一鍋豐 (已結業)

放學無野做，就同同學們去食飯，見天氣涼涼地咪想去打邊佬，哩間一鍋豐都幾特別....又好似幾出名咁，咪去試吓囉！有三種價錢$188 ,$238, $288 三款都係任飲任食， 但當然價錢越高，款式會比較多，同埋比較好啦！咁我地梗係叫最平個個，刺身火鍋餐啦😍😻🤤又有任食刺生...仲有好多湯底選擇...我地選左胡淑銀杏豬肚鍋..都幾香濃...這裡呢自己出去拎嘅，都好多款選擇。最緊要系魚生刺身任叫唔嬲。而且d魚生仲大大片添。三文魚新鮮肥美，白玉豚厚切， 口感一流。赤貝同希靈魚都爽甜無比，我哋都叫咗幾個round嘅刺身呢！不過個人就覺得，刺身的確幾新鮮同鮮甜，但如果有冰鎮嘅話就會更加...仲有好多唔同既飲品啊！仲有好多韓國嘅飲品！我哋見到好多唔同嘅配料....都瘋狂咁點....而且食物都上得好快...包你唔會餓親。佢除咗一般丸類之外...仲要生蝦任叫...d蝦仲要大大只添。當你食飽之後...仲要甜品任食唔嬲。200蚊唔使，每人食到飽一飽超級滿足。啤酒，汽水，雪糕，雪米糍，雪條。。。都一樣任你飲飽食醉，值得一提是侍應的服務，換碟，舀油，入單，毫不怠慢！值得抵讚！性價比10分高！食物：8/10環境：

服務態度 差，啊姐明明見到你想落單 但扮睇你唔到，但上菜同執嘢速度都快。食物唔多新鮮 ，刺身更加唔洗講，最搞笑係手切肥牛，笑大人個口😂😂味道又唔好！唔明點解咁多好評 絕對冇下次！！！食得太嬲 所以冇影相🤦🏻‍♀️🤦🏻‍♀️

早幾個星期前同朋友兩個一齊去食，由於個日係星期五，加上我地都無book位，walk in去都等左差唔多成個鐘...由於我地得兩個人....被安排坐左係一個角落位(啲職員唔經過都見唔到我地舉手)坐角落位都算...四周圍仲要比幾張大枱圍住基本上係嘈到就算你坐到幾近都唔會聽到隔離果個講咩，真心講野每粒字都要嗌出黎...耳膜都快要受不了(╯‵□′)╯︵┻━┻食物方面...我個人認為真係質素一般般每次落order既份量都比好少你(可能係想唔好浪費食物吧！)，所以入單次數相對較多...對肉無乜興趣既我，當日都有點個豚肉同手切牛肉試下。嗯....豚肉薄到呢....好似張紙咁(分分鐘薄過張紙)。至於個手切牛肉...食左一，兩舊就無吃了，因為味道質感都一般。

天氣涼涼地最岩就係打邊爐，今次同朋友食生日飯，見到好多朋友推薦這間「一鍋豐」放題邊爐，立即試一試。共有3個價錢俾大家選擇，都係任飲任食，價錢高就會有更多選擇，今次我地就揀左刺身火鍋套餐，一坐下已經忍不住叫刺身，太肚餓了！刺身都是任叫，共有6款選擇，我自已特別喜歡吃白肉豚，赤貝，最重要是十分新鮮同大大件！火鍋既食物材料都有較多不同選擇，上菜速度都好快，不用擔心等了又等😆值得一讚是鮮蝦大大隻，又新鮮，上菜是蝦還會動。飲品櫃都有多款罐裝飲品可以選擇，可樂蜜桃茶忌廉七喜綠茶任意選擇。最後飽到動不了，但見到軟雪糕機都一定要試一試，有朱古力粒、棉花糖粒、朱古力醬、士多啤梨醬等配料，讓你自製雪糕🤤🤤🤤🤤價錢亦明碼實價，店員有禮貌，服務態度良好👍🏻👍🏻👍🏻

朋友生日，喜歡打邊爐睇左上網段介紹片，見老闆咁有信心就決定黎試下由於我地有9個人，所以前幾日已經book左位~book左八點半但我地8點半入到黎未可以入座門口靚姐話要等下，都要等左半個鐘先入得安排左張大圓枱俾我地，望到個爐…有d唔對路9個人，一個爐，張枱又大…個爐放中間有d遠…即刻問下職員可唔可以加多個爐，本身話要加多$68，都可以接受後尾部長都話我地多人唔洗加錢不過加爐只係俾多個gas爐我地即係一張枱有一個放中間嘅電磁爐同埋放電磁爐隔離嘅gas爐所以依然都係有半張枱嘅人要伸長d手夾呢方面有待改善至於食物方面湯底選擇鴛鴦鍋同椰子雞椰子雞湯有濃郁嘅椰子清香～值得一試我地選擇鮑魚套餐鮑魚，斑腩，生蠔等海鮮是一次性提供生蠔唔錯，但有部份鮑魚太韌餐廳還有提供刺身放題～雖然幾特別，但味道不過不失至於其他火鍋放題食物，都幾多選擇仲有d比外面特別嘅材料例如乾魷魚，雖然烚完之後會好韌，但好重魷魚味～不過要特別提下肥牛上枱時我嚇呆了…這是肥牛嗎…還是牛肉片？起初我還以為自己點錯第二次落單後，都係出現同一東西…肥牛方面確實有點失望另外我們點了的鱔片，來的時候只有3塊…有點少吧…甜品方面有我喜歡的牛奶樂雪條

天氣開始轉涼所以就決定去打個邊爐，揀左個象抜蚌海鮮套餐($288)😻😻 配料野飲自己出面拎嘅，最開心係有熱茶offer✌🏻✌🏻湯底要左沙爹配清湯😊 侍應會先上海鮮，象拔蚌都幾爽，鮑魚亦幾彈牙！魚片唔腥，肉質鮮美👐🏻 之後就點左d大路野，最出色係個墨汁墨魚丸👍🏻👍🏻好彈牙，入面好多墨丸粒🙌🏻🙌🏻 響鈴都好食，點沙爹湯好正不過真心肥🦀🦀 佢仲有刺身任食👅 三文魚都新鮮，不過唔算肥美😪最正係鮑片，好甜😀

我真係覺得係香港食物係無分國界，更無分季節！因為香港人一年四季都甘鐘意打邊爐而係越來越多過江龍來港，本地火鍋店都要好好甘去固定返本身既地位，所以出左任食任飲黎吸引更多客人。今日黎到旺角創興呢棟美食大樓，見到"一鍋豐"好大個廣告，而且之前見過有報導，所以就決定試下！一黎到就要揀餐先，因為每個餐既配料紙都唔一樣。今日就揀左$238 鮑魚海鮮火鍋套餐配料各類選擇都好多，而且刺身都係任食。一次滿足中日2種料理！！！值得一提，配料應該會依照落單寫既人數出，份量岩岩好，好貼心。飲品同醬料選擇都算多，而且唔馬虎，唔會放啲平價野飲出黎。刺身分別係 三文魚，白肉豚，赤貝，希靈魚，榮螺片。值得一提既係第一次見到火鍋店刺身會有白肉豚，而且油份好夠，入口即溶。赤貝雖然唔係太大件，但都好爽口好新鮮。鮮茄蜆鍋蜆份量好多，湯底都好紅。但可惜蜆有沙，會令到成煲湯底都有沙。可能食慣左重口味，覺得茄味唔算好濃，所以比較建議可以再單點蕃茄落去煲。附餐會有一盤海鮮，一共5款。包括有海斑，鮮鮑魚，有殼蠔，珊瑚蚌，馬刀貝。睇落都唔錯，色澤幾新鮮。蠔雖然會縮水，但都係正常size，味道幾鮮，但好可惜又有沙。幸好鮑魚水準唔錯，夠彈牙

最近忙到不得了，根本無時間約朋友食飯。日日加班加到無停手。連假期都無得放，真系好想食餐好嘅....好彩今日有同事幫下手....我可以早走...所以就約咗我嘅老友記去打個邊爐歎返下.....既然落到先達買野，倒不如就係旺角食返餐啦。哩間一鍋豐都幾特別....我諗佢地應該成日都排長龍...所以特登整定一啲梳化係度俾客人..休息一下...慢慢等入席。佢地打邊爐嘅配料都有好多唔同嘅選擇。淨系睇佢地咁多人爆哂埸....啲食物質素應該有相當嘅保證。首先嚟咗呢個海鮮拼盤，又有生蠔又有聖旨又有象拔蚌同埋石斑魚而且感覺都好新鮮。最緊要系魚生刺身任叫唔嬲。而且d魚生仲大大片添。我哋見到好多唔同嘅配料....都瘋狂咁點....而且食物都上得好快...包你唔會餓親。佢除咗一般丸類之外...仲要生蝦任叫...d蝦仲要大大只添。當你食飽之後...仲要甜品任食唔嬲。300蚊唔使，每人食到飽一飽超級滿足。

今日阿媽生日一家人去咗旺角打邊爐，不過今次我哋就去食一間新店，因為平時去食開個間已經早左一個星期book都book唔到位， 所以今次決定試新野！上網見到其他人嘅食評感覺都唔錯！佢有三款火鍋套餐，有象拔蚌海鮮火鍋套餐、鮑魚海鮮火鍋套餐同埋刺身火鍋套餐。象拔蚌同埋鮑魚海鮮火鍋套餐都可以任點刺身亦都有得任飲啤酒。刺身火鍋套餐就冇得任飲啤酒～今日阿媽生日梗係要叫個最正嘅象拔蚌海鮮火鍋套餐啦！我覺得又有得打邊爐又有得食刺身呢個配搭真係好新鮮亦都好正，因為我食放題都係為咗仼食三文魚刺身，而家打邊爐都有得食刺身，感覺就好似打邊爐放題一齊食！淨係呢個都抵番晒啦！我哋揀咗個豬骨湯底，湯底好濃好鮮！火鍋料嘅選擇都好多！最值得推介嘅係佢有一隻芝士豆腐同埋芝士雙響丸，作為芝士迷嘅我當然唔可以錯過！呢兩款我喺其他火鍋店都冇見過~個豆腐入面好重芝士味，鹹鹹地甜甜地咁。個雙響丸入面係流心芝士，而且仲有好香粟米味，味道好特別，好正！阿媽都大贊好味！另外仲有一隻墨汁墨魚丸都好特別，粒丸完全係黑色而且好大粒，同普通墨魚丸嘅味道有啲唔同，佢既墨魚味好真。食完之後仲可以自己整雪糕食~仲有好多唔同嘅小配料可以俾你裝飾雪糕，小朋

幾個麻甩搵嘢食，一人提議日式放題，一個提議火鍋放題，一個話蒸氣鍋。。。最終搵左"一鍋豐"火鍋放題，啤酒任飲，仲有刺身嘅火鍋放題$188,$238,$288,攞個中間數，$238鮑魚海鮮套餐鮑魚爽口，有口感象拔蚌仔爽甜仲有生蠔和龍躉海鮮拼盤只有一個Round ，其他就任叫，刺身都係任食咖三文魚新鮮肥美，白肉豚厚切，口感足，赤貝新鮮爽口，希靈魚入口索索聲。。。。蘿蔔牛腩鍋做湯底，蘿蔔和牛腩都已經煲好，夠腍，食左先再打邊爐海鮮樣樣都幾新鮮噃，蝦插住竹籤都紮紮跳，蜆都仲會開開合合咁呀手切肥牛，鮮滑牛肉，都係新鮮牛肉嚟咖，吾係急凍嗰啲牛肉味當然更濃啦牛骨髓都有噃脆肉鯇，魚頭，白鱔片。。。花膠好正，食多兩Round, 骨膠原夠晒呢芝士魚腐，海膽丸，手打墨魚丸，響鈴，生根。。。每樣食少少都吾少嘢。皆因落單好快就到，又吾會走單仲有雪糕，雪條做甜品，仲有雪米糍添難怪星期一都爆晒啦，好彩我地早到咋，咪要等位添

四個人去到旺角一間火鍋店試吓，位於創興廣場上面嘅《一鍋豐》，任飲任食有三個套餐選擇，我哋揀咗「刺身火鍋套餐」當中包括一個精選湯底-「椰子雞鍋」。刺身有六款選擇，我哋一口氣就點左三文魚、白肉豚同埋赤貝，刺身擺放得好整齊美觀，驟眼睇好新鮮，特別「三文魚刺身」咬落去爽口新鮮，之後再encore。火鍋湯底-「椰子雞鍋」好香濃嘅椰子味道，而且入面雞件份量都比較多，雞肉肉質鮮嫩，而且入味，仲有爽口嘅椰子條。火鍋配料食物超過50款選擇，任點任食。當中肉類我哋選擇咗「手切肥牛」同埋「羊肉」，兩者都非常新鮮，特別係手切肥牛條紋平均，而且非常濃郁嘅牛肉味道，一口氣食咗幾塊了。海鮮方面我哋叫了兩三碟「海蝦」，只需要灼幾分鐘就食得，肉質爽口彈牙，非常新鮮。除此之外，仲有我最鍾意嘅「韭菜餃」同埋「雲吞」，皮薄餡靚，雲吞入面有多隻蝦肉，就咁食都好好味。還有其他食物真係多不勝數，包括蟹棒、午餐肉、魷魚、墨魚丸、墨魚滑、響鈴、蒜香雞翼同埋蔬菜等等，每一款都新鮮美味。當然飲品都係任飲任攞，還有啤酒任君選擇。甜品方面，有獨家嘅「自助軟雪糕機」，仲有兩款口味，可以自己親手扭出軟雪糕，製作完後仲可以自由加雪糕配料，當中有我最

已經好耐冇食過火鍋放題，因為比較喜歡自己鍾意食乜就叫乜但係今天朋友極力推介，邀請我試 "一鍋豐"嘅海鮮放題火鍋！見他盛意拳拳，唔好意思推搪就試下啦有三種價錢$188 ,$238, $288 三款都係任飲任食， 但當然價錢越高，款式會比較多，同埋比較好啦我哋揀咗238嘅鮑魚海鮮餐，先來一個海鮮拼盤，其他嘅食物就自己再order鮑魚淥一淥就食得，好鮮味腍甜象拔蚌仔就爽甜彈牙生蠔連殼，雖然唔係好大隻，但係勝在新鮮吾腥龍躉肉質嫩滑火鍋放題居然都有刺身任食三文魚新鮮肥美，白玉豚厚切， 口感一流。赤貝同希靈魚都爽甜無比我哋都叫咗幾個round嘅刺身呢蘿蔔，牛腩湯底，牛腩已經煲得夠腍夠香生蝦咁跳插住竹籤都識郁喎蝦肉彈牙，蝦頭有膏，好新鮮喎手切肥牛同鮮滑牛肉，其貌不揚，不過又真係好滑喎脆肉鯇魚腩白鱔片手打墨魚丸，芝士魚腐，海膽丸，響鈴，生根。。。。。啤酒，汽水，雪糕，雪米糍，雪條。。。都一樣任你飲飽食醉難怪朋友極力推薦啦值得一提是侍應的服務，掂換碟，舀油，入單，毫不怠慢

我鍾意食火鍋但男朋友想食刺身，咁就梗係最好揀一間兩樣都有得食嘅餐廳啦淨係火鍋配料都已經有很多選擇啲菜就咁睇相都已經睇到好新鮮啦呢個係我最鍾意食嘅 墨汁 墨魚丸， 佢入面有好多粒 墨魚 ，咬落好爽口啲三文魚好新鮮， 啲顏色都好靚， 如果任食火鍋 嚟講質數算係好高，因為就算你出去食放題三文魚啲質素都未必有咁高手切肥牛 嗰啲牛肉都好靚，食落去以為自己食緊 安格斯 ，最緊要佢唔肥好有肉味飲品 都有好多選擇 仲有啤酒 鍾意飲啤酒嘅人就啱曬 地方好大， 裝修都好乾淨企理任食刺身一定要食三文魚同埋赤貝

秋風起，係時侯吹雞打邊爐， 朋友提意去任飮任食嘅「一鍋豐」打邊爐 。位置十分方便， 位於創興廣場18樓，在油麻地鐵站A1出口， 步行幾分鐘就到 。 除咗打邊爐，仲有六款任食刺身提供。其中三文魚鮮甜肥美， 十分新鮮。 調味醬料有生蒜、炸蒜、辣椒 和 蔥花等等， 可以任意選擇。 嘩！ 有我最喜歡嘅海鮮拼盤，海鮮拼盤有海班、鮑魚仔同有殼蠔等等。我最喜歡海斑同鮑魚仔。 海斑片厚切，入口肥美鮮甜，有香滑魚味。 鮑魚仔切成薄片，又快熟又唔韌，鮑片非常爽囗。 真係好美味， 可惜只是一次性， 有得encore 就好啦 ！ 朋友最愛吃肥牛， 叫了多碟《手切肥牛》， 真係歸晒本啦， 抵！ 牛肉味重， 油脂比例平均， 煮一陣加上自製醬汁就可食得了， 實在太惹味，肉質香嫩多汁。黑豚腩片，切成薄片， 好快熟， 油花豐富， 口感柔嫩， 肉汁香甜， 有香濃嘅肉味，用來打邊爐簡直一流。除了一次性嘅海鮮拼盤， 大大隻嘅海蝦係任叫任食嘅， 當然唔好做大晒鬼啦， 食得幾多先好叫幾多。 海蝦鮮甜無比， 十分新鮮，滾一陣就灼至鮮紅色，蝦肉鮮甜爽口，真係好好味， 十分滿意。 雲吞、韭菜餃 和水餃都係新鮮包的， 我比較喜歡雲吞和

今日天氣勁好！有太陽但又唔熱！所以同屋企人去行街食飯！行到夜晚，見天氣涼涼地！就諗住打吓邊爐！因為都好耐未食過！見之前上網有介紹一間叫”一鍋豐”既餐廳，見食評都唔錯！就決定今晚去試下佢！上到去等咗一陣就有卡位坐！因為我地得四個人，坐得好鬆動！正！跟著就睇Menu！發覺可以加少少錢就有任食刺身叫，爽！我地叫咗三文魚同赤貝做頭盤！食完就開始入正題，揀鍋底！最後揀咗豬骨湯配”鮑魚海鮮火鍋”佢搭一個海鮮配料拼盤：有原隻鮑魚，生蠔，螺片！然後開始揀其他火鍋配料：重點推介佢地花膠，芝士豆腐，蟹爪棒肉同埋墨汁墨魚丸！花膠好爽，勁有口感；芝士豆腐好特別，芝士味好重（但小心燙）蟹肉棒同墨汁墨魚丸都好好味，夠爽口！飲品方面竟然有啤酒任飲，啱唒老豆！佢地服務都好貼身！會主動幫你地加水，執枱！嘢食都嚟得快，數量足、冇咩漏單！抵讚！佢地甜品就好特別，可以自己”吱”雪糕，有雲呢拿同薄荷朱古力揀！我吱咗一個”幾層樓高”既雲呢拿雪糕！食完之後真係飽到郁唔到！今餐真係好滿意，趁宜家天氣開始秋涼，大家有機會記得去試下！真係值得推薦俾大家！！