影片
以上资料只供参考，请与餐厅确认详情
之前有个同事介绍我去食呢一间越南餐厅…就谂住晚餐去试下啦…呢间d价钱唔贵，味道都唔错…环境都算干净…店员服务态度都几nice 唔错…一坐底就叫左个春卷拼盘同咖哩薄饼…听讲个春卷系老细自己选材料自己包…钟意食春卷嘅大家可以黎呢一到食春卷…之后有叫左杯三色冰饮…饮落几有口感…我几推介食虾饼…个虾饼几弹牙…同埋我都几推介佢个咖哩汁，原来个咖喱汁都系老板自己调，闻落去几有椰香味，好味得黎又几开胃…下次会再黎食过呢一间…
继续阅读
外卖自取叫咗个烧牛肉捞蒙，58蚊，得几块炒到鞋晒嘅牛肉碎片，完全唔似烧牛肉。配料少冇乜香料，个汁偏酸味道麻麻。应该都唔会再帮衬。假期夜晚都唔算多人食。做街坊生意但呢个价钱同质素应该冇乜人会继续帮衬。
继续阅读
转手后试过呢间几次，可惜觉得价钱比以前贵左好多，食饭质素亦下降。最近比多次机会佢，结果喜出望外。今次试左香茅鸡捞檬，个鸡十分脆口好食，捞檬亦好足料，好多青瓜丝同菜，价钱亦有调整，绝对会成为之后常驻饭堂👍🏻
继续阅读
叫咗个$41嘅生熟牛河。加两蚊有杯热奶茶。落单嘅时候话要金边粉，佢话好。最后嚟咗系一般普通河粉。唔知道系佢哋根本冇金边粉定系佢比错咗。不过冇所谓啦。来得呢度食到唔会预咗有五星级嘅服务。都系做啲街坊生意。嘢食来得好快。落咗单5分钟都唔使就有啦。碗面冇咩味。啲粉好林好散。唔知嘅话唔会知道食紧越南粉。叫咗一份小食拼盘，好油。真系唔好嗌。其实又唔系啲咩贵嘢，所以都无谓挑剔。只不过如果谂住食一碗好味嘅越南河，呢度唔系咁适合。求其有碗野热热地饱肚，食完唔会肚痛就算啦
继续阅读
舖头系顶上一手既越南餐厅，新装修有大枱，坐得舒服，菜单都同旧餐厅差唔多。 叫左鲜茄牛腩汤饭，整体味道唔错，配菜有芽菜生菜，索左茄汤再食会更开胃，加埋牛腩一齐食都唔会觉得济。
继续阅读
您可能会有兴趣的...