一鳴丼食堂

营业中

休息中

風味屋台日本料理：📍一鳴丼食堂 (大埔)大埔運頭街20-26號廣安大廈地下F號舖今日到一鳴食刺身丼飯，之前食過隔離一鳴拉麵，覺得質素很好👍🏻今次又再食過翻尋味，去試試隔離～成間鋪頭嘅裝修好有日本道地屋台風味，好似去到新宿橫街咁！🔻Menu👇🏻店內環境👇🏻🔻1.蔥吞拿魚丼定食（$88）估唔到而家香港$88都可以食到新鮮魚生定食，仲要連湯連前菜，擺盤精緻！前菜方面，有日式泡菜同蘋果洋蔥凍豆，兩樣前菜都凍凍地，味道口感獨特又新鮮，作為開胃小菜一流。吞拿魚容鋪滿滿，而且好厚一層，食落去完全無魚腥味，仲非常新鮮。🔻2.自選魚生（蟹膏、赤貝、吞拿魚容）（$86）相信大家都對呢種車仔麵式魚生飯唔陌生，大家多多少少都有試過。呢檔又平又多選擇，我就揀左蟹膏、吞拿魚容同埋赤貝。我極度推薦呢度嘅蟹膏，佢比嘅量非常多，拎黎撈飯仲有得剩，連醬油都唔需要落，而且有蟹嘅鮮味。下次一定再黎點呢個蟹膏，睇吓加上蟹肉會唔會再夾d!而赤貝都好爽口，口感獨特。最後我地埋單每人$95，抵食！

今日因為公司無啦啦要入大埔，索性就喺嗰邊食埋晚飯先走人，而家間舖頭距離大埔地鐵站都算近， 落車行一陣就到無論店外定店內裝修滿滿日式style. 餐廳位置唔算多，但就好有小店情懷餐單種類多但又好清晰，分類易明。特別嘅係佢嘅紙質，比較少餐廳會依啲特別嘅紙，文青風嘅人應該幾鍾意呢個就係我叫嘅晚餐啦：松葉蟹丼。飯面又鋪滿曬蟹籽蟹肉蟹膏。而且又有刺身蝦、湯、小菜，咁樣full set 食起黎真心覺得唔錯，感覺特別豐盛😆😆。特別要讚嘅係刺身蝦， size大得黎仲好新鮮。入口滿口鮮甜 好正，好想黎多幾隻店鋪整體價錢都適中，唔會太貴，就算同朋友聚會或者帶小朋友嚟食晚飯都唔洗心痛荷包🙈🙈。 如果我下次再經過的話，好想試吓佢啲玉子燒。

一鳴丼食堂毗鄰一鳴拉麵，一心要食拉麵的，排一鳴拉麵會比較快，除拉麵以外，也有供應燒物、揚物、屋台料理等等。至於一鳴丼食堂，供應的菜式更多，除了一鳴拉麵所提供的食物外，還有丼飯、定食、壽司和刺身！特盛魚籽海鮮丼定食，定食包括小鉢 (前菜)、漬物及湯。丼飯有鮭魚籽、飛魚籽、帆立貝及珍寶赤海老，赤蝦爽口鮮甜，帆立貝軟嫩甘甜，丼飯拌有飛魚籽及三文魚子，口感豐富之餘又有三文魚油香！前菜及漬物分別是小碟娃娃菜及熟蝦，沒什麼調味，普普通通。味增湯夠味，不會太鹹。雜菌松露醬油豬骨濃湯拉麵，配料豐富，有溏心蛋、叉燒、木耳、紫菜及雜菌，另加入了松露醬。豬骨湯底濃厚，帶淡淡松露香氣，又不會掩蓋豬骨湯的鮮香，增添香氣層次。半肥瘦叉燒軟稔又甘香入味，溏心蛋稍微熟了一點點，但都有少少溏心感。麵條掛湯，入口的軟硬度適中。芝士粟米玉子燒，玉子燒質感軟嫩，微甜富蛋香，內裡夾著半溶芝士及粟米粒，充滿滋味！不論拉麵、丼飯或玉子燒，味道都令人滿意啊！而且店內裝潢充滿屋台風格，用餐的環境氛圍良好！唯一的缺點是，這次坐吧枱位，燈光的照射不利於拍照啊～～

喺大埔住咗咁多年，終於搵到一間隱世日本居酒屋，雖然座位唔多，但係感覺好有日本格調，而且感覺好溫馨食物款式亦都好多選擇有日本丼飯，刺身，壽司，燒物，拉麵，最正嘅係仲有自選刺身丼飯，自己鍾意咩配搭可以自己選擇✨油甘魚，帆立貝，八爪魚，炙燒左口裙邊丼飯$134今日揀咗自選刺身丼，每樣食材都係自己最鍾意嘅，油甘魚肉白皙有彈性，脂肪含量適中，口感清淡略帶甘甜，帆立貝好厚肉鮮甜，八爪魚非常新鮮爽口彈牙，火炙過的左口魚，非常有驚喜，魚油脂爆發丼飯跟一個漬物，牛舌粒，麵豉湯，白蘿蔔，酸酸甜甜好開胃，牛舌粒爽口彈牙，一啲根都無✨三文魚腩刺身$48有四大片咁多，三文魚腩非常肥美，油脂感爆發

大埔墟街市對出嘅幾條街巷都有唔少食肆。今晚收工經過大埔，想食日本嘢又唔知食咩好，於是揀左一鳴丼食堂。 其實一鳴嘅舖位係一分為二，一邊係主打拉麵，另一邊廂係食日式丼、刺身同壽司。此外，佢哋重會供應埋串燒。黎到諗唔到食咩唔緊要，入到餐廳可以再度下。😂餐廳因為供應多類食物，所以樓面面積相對較細。光顧當日正值星期五晚膳時間，而我哋係walk in，撇除預約嘅位置，只剩下兩個位置。所以如有興趣一試，建議先行預約。因為係放工去食嘅關係，所以有唔少個人物品。店員見到都主動提供協助，暫時將兩個預約座位暫借畀我哋擺放物品。我哋收左蛋汁吉烈豬扒丼定食同埋魚貝丼定食。定食除主想外，亦包含麵豉湯同埋漬物。餐廳會等所有食物備妥先送上，所以備餐時間大概十至十五分鐘。丼飯飯質香綿帶飯香，而且唔會黐牙。豬扒炸得香脆，唔會太硬身。炸衣厚度適中，而且無散開。丼飯亦有加入洋蔥絲同蔥花，平衡左豬扒嘅油膩感。魚貝丼方面，魚生會同飯分開送上。魚生鮮甜無腥味，當中魚類刺身相對突出，尤其是三文魚肥美無渣。是次用餐經驗唔錯。下次經過大埔墟時會試埋一鳴拉麵質素如何。 👍

今日係大埔做野天氣又焗又熱所以想搵間日本野食又吾係住呢頭所以上openrice睇睇就係openrice發現到呢間小店因為佢係巷子入面正常吾係呢頭做開野或住應該好難會發現到口門設計係簡約木系我初初企係門口望幾望個餐牌最後決定入去一試入面裝修設計都係簡約木系座位吾算太多平日6點幾吾係太多人鮭魚腩刺身～～足足成2隻手指長～～油脂豐富～～入口即溶～～上面仲有少少柚子，提升左個甜味油甘魚壽司～～鮮甜美味～～好滑嫩～～飯就細細舊蒲燒鰻魚滑蛋丼定食～～有個麵豉湯～～前菜1吾知咩，酸酸甜甜幾開胃～～前菜2 螺同紫菜～～主角：蒲燒鰻魚大大件，熱辣辣，紅燒色澤，外酥內軟，肉質飽滿肥美～～配角：滑蛋加入左洋蔥落去炒～～等左成20mins先到，估計即叫即整！待應服務吾錯除左刺身、壽司、丼外仲有拉麵

上次嚟大埔已經留意到呢間小店，裝修充滿日式風味，今次專登過黎試吓😙粒粒海鮮丼定食$88一個定食已經包有兩個前菜、湯及主食👍🏼。刺身好豐富，有三文魚籽、小貝柱、玉子、八爪魚、三文魚等等，多料又新鮮，配埋壽司鼓油鮮味更突出。溫泉蛋牛燒肉丼定食$98牛燒肉經過醬汁燒熟，肉味香濃，配埋洋蔥加溫泉蛋汁，一啖肉一啖飯，大滿足😋炙燒左口魚群邊$38最鐘意食左口魚群邊，燒完油脂同壽司飯融合得好好。呢到都多款式揀，share下啲餐單俾大家參考下啦😊

火炙三文魚壽司入口即化，非常令人回味四重火焰盛見到滿到就嚟瀉，仲有燒過既帶子，左口魚，三文魚，蟹棒，已經心情大好，加埋隻溫泉蛋，絕對完美蛋汁吉列豬扒丼定食吉列豬扒炸到啱啱好，肉質夠嫩滑，以為平平無奇，食落有驚喜芝士粟米玉子燒半溶嘅芝士喺玉子燒入面有拉絲效果，再加埋粟米，香甜美味三文魚腩刺身非常厚身，好鮮甜，口感一流紫菜櫻花 蝦玉子燒厚厚嘅蛋加好多櫻花蝦，好似平平無奇，但係超級好食汁燒厚切牛舌心真係同個名一樣，真係幾厚切既牛舌心

-----一鳴丼食堂----- 大埔運頭街20-26號廣安大廈地下F舖淺木色系和風食堂 店內裝潢簡潔明亮特別食拉面位置 似日本街頭小店服務態度良好，員工熱情有禮，會主動為客人提供幫助和建議一鳴丼食堂提供堂食和外賣服務 主打拉麵，5 大湯底 之前食過 今次試試定食照燒雞扒定食對食有要求既你 呢個雞扒即叫即燒 所以要D時間慢工出細工 附上兩小碟小吃 一碗麵豉湯雞扒有厚度 啖啖肉章魚🐙御好燒小麥粉攪拌形成粉漿，再加上蔬菜、章魚粒，鐵板上燒成煎餅塗上調味汁 蛋黃醬 撒上柴魚片、青海苔

今日同朋友收工去左間居酒屋食野，雖然鋪頭細,不過入門口冇見到有服務員，企左一陣都冇人理。就是但搵個位坐低先啦，見到都幾忙，得一個人落單做野，一個師傅喺入面整壽司。叫左個壽司飯，每樣都有啲，幾岩食👍🏻串燒就一般般，牛舌好硬難咬，牛柳粒有d老，雞皮就燒得好食！壽司拼盤都幾好食😉多春魚同想像中唔一樣，因為呢隻大嘅冇乜春。最好揀d丼好食d😂整體嚟講都唔算唔錯，不過串燒就麻麻哋，可以下次唔使叫，壽司都OK。

幾年前已經留意到一鳴拉麵店，亦都幫襯過好幾次，當時都仲係主打拉麵，再加少少串燒小食之類。而家已經有兩間舖，基本上食物方面係互通，兩邊都可以叫拉麵或者丼飯。 拉麵黎講已經食過好幾次，今次無叫丼飯係因為有啲飽唔想食咁多野，咁就講下其他野啦。 話說我都幾鍾意食豚平燒，但係而家好似唔係好多地方有得食，可能我去得地方少啦。蛋入面有豚肉同埋椰菜，一份料理三個層次。 串燒黎講不過不失，以前嘅燒茄子好似係開邊半條。 芝士粟米玉子燒都係店內推介之一，半溶嘅芝士喺玉子燒入面都有適量嘅拉絲效果，再加埋香甜嘅粟米，好味。

係圖書館借完書，就係附近行下，發現到尼間有好多人支持的小店，唔好見佢好似好細間，係食物款式都有好多的選擇，有拉麵🍜、串燒、刺身、玉子燒、定食，仲有啤酒好岩同朋友飲返兩杯🍻環境的裝潢是日式的風格，坐係到好舒服🥰定食套餐和壽司套餐都好抵食，豐富👍🏼火炙壽司🍣9點盛$138✨三文魚、油甘魚、帆立貝、赤海老、左口魚群邊、鰻魚、紋甲烏賊、蟹棒、玉子✨每件壽司的飯團唔好大個，反而上面的刺身係厚切，特別係帆立貝壽司，一件都要分兩啖先食得晒，再加上經過火燒一下，有濃濃的焦香味，好滿足❤️🍑白桃一千零一夜🌱有淡淡的白桃味又再加上青檸和薄荷葉的配料，我覺得有少少乳酸味，酸酸地，好自然飲一啖又一啖🤤🤤🤤

今晚黎開大埔打波，打完波出身汗緊係想食餐好既，見到呢間居酒屋食評唔錯，入左去試下好唔好食先🤭🤭🤭環境真係唔錯，好有日本居酒屋風味😊😊😊木門有住小小既神秘感🙈🙈令人好想打開佢睇下入面係咩黎😚店舖入面掛左啲日本風既畫作🎏🎎🎎🎏好明顯我睇中左啲壽司啦😂😂😂😂叫幾款試下都好😆😆😆丼飯方面，我點左鮭魚籽。鮭魚。油甘魚刺身丼定食（$108）內含漬物同湯魚生好有好幾片，仲要大大片，三文魚籽一啲都唔腥，好食👍🏻👍🏻👍🏻賣相真係唔錯，好有食慾！仲有粒細細既生蛋黃伴飯，新穎👍🏻👍🏻👍🏻🍣🍣壽司類：三文魚壽司-二貫（$26）·油甘魚壽司-二貫（$36）·吞拿魚蓉軍艦-二貫（36）先講吞拿魚蓉軍艦，起初都怕紫菜會唔夠脆口，因為紫菜包左飯同魚蓉，但食落口完全無呢個問題👍🏻👍🏻三文魚壽司好唔錯👍🏻👍🏻👍🏻三文魚油脂分布平衡👍🏻油甘魚壽司味道都好新鮮👍🏻👍🏻平心而論，以呢個價錢食到呢個質素既居酒屋，性價比真係高👍🏻👍🏻好開心識到呢間隱世居酒屋，下次同埋屋企人黎再試拉麵類先☺️☺️☺️

今晚行街黎開大埔，上openrice search到有間好似唔錯既隱世日式丼飯小店🇯🇵🇯🇵🍣🍣，近近地入去試一試🥰🥰門口勁有日式風味，店中裝修都好有日本🇯🇵餐廳風格牆上掛上左日式既擺設😚😚我點左蔥吞拿魚蓉丼定食（$8️⃣8️⃣）附送小鉢，漬物同湯🍵🍵🍵賣相super靚😍😍😍😍仲有隻小小既生鵪鶉蛋伴飯👍🏻👍🏻👍🏻見到已經勁開心😍😍😍😍😍味噌湯好濃好香好好飲👍🏻👍🏻漬物小食都好多呀，一個人一定夠食，仲有我最愛既淹青瓜😍😍😍醃製蘿蔔唔會太酸👍🏻吞拿魚蓉丼飯有幾片紫菜，紫菜都仲脆既，可以自製吞拿魚蓉飯卷😆😆😆另外，都點左三文魚腩刺身（$4️⃣8️⃣）及北寄貝刺身（$2️⃣0️⃣）三文魚腩刺身勁厚勁大片油脂好充足勁好食呀😍😍😍😍😍北寄貝都好鮮甜😍😍如果唔係太飽既關係，勁想encore返個刺身🫢🫢有啲後悔太遲認識呢間小店🥲🥲仲想再點其他既丼飯，下次會想點一下自選丼飯，見到menu自選三款刺身可自動upgrade 做丼飯，感覺好抵食👍🏻👍🏻仲有店中不同小吃，下次都可以一試啊🫶🏻🫶🏻🫶🏻

入大埔順路想搵下好野食，無意間發現到一鳴呢間係橫街巷嘅日式居酒屋。鋪面唔算大，可能會坐得少少迫，但完全係日本feel嘅設計。先黎燒河豚乾，好脆好香口，開胃之選。海苔櫻花蝦玉子燒好多櫻花蝦，玉子燒得好滑又夠厚，加埋鋪面嘅木魚乾同醬汁，有好多層次令人非常滿足明太子海鮮雜錦御好燒有啲似大阪燒，但比較薄一啲唔係一大舊粉漿，我自己比較喜歡呢種口感，食落都有啖啖海鮮，明太子嘅味道好夠濃唔會比海鮮覆蓋，非常好另外當然要試下呢度嘅丼飯，北海盛主角海膽同大蝦都好鮮甜，其餘魚生都不錯，如果份量再多少少就更好。