湯啦，個味道都正常嘅，飲到一半見到搭多條頭髮！以上評論只係搞笑，但作為一個好鍾意食燒味飯嘅人，食到一間咁難食嘅燒味真係好傷心，希望店舖可以改善！

一個字講晒 — 伏！衰懶同貪平，經xx送叫外賣，見有7折，就試下呢間嘅燒鵝5寶飯，折左都唔平，要成$80！但我覺得$50都比多佢！嗰幾件燒鵝得棚骨，冇肉的，不是燒鵝專門店嗎？連主打食物都咁曳！係得叉燒食得下，不過全部都係瘦叉！切雞都可以，夠滑！但飯係乾爭爭，好在有鹹蛋送下飯喳！跟餐送嘅老火湯，冇味架，又冇渣，飲左一啖即放低！如果呢個燒鵝五寶飯冇特價，賣成$11x的話，我覺得好搵笨，難聽啲講句，大x樂個四寶飯都好食過佢啊，一定唔會再幫襯！

呢間燒味我一向都有食開，义燒係勁正，就算健康啲唔叫半肥瘦都好正，叫半肥瘦就當然更加滋味，燒鵝都一流～ 有朋友黎我都會去加料，個個都讚好味。今日見佢有二人餐$138，有燒味雙拼，小菜一個，例湯兩碗，白飯兩大盒。我加$20要燒鵝同$6 凍飲。小菜有成 20 款比你㨂，有魚有肉有蛋，大路嘢。今日好為食叫個椒炎豬扒，真係有兩大塊既份量，雖然就無咩菜碼洋蔥嗰啲，但味道好好，我返去沖涼後𡈼慢慢食都唔會凍曬咁。返到屋企一打開嘩好大盒，餸&飯都係，自己炒個菜其實夠一家四口食！讚！特登打夠200字比個好評。

本身食客已不算多，再加埋疫情嚴重就更百上加斤，空虛寂寞的檯凳。食飯就食飯，搭檯就搭檯，見住您條友無帶口罩行入黎，坐低兩條阿叔狂噴口水！好采就快食完，急急成碗湯飯倒落肚，碗例湯剩半湯唔要，棄湯速逃！誠意拳拳行過黎幫襯個午餐，叉燒煎蛋飯？您本身已經係燒味飯店，整個午餐又係叉燒有咩意義呀！點解唔做 ABCD 餐全部叉燒、燒肉、切雞、燒鵝呢？我仲要睇錯係叉燒炒蛋飯，搞到我真係好那黯然神傷！凍檸茶少甜，通透亮麗的茶色，看得見的清新，飲落芳香帶著鮮檸味舒服可口。我要求只需半碗飯，嬸嬸竟然可以搭錯線變凍檸茶少甜架呢？就算飲我係要走甜，既然放低左就費事退，跟餐加 $2 蚊啫。力抗武漢肺炎勤食咖哩，信年幣證府百毒不浸！欖菜雞粒炒飯，份量多到食唔晒，應該免強夠兩位享用！雞丁大大粒，無醃既？有點雪藏味。即炒鑊氣噴射，粒粒飯乾爽嚥韌飽滿，每粒都沾有咸香欖菜，美味純淨！本可得 4 星級數，不幸雞丁強差人意。豉椒蒸排骨飯，普通蒸餸飯索價 $50 蚊真係有點高，同區應該 $40 蚊有找，不過份量較多，好多粒排骨呢！肉多骨少啖啖肉食極都有，我已細啖飯細啖飯來送排骨，但所有飯已消滅，仍有大量排骨，真心可以送到兩碗飯喎。

出門時間永遠都黑氣沖天，專程行到老遠林記想食腸粉，伯伯剛開檔未有耐有野食。沿路兜返轉頭去貴緣想食碗勁辣米線舒緩情緒但已爆晒場滿座，唯有再行過少少壹壹茶記都竟然要排隊！心諗隨便食碗丁麵填飽肚就算，路過唐人坊同樣無位，陰膠公咯﹗嬲嬲地直搗一龍食燒味飯，幸好食客不多有大量座位不用等。內籠有點似平民版太興，不過價錢屬中高位跟太興不分高低差不多。叔叔嬸嬸們夠熱情好客溫暖的，只是舖面偏細加檯凳密度高，舒適度免免強強。阿嬸們您地定實啲黎啦，只得一兩丁人等位已經亂到九彩騰晒雞！衝上衝落、講野無尾音，唔覺快得去邊！單唔睇清楚、檯號左調右調。我睇住係燒肉雞髀，阿嬸您話係普通燒肉雞咪燒肉雞囉，被對家食客舉手認頭食左！跟住要再做過碗髀飯我，師傅呱呱嘈問隻髀去左邊！咪就係益那左對面條傻佬囉。燒肉切雞髀飯，剛才那碗燒肉雞髀靚仔百倍囉！眼前燒肉脆皮香口，醃料味道醇美恰到好處，瘦肉咸鮮出眾回味無窮。切雞髀肌膚緊緻聞得到鮮雞體香，煮理及存放都做到超高質，皮嬌嫩不肥，鳳脂甘甜無比！白肉彈彈滑嘟嘟，肉汁清爽陣陣飄香。燒味豉油偏甜，幸好還算清新不混濁。一啖雞肉一啖豉油撈飯，靚燒肉整舊躺在豉油撈飯上擘盡口塞入，嘴內融合拍爛手掌

紅磡燒味店不少，競爭也頗大，今次介紹嘅是高水準的一龍燒味。每份燒味飯都附送時令例湯，沒有味精，消暑一流。主角燒味當然也絕不遜色，燒鵝皮脆肉亂嫩，叉燒半肥瘦、白切雞也很滑亂嫩而且多姜溶、多汁也可按喜好要求，店員一一辦妥，店舖的衛生情況良好，餐牌清晰，落單快捷妥當，紅磡區首選

第一次光顧、慈雲山新開張店、買外買上庄烧鵝118元、望住明檔吾兄師傳斬鹅、暗檔取出細钣盒包装、回家,1望皮黑肉質系鸭肉、又霉、又咸、真想吾到新開張就欺世盗名、祝福佢生意日日升

雖然坐落同一條街, 但係左右兩旁相對嘅鋪位, 係風水上已經唔同, 最起碼, 所對嘅東西南北方向已經唔同.好似一龍為例, 位處馬頭圍人流唔多嘅一邊, 相反對面紅磡廣場果一邊就旺得多.由於一龍位處人流較少嘅一邊, 中意食燒味嘅我都係等一龍開業一段時間先留意上, 襯 Lunch 即刻冲入去試試.我點肥叉鴨同叉油雞...."sorry, 我地無鴨, 只賣燒鵝!"都係自己衰, 人地寫明燒鵝專門店啦! 叫燒鴨擺明玩嘢啫! 於是轉為乳豬肥叉.乳豬係一種好奇怪嘅食品, 總係食極都唔夠喉,雖然一龍寫明燒鵝專門店, 但乳豬都唔錯, 肥豬肉唔多, 皮脆肉嫩, 唔需要點乳豬甜醬已經好香口好吸引.喂? 唔覺唔覺又食哂? 點解總係唔夠喉?我講明要肥叉, 上枱嘅都係肥叉, 對辦! 肥叉味濃夠甜, 入口夠軟夠冧而且juicy肉汁豐富, 滿意.對於我嚟講, 成碟飯嘅重中之中緊係蔥蓉啦! 一龍嘅蔥蓉雖然咸咗少少, 但仍然惹味, 蔥蓉配上香甜嘅叉燒簡直一絕.下次試下燒鵝, 食完再出寫評.

因為湊住小朋友又夠近，所以幫襯過外賣好多次，我通常買乳豬飯，唔係度度有得食但每次嘅食感都係一樣：就係好鬼難食一係就俾哂啲肥到極嘅皮、叫佢哋唔好咁肥，就俾哂啲真係半點肥都冇、柴到無論嘅嚟，啲皮仲要有陣燒燶咗嘅苦澀味，又係難食到大半盒都食唔到另外都試過啲燒鵝，唔差但都唔特別，未去到值呢個價位囉⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

本來無諗住寫呢篇食評，因為都係咁啱去開附近，求其坐低食野既茶記，應該無咩好寫；不過呢，佢啲燒味又認真好味乳豬拼燒鵝（例）：已經食到一半先忍唔住覺得要寫食評同影相，個燒鵝做到皮香肉嫩，仲好香肉汁；相比之下，乳豬唔夠脆皮，切得又細片咗少少，不過味道都算係中上油菜：唉。。。油菜我都寫埋。。。明顯呃字數😂😂 還可以啦，啲菜上枱夠青綠，不過淥到淋咗少少餐廳真係茶記裝修架，不過燒味有水準，已經係短期內第二次幫襯，算抵食又好食

嗰日同老公漫無目的行落街，原本諗住去飲茶，點知過馬路睇到呢間 一龍 ，又心思思想試新嘢，俾到我驚喜。冇味精住家湯，份量十足嘅切雞飯，有誠意又好服務！埋完單攞埋佢外賣紙，難得附近有咁樣間高質食肆，多左選擇。

2:15 pm  左右坐下，原來這裡2點便開始已有下午茶。燒味雙拼飯$42 包熱飲，如燒鵝雙拼就$45。燒鵝义燒瀬粉燒鵝义燒各有5-6塊，均是厚切，仲有幾條菜，份量唔算少。此店主打燒鵝，店內亦有廚窗展示，牆上也繪有鵝的設計吃落燒鵝皮相當酥化，皮下脂肪不多，鵝肉很厚，且幾JUICE。义燒反而較美味，肉質軟腍，唯一敗筆是义燒上有筋。瀬粉爽滑，清清地配濃味的燒味一起吃相當夾。熱檸水總括來說，燒味都做得唔錯。

小妹好小寫食評，但遇到好食既餐廳都想讚一讚。由於是農曆新年，好多餐廳都唔開。肚仔巳經打哂鼓，於是四處去搵食。與好友路經紅磡，落車就見到一龍燒鵝。全新裝修加上人龍，令到我地決定去試一試。燒鵝外脆內軟，肉汁Juicy. 以下午茶$40幾蚊呢個質素巳經好優惠。值得推薦👍👍👍對於奶茶精既我黎講，一飲就知用黑白奶沖。令我再對呢個餐廳再加分。香滑甘香☕️友人見到隔離枱份西多都巳經流哂口水呢個份量真係有啲誇張友人飲熱檸茶，茶味夠都不錯！環境都好乾淨光猛，唔會有一般燒臘店既感覺。

門外有條龍的燒味茶餐廳我超喜愛吃燒鵝雖然這裡有個燒鵝雙拼餐 58$包湯和茶但我大破慳囊：直接叫燒鵝飯55$仍送菜乾湯覺得汁燒鵝汁不夠問侍應非常感謝：全部有禮意誠招待周到燒鵝-新開張分量多加4$ 一杯熱奶茶值88 分燒鵝夠質素鮮口林肉多可惜少少燶⋯⋯呈黑褐色隔離男客的簡直是太黑了但他叫五寶飯有紅腸油雞燒肉等看起來很好餸其實我除笨有精一碗燒鵝飯只有燒鵝一味應該不好意思給晒乾和燶的部分給客啩⋯⋯一龍目前生意興隆希望維持價實貨真 ！