一鳴丼食堂

营业中

休息中

I went right after my exhausted examination with a friend in Tai Po~ This restaurant is a Japanese restaurant. As my friend prefer eating Japanese food.The restaurant is not very big. I think we need to book as the restaurant sit with full of customers.There are oysters in front of us. This is recommended for some seafood 🦞 lovers!We ordered some seafood sushi as well. Very good taste~ nice tryThis is 玉子燒 with corn 🌽 and cheese 🧀, creamy and the size is enough for two persons鰻魚丼飯with sauce, ver

吾打吾撞見尼間唔洗等位就衝左入去，同埋係比佢個餐板吸引入去，因為係人手畫既畫。選擇都算係多種類，我地分別叫左 前菜 紫菜櫻花蝦玉子燒 - 唔錯好足料，而分量好大適合2人而上食，2個真係太多。同埋叫左 汁燒雞翼 - 一般，不叫試其他野都可以。散叫左2款軍艦 芥辣八爪魚軍艦 - 正！料夠！ 而蟹膏甜蝦軍艦 - 都係 新鮮！好少有蟹膏會食到有蟹鮮味，而尼一間做到！到左主菜就係 豪快海膽盛 - 滿滿既海膽，絕無手軟！海膽都算唔錯，無腥味。極上壽司九點盛 - 好食！係每一件都好食！當日佢有2種魚都無，所以換左另一種比我。尼一間民間小店真心推介可以去試一試，cp值高！如果你問我下次想試咩，我會答你 究極甲羅盛！

今天放工來到大埔搵食。朋友話附近的日本菜不錯，於是相約品嚐。環境和風設計，木椅子桌子，牆上的畫挺漂亮的，坐下，服務員遞上兩杯茶🍵茶香味醇好喝。灸燒左口魚裙邊邊壽司$32壽司🍣大小剛好好，共兩件，左口魚肉嫩鮮味灸燒芝士章紅魚壽司$32長長芝士條蓋上飯團，賣相吸睛，喜歡淡淡芝士味，章紅魚肉鮮味美蒲燒鰻魚帆立貝照$118鰻魚肉嫩夠熱,份量挺多的，飯挺香的，共兩件,帆立唄大大粒,有一大粒，燒完味道更香，口感更佳。 究極甲羅盛$198賣相吸引，好細心，蟹殼上菜前已幫手去掉，蟹肉好fresh，食蟹籽似糖，脆脆地，橙色為白飯畫龍🐲點睛。欣賞服務員態度友善，好勤力主動為我地添加茶。

我本身預這類做街坊生意的巷仔小店的水準一般，點知又幾好wor. 裝潢新淨。每個位都有盒紙巾，幾細心。我們點了北海五品盛($178)和壽司九點($238)刺身飯的刺身份量大大份😍蝦大隻到快要夾不起😂最鮮甜的是油甘魚，入口即溶，也有一份回甘的味道！好食！三文魚壽司超級長！雖然不正統，但作為三文魚愛好者的我絕對不抗拒食多點三文魚。😂😂老實說味道當然不及高級餐廳般鮮甜，但佢係有水準，食落新鮮。份量幾多下。每人二百蚊多少少，飽到我和朋友食剩了不少飯🙈。按份量和食物水準來說，佢比一般小巷的街坊餐廳高質！可以一試！

肚仔餓  又到搵食既時間  上次係附近食完野  記得附近有間日本野都有D興趣  所以今日特登走返黎試下呢間野裝修方便就同普通日本野差不多  坐落都舒服既  而今次我地坐吧枱  好入正題今次就叫左個『刺生三文腩』  但由於冇魚腩  店員就同我地講  話叫刮傅比返D近腩位既我地  我覺得呢個好貼心  呢樣野唔係咁多店員做到  三文魚算係大塊  有厚度  好濃既三文魚味  (心諗如果係腩既話仲得了既 )   跟住叫左個『壽師六點盛』---- (三文魚,章紅魚,油甘魚,海膽,墨魚,甜蝦,卷物) 三文魚頭先講左唔講喇  章紅魚同油甘魚有D甘味  OK既  海膽同墨魚  有好輕微既腥  食開海膽同墨魚既都唔會覺得有問題  甜蝦中規中矩卷物係青瓜蛋卷  蛋再加入青瓜  會有青新既口味  最後叫左個『蒲燒鰻魚帆立貝盛』帆立貝煎得好香  可能有焗過裙邊位有少少脆脆地既口感  再加埋D醬汁  好惹味  鰻魚冇得傾  燒得好香  軟淋得黎 但又會有返少少口感  鰻魚汁加埋少許蛋絲,香蔥  最後再加埋最重要既鰻魚  每啖口感都好豐富  好滿足  美中不足係我覺得有少少唔夠飽  可能係我大食啦 哈哈   女朋友

夜媽媽想食少少野，記得大埔有間日本野，細細間但好似評價唔錯。一入去就已經急不及待針茶比我地，佢地真係好怕我地冇茶飲，全程每5分鐘就問我地洗唔洗加水。😂果到間野真係唔大，得幾張枱，但環境尚算舒適。我地坐吧枱，都幾舒服。—我地簡單叫左幾樣野，淺嚐一下。😊三文魚刺身男朋友向來好鐘意食三文魚，次次食日本野都會叫。本身想叫三文魚腩刺身，可惜太夜，已經賣哂。😭唯有叫住普通三文魚先，個侍應話盡量叫師傅切啲近腩位既比我地。😚紋路清晰，每塊都幾厚身，食落口未係入口即融果種，不過魚油既甘香味都唔錯。—蒲燒鰻魚帆立貝盛粒帆立貝好搶眼，好大粒😍鰻魚都有至少10塊，相當唔錯呢。師傅將個飯堆到勁實，好似好細一碗，但飯量都唔少嫁。飯比較黏，因為冇咩汁，所以略嫌有啲乾。😖鰻魚中等厚度，燒得幾好，入口好甘香。—壽司六點盛三文魚、間八—章紅魚、油甘魚、墨魚、海膽、甜蝦，卷物。總共有7樣野。三文魚大大塊，唔錯。🤔間八—章紅魚同油甘魚，兩樣既甘味都幾重，幾鮮味。海膽好鮮甜，有好輕微既腥味，但藍妹完全接受到。😁卷物係普通既青瓜蛋卷，頂到少少肚既。—呢間野其實都唔平，性價比高唔高真係見仁見智。藍妹覺得還可以既。😀

🎈大埔出名嘅一鳴拉麵，最近開咗間食丼飯刺身等嘅新店，為左慰勞我呢個星期嘅艱苦工作，今日食好d，專誠過黎食下質素如何。😆🔆枱面旁邊用具、調味都擺放整潔。夾幾片薑同丼飯一齊食，少少辣少少甜酸嘅爽口酸薑，可以中和飯同魚油嘅滯膩👍🏻🔆北海五品盛 Hokkaido Sashimi Don (三文魚Salmon、油甘魚Yellowtail、帶子Scallop、海膽Sea Urchin、牡丹蝦Botan Shrimp）- 三文魚同油甘魚脂肪分佈平均，口感油滑幼細， 魚味濃郁；帶子肥厚有彈性；海膽幾乎入口即溶；牡丹蝦細綿帶爽；全部所鮮甜味美，加上紫菜同三文魚子，賣相豐盛，未食都口水流🤤。🔆玉子燒 🥚Tamagoyaki - 金黃蛋皮，口感嫩滑，札實嘅厚度，調味不錯，帶出濃郁蛋香，好香甜嘅味道😋☺️小店裝修係傳統日式飯堂風，店員溫文有禮。入到去有d溫馨日式飯堂感覺，心水刺身食堂又多間啦！📝

收工同朋友過嚟大埔專登去搵一啲小店去食，因為都知大埔有好多小店味道都唔錯。而價錢又唔算貴。鋪頭門口嘅裝修已經好有日式嘅味道。我哋先叫咗一個灸燒牛肉飯，賣相都幾吸引，上面仲有隻蛋吉川佢有好多蛋汁可以撈飯食。個飯就真係幾好食，啲牛肉都幾靚，有種入口即溶嘅感覺。不過就稍嫌牛肉個份量太少。跟住就叫咗一份壽司拼盤，咁啲壽司都幾好食，首先啲魚生都算新鮮，易啲壽司飯亦都夠實唔會一夾就散。之後我哋仲叫咗啲刺身，想試一試佢嘅刺身好唔好食，結果都唔錯，算係新鮮。壽司拼盤入邊嘅海膽壽司，就咁睇相已經見到真係好足料，食落去真係有淡淡海膽。咁整體而言個價錢都唔算貴，喺其他地方例如講到應該會收得更加貴。而呢度嘅環境亦都算唔錯所以真係值得一試。

係大埔小巷內新開左間日本餐廳，門口擺放了餐牌，看了價錢都合理。餐廳的擺設和裝修佈局都好有日本居酒屋既感覺，成個環境都係以木系做主調，有bar枱可以睇師傅做壽司，有2人和4人枱，感覺乾淨又舒服。餐廳主打丼飯，壽司，和日式串燒。四重火焰盛 $128有三文魚，帶子，左口魚裙邊，蟹棒，還有日本雞蛋撈飯食一流。師兄用火槍一一燒過的刺身，一嚟到就已經聞到很香火灼味， 帶子好大粒，食落幾鮮甜。左口魚裙邊入口即溶，魚油香味會留在口裏。蟹棒上面有香濃的芝士醬。 值得一讚，佢哋嘅米飯粒粒分明有嚼勁，而且好有黏性，很容易夾起 。雖然睇落唔算好大碗，但食落相當飽肚。壽司六點盛 $128一來到賣相好吸引。 咁多件之中，個人覺得最好食係油甘魚，魚腩肉厚肥嫩，食得出有甘甜的味道。但其他壽司就一般般，只是三文魚不太肥美，海膽冇想像中咁鮮甜。整體質素都是ok的。

 聽朋友講大埔開左一間新既日式店~今日難得準時收工，就約埋朋友一齊入去一向美食多多既大埔搵好野食~~一鳴丼距離大埔墟港鐵站都幾近，位於一條巷仔入面~餐廳入面座位唔算好多，但勝在裝潢非常有日式風格~又可以睇到師傅準備刺身既過程~本來都想試店員推介既火灸3點壽司，但又驚眼闊肚窄食唔哂，所以我地都係決定下次再試~個餐牌D 畫好靚啊XD黎得有 丼字做店名既餐廳~點都要叫番一個丼黎食既~ 丼既選擇都幾多~一輪掙扎後決定叫北海五品盛!見佢有三文魚、油甘魚、帶子、海膽同牡丹蝦~我最鍾意食海膽~覺得呢間D海膽非常新鮮! 其他既三文魚、油甘魚、帶子、牡丹蝦質素同份量都有保證! 好鮮甜! 而且個份量對一個女仔黎講都真心幾多! 好抵食!另外仲叫左一個極上壽司九點盛!因為我地好貪心，想每種壽司都試D 哈哈~到底九點盛有邊九款壽司呢? 有三文魚、章紅魚、左口魚裙邊、 海膽、赤蝦、珍寶帆立貝、三文魚籽、活赤貝同6件卷物~全部都好好食!!  條三文魚係超、級、長!! 活赤貝好爽口!所有壽司用料都好新鮮! 唔會有雪味!更值得一讚既係，店員全部都好有禮貌，好親切，又會不時主動地加茶(店內是奉上玄米茶，茶味幾夠，同朋友聊

早排放工同屋企人去咗大埔墟搵嘢食， 發現有間新嘅日本餐廳開咗， 叫一嗚丼食堂， 喺正區內有名氣嘅一鳴拉麵隔離， 我估應該係佢哋開嘅新鋪， 鋪頭裝修風格類似居酒屋， 餐廳環境乾淨。唐揚日本沢蟹蟹仔炸通透， 可以連殼食， 保持到蟹仔嘅鮮味， 加咗少少鹽和青檸造調味， 幾清新。四重火焰盛四重火焰盛有三文魚，帶子，左口魚邊，和蟹柳， 再用火槍燒過個表面， 有少少焦香味， 三款刺身嘅質素都幾高， 好有鮮味， 份量都算多， 食完個飯都有少少飽。雞肉京葱燒雞肉表面有焦香味， 調味方面唔會太重手， 保持到肉汁， 肉質嫩滑。 食串燒點少得啤酒， 餐廳有三款啤酒供應， suntory, Kirin 和 asahi. 最後我同屋企人揀咗比較少飲嘅suntory 嚟 share.三文魚壽司阿媽想食三文魚壽司所以我哋叫咗四件， 三文魚夠鮮味， 飯嘅大細都適中， 唔會太大嚿飯。燒三文魚頭最後叫多樣燒既野嚟送啤酒， 因為魚頭係即叫即燒所以等咗十零分鐘， 落咗少少鹽和黑椒調味， 呢個魚頭都幾多肉食， 好香口。

之前聽朋友講開係大埔區有間新開業的日式小店, 聽了後也不太在意, 直至最近在飲食網站看到幾個關於這店的食評，令我對這間日式小店的興趣漸漸增加了, 就找了一個晚上, 來這裡試試。店子位於橫街內，位置不算起眼，入到店內，座位也不多，一邊是開放式廚房，廚房外圍有一列吧枱，店內也有散坐, 是小店的格局，而且服務方面也令人滿意，店員都有禮貌兼好笑容, 坐下來, 店員先送上玄米茶。除了餐牌外，還要留意店內的告示牌，看看那些是推介項目、時令推介和新菜色。飲品方面點了青蘋果一千零一夜, 相當大杯, 青蘋果味道香甜, 冰涼又解渴, 也不錯。要了一客汁燒雞翼, 雞翼燒得雞皮脆身還帶點焦香, 雞肉口感很嫩滑，調味方面也做得好。店員推介了火炙3點壽司, 三件壽司分別是油甘魚、章紅魚、立魚, 三款魚的魚脂較豐富而魚味也濃郁，魚皮和魚肉讓火輕輕炙過，帶點焦香而減低了膩口感覺, 加上壽司飯味道就剛好。店員送上炙燒雜錦海鮮丼, 單看賣相已經是先聲奪人, 多款海鮮堆得滿滿的而且富有鮮味, 經過炙燒後多了焦香味, 也可以減輕油膩感，整體來講是有水準的。總體而言，食物有水準而且價錢也相當合理。就這晚所見, 店內坐滿客人,

係大埔想食日本野，其中一個會推介既係運頭街既「一鳴丼食堂」，食物水準唔錯，侍應態度好，環境乾淨。之前自己路過食完覺得唔錯，今次同阿女去食。阿女鍾意食香口野，點左個煎雞軟骨餃子，佢幾like，話薄脆得黎又唔油，一個人食左4件，都好，留番一件俾我😥😥好在我都唔輸蝕，點番個一樣好香口既鹽燒秋刀魚，煎得唔會太乾，成條魚機乎我可以獨享，唔使兩分鐘已經被我煎皮拆骨，咁先滿足!「蒲燒鰻魚帆立貝盛」，碗飯舖滿左厚厚既、閃令令既鰻魚，最上層有隻大大隻既帆立貝，碗邊加入蔥粒同雞蛋絲。阿女一見到就急不及待食左隻帆立貝，真係幾大隻。之後我地兩個將蔥粒同雞蛋絲同飯混埋一齊，黎個撈起!有魚有肉，點都要食菜平衡吓，簡簡單單來個「一鳴炒雜菜」，呢款既味道預期之內啦。都食到飽飽地，好似差左個甜品咁，就再叫個「燒日本甜番薯」當係dessert😝 一串六粒，一粒一啖剛剛好。粒粒都好清甜，呢樣上次自己一個人時都有食，好食既梗係要再食。間餐廳幾有心思，餐牌後面有介紹清酒小知識，自己間中都有飲但就無研究過，要搵個星期五晚約多幾個朋友放工黎happy吓至得。

平時食飯聚會都習慣去油尖旺，貪佢交通方便，不過食得多都厭厭地。周末約人食飯，老友住大埔，提議係大埔食，話個區無油尖旺咁嘈，鍾意清靜又想要街坊FEEL既，可以一試。入到去果然覺得舒服，靜中有旺。因為我想食日本野，老友就介紹左一間叫一鳴丼食堂既餐廳，見到個門面好乾淨好新，聽職員講話岩岩裝修完。整間餐廳好簡潔，以淡咖色就主調，加上比天空稍深既藍色作配答，簡單就是舒服。 連餐牌都好有心思，唔係普通既食物相，而係加插手畫既畫，感覺特別好。食物都一樣，簡單既食物好好食，亦都最考功夫。今次我地兩個人，並無大魚大肉，叫左D最普通既野，好有驚喜。最最最推介係佢個海苔櫻花蝦玉子燒，用幾個字形容: 香甜軟滑，呢個唔係甜品，我真係只諗到呢四個字，唔係好甜只係少少，加少少咸味，加埋紫菜再加埋櫻花蝦既鮮味，真係好正!!! 咬一啖可以見到一層又一層既層次。玉子燒食過唔少，呢間真係好正! 再黎一份灸燒牛肉丼，朋友唔食生野所以要求餐廳整熟D肉，預左咁樣肉會韌D，結果又唔係，師傅做到岩岩好，夾起塊肉，可以見到肉同脂肪，唔太油膩，好食。肉唔想食太多，再叫左岩鹽燒豬仔骨兩人分，好熱辣辣，肉汁幾多，又係好食。 天氣熱食物又熱，

暑sem天氣悶熱，但堅持要出黎同frd聚一聚今日我地去左大埔新開既一鳴丼食堂食日式美食！舖頭好多日式裝飾物，台櫈牆身同調味料d盒仔都係用木既顏色，好有日本d飯店既感覺一坐低店員已經好快手比左杯熱騰騰既玄米茶，好香我地order左一份鮭火山丼飯、芝士明太子玉子燒同燒汁厚切牛舌。鮭火山黎到時，開始會驚唔夠食因爲見個碗好細。點知不到底先知原來個碗好深，好夠份量！頂部分有堆好大份既拖羅蓉，三文魚食得出好新鮮，肥瘦適中，好香魚油味三文魚籽分佈好平衡啖啖都食到！芝士明太子玉子燒有驚喜，入面好夠熱，估計應該係mozzarella融喺中間有流心，好邪惡玉子有淡淡甜味，又整到好滑，加埋topping d醬同柴魚乾，停唔到口！牛舌好入味，唔會燒到好乾咬唔到，好味！依到野家大埔黎講算高質，店員服務態度又好，會反黎再幫襯試其他食物，期待