一鳴丼食堂

营业中

休息中

最近朋友推薦大埔廣福道附近新開左間有質數既日式料理小店，一向支持小店經營加上朋友推薦，一於星期六放工後去一探究竟先，我同朋友用Google map先搵到去附近條行，哩度食店林立，人流都比較多，我地發現靠左手邊一角有兩間同我地要搵既店名一樣，原來一間係食拉麵，另一邊箱就係朋友推薦既食堂，一入到去，店內地方唔大，只有6張檯，店員倒了兩杯玄米茶給我們，而檯面上早巳放了幾張印刷精美的彩色菜單，朋友唔想諗，叫我隨便拍板幫佢叫埋，於是我叫了鰻魚盛、玉子燒同兩串串燒先品嚐，如果唔夠之後先再叫。一碟兩串的鹽燒牛柳粒送上，牛柳粒面加左蒜片同蔥粒，食落彈牙多汁，有牛味，唔會老。另一碟燒腩肉，本以為應該會好肥好多油，但可能夾左大蔥係中間燒吸左D油，加上同調味料味道好夾，食落完全唔會覺得肥膩。到紫菜櫻花蝦玉子燒送到，視覺望落去唔系好大碟，但面頭佈滿櫻花蝦同鰹魚片，切出黎煙霧四起，熱騰騰的，紫菜卷埋左係蛋裡面，食落滋味又多汁。最後蒲燒鰻魚帆立貝盛都黎埋，個碗唔系好大，望落去似小朋友份量，但面頭既鰻魚足足有成條份量甘多,加埋粒帆立貝仲有好多蔥花和蛋絲，同朋友分左黎食，帆立貝咬落比較乾身，但橙色膏狀部份咬落似食緊杏

平時新開嘅餐廳好少會即刻去試，不過見呢間新開嘅日本餐廳，除咗壽司之外，仲有啲幾特色嘅小食同刺身飯， 所以就俾個機會自己試下新菜式舖頭入面有張吧枱，可以睇到師傅整嘢食吧檯另一面放咗一啲新鮮嘅生蠔畀客人選擇除咗壽司吧檯，仲有個小酒吧飯類有八款，除咗刺身飯，仲有鰻魚飯等等嘅熟食可以揀壽司同刺身嘅選擇都多仲有好多小食可以揀呢度連串燒都有，係即叫即燒唐揚日本澤蟹聽店員講話啲蟹嚟到仲係新鮮識得郁，處理好之後先再拎去炸啲蟹仔好得意，外型睇落好似仲識郁咁因為呢款蟹細細隻，炸完基本上成隻蟹都食得，咬落脆卜卜海苔櫻花蝦玉子燒呢個玉子燒整得好挺身，咬落有口感加埋小小櫻花蝦同醬料嘅味道，非常好食蒲燒鰻魚帆立貝盛呢個飯用料十足，上面有隻大大粒、炸好咗嘅帆立貝裏面仲有好幾塊厚身嘅鰻魚，再加上有海苔、蛋絲、醬汁等等，呢個飯無論係味道同用料都非常好因為個飯好多材料，所以店員都好細心畀多個碗我哋分開嚟食汁燒厚切牛舌牛舌燒得脆身，咬落有少少煙韌口感，味道唔錯呢度食物水準唔錯，如果想食好少少質素嘅日式料理，呢度都係一個唔錯嘅選擇

呢間店原本係食拉，不過最近新開左呢間食日本野，我都係咁岩黎到附近食先發現。咁於是就入去試下啦！原本以為佢細細間舖會冇咩選擇，但估唔到選擇都幾多，各款魚生都有，仲有得食丼飯同玉子燒、串燒，呢到仲有得食即開生蠔架。玉子燒係原本拉麵店都食過，因為好食所以黎到呢到都要再食，今次試既係鰻魚玉子燒，入面包住一條鰻魚，好食！蛋好滑配埋醬汁好夾。然後叫左四重火焰盛，全部都有輕輕燒過都幾香，帶子好大粒，魚生入口即融，真係唔錯，仲可以加埋飯素一齊食，份量都唔少，我一個人都唔係好食得晒。最後就係極上壽司九點盛，賣相都幾吸引，甜蝦好大隻同埋好有鮮味，三文魚籽都幾甜，見到師傅都係即叫即整，唔錯！估唔到黎到呢到都有得食日本野，下次會再黎食

以前食過隔離嘅一鳴拉麵，最近知道呢個麵店一分為二，開咗一間丼食堂，依日星期五晚放工去咗食晚餐。淺色嘅木系設計，有table 位有bar枱。餐牌裏邊有唔同嘅丼飯、串燒、小吃，日本酒等。我哋兩個人叫咗一個丼飯、同埋唔同嘅串燒晚餐。🥢🥢蒲燒鰻魚帆立貝盛鰻魚烤得好香，外皮有微微嘅燒焦；帆立貝都好大粒，配合埋其他嘅配料，再加少少飯素同wasabi 混合埋一齊食非常之正！🥢🥢燒物串燒熱辣辣上枱嘅時候香噴噴好吸引！燒雞翼本身調得好入味，加上檸檬汁感覺香濃而不油膩。翠玉瓜keep住好多汁喺裏面影到黑蚊蚊添，哈哈！係燒冬菇同埋燒日本紫薯仔。一食串燒我都好鍾意食燒冬菇，我覺得菇類燒香左係好有菇菌香，又健康。而日本連皮嘅番薯仔燒到個皮好脆，裹面仲軟綿綿嘅，好香甜。茄子都係我嘅至愛，茄子本身係冇特別加好多調味料，感覺好清，但連埋木魚碎一齊食係好好味。滿足開心嘅一餐

行經小巷，偶然發現有間新開嘅日本餐廳，都有點肚餓，又落雨，一於試下啦。入到去，店子小小，以木為主調，令人感到溫馨舒適。炙燒牛肉丼好精緻嘅牛肉丼片片牛肉塗上照燒汁再輕輕火炙，香濃得黎亦好juicy。另外飯拌著微酸濃厚嘅乳酪醬汁，開胃又好味店員仲拎咗樽飯素俾我地，加少少落飯，味道更濃更豐富呢！唐揚雞胸軟骨同平時嘅雞軟骨唔同，比較大的一塊，連著小塊雞肉，口感豐富。炸得剛好，唔會乾，加少少檸檬汁再點沙律醬，正呀！鹽燒秋刀魚由於係即點即燒，要等一段時間。終於來了，熱呼呼，香噴噴，外皮焦香，肉嫩，骨有點多，要慢慢食。

大埔開了間新餐廳，立即來試試。位置在一鳴拉麵旁邊，拉麵都好好食，老闆再開了食堂，真的滿心期待。明太子芝士玉子燒味道100分，明太子醬好多，味道很香濃，裡面的芝士可以拉絲，蛋的部份很軟，像滑蛋卷起來，真的好考功夫。上桌時非常熱，大家要吃得小心點喔。炙燒海鮮丼是今期推介，寫在吧台的黑板上，海鮮的份量好多，輕輕一推就會掉到桌上。油甘魚本身脂肪比較多，燒過後有一陣烤味，可以減輕油膩感，而且脂肪的部份吃下去有入口即溶的感覺，好好食。烤雞的雞皮相當脆，雞肉嫰滑，即叫即炸，上桌時還熱到冒煙，旁邊附了檸檬，如果想口味清新點可以加檸檬汁，不過我覺得醬汁的酸度已經夠，吃到芝士味，好開胃，食唔停口。炒雜菜用燒汁炒，幾香口，份量又多。

今日原本想食拉麵，但見到原來開左間新野係隔離，去食下都好。原來都係一鳴既餐廳。之前食過一鳴既拉麵，好好味。餐廳好日式feel。入到去好度假feel。好似去左輕井澤既然感覺。叫左個四重火焰盛。見到圖已經期待。出餐時竟然靓過餐單。好鮮豔好搶眼既丼。睇到已經好開胃。食左一舊帶子。味道真係好新鮮。因為火灸過，帶子甜味更加突出。唔需要點醬油已經好好味。重點係上邊既蛋黃。蛋黃流曬同飯混埋一齊。雖然生蛋，但無腥味，仲好香滑。飯加埋蛋黃，個質感真係好好味。左口魚裙邊燒完，好滑。脂肪肥美。三文魚又係肥美既部分攞黎燒。味道真係好好食。攞左少少芥辣，好過癮。之後叫左個處女蠔。呢個有驚喜。上菜好靓，蠔好新鮮。成個吞左落去。蠔味好特出，好甜。口感超爽滑。好想食多幾隻！真係會上癮！之後叫左個牛柳串燒。牛柳彈牙，多汁！加左蒜片同蔥係上邊，味道夾得好好。牛柳燒得啱啱好，所以唔會老。飲埋玄米茶，好日式好享受！