一鍋雞

营业中

休息中

晚飯時間要排隊，排左半小時左右。餐廳係普通茶餐廳格局，賣點應該係有個火爐熱住雞湯，keep 住暖。👌🏼招牌花膠濃湯雞 $68湯底香甜，比平時認知嘅雞湯味道，多了一點奶味和甜味。雞件未算特別滑，好處係仲有菜，夠晒營養均衡。主食選擇都多，可以揀飯，米線，仲有粉絲。湯底係好味嘅，但又未至於係驚為天人。自己嘅口味prefer 冇呢種奶味。不過睇埋價錢，咁嘅味道，咁嘅份量，勁抵食啦！👌🏼白胡椒豬肚濃湯符合預期嘅白胡椒湯底，唔係鮮甜嘅雞湯味道，胡椒味重，味道濃郁。材料都頗豐富。想食胡椒味嘅朋友會滿意。配合埋粉絲，再索味一d。不過夏天來食，開住火爐來食，湯底keep 住又熱又辣，食到一半叫佢熄火。

之前係公司都叫過佢既外賣覺得好好食，湯底都好濃，好味！外賣份量都好夠，每次食完都勁飽！但自從唔知幾時，外賣平台上顯示不能送達我地公司區域，就一直心心念佢既米線！直到今日放工後有時間就同同事直接去佢門市堂食吧😁我地都3點先去到但竟然都要等左陣位！嘩！估唔到堂食佢有個爐熱住個雞，幾特別！我地分別叫左招牌花膠雞米線同胡椒豬肚米線，另外一個素食同事就叫咗菇菌蔬菜米線！所以湯底都好濃，食完都冇好口渴，重點係佢堂食同外賣份量都好足，要讚👍🏻我地另外仲加左個椒鹽豆腐做小吃，個皮冇好厚，外脆內軟，啱啱炸完裏面仲熱辣辣好正！希望佢外賣方面可以送返去我公司個區啦！

呢間位於長沙灣天悅廣場B1嘅一鍋雞，最吸引係佢嘅椰子雞湯米線🥥🍜。先用新鮮椰子同三黃雞慢火燉9小時，湯頭金黃清透，帶淡淡椰香，入口甘甜不膩。米線跟住落湯滾一滾，即刻吸飽湯汁，彈牙爽滑，每啖都飲到濃濃雞膠原蛋白。仲有大片椰肉同竹笙一齊食，好有口感層次。每鍋$58，仲附爐仔keep住熱度，冬天食最啱！店鋪裝修簡約有氛圍，夠晒親民又溫暖，啱晒一個人嚟chill或者同朋友打邊爐式嘆住食。強烈推介湯底控試一試啦勁正啦！🔥

平民長沙灣雞湯米線，價錢大約$58有一鍋，中午時間好多人，應該平日都多街坊幫襯。 濃雞湯以一鍋上，落左單唔使5分鐘有得食，上菜速度亦好快手。叫左一個「招牌花膠濃湯雞」 花膠偏薄但彈牙，雞湯鮮甜，整體味道ok 。第二個係「竹笙椰子濃雞湯」，反而呢個有驚喜，湯底非常清甜！值得一讚佢哋有好多椰子，鐘意食椰子的人會好鐘意！不過竹笙相對較少，只有一兩舊。整體每鍋大概都有五至六嚿雞。另外仲叫咗一碟小食「椒鹽粟米」，口感唔錯，但係未算好甜，不過不失的一款小食。

想同大家分享我與這家食店的不快經驗，於3月16日我與一位95歲的婆婆一心念住去試試，婆婆是坐輪椅的，進入食店時，選擇了一張近出入口的長枱，盡量希望不影響他人，但當時店員說不會招待坐輪椅的食客，因會阻擋出菜及出入，我向店員表示可以選擇較入的位置，但店員表示無論坐任何位置都不方便，叫我們離開。當時我家婆婆很委屈地說是否我坐輪椅被嫌棄呀？我惟有安慰她，因店家坐位已訂，下次再吃，婆婆才能䆁懷。奉勸大家如是行動不便的，請不要考慮這家舖。今時今日這種服務態度，明白為何這麼多港人北上消費了。

今日夜晚嚟食，門口都幾多人排隊， 大約都排咗差唔多十分鐘排隊嗰陣就睇定餐牌食乜嘢掃qr code落單胡椒豬肚雞配粉絲雞係畀我想像中滑同有雞味豬肚大大件 感覺都有咬口整體胡椒豬肚雞都好濃味，粉絲配呢個配搭幾好 ，非常吸湯， 食完成個人都出曬汗竹笙椰子濃湯雞真係有一條條竹笙湯底味道重椰奶味， 帶微微的甜食物係符合預期， 覺得味道係好食嘅略嫌餐廳環境比較擠迫，要搭枱，又一人一個鍋 所以空間同枱面都覺得有啲逼餐廳上菜每人會畀一隻碟嚟放雞骨，覺得呢個位幾細心但人流太多導致檯面有點黐立立

天氣又突然凍，當然要搵啲暖身嘅嘢食❄️ 今次試咗一間主打雞湯嘅小型火鍋「一鍋雞」，門口人頭湧湧，應該幾受歡迎，就決定試試佢哋嘅兩款嘅特色湯鍋！🍲 客家黃酒雞湯米線 $58湯底濃郁，黃酒香氣突出，飲落有種暖胃嘅感覺🍶 雞髀肉質滑溜，但雞味比較淡。配料十分豐富，包括金針、雲耳、紅棗、薑等，材料充足，感覺頗為滋補✨ 小火爐持續加熱，確保湯底保持熱度，冬天飲一流！🥣 白胡椒豬肚濃湯粉絲 $58胡椒味適中，不會過於辛辣，帶出雞湯嘅香濃風味，粉絲好掛汁🐔 但飲完之後有少少口渴，應該有落味精。豬肚煮得好腍，冇異味，雞肉亦算滑嫩，配料包括雲耳、枝竹等，同樣係足料之選！🌽 椒鹽炸粟米 $38粟米係一粒粒新鮮切開，口感唔錯，但甜度一般。椒鹽味未能完全滲入粟米，加上炸蒜粒唔算特別香脆，整體來講比較普通。CP值算高，食材足料，最重要係小火爐keep住溫度，湯底唔會飲到一半就凍晒🔥 有興趣可以一試！

第二次食，只是夜了不想去深水埗個邊，見呢間有位就食，晚上差不多9點入座，阿姐比左4人枱，但叫我兩個人坐近牆講可能會有人坐但其他座位都冷清，menu都沒給我地就不停問我食咩，我哋堅持scan code落單，對食物沒期望，只是湯底出名，價錢一般，再貴啲我寧願食譚仔，我地食到9點半左右，阿姐就講要執爐，其實我地未食晒鍋內的食物，另一個阿姐掃地，不停拎掃把撞我對鞋，十分趕客，食物於同區不是突出，以後不會再去。

深水埗最近興起呢間我食親都排晒長龍嘅一鍋雞米線。身為米線控嘅我其實已經食過好多次。佢實在有佢令人排隊嘅原因！因為佢真係好好食。首先佢係用小型火鍋形式煲住雞件，名符其實的一鍋雞，然後米線就係另上。原本濃濃嘅雞湯再加上佢用火煲住雞件嘅關係，而我就會選擇將米線同時加入雞鍋入邊食。所以每啖米線都充滿雞湯味。 以廚師本身用嘅雞件都好滑又嫩，所以就算揀任何湯底都非常出色。我強烈推薦招牌花膠雞米線！同埋胡椒豬肚湯米線！同埋桃膠雞米線！

於2024年10月24日吃晚餐。男朋友媽媽極力推介「一鍋雞」，為了我們來到就有座位，她更特意比我們早到店舖，排了15至20分鐘隊。原來小店長期有條人龍排隊，不過等候時間不算太久，「翻枱」的時間算快。餐廳空間較小，加上枱面較小，食物容器較大，因此座位不太算舒適，我有過這次經驗後，就覺得可以外賣，坐得舒服又免了排隊的時間。每個主食都可以配飯、米粉、薯粉等。我們一行三人選了三個不同的湯底，分別是招牌花膠濃湯雞、白胡椒大蜆豬手煲、竹笙椰子濃雞湯。前兩者都是招牌湯，每個都有明火一邊煲着。招牌花膠雞湯熬出金黃色，雞味香濃，雞肉出奇地嫩澤，非常喜歡。白胡椒大蜆豬手湯則胡椒味突出，蜆味不算強，反而芹菜味更香濃，豬手份量都多，也炆到較鬆軟。椰子雞湯就椰子味太突出，蓋過雞湯味。當然雞肉也是很滑，但是如果愛椰子的朋友，也不妨可以一試。地址：長沙灣營盤街145號天悅廣場B1B號舖

香港有幾間隱世花膠雞米線呢間係其中一間我推薦特別要食椰汁雞湯米線🥥你喺花膠雞湯更濃味加上餐廳有多款小食都好惹味例如泡椒雞腳、豬手粒、椒鹽粟米等有時想滋潤一下 補一補絕對值得推介！🤗

每次經過都見到有人排隊，今天沒有人排，便進內午膳，餐牌大部份是湯鍋，一個鍋+一份飯、薯粉、米線或米粉，端在枱上有一小爐加熱，點了一個花膠雞湯鍋+米線，$68元，另一個胡椒蜆豬手湯鍋+米粉，$58元，再點一份拍青瓜，$28元，雞湯非常好味，少許花膠，雞肉一般，胡椒蜆豬手湯也一樣很好飲，米粉和米線一大份吃不完，兩鍋湯全清，拍青瓜少有切得較厚身，味道不錯，本來食物好，環境好，服務好，價錢平，食得飽，真係非常好，可惜美中不足的是，店鋪播放內地歌曲，似京劇之類，有些吵耳，如果可以不播，更好！

中午我们两个人在这边吃饭 人很多排队 先在门口等了半小时多，终于可以进去吃了，服务员听到我们的普通话，态度一下子变了，安排我们在一个四人桌吃，也没跟我们说要做到桌子的另一边，过来直接说“要做另一边啊 ”语气极差，后面我们旁边来了一对香港人，服务员态度立马就变了，笑脸相迎 点完菜之后终于上菜了 我们点的是竹笙椰子鸡 需要在锅下面点燃酒精 服务员拿了一把打火机点了后 直接扔进来 最后再来说下菜品 太淡了 汤很难喝 点了一个蚝油菜心 没想到直接就是菜心生烫加上家里的蚝油 很差 我们都没有吃完总之 不推荐！

最近被朋友推介一定要吃這間主打濃雞湯的米線，又在網絡上做下攻略，發現餐廳在當區是熱門餐廳。但餐廳位置不多 我有好幾次下班過去都見到大排長龍，起碼要等半小時以上，唯有放棄了。但前幾天好想吃濃湯雞米線，於是就叫了個外賣回家吃。竹笙椰子雞濃湯，一打開就已經聞到一股好濃郁的椰子雞湯味，相比一般的椰子清雞湯，這個湯底反而多了一種奶香的味道，竹笙和粟米也給浸透了濃郁的椰香味，雞件也嫩滑，如果在餐廳享用，用爐滾燙著熱辣辣進食，我想味道一定更加出色。！而且餐廳給食材的份量一點也不吝嗇，一個女生真是會吃不完。另外也叫了一份手拍青瓜，應該是即場調味的，青瓜並不入味，可不叫。不過值得一提的是，平常在外面吃的米線，味精超級多，吃完必然會非常口渴狂喝水，但是反而吃這個並沒有，反而有種在喝椰子雞湯的感覺，十分推薦，下次會試試他的招牌花膠雞濃湯。

店舖晚上開18:00, 我星期日17:45 去到已大排長龍，有無咁誇張呀! 而且條龍是由我食完離開仍未短過，所以提醒大家這裏不是好友飯聚的地方，是要快食快離的，而且要接受搭枱情況。 招牌花膠濃湯雞 + 稻庭烏冬 : 因為流量迅速，未必每鍋湯都夠熱，建議上鍋後代爐火熱一吓才吃。有幾片花膠👍，質感很淋滑，不爛且吸足雞湯味。旺菜份量不少，而且是足夠吸收到雞湯味，淋甜，好味好食👍。有幾件切雞，雞皮很滑(可惜我不食皮)，雞味和肉質正常。個雞濃湯算是我暫時飲過最好味的👍，無雞羶味，濃郁但不膩，和烏冬一起，幸福爆燈，湯量很多，就算2人飲也足夠，我飲後回家無口渴。由於客似雲來，服務要做到好有效率，不能要求高質款待。這個價錢有如此質素，我感覺是良好企業呢！😄