一遊

营业中

休息中

尖沙咀好多日本餐廳擇，如果想搵間靜少少呢間算中規中矩，地點方便，人流唔算太多，星期日去都唔洗排隊，呢個餐廳傾下計食下野算唔錯。講返食物，今日叫左個海鮮丼跟餐，魚貨其實算唔錯，裡面有海膽，帶子，吞拿魚蓉同角切吞拿魚，頗豐富。魚貨同飯既比例算幾平均，可以做到一啖飯配一啖魚，擺碟都算幾精緻，唔會好似某啲餐廳比好多飯充數。魚貨算新鮮，鮮甜，唔錯但醋飯調味偏甜，一齊食既話，誇張既甜味會遮蓋左魚貨本身自然鮮甜既味道，呢到好影響到整個丼飯既味道，因為醋飯係應該帶出魚貨既鮮甜而唔係蓋主咁搶招點，再加上飯同魚生之間仲加左啲飯素，令到整體更加複雜而有減弱左主角既味道，通常對自己魚貨質素有信心，個飯唔會搞咁多野，呢度有啲怪。而吞拿魚蓉，方間有好多唔同既配搭，有啲會加片紫蘇葉，有啲會加入蔥花，而呢到就選擇左後者，其實無話唔好，只係個人口味偏向於前者，紫蘇葉獨特的氣味可以減低吞拿魚蓉既油膩感而且帶出魚味。三文魚子過鹹，帶子，海膽，角切吞拿魚都唔錯，其實個飯調味無咁複雜相信整體既味道會更好。跟餐配沙律，唔錯，菜新鮮夠清爽，但麻醬味道有纏人嘅感覺，令沙律整體無左開胃既作用，反而愈食愈滯。麵豉湯，正常，湯底飲唔到其他

一遊嘅居酒屋氣氛一流，格調十足十足日本嘅居酒屋，玄關、木枱木凳、木欄杆木門、和紙、榻榻米、日式庭園，全部都好japanese。座位舒適闊落，空間感好大。服務非常好，勤力快手，願意解釋餐牌，又有提到有餐牌以外嘅菜式：天婦羅、是日刺身。餐廳提供熱玄米茶，淡淡米香，我覺得好有誠意🥹*芝士厚玉子 $58俾玉子燒驚艷到了！玉子一層層好鬆軟，有淡淡高湯甜味，中間包住芝士，份量唔會過多，同時食到奶香蛋香。吞拿魚tataki (自家製柚子汁) $220吞拿魚外層輕輕燒過，肉質脂肪含量少，口感紮實。柚子汁微酸，帶出吞拿魚嘅魚香鮮味。火焰三文魚 (麻汁風味) $78三文魚外皮輕輕燒熱咗，淡淡魚油香，口感唔會過分鬆化，芝麻汁淡淡，唔會蓋過三文魚本身嘅風味。蟹肉牛油果卷 $98一碟八件，蟹肉+牛油果係不敗combo，配埋爽脆嘅青瓜。好食，但冇乜特別之處。燒牛舌 (一串) $48一串三塊，牛舌厚身，燒到焦香，肉質有彈性、爽口，但調味好重手。香蔥金山寺雞串 (一串) $28雞腿肉紮實但依然嫩，表面嘅麵豉醬豆香十足，微微嘅甜味令雞肉味更加香甜。燒豆腐 $36熱辣辣，豆腐外殼脆硬，入面軟綿又重豆香，豆腐控唔好錯過。汁

Lunch好選擇，老牌日本料理，喺香港經營多年，間唔中會幫襯下，食物質素有保證，環境有格調比較昏暗，有日本居酒屋嘅feel，連枱與枱之間嘅隔板都整到幾靚~🔘溫泉蛋半熟流心蛋黃，等唔切個飯嚟已經食咗🤣，好食!!🔘炸雞定食定食跟飯同麵豉湯，炸雞份量多，雞肉幾滑，配搭香蔥、鹽昆布同芝麻增加風味，日式醬汁口味偏濃郁，唔知點解覺得今日嘅珍珠米飯特別好食!! 🔘日替燒魚定食比目魚裹粉再煎香，色澤金黃，美味可口，味噌醬汁酸酸甜甜帶出魚嘅鮮味，但魚係有骨嘅要小心啲食!! 🔘胡麻豚肉豆腐沙律夏天好想食沙律菜，餐廳自家製胡麻汁好好味，胡麻味好突出，同豆腐好夾，呢個沙律又有豆腐又有豚肉，灑上大量木魚絲，幾抵食呀!! 🔘柚子梳打🔘荔枝梳打兩杯飲品味道正常，唔會太甜!!

比我地搵到係諾士佛台一號有間勁有feel的日式居酒屋吧枱 內在環境都充滿和風本身諗住食個set lunch 不過坐低望左menu一陣發現a la cart非常吸引於是乎我哋就決定豪少少食好啲！豐盛的午餐八爪魚沙律呢個沙律真心有驚喜 本身expect佢會係八爪魚刺身～原本佢有輕輕灼過 但係食落去一啲都唔會”Un” 好爽口！加埋佢哋特製嘅柚子dressing酸酸甜甜 好開胃東洋卷由師傅親手細心製作既充滿蛋香的班戟皮 薄薄地夠包實入面嘅餡料！入面有蒲燒鰻魚+飛魚子+牛油果 口感好豐富 鮮帶子薄餅最鐘意食香口野呢個岩晒我哋口味！兩邊都煎到香脆唔會燶～ 入面好足料！有蔬菜 仲有勁多元貝bb 啖啖有料雞肉土瓶蒸上盤時呢個look已經相當吸睛！土瓶壺+茶杯～一壺唔係好多 大概裝到3杯雞湯不過雞湯好濃 唔係雞精湯飲完完全唔口渴！打開壹蓋 入面都有唔少料自家製鰹魚油甘魚卷食日本野唔少得要嗌返碟卷物 見到油甘魚就覺得相當吸引！不過有少少失望 因為本人都幾唔鍾意食牛蒡佢卷入面嘅就係好爽口的牛蒡⋯⋯ 原來我哋唔記得為我哋嘅飲品留影佢哋既飲品都幾多選擇！ 迎合返呢度都係尖沙咀地段飲酒為主嘅地方

假日在尖沙咀逛街真輕鬆， isquare睇戲早場時段戲飛平好多，而且冇咁多人舒舒服服。睇完戲在諾士佛臺吃日本菜，原來一遊在假日也有set lunch，而且價格很實惠。軟殼蟹沙律炸得金金黃黃的軟殼蟹，外脆肉嫩，加上新鮮的沙律菜和小蕃茄，配搭柚子醋沙律汁，十分清新。北海道蟹肉壽司廚師每日精選壽司，北海道蟹肉新鮮甜美，壽司飯粘度適中，飯質彈牙香甜。北海道凡立貝海膽飯精瑩的凡立貝，甜美的海膽，還有脆卜卜的三文魚子，這個組合真的很美味。凡立貝真的很吸引，嫩嫩的質感，十分鮮甜的味道。刺身三點＋鐵板牡蠣刺身包括油甘魚、三文魚、仲有最愛的凡立貝。每款都是厚切，而份量十足。重點推薦鐵板牡蠣，完全不會有腥味，燒汁味道甜甜的，廣島牡蠣很肥美肉厚。

一直覺諾士佛台只係飲下酒嘅地方點知朋友今日帶咗我去先知有間日本感覺勁濃嘅好餐廳真係要好好講吓呢度個環境先呢度主要係木質嘅環境但係真係完全還原左以前日本古色古香嘅風味無論包廂走廊都係一個有一個打卡位如果穿埋和服，真係好似返咗古代咁講完環境梗係要試吓嘢食試吓手藝烤魚乾仔脆片點都係諾士佛台，所以我哋就點咗個送酒小食依個下酒小食 ，利用魚仔烘到好香脆單單咁食，已經食緊好咸香嘅魚片點埋沙律醬仲好食送酒確係一流日本番薯配溫泉蛋沙律半生熟嘅溫泉蛋再加埋甜度特濃日本番薯🍠加埋特製醬汁清新好味刺身有3款刺身，款款肥美新鮮，有光澤另外刺身加咗製醬汁上醬油，味道更提升一個層次凡立貝丼入面帆立貝嘅數量非常多。仲加埋三文魚籽同菇菌，成個飯非常之有口感。食材非常之多，飯嘅份量剛好配上醬汁令個件事好開胃牛肉鍋最後來個熱辣辣大塊嘅牛肉鍋加埋湯汁冇得輸😋呢間嘢環境好食物類型多加埋兩杯嘢飲打卡食下野扮去日本放鬆

之前黎過一遊食lunch非常滿意🍱所以當友人話想食日本野 我即刻提議黎呢度🏮餐廳環境偏暗 但每枱又會有自己嘅枱頭燈好適合黎呢度把酒談歡🍶-🥗呑拿魚温泉玉子沙律 $138吞拿魚份量十足 生菜中摻入海藻增加口感👍🏻撈埋自家製dressing同溫泉蛋一齊食♨️辣辣地得黎又帶點溫泉蛋嘅冰涼 好開胃😛-🐟三文魚魚鬆豆腐凍 $42醃咗嘅三文魚魚鬆就咁食鮮中帶咸配埋凍豆腐味道岩岩好 係有驚喜嘅小食! -🍳蟹肉厚玉子 $68玉子非常嫩滑 蟹肉份量十足🦀吸收到蟹肉味嘅玉子充滿蛋香得黎帶甜味~而且佢唔會好似出面嘅玉子燒咁整到好油 讚!-🍣海膽吞拿魚壽司 $200壽司共有四層 最頂係海膽同紫菜之後係呑拿魚 再下層係呑拿魚蓉 味道層次豐富👍🏻Bellofood大推唔點豉油食 更加食到佢嘅鮮味😍-黎得居酒屋梗係要食串燒 我地嗌咗以下五款: ❥ 汁燒日本魷魚 $180❥ 鹽燒活鰻 $68❥ 牛舌 $48❥ 豚肉露荀串 $38❥ 香蔥金山寺雞肉 $28汁燒日本魷魚係原隻魷魚筒咁上🦑口感爽口彈牙 鮮甜帶有微微炭香味道~Bellofood最鍾意嘅係又厚又肥美嘅鰻魚~雞肉串亦好特別 塗上自家製黃豆醬 味道醇厚~-食到咁ch

前幾日帶爸爸媽媽去尖沙咀諾士佛臺食日居酒屋🏮，餐廳裏邊有榻榻米、壽司吧枱同清酒吧枱，等佢哋都感受下久違嘅日式風情🤘🏻。.📍廚師推介壽司(10件)($280)Chef’s platter10件壽司質素唔錯，刺身全部都新鮮鮮甜有三文魚、吞拿魚、帆立貝、油甘魚、牡丹蝦、吞拿魚蓉軍艦、海膽軍艦、鯖魚、金目鯛等等壽司飯醋味啱啱好，食落香甜，但比較細件🍣.📍揚海苔芝士海膽卷（$88）Deep fried cheese w/ sea urchin seaweed roll紫菜包住芝士同海膽，再拎去炸脆食落外脆內綿，芝士同海膽呈半溶狀，口感好正👍🏻不過海膽唔鮮係有啲失望🥺.📍稻庭烏冬(冷)($88)Inaniwa Udon烏冬雪香幼細，口感滑溜煙韌將香蔥、紫菜絲、鵪鶉蛋加入冷麵汁伴上烏冬食落清爽開胃，好啱夏天食☀️.📍雞肉茶壺湯 ($56)Chicken soup in tea pot第一次飲用茶壺裝住嘅雞湯，飲個陣自己倒出嚟玩味十足。雞湯清澈，內有雞肉同菇做配料，飲落味道自然舒服冇落過多味精️，正. 📍巨峰燒酌梳打($52)有巨峰嘅甜味，亦有淡淡酒香💜 📍熱柚子茶 ($42）柚子茶味超濃郁，好飲🧡.一遊

草根2姐妹帶埋2老一齊嚟到諾士佛台食日本菜餐廳以木系做裝修主調🪵，走傳統日系風格仲有庭院擺設做裝飾，另外設有獨立房間私隱度高幾適合一班朋友嚟gathering🍻.📍海鮮沙律（$98）Seafood Salad沙律菜新鮮加上醋味道清爽🥗仲加咗大量角切刺身，食落都幾豐富有三文魚、吞拿魚同鯛魚，好食！📍芝士厚燒玉子（$58）Omelette with Cheese玉子厚身，口感鬆軟🐣中間包住軟身芝士，食落好香芝士味🧀淋上豉油配上蘿蔔蓉，熱辣辣食一流♨️！.📍海膽蟹肉牛油果卷($200)Sea Urchin with Avocado Crabmeat Sushi Roll嚟自北海道嘅海膽非常鮮甜🧡配上蟹肉鮮味突出壽司卷入邊包咗軟滑嘅牛油果🥑同爽脆嘅牛蒡口感同味道都好豐富，最後再包上紫菜味道超正，係成餐飯嘅MVP👑.📍雞肉茶壺湯 ($56)Chicken soup in tea pot用茶壺裝住雞湯，內有雞肉、本菇同蘿蔔味道鮮甜溫和又唔算油膩夠晒熱飲落好舒服♨️，唔錯. 飲品選擇好多，有梳打、sake、啤酒、燒酌等等 📍 巨峰乳酸梳打/海鹽荔枝梳打 ($42）巨峰酸酸甜甜好開胃，海鹽荔枝有椰果粒，鹹

同男朋友去咗間靚靚居酒屋🏮價錢唔貴，坐得舒服😌刺身三點，壽司六件 併 迷你蕎麥麵 $158刺身方面分別有油甘魚、帶子、三文魚。呢三款刺身都好新鮮，同埋師傅都是得好厚啖啖肉👍🏼而壽司方面分別有吞拿魚、金鯛魚、左口魚、三文魚等等。刺身同埋壽司飯嘅比例都啱啱好，絕對唔會比好大舊飯但刺身得好細。炸雞香蔥汁 $68炸雞方面， 呢碟嘅份量好大，大概有8至10件炸雞。而且比較特別嘅係佢用咗香蔥汁，識落唔會覺得好肥膩。大根比目魚師傅將比目魚煎得啱啱好，唔會過熟，食落去好嫩滑，入口即溶。而且醬汁方面亦都配合左大根蓉，令到成個感覺會甜甜地，係一個比較特別嘅煮法，比想像中好食好多。蟹肉壽司（2件）蟹肉壽司係軍艦款式，面頭有大量蟹肉，食得出呢啲蟹肉係新鮮蟹肉，而且面頭亦都有少少青檸，所以食落都好清新。凍啡 凍柚子梳打 （跟餐）值得一題係呢度嘅午餐都跟一杯嘢飲，所以整體來講性價比都好高。📍 一遊 (尖沙咀)尖沙咀諾士佛臺1號4樓

減肥前最後兩餐，就係要食日本嘢🥹 今次食尖沙咀一遊，呢間餐廳一直bookmark咗好耐想食，今次終於嚟食。中午時分嚟食都算多食客，應該大家都係覺得好食先有咁多客🫡今次叫咗個午餐，刺身三食加壽司六客。呢度嘅刺身好新鮮，而且好肥美，特別係佢嘅油甘魚刺身👍🏼勁厚同埋勁肥美，好滿足。另外嗰六款壽司亦都好好食，仲竟然有金釣魚壽司，以$178嚟講真係抵食，仲要配埋一碗蕎麥麵，真心抵。另外我哋都叫咗兩客蟹肉壽司。呢個食落淡淡蟹肉，而且面頭有好細件嘅青檸，食落去有一種好清新嘅感覺👍🏼師傅亦都整得好精緻，啲蟹肉真係整到好碎👍🏼但碎得來依然係有咬口👍🏼另外叫咗一客大根比目魚🥹呢款真心好食，我同男朋友都一致覺得好出色。平時食比目魚廚師都會係用煎嘅方式去烹調，但係呢間餐廳嘅廚師除咗煎脆之外，亦都係有一個甜甜的汁係面，同埋好多大根蓉🥹🥹真係好高質，我地俾呢道菜好高分另外亦都叫咗一個炸雞，師傅將隻雞炸得好趣，面頭亦都係淋左一啲甜甜的汁，令人食完會想再食🥹 而且超抵，只係$68最後午餐都會跟一杯嘢飲，我同男朋友分別叫咗凍啡同埋柚子梳打，飲品方面就不過不失❤️

之前係諾士佛台飲嘢見到呢橦大廈有唔同嘅餐廳，今日專登去睇下有咩美食，揀左呢間居酒屋，店員都穿上和服，十足係日本咁。先黎個頭盤八爪魚刺身，八爪魚爽口唔韌，加左自家製嘅醬汁酸甜，令人一口接一口咁食，好開胃。叫左幾款刺身，吞拿魚，三文魚，海膽帶子，牡丹蝦，食材新鮮，唔錯。呢個卡邦尼意粉份量都幾多，意粉烚得剛好，煙肉炒香，醬汁濃郁，加上温泉蛋蛋汁流入意粉到，蛋味味濃。飲品方面都有唔同選擇，我地唔飲酒就揀左巨峰乳酸梳打同荔枝梳打，幾好飲。

去諾士佛台唔係得酒吧選擇，原來呢到有間咁正嘅日本餐廳。上到去個氣氛已經好正，侍應好有禮貌，有種被重視的感覺，同時，心諗會唔會好貴呢😂😂絕對係抵食呀⋯⋯👍👍壽司定食套餐：有3款刺身+6貫壽司。壽司面的刺身掃上醬油，除了增添色感，比起沾是油更好刺身同樣不戲場，新鮮又悅目燒凡立貝丼：除了勁多凡立貝，仲有菇菌，三文魚籽，配上醬汁令個件事好開胃，飯嘅份量剛好辣面是凍豆腐：呢個真係好驚喜，平時食嘅都係芝麻醬，呢個用面配豆腐，一個濃味一個清淡，非常配搭👍而且面是微辣，唔會太死咸，驚喜位更是仍然食到豆腐香炸雞：朋友遲到左半個中到，雖然凍凍地咁食，但仲好香口，咁大盤都食晒呀👍相信熱嘅仲快清零

朋友同我推介依間居酒屋所以就約埋一齊去尖沙咀試下前菜嗌左三文魚蓉配凍豆腐三文魚已經預先調味配埋凍豆腐食啱啱好仲有海苔芝士海膽卷食落香脆，芝士同海膽好夾跟住係廚師推介壽司盛合有十件唔同款式既壽司比較推介金目鯛同海膽魚生肉質偏爽口，食落新鮮有魚味海膽都唔錯，食落味道甘甜再嗌左幾款串燒比較推介煙肉車厘茄同味噌雞肉串燒得岩岩好食落仲係Juicy仲有是日Special既日本和牛炒飯係食落比較濕潤嘅炒飯帶有少少甜醬油味幾惹味整體食物質素唔錯餐廳環境好有日本既感覺同朋友傾下計飲下酒一流

諾士佛臺出名酒吧多，但朋友介紹，原來個邊仲有啲唔錯嘅食肆。當中，佢極力推薦🎏一遊，話水準頂尖，見佢落足嘴頭，我就決定去一探究竟！餐廳入面燈光好柔和，畀人一種好放鬆嘅感覺，配上日式嘅木材裝潢，好似轉眼去咗日本一轉咁！😋 海鮮沙律 ＄98雖然係沙律，但入面有好多唔同種類嘅魚生，當中赤蝦就最令人印象深刻，不單止味道鮮甜，而且仲要嫩滑加彈牙，正！而沙律菜好新鮮，加上酸甜嘅醬汁，仲有晶瑩通透嘅蒟葯絲，成個沙律口感豐富，而且非常開胃！‼️好食指數 8/10‼️推介指數 9/10😋 海膽厚燒玉子 ＄80海膽新鮮鮮甜，而玉子嘅蛋香味勁濃郁，香到未食已經聞到！而且玉子厚度十足，一啖係落口滿足到爆！！！‼️好食指數 9/10‼️推介指數 8/10😋 海苔芝士海膽卷 $88外層嘅海苔炸到好香脆，炸粉唔會好厚。入面嘅海膽鮮味幾濃，芝士有份提升到其鮮味，而唔會搶味，成個配搭十分成功，送酒一流！‼️好食指數 8/10‼️推介指數 8/10😋 牛舌串燒 ＄48牛舌肉夠厚身，一啲都唔會韌，燒烤香味濃郁。‼️好食指數7/10‼️推介指數8/10😋 豚肉甘荀串燒 ＄38甘荀中和到豚肉嘅油膩感，豚肉燒至微焦，好香口。‼️好食指數8/10‼️