一鳴丼食堂

营业中

休息中

兩星期前已經想試吓呢條街既日本餐廳，今日都係決定唔到食拉麵抑或食便當，食拉麵果間有幾個人排緊，呢間無人排，決定食便當。裝修幾簡約，原來都幾多位，因為餐廳入面都仲有枱既。一坐低就先送上一杯熱茶，貼心。我入來之前係想食鰻魚飯便當既，但最後揀左吉列豬扒，因為便當入面有個「可樂餅」！超正。除左一個便當外，有碗麵豉湯，送埋飲品（烏龍茶或汽水）。麵豉湯其實好正，真材實料，唔會只見到水，好飲，飲晒。到個便當到！嘩！咁多飯，肯定食唔晒。吉列豬扒賣相很好，真係新鮮炸，好熱。皮好趣、豬扒好霖，而且仍然好 juicy，正。稍嫌覺得D油多左D。一小塊既玉子係好好既安排。而且有一格載左D薯仔咖喱汁，送飯一流。最後，要食我十分期待既可樂餅！真係好好食！十分滿意。對我來講，份量太大，食唔晒，我好想食埋D飯，飯面加左的芝麻同鰹魚碎，食落好香。仲有仲有，生薑！味道剛剛好，食飽飽食返幾片生薑幫助消化。唔覺唔覺，食左兩碟仔添 不過，係日本吉列豬扒通常會棷菜沙律任食，如果可以有棷菜沙律就好啦，唔駛任食都得。最後埋單，係收$68，午市無加一，抵食！

原本沒打算到這家的，意外地路過進來試吃一下。店很小，坐位不多，但整體看起來很乾淨整潔。日式的食品來說，未至於很高價錢但亦說不上便宜，價錢OK啦。餐牌款式也很豐富。先來了三個魚生刺生飯，賣相很吸引，外觀看起來也很新鮮。我是叫了全蝦這碗，沒有細數有多少條蝦，反正就是非常多，吃完飯了還有蝦剩下來，而且蝦不只一款！很新鮮！超好吃！ヾ(*ΦωΦ)ツ雞翼新鮮燒出來的，皮很脆。另一碟是茄子，也OK。燒鯖魚，這個也很新鮮好吃！不妨一試！炸雞軟骨，這款好像說是雞胸軟骨，價錢也比普通的高，還是第一次吃這種，也挺不錯的。Overall來說，這家的食物和衛生都很好，值得下次再來光顧，希望店家可以keep落去，因為高質的小店真的不多了！

晚上跟朋友討論要食咩，最後討論決定去吃日本料理，我們在大埔的隱密街角試試一鳴丼食堂，食堂的旁邊原來是一鳴有兩邊的店舖，一邊是吃拉麵，而另一邊就是吃丼飯、壽司、刺身等，站在門前討論了一下，我們想要入口即化的感覺，於是去了丼食堂。丼食堂主要的壽司招牌應該是炙燒三文魚握壽司，看老闆熟練的炙燒手法烤著蓋在壽司上的三文魚，如果不來吃一下就太對不起刀工師傅了。有人說，吃中國菜吃的是火的味道，日式菜呢吃的是刀的味道，這個形容在刺身壽司店真是再適合不過了~壽司的種類很多，我們嚮往的入口即化，所以一定要有油脂的三文魚壽司跟刺身，看到刺身的時候我們看到刺身上，師傅將魚肉上割了許多細小的方格紋路，不要小看這個刀工，這讓三文魚肉的油脂吃起來的口感更軟，比平常時吃的三文魚還要細緻，非常感謝老闆用他精湛的刀工造福我們的食慾。除了這個我們還發現店內的芥末醬，是現場研磨山葵的，所以放入口中的山葵芥末非常順搭，喜歡吃日式料理的應該也很喜歡山葵這一味吧!! 此外，我也很推薦山葵八爪魚壽司跟炙燒左口魚壽司，其中尤其推薦左口魚壽司，吃起來完全融入口中，與山葵醬料搭配起來就是 歐伊係~~~~，我們一共吃了10種壽司跟2種刺身，

一直都想尼食但次次都好多人排隊今日早收工就同男朋友尼碰吓運氣啦做左晚市第一枱客🤣坐位都鬆動舒適Manual 設計得好靚，唔想劃花佢張單，所以叫人尼點餐環保啲 點左北海道五品盛 x 2 + 燒牛柳粒北海道五品盛 有 蝦/ 三文魚/油金魚/帶子/海膽/ 三文魚子海鮮都好新鮮肥美，份量足夠，海膽鮮甜😋不過個飯底就差少少味個人覺得。overall 係好好食既！燒牛柳粒 牛味重，加番少少鹽燒就prefect 😋推薦啊！😋😋😋

一嗚丼食堂之前去過一鳴吃拉麵感覺良好所以再去隔離吃壽司果然沒有辜負我的期望不但上菜快速而且擺盤精緻尤如置日本的壽司店一樣因為不想吃太多所以這次點了壽司和刺身玉子壽司（兩件）$22飛魚子軍艦（兩件）$28炙燒鰻魚壽司（兩件）$38山葵八爪魚壽司（兩件）$28三文魚腩壽司（兩件）$38蟹棒壽司（兩件）$25間八-章紅魚（兩件）$30炙燒左口魚裙邊（兩件）$38火炙三文魚脂壽司（兩件）$20三文魚腩（三切）$48油甘魚（三切）$48全部都非常新鮮而且飯團扎實不會一夾就會鬆散壽司飯沒有很多反而生魚片就又厚又大片所以吃完不會剛好不會因為吃飯而飽生魚片油脂感重生魚片新鮮鮮嫩最愛是左口魚裙邊入口溶化不是很多壽司店有左口魚裙邊吃這間是我吃過最好吃的左口魚裙邊入口溶化真的很有驚喜！！而且十分貼心因為我們帶有嬰兒車的關係本來想坐門外但店員怕開門關門發出聲響而嚇到小嬰身所以讓我們坐在店裡面這點值得讚許！

因為疫情原因無得出去旅行，同朋友搵左間日本餐廳，去到店舖門口，有一刻覺得自己去咗日本🇯🇵。可能同朋友屬於早到，所以人唔太多，感覺好舒服！見到Menu有好多選擇，揀咗好多刺身，其次就壽司，丼飯，同埋鰻魚玉子燒，仲揀左兩杯特飲，落完order好期待！除左壽司刺身之外，其實仲有好多唔好類型小食，例如沙律、串燒同炸物，不過今次就主要食刺身😋首先登場嘅係兩杯特飲，絕對不hea，無奇怪藥水味😝 好味道！無幾耐就黎左客鰻魚玉子燒，其實我平日麻麻地玉子燒，但比哩個賣相同香味所吸引，就食哂了🤣 跟著刺身、壽司同丼飯都陸續登場，全部都十分足料，同朋友飽到捧著個肚走！🤰🏻值得一提，原來隔離係同一間鋪嘅拉麵鋪，下次要試埋先得😁😋

難過嘅2020年轉眼就去副尾聲 思鄉嘅我唯有去食日本菜 解一解思念之情🥺🥺今日黎到大埔墟隱世日式小店試試新野🤪一鳴丼食堂距離地鐵站大約10分鐘路程 都唔算太遠✌🏻所以路痴小編都唔識特別去搵路🙌🏻到達後先發現原來一鳴丼食堂分左左右兩邊鋪面，左邊係食拉麵🍜，而右邊係食丼飯😽小編覺得呢個分類相貼心，因為兩個類別不同，而重點係拉麵會比較濃味，如果你只係食壽司就唔洗怕要坐係一間充斥著濃烈氣味嘅店鋪內進食。而小編今次主要食壽司類別，所以就過左去右邊啦。店鋪設計偏日系簡約風格，非常舒服。店員服務態度非常好，仲會主動加水。👍🏻👍🏻而且餐牌菜式亦好多選擇，小編都苦惱咗好耐先落單🤫最後我地2個人叫左一個饅魚玉子燒$78、北海五品盛丼$178、炙燒左口魚裙邊$38、三文魚壽司$28、北寄貝壽司$24、三文魚刺身（3塊）$38、八爪魚刺身（3塊）$28、甜蝦（6隻）$58。刺身類別：（三文魚刺身（3塊）$38、八爪魚刺身（3塊）$28、甜蝦（6隻）$58）整體來講都幾新鮮！而且勁肥美勁厚切！完全出乎意料之外！特別推介甜蝦❤️好鮮甜☺️壽司類別：（三文魚壽司$28、北寄貝壽司$24）普遍壽司飯上嘅刺身都好薄好唔新鮮

呢個星期都落住大雨，鋪頭門口好貼心咁擺左遮袋。鋪頭裹面用居酒屋嘅設計， 位唔算闊落，但依然坐得好舒服,特別係張木凳，有適當弧度，合乎人體工學～一坐低，店員就拎左幾杯茶比我地，留意到客人飲哂就主動過加水，服務態度很好！而主角就當然係野食啦，三人行都叫左唔少野食。炙燒牛肉丼，牛肉份量都幾多, 佈滿成個丼飯，肉汁豐富，仲幾有咬口，飯當然係粒粒分明嘅珍珠米，配埋剛熟嘅蛋黃,味道真的不錯，值得一試。小食仲叫左明太子玉子燒，埋相一流，加左明太子有淡淡嘅粉紅色。趁熱擺落口，玉子燒最外同最內層做到同一個熟嘅程度，保留左蛋汁嘅濕潤而且充滿住蛋香，真係好食到不得了，推廌！飲品我就叫左一杯烏龍茶燒酌梳打，烏龍茶味道不算太濃，但都有D酒味，飲落都清新，味道都特別。

香港疫情反反覆覆想去旅行又唔得有抗疫疲勞嘅我唯有食下日本野治下思鄉癮朋友介紹咗呢間比較隱蔽嘅丼飯店一去到門口已經覺得好有feel木質既趟門再加上掛簾 好有日式小店feel入到去繼續全木嘅簡約風格 好溫馨好鍾意佢個Menu 手帳風 好特別嚟到咁啱冇晒海膽 本身想試吓北海五品盛所以轉左食四重火焰盛 再extra叫咗鰻魚同甜蝦壽司四重火焰盛（$138）個飯一嚟到有少少嚇親 冇諗過堆得咁高成座山咁但同Menu上嘅圖片一模一樣 完全圖文相符😂材料有 三文魚 帶子 左口魚裙邊 蟹棒 同溏心蛋刺身全部都好新鮮三文魚燒咗之後 油香更突出 帶子好鮮甜特別鍾意左口魚裙邊 口感咬落去好爽口肥美甜蝦壽司（$38），鰻魚壽司（$38）壽司飯醋味調味岩岩好 舊鰻魚仲要大舊過舊飯 好厚肉下次想試下燒物！

掛住日本，但又冇得去旅行，所以唯有食丼飯滿足一下自己想去旅行嘅心啦。呢度嘅裝修都好有日本居酒屋嘅感覺！而且全消餐牌餐牌亦都好多款，感覺好啱飲少少酒食啲串燒，同朋友過一個溫馨既晚上！呢度嘅餐牌一望就好吸引，每一個丼飯都有圖架，完全唔怕圖文不負，因為出嚟嘅樣真係同餐牌一樣。叫咗個四重火焰盛。入邊有三文魚、帶子、左口魚裙邊、同埋蟹棒，上面仲有一粒蛋黃添。出到嚟個飯勁滿！好足料！每一款料都至少有三至四舊，識落仲好新鮮添。而且呢度仲有飯素可以俾你自己加落白飯度架。壽司方面叫咗個甜蝦同埋隻燒鰻魚壽司，鰻魚超厚肉而且配埋燒汁好好味。甜蝦亦都好好味。呢度嘅店員都好細心，成日會幫我哋加茶，而且好有禮貌添，值得一讚。

雖然今年多左喺屋企煮飯，但係有d野自己係唔會煮到，就好似壽司刺身咁，就算有得買材料番屋企自己整都唔會有鋪頭咁好食。所以而家最好既解決方法就係喺屋企附近搵好野既日本野再買番屋企，近屋企咁又怕魚生變壞。今日就搵到呢間一嗚丼食堂完全係意外驚喜，值得下次坐定定堂食慢慢品嘗。今晚叫左個究極甲羅盛丼飯同埋一份活赤貝。首先個丼飯既料真係究極多，松葉蟹腳同蟹肉好似食極都有咁，超級豐富。蟹肉蟹膏同埋蟹籽溝埋一齊食既甲羅盛更加係超級好味，蟹膏勁甘甜，蟹肉又鮮又啖啖肉，送埋飯絕對係人間極品，蟹鉗都好大食勁多肉好正，食完成個飯係會有100分滿足既感覺。最後加埋超級爽甜新鮮既活赤貝做收尾，今晚餐飯實在無得彈。下次絕對要再食!

四種火焰盛丼本身以為細細碗，但其實食到最後都可以食到十成飽。火灸將魚生的油脂釋放，帶出香噴噴嘅味道🤤 左口魚裙邊一向都油脂豐富，廚師的Menu design 好有心思！雖然蟹柳棒（(x3) 比較平凡，但都再加上芝士燒一燒，顧及味道，算係OK👍🏻最有趣係，丼飯上面有一隻糖心蛋黃。望到我咀都O埋😂 唔通係中秋節前後嘅月圓特色？ Lol 
p.s.約略記得數目係 帶子 x6, 三文魚x 3~4北海五品盛有三文魚，油甘魚，帶子及牡丹蝦。海膽因為無貨，就轉左蟹肉。蝦肉勁新鮮多汁，而三文魚都是正常嘅高質：油脂紋理分佈整齊靚仔；油甘魚厚切、新鮮的味道。除了食刺身之外，有兩件日本丼飯嘅恩物都有得食。一係壽司薑，一小壼擺喺枱面，可以任食😍 啱晒脾胃虛寒嘅我。另一係飯素，即使忍唔住食哂啲刺身，都可以有飯素清埋壽司飯。

因為疫情問題，我都好耐無出街食好野喇，最多我都係買外賣番屋企食，所以近排都有留意屋企附近有咩好野食買。日本野一向都係我最中意既食物。。今日見到呢間一鳴丼食堂勁吸引，所以即刻試試先，食完果然有驚喜! 下一次一定要食堂食先得，順帶一提而家外賣仲有8折優惠，雖然唔知會做到幾時，但係成件事即刻好抵食。Menu 選擇多~ 每個刺身丼飯都好吸引😍😍我叫左個北海五品丼，另外加左活赤貝同北寄貝刺身。首先值得一讚既係就算外賣個賣相都做得好好，保持到好吸引既感覺。第一樣試活赤貝，超級鮮甜，仲要勁爽口，下次堂食一定要再試，100分! 北寄貝都好出色，一樣咁鮮甜好味。至於個主菜北海五品丼，刺身份量勁，完全係會有種點食都仲有既感覺，超豐富超滿足! 牡丹蝦大大隻，我最愛既帶子更加係特別鮮甜。油甘魚嘅肥美程度要大讚!今晚真係食得好開心，好耐無過咁另我滿足既外賣，遲d絕對要再去堂食先得

番左一星期工咁攰當然要去食番餐好，所以約左朋友係大埔搵野食，好耐之前食過佢的拉麵，所以今次就試下飯類，可惜去果日落大雨，去到餐廳都濕晒燒芝士年糕芝士味濃郁而不膩，表皮煙韌，一口size岩岩好!另外仲有燒日本甜蕃薯，蕃薯味好出，表面少甜，應該係加左蜜糖燒明太子玉子燒厚厚的蛋，中間帶點半熟 ; 表面的明太子份量剛好，唔會多到搶左蛋的味道蛋味都算香，不過記住要熱食，咁樣會再香d好味d燒鰻魚壽司大大塊厚厚的鰻魚，燒完好香，冇腥。我平時唔鍾意食鰻魚係因為佢會有陣腥味，但佢的鰻魚冇腥味！！d刺身全部都燒過，所以幾香，熱食就入口即溶，唔好睇佢細細碗，佢飯都搭得幾高，都夠兩個人食炙燒牛肉丼半熟的少肥牛肉，唔韌，牛肉份量都多，而且好香

事隔都有一段時間冇食過日本餐廳，今次去左位於大埔嘅一嗚丼食堂，成間鋪頭嘅設計已經好有日本味道，外面就用日式敞門。食物放面，丼飯類就叫左四重火焰盛，由三文魚，帶子，左口魚裙邊同蟹棒組成；面頭有蛋黃，軟綿綿，好香蛋味。輕輕燒過嘅三文魚唔會太乾，鎖住左三文魚嘅香味，食落仲係好滑；帶子口感不錯，唔會好韌或者有腥味。燒物就叫左芝士年糕，年糕軟糯，芝士味好香同年糕味道真係好夾。而小甜薯粒粒清甜，充滿蕃薯香，芝士年糕同小甜薯表面仲淋左糖漿，食落再多左層甜絲絲嘅味道.。壽司就叫左三文魚壽司，味道新鮮，而且都幾厚身；鰻魚壽司，鰻魚燒得夠火侯，醬汁夠味唔會太重味，鰻魚肉質不錯，唔會太諗.飛魚子軍艦，八爪魚壽司夠鮮味。飲品方面，就試左荔枝燒酌梳打，幾香荔枝味，似飲緊帶酒味的荔枝茶。