一鳴丼食堂

营业中

休息中

今日收工同同事嚟到大埔呢他小巷食日本野。呢間店係最近呢幾年先開，平時中午有好多中學生嚟食，基本上都爆場要等好耐，所以我哋都簡夜晚嚟食💓今次同同事兩個女仔，所以叫咗唔同野食share。叫咗一個四重火焰丼、一份三文魚腩剌身、一份油甘魚剌身、同埋四款壽司。好鍾意呢度嘅剌身，片片都係好大片，特別係三文魚😋食落去啖啖肉，好新鮮。而丼飯火炙就好香口，特別係左口魚，啲魚油出晒嚟👍🏼👍🏼唔單只剌身份量多，連飯嘅份量都好多😄我地兩個女仔都食唔晒啊💓最後壽司都係好抵食，基本上好多款都係$38有兩件💓同埋款式都好多。下次要再試吓其他款🥳

今日黎到大埔呢間食日本野🍣🥢🥢出面裝修都幾日本風，好別致～～🙈🙈入面位置雖然唔大，但係就有種好似日本街頭既拉麵小店咁，即時當返左去鄉下🤤🤤唔好睇間鋪頭細細地好似冇咩野食咁🤔，食物款式都幾五花八門，除左有🍣刺身、壽司、🍱丼飯、便當，仲有🍢串燒同埋🥟炸物🤩🤩🤩～～🍣免治吞拿魚軍艦 $38滿滿既吞拿魚，食落口感超滿足～～點上醬油，放進嘴裏，然後細細品嘗，一股香味立即彌漫在嘴入面。🥩炙燒牛肉丼 $138肉質嫩滑，好軟林林🙈🙈，飯再撈埋醬汁，好好味🤤🤤好想不停食🤣🤣🌋鮭火山 $118入面有齊三文魚、三文魚籽、拖羅蓉🤤🤤刺身鮮味十足，份量同飯比例又岩岩好，唔會太多飯☺️☺️一開始真係堆到成座山咁，要將上面刺身搬去另一隻碟到食先得🙈🙈🙈👅

一鳴係大埔有拉面同丼食堂，之前同朋友食過拉面個間都覺得好高質😙今次想幫襯左呢間丼食堂，價錢黎講都幾平民👍🏻值得一試架😌門口好似日本啲餐廳🤤🤤即夠沖左入去坐低，估唔到8點幾黎到都仲坐滿哂人🥢炙燒牛肉丼 $138牛肉肉質好鬆化，真係有入口即溶既感覺🤤🤤上面仲有粒蛋🥺超juicy😽😽本身以為丼飯係就咁白飯🤣估唔到每粒飯粒都有調過味😋咸咸地又酸酸地，真係超級開胃，食完都仲再食多碗呀😛😛🥢鮭火山 $118呢個係朋友叫既😝刺身顏色好吸引，而且好新鮮，超多三文魚同魚籽，真係高級享受🥰🥰cp值超高👍🏻👍🏻🍣免治吞拿魚軍艦 $38 我地叫左2份，所以有4件🥰🤤🤤吞拿魚色澤好靚仲好幼細香滑🥺口感真係一流

鮭火山🌋好多人都會食依度成座山咁嘅丼飯，非常適合打卡影靚相，見到有啲丼飯係一片片魚生疊喺飯上面，依款鮭火山就係用一粒粒嘅角切三文魚，再加咗晶瑩爆汁嘅三文魚籽，以及最頂嘅細緻拖羅蓉，如果有再多啲拖羅蓉就更正!炙燒海鮮沙律🥗依款係寫喺黑板嘅菜式，炙燒海鮮當然唔少得有三文魚啦，三文魚用咗角切方式處理，魚油燒香後散發香味，除此之外仲有墨魚、八爪魚等幾款海鮮，沙律冇落到好濃味嘅醬汁，食到食材原味🥢雖然店舖細細、職員唔多，但係服務好好，不時主動加茶，加上店內嘅裝修氛圍，真係有日式小店嘅溫暖感，另外丼食堂同隔離間一鳴相連，除咗可以食壽司丼飯，仲可以order拉麵串燒🍖

大埔好多隱細小店，位於小巷的這間一鳴丼，環境乾淨舒適，位置雖然不多，但五臟俱全。我們一行二人，點了一碗甲羅盛、壽司六點盛、兩款壽司、刺身及串燒，非常滿足🤤先說說重頭戲，究極甲羅盛不但非常足料，而且擺放得很精緻，拼出完整一隻蟹，令人完全不想破壞它。甲羅盛裏有蟹蓋、松葉蟹腳、蟹籽、蟹鉗和蟹膏。蟹肉肥美鮮甜，將蟹子和蟹膏均勻地配飯吃，簡直不得之了🙈不經不覺吃完了一碗！壽司六點盛則有六款壽司，包括甜蝦、墨魚和三文魚等。壽司非常新鮮，而且色澤美麗，值得一提的是三文魚對比其他壽司更長，一口吃下去，很滿足👍🏿另外兩款壽司分別是免治吞拿魚軍艦和灸燒左口魚，這兩款壽司也帶來驚喜，油脂分布很均勻，所以入口不會有太膩嘅感覺。刺身方面，點了三文魚刺身及赤蝦刺身，這兩樣刺身則保持水準。串燒則即叫即燒，雞軟骨調味剛剛好，而牛舌雖然有厚度，但不會太老。總括而言，這次晚飯帶來滿足和驚喜，值得再試😍

入到黎覺得好舒服，有吧枱，2人同4人枱。裝修同設計都充滿日本風味。呢到野食都幾多選擇，有拉麵、丼飯同串燒等。我地二人叫左壽司六點盛$138，包括有三文魚、海膽同油甘魚等。一上枱就知道刺身非常新鮮，色澤同油脂分布都好均勻。海膽亦都係鮮甜三文魚仲要係長長的，有別於平時食開嘅三文魚壽司🍣挑戰一口過，超級滿足！因為三文魚實在太好味啦，之後我哋仲叫咗兩款刺身，分別係三文魚（三片）同埋赤蝦（兩隻），今次比到驚喜我嘅係赤蝦，肉質爽口至於壽司方面我哋叫咗隻燒左口魚，左口魚除咗有厚度之外，仲要入口即溶㗎絕對可以encore其實除咗叫以上野食之外，我哋仲叫咗一碗究極甲羅盛🦀，有蟹蓋、蟹鉗、蟹膏等。一上枱我地都忍唔住哇左一聲，排得好靚呀完全唔捨得食！蟹肉係甜嘅，而蟹蓋盛住蟹膏蟹子同葱，將佢哋撈均勻之後再撈飯食，忍唔住一口有一口🙈唔好睇佢個碗細細地，兩個人share完全啱啱好完全冇令人失望！

咁岩呢排係大埔放工，又想食餐好嘅，就揀左呢間日本餐廳試吓🐷～～餐廳入面擺左好多清酒，日本公仔小擺設，充斥住日本氣氛，因為疫情去唔到旅行，但呢到可以令你猶如置身係日本！正呀！野食方面，嗌左四重火焰盛($138), 分別有火炙三文魚，火炙左口魚邊，火炙帶子，火炙蟹柳，而中間就放左隻溏心蛋黃。火炙三文魚：新鮮肥味，因半生熟嘅關係，食落去條魚有半融化嘅感覺，好滿足。.火炙帶子：有三大塊，每一塊都好大粒好厚切，食落塊鮮甜，用火槍灼過嘅帶子額外提升左新鮮度，好好味😋.火炙左口魚邊：本身左口魚邊都係入口即融，呢家再火炙埋，放落口成件事非常肥美，成個口腔都充斥住魚油嘅香味！.火炙蟹棒：蟹棒好長好大條，而且唔係坊間街市個啲急凍充斥住嘅蟹棒，融雪融得好好，而且都有少少嘅蟹味。.溏心蛋：半流心狀態，一啖流心蛋黃，再配一啖飯，充斥住蛋香嘅味道！.另外，仲嗌左三文魚腩刺身，除左厚切之外，師傅亦都專登切幾刀，將三文魚嘅鮮味同魚油味慢慢散發出黎，放落口啖啖嘅魚油味都佈滿左成個口腔，好滿足呀！

放工想出大埔覓食，嗌左個蒲燒鰻魚帆立貝盛（$128），鰻魚份量非常多！而且每舊都係厚切，而鰻魚汁更加突出到鰻魚嘅鮮味！另外仲有一粒原隻帆立貝！size亦好大粒！一啖食落去成件事真係好滿足！而且個侍應亦都好貼心，佢提我地可以用飯素撈埋一齊食！我就落左好多飯素，少少鹹味放入口食真係一流！另外，同友人仲嗌左3片三文魚腩（$48）+6條甜蝦（$58）。三文魚實在太肥美太好食，充滿左油脂，完全唔記得影相添呀但極力推介向位朋友食！因為厚切得黎，三文魚嘅肥美真係世界級而甜蝦嘅size 亦都出奇地大條，佢唔同出名餐廳啲甜蝦幼身，起碼有食指咁大條！而且食落去除左有蝦嘅鮮甜味，蝦頭亦未有少量膏，食落去介要係解甜架！總括然而，假期嘅夜晚呢間餐廳都比較多人，所以揀左閒日黎食，中意食刺身/丼嘅朋友，一定要黎呢間呀！

加左人工獎勵下自己 食啲好野啦🥰地點唔算難揾 但係佢既門口有啲令人不知所措😂😂唔肯定入唔入得 鋪位窄身 有日式小店既感覺 最後我哋選擇咗坐吧枱四重火焰盛- 見到OpenRice個個都推介 咁我哋都嗌黎試吓啦 坐吧枱嘅好處就係可以聞到火炙魚生嘅油香 令人垂涎欲滴🤤 讚一讚佢既賣相先 推到好似一座小山咁好震撼 有三隻勁厚帆立貝 三片超厚三文魚同蟹柳🤗 食晒啲飯都未食晒啲料 好開心🎉蒲燒鰻魚飯帆立貝盛- 比較普通 鰻魚冇燒嘅香味 似係就咁加熱再鋪上飯上 相較之下 我都係比較鍾意火焰🔥盛

係大埔附近返工成日lunch time想食都超多人排隊lunch set好抵食！好多小菜仲包汽水仲可以自己加紫菜飯素！今次男朋友接放工 勁肚餓就衝下試下運氣點知唔洗排隊！！我諗晚市係易有位啲嘅我哋一人叫咗一個丼飯北海道五品盛同埋火焰左口魚同三文魚兩個人賣單300幾蚊個人認為新界大西北嚟講算係幾好啦～魚生都算係好新鮮👍🏻🤓蝦好生 海膽唔會腥同埋靜靜地 坐得幾舒服如果飲酒嘅朋友都可以飲下清酒突然間好想食日本嘢就可以嚟食最重要係近！！

我之前去一鳴只試過拉麵個邊，覺得好好食，我見OpenRice 刺身呢邊都好多好評，又好耐無食刺身，今次同朋友又試吓啦。點知一試就真係好後悔了。首先啲刺身唔新鮮，甜蝦一啲都唔甜，啲肉梅梅地，我仲叫兩份最後剩咗一份無食。然後珍寶凡立貝，一啲都唔珍寶，仲要唔凍唔清甜，佢片檸檬都提升唔到個鮮味。海膽仲慘，苦嘅，一啲都唔新鮮，第一次食海膽想吐返出嚟，本身仲想試個海膽丼，好彩無叫。佢哋嘅熟食反而保持到水準，我同朋友都食唔曬啲刺身，雖然好貴，但真係梗唔落。埋單每人400幾，我寧願食放題好過。

同男友一齊幫襯過好多次隔離一鳴拉麵，一間大埔隱世日式小店。趁1000日拍拖紀念日👫舊地重遊決定黎試埋姊妹店，呢間就主打日本新鮮丼飯🍱同刺身🦑壽司🍣裝潢門面撲面而來滿滿日本風味，日式木趟門，加上門口兩塊藍色布簾，感覺彷彿置身日本居酒屋🇯🇵🏮🥚櫻花蝦玉子燒玉子燒每間日本店舖嘅做法各有唔同。佢哋嘅玉子燒偏甜，玉子入面有加入糖，本身睇落以為只有玉子燒上面會加上櫻花蝦但其實每層蛋入面亦都加入左滿滿嘅櫻花蝦去增加口感。一刀切落去已經見到好多櫻花蝦，食落蛋香濃郁，有少少甜味加上櫻花蝦嘅獨特香味整體配合得十分好👍🏼👍🏼🍱四重火焰盛 $138 米飯用左日本珍珠米，上面鋪滿火炙三文魚左口魚裙邊帶子同埋蟹柳，中間仲有一隻略略燒過嘅蛋黃令到蛋黃唔會過份流質。刺身炙燒嘅熟度恰到好處，令到每樣油脂豐富嘅魚類可以釋出油分提升香味，食材選擇夠新鮮，只有仿蟹柳係比較冇咁顯眼嘅食材。但份量就就略為少啲，如果係女性朋友去食就應該啱啱好🤓🦐北海五品盛 $178 呢個丼飯係一個刺身丼，材料主要包括帶子三文魚海膽一條海蝦同埋幾粒三文魚子醬油漬，新鮮程度亦都係幾好，食到食材嘅鮮味。但係份量我就覺得都係略為少咗啲，冇頭先嗰份火炙丼性

餐廳環境跟一般日本居酒屋差不多🇯🇵裝修以木系色調為主，牆上更擺滿各種日本酒 🍷✨店舖雖然不大，但座得也舒服💯餐廳主打八款海鮮丼飯，碗碗足料爆餡，今次試了🦀究極甲羅盛甲羅盛選用松葉蟹，丼飯更放上原隻蟹蓋、蟹腳及蟹鉗🦀🤩而蓋內亦塞滿蟹膏、蟹籽和鵪鶉蛋，足料爆餡，十分IGable📸✨個人喜歡先將蟹膏、蟹籽和鵪鶉蛋拌勻，再送飯一起吃，鮮味十足，入口一點也不膩😍不過個人認為蟹腳及蟹鉗肉質較硬，如果嫩滑一點就好啦😉🍣鮭火山丼飯上的三文魚、三文魚子、拖羅溶多到滿瀉，好足料🤤三文魚油脂分布均勻、三文魚子鹹淡適中、拖羅溶質感細膩，滿口都充斥著刺身鮮甜味😋

話說果日晏晝食完一鳴拉麵，陰差陽錯夜晚食埋佢隔離嘅一鳴丼食堂🤣🔆究極甲羅盛$𝟙𝟡𝟠全蟹盛🦀有蟹腳、蟹鉗、蟹籽仲有蟹膏🤩其實係細細隻碗上要撈咁多野真係超有難度🤣呢個丼外表真係好吸引，但佢嘅蟹肉食落唔係幾新鮮無乜味，蟹膏撈飯就好鮮甜🙌🏼🔆四重火焰盛$𝟙𝟛𝟠原本以為係流心蛋，但個蛋黃其實係實心的，所以都係幾難撈😂配料有三文魚、蟹棒、左口魚裙邊同帶子，全部都火炙過，質素不算特別好但都唔錯的，好過蟹肉🔆汁燒厚切牛舌$𝟝𝟞燒得幾香，配上(我諗係?蘿蔔蓉好夾，但一串都幾貴呢🤣🔆燒河豚乾$𝟜𝟞好鍾意食魚乾😋食落似魷魚味，質感會較硬🔆唐揚雞軟骨$𝟛𝟠上枱果陣熱辣辣，數量都幾多，同朋友一路傾計一路食都幾襟食🔆蒜蓉牛油炒什菌$𝟜𝟚食串燒真係次次都要食呢d🤣有幾種菇類🤤又香又重蒜好欣賞佢提供飯素比客人撈落個丼飯，唔會食到底就得白飯好寡👍🏼整體食物質素係有好有唔好啦🤣

Weekend下書約咗個朋友，而個riend話想食日本野，係咱以喺網上到search，就俾我搵到呢一間日本餐廳...老實講呢間野有啲難搵，但係啲巷仔入邊，我哋根據google map都要一段時間先搵到不過我真係覺得係值得既👍🏻👍🏻👍🏻一入到去間餐廳，真係好似覺得自己去吃日本啦！所以話每每橫街窄巷都會有一二想不到既驚喜增加上新界呢啲地方，呢類餐廳真係買少見少！鍾意日本喊朋友，尤其喜愛居酒屋文化既人，一定鍾意呢間餐廳🤩🤩🤩由於當呢餐係下午茶，我哋只係叫咗好少嘢，當攝下牙罅當中最出人意表既就係我叫既鰻魚飯 😚😚然係要等一段比較長既時間，但係都值得！間餐廳即叫即整，有得輸呀！我哋食飽飽，好快就走左！因為地出邊都好多人排隊等緊位！點知之後check返單，發現佢收多咗錢，個飛魚子軍艦明明menu係$ 28而張receipt收咗$ 36合不過算啦，間餐廳overall都幾好，當係貼士好比佢哋啦。