一起食堂 (域多利皇后街)

营业中

休息中

朋友約我收工去吹水，佢喺中環區工作，係中環地膽一名，去咗域多利皇后街呢間食堂等我。間食堂一啲都唔難搵，好就腳，中環站C出口轉左，三分鐘就到。去到時，已經滿咗座，好在朋友一早已來到，捕咗係吧檯位等我。都無問我想食咩，就剔好order紙，我一坐低就入單。飲品叫咗無酒精的Asahi，冰涼爽快。另一個係菊香黑枸杞茶，幾特別，香港好少見有。聽講黑枸杞子比較紅色的更加補。一路食關東煮一路吹水係最佳項目，湯底亦唔太鹹。燙油麥菜剛剛熟，上面加了少少乾蒜，食起來香口啲。原條蒲燒鰻魚飯的鰻魚認真大條，超肥美。啲鰻魚汁調較得非常惹味，加上滑蛋的鰻魚飯，更加正!傍邊的蘿蔔湯味道也不錯，當中有些西芹粒，令到碗湯多添爽脆口感。最後係食三色海鮮茶漬飯，裡面除咗有蟹肉、廣島蠔和鯛魚肉之外，仲有些顏色鮮艷的粒粒脆，襯晒個名。廣島蠔好大隻，好味道。

今日同女朋友中環放工，想搵一間台灣小食店食埋飯先番屋企。係OpenRice度搜尋搵到’一起食堂’。見到食物同店舖裝修幾吸引特別，就走咗入去嘗試。我點左紅燒牛肉麵，鹽酥雞，炸花枝丸，蒲燒鰻魚飯，三色海鮮茶漬飯芋圓仙草凍。紅燒牛肉麵好爽口彈牙，有好多牛肉。另外鹽酥雞和炸花枝丸都係必點菜色，爽口醒胃。鰻魚飯同埋茶漬飯都係呢間店舖推介，味道好有台灣特色而且份量多。啱晒肚餓㗎你。最後我都叫咗個芋圓仙草凍，一個台灣必食甜品。夏日炎炎食個冰凍仙草凍，即刻幫你降熱。

放了四天的復活節長假，中午原本想好好吃一餐，來到了一起食堂。其實這裏幾次經過，見價錢不特別平，都沒有多大興趣，但今日想試下新野，見門面寫着限定的招牌牛肉麵，便即興一試。我們以為講得出限定應該質素都有返咁上下，才會限量出品。但事實卻令我失望。麵的份量是正常的，加了2款小涼菜和一件小泡芙。生菜栗米普通貨色，不必評論，但木耳也是很普通，酸味也不夠！主角最令人失望！先食紅蘿蔔，一啲都唔稔，肉眼望上去都係生生地，食落去當然也是失望！白蘿蔔如是，一啲都唔稔，好硬！怎麼可以這些基本都做得咁差？？？麵質地似烏冬，沒有傳統台灣麵的味道！而且偏稔！主角牛肉也不入味，唉，真係成件事都對唔住$88蚊呢個價錢！我和同事都一致認為，呢度真係唔會有下次！！

中環竟然有咁高質嘅台菜，仲要價錢一啲都唔貴。環境舒服，又好坐。哩度食物種類夠晒多，定價唔高，份量又夠曬大，真心抵食又好味。嗌左雞肉乾伴面，拼埋流心嘅溏心蛋，撈埋面頭嘅蔥同脆蒜，真係好香。哩度嗌嘅麵同飯都有跟沙律，冷盤小食雲耳，仲有朱古力泡芙，真係好滿足！另外仲嗌左牛油蜆，真係好清甜，仲要咁大隻，新鮮又好味！見哩度又原個鰻魚飯，真係忍唔住要嗌。一黎到，真係充滿驚喜！一黎到已經覺得好香，加埋面頭啲調味粉同燒汁，真係無得頂。食落一啲都唔腥，仲要配埋軟熟嘅珍珠米，值回票價！唔食菜唔得嘅我，嗌左肉燥燙青菜，夠晒大碟，仲要好新鮮！鹽酥雞都一定要試下，炸得脆之餘又大大舊，唔會太厚粉嗰一種，皮夠晒脆，好味芋圓燒仙草唔會太甜，加埋好軟熟嘅芋圓，真係一流仙草湯暖暖地咁樣飲，真係唔覺唔覺就飲晒

男友放假半天，開車來到IFC停下卻沒發現有想吃的，便上網找了這家台灣菜試一下。餐廳有種台灣小店的感覺，剛好過了午飯時間不用等位，真幸運。沒吃早餐特別餓，點了一個麵、一個飯、兩份小吃及兩杯飲料。牛油清酒煮巨蜆（托托蜆）烏龍麵 $118烏龍麵湯底清新，裡面有5還是6隻巨蜆，每隻都很厚肉也很鮮甜。烏龍麵煮得恰好。每份主食還配上沙拉及前菜，份量十足呢。原條蒲燒鰻魚飯 $138原條的鰻魚非常壯觀，還配有蔬菜及溫泉蛋。鰻魚肥美，溫泉蛋搗破後混在飯裡很好吃呢。鹽酥雞 $32鹽酥雞也是份量十足，不過個人偏好油分更高的！肉燥燙鮮菜 $28外出用餐常常很難點到蔬菜，這個燙鮮菜還要了肉燥，非常惹味。蘆薈桂花雪梨茶 $24$24或以下的飲料也可加$12加配。蘆薈桂花雪梨茶非常清甜，只是甜度不能挑選，個人覺得偏甜。仙草豆漿 $24其實應該跟一般豆漿差不多，不會太甜。中環來講，最便宜$68就可以有個午餐，算是很不錯的選擇喔！

中環繁市裡面，發現到有一間唔太起眼嘅台式小店。入面地方唔多，但播放住周杰倫、梁靜茹嘅台式情歌，我地搵咗兩個bar台嘅位，試下呢到嘅台式風味。貢丸湯，只係$28~ 仲有紫菜、蔥花，所以飲落去好香，又唔會只得味精味。想食台式小食的話，就一定要試吓鹽酥雞！（$32)香脆可口，一碟份量都幾多，兩個人share啱啱好。牛油清酒煮巨蜆（$118）雖然價錢唔平，但一啲都唔會失望。因為巨蜆真係有半隻手掌咁大，而且有足足五隻。另外，好香嘅酒味配埋烏龍面，第一次咁食，幾新鮮。原條蒲燒鰻魚飯（$138）真係有超過隻碗咁大呀！我同朋友兩個人食一條，都覺得好滿足！仲配埋一隻溫泉蛋，撈埋啲飯到，食到好飽啊！

假期前夕，緊係去遠少少搵好野食喇！今次去到中上環哩間台式日本菜！雖然鋪頭細細，入面有10幾個位。餐廳有好多懷舊既poster，好台灣風喔~三色海鮮茶漬飯話到明三色海鮮，當然有三鮮喇，包括有蟹肉、廣島蠔、鯛魚。茶漬飯再加上三鮮既海鮮味，份外鮮甜。原條蒲燒鰻魚飯又係我最愛既鰻魚飯。你睇👀原條鰻肉仲長過個碗，厚肉之外仲要無骨。正👍🏻！加上有好多飯素同紫菜拌拌飯，幾好口感。除此之外，仲有隻溫泉蛋，用蛋汁伴飯，仲更加滑溜！綜合關東煮加魚肉卷、粟米、蘿蔔、墨魚丸、雲吞、魚餅等等！冷泡茉莉毛尖茶冷泡茶，凍冰冰涼浸浸咁，哩種天氣真係好啱飲！芋圓仙草凍最後緊係歎番個甜品。台式甜品點少得芋圓呀3色芋圓，好好𡁻頭。仲有仙草凍，溝上淡花奶。好食！

餐廳整齊清潔, 一邊食野, 一邊聽住梁靜茄, 周杰倫的歌, 特別有FEEL, 特別開胃托托蜆烏龍麵, 托托蜆同烏龍麵份量既份量都好多, 值回票價托托蜆肉質肥大卻細嫩鮮甜，既有北寄貝的彈牙，又結合象拔蚌鮮美, 帶有輕輕海洋味道烏龍麵白皙、厚實、是口感順滑, 好掛湯, 每一口都感受到湯頭的鮮甜炸花枝丸, 炸得圓滾滾的~灑上胡椒鹽~香香QQ的滋, 黃鬆脆的黃金炸花枝丸, 回味無窮蘆薈桂花雪梨茶, 有著清新桂花的味道、粒粒蘆薈, 口感Q彈,

—有bar枱自閉位 啱哂一個人食飯紅燒牛肉麵($88)牛肉條同蘿蔔都腍仲有酸菜 蔥花 食落好香麵煙煙韌韌 嗦哂微辣湯汁蔥油土雞肉飯($78)隻蛋滷得入味神奇嘅係同個餐湯一齊食 蒜味更突出牛油清酒煮巨蜆($72/3隻)手掌心咁大 乾淨冇沙酥炸地瓜條($32)香脆綿密嘅蕃薯條 推介 甜甜的 唔油膩米紙蝦春卷($32)餡料已經包埋沙律醬去炸仙草冬瓜茶($24)冇冰 係直接雪凍 唔會被溝稀波子汽水($28)台灣菜竟然有波子汽水賣——————————————————————一起食堂中環域多利皇后街2號地舖

尋找小台灣🇹🇼 舊時成日起附近等巴士返屋企經過發現開左間台灣野 一個人就入左去食lunch🙈好多選擇 每樣都想試呀 無奈得一個人唯有揀個最想食嘅✨ 原條蒲燒鰻魚飯 $138一揀就揀左個最貴嘅set食 鰻魚魅力沒法擋🥰跟餐還有前菜三款同湯有沙律、木耳、紫薯仔 相當豐富湯有白蘿蔔 胡椒味好濃鰻魚堅大條呀 仲好厚身 無骨口感煙韌😍仲有飯素同温泉蛋拌飯食一流喔😊✨ 鹽酥雞 $32一上枱就聞到香味 咬落脆口又juicy 同台灣嘅差不多呀！✨ 蘆薈桂花雪梨茶 $24清甜嘅雪梨茶再加埋蘆薈肉同桂花 好配搭😛🍽 一起食堂🔎 中環域多利皇后街2號地舖

媽媽突然約我食飯，我咁岩向中環收工，就約媽媽向中環等。平時好少向中環食，通常會落返尖沙咀或旺角食，所以吾知食咩好。見到有一間餐廳向我地附近，就咩都吾諗，決定入去食😂😂😂間餐廳都幾多人食，好在岩岩有位。餐廳吾算大，但都坐到好多客。我地睇一睇個餐牌，發現有台式同日式野。身邊好多客人都叫滷肉飯，但我吾想食，所以同媽媽就叫其他食。佢叫左一個䓤油土雞飯，我叫左個和風牛肉飯，重叫左啲小食，有鹽酥雞，酥炸池魚仔同菜，當然會叫埋野飲。我叫左杯蘆薈桂花雪梨茶，佢地係無凍既，所以味道都夠濃，好好飲，食到好多蘆薈粒👍🏻小食先上，個菜好清，一啲都吾油😀 岩晒均衡飲食嘅我😂鹽酥雞外脆內熱，非常野味。酥炸池魚仔都好好味，但吾鍾意食魚既朋友就吾好試，因為有少少魚腥味，但我覺得配檸檬汁好好味👍🏻兩個飯都好好味，媽媽話味道吾差，雞肉好淋，好大碗好抵食。而我果碗和風牛肉飯都吾差，牛肉好多，煮到岩岩好，一啲都吾韌。每一個飯都送白蘿白湯，出奇地好飲，估佢吾到😂😂食飽飽後，出去搵甜品食既時間都慳返，我地叫左個芋圓仙草凍，一碗已經夠兩個人食👍🏻👍🏻總括黎講，呢間餐廳食物好味，價錢公道又大碗，抵食既一餐😀

放假係中環覓食，搵到一間非常台、環境好、食物唔錯嘅餐廳。原條蒲燒饅魚飯 $138日式鰻魚飯同台式便當嘅混合，仲有醃酸蘿蔔、菜同埋蛋！鰻魚上面撒咗好多紫菜芝麻，帶點日式風味。原條鰻魚非常入味，沾滿晒香甜嘅燒汁，鰻魚肉好軟腍，入口融化。紅燒牛肉麵 $88牛肉湯頭都算重味，不過就冇個種熬咗好耐嘅感覺。牛肉肥瘦均勻而且入味，連住根位所以都好正，不過麵條就冇咩特別，可能煮耐咗太腍了。米紙蝦春卷 $32炸得好香脆！仲落咗美奶滋醬係面頭，特別有台灣嘅味道～入面包住嘅蝦都好大隻呀，落足料。烤台灣香腸 $32食台灣野點會唔嗌台灣腸，有蒜夾住好好食！芋圓仙草凍 $38三色芋圓好煙韌，仙草都好滑～蘆薈桂花雪梨茶 $24冷泡茉莉毛尖茶 $24我覺得雪梨茶太甜（可惜沒有珍珠奶茶）。以中環黎講價錢都唔算貴，所以性價比都ok der

今日黎中環揾朋友食飯，黎到呢間賣台式食品既小店，同朋友聚一聚。我地七點左右到咗，好彩早黎，唔洗等位，因為到七半開始，店就好多人。最近喉嚨唔係好舒服，所以我就揀咗啲清清地既主食，茶漬飯同烏龍麵。三色海鮮茶漬飯($108)呢個三色海鮮飯，有脹卜卜既廣島蠔、鯛魚片、蟹肉。而個湯入口非常鮮味，食得出係無味精既。飯既份量好多，相信男仔食一定夠飽。關東主烏龍麵($88)個烏龍麵既配料非常多，有粟米、蘿蔔、丸類、獅子狗卷等等，勁足料，而個湯㡳清清地，所以食完都唔會好有負擔。芋圆仙草凍($38)每次黎食台灣野，我一定會點芋圓食！因為我好中意啲煙煙靭靭既野食。仙草凍加咗花奶，所以入口好香好滑。主角芋圓，有三種，分別係紫薯、黃肉番薯、芋頭。朋友特別中意芋頭味，因為入面仲食到少少芋頭粒，加多咗一層口感。最後附上點餐紙，小店仲唔洗加一添。

要在中環找到價格相宜的美食真的不易，這家位於香港站C出口附近的小店，價錢由十幾至百幾元不等。店鋪雖然不太大，但也可容納不少人。星期二晚上是滿座的，連外國人也來光顧😱。•1️⃣ 米紙蝦春卷 $32春卷皮非常脆，內𥚃包了白蘿蔔絲、蝦🦐等。嚐到胡椒味，但不會太強烈，提升了整體味道😋。很想多點一客。-2️⃣ 炸花枝丸 $32/4粒雖然賣相一般，但味道確實不錯👍。-3️⃣ 古早爌肉飯$78有兩件很大件的爌肉😱。爌肉下放滿了魯肉和少許咸菜。不得不提的是它的鹵蛋，非常入味，一隻略嫌不夠🤪。-4️⃣ 芋圓仙草凍 $38 芋圓有三款，雖然分不出有什麼分別，但口感Q彈。

一起食堂喺中環恆生總行斜對面，是一間休閒的台式料理小店。店內掛滿台灣電影的海報，當然唔會少得那些年啦！餐牌也就是點餐紙，選好就可以交俾店員啦，不消一會，食物便陸續送來了。桂花雪梨茶 $18清香帶微甜，滋潤的感覺！蘆薈桂花雪梨茶 $24比桂花雪梨茶多了蘆薈肉，更為滋潤爽甜！我最欣賞嘅地方係，呢杯凍飲夠凍之餘，仲要係完全冇冰嘅，唔會愈飲愈淡，正！燙青菜 $22唔係白烚咁簡單，上面仲灑咗啲炸蔥頭，下面係咸香嘅醬油，菜烚得夠腍，不錯。炸花枝丸 $32新鮮炸起熱辣辣，輕輕咬開會冒煙，花枝丸爽口彈呀唔腥，點少少淮鹽更惹味，推介！烤台灣香腸 $28香甜惹味多汁的台灣香腸，夾埋生蒜片一齊食會更香更惹味！蔥油土雞肉飯 $78滿滿的一碗飯配冬瓜湯，雞肉一啲都唔鞋，而且有蔥油的加持，整碗飯都又香又滑，不自覺地食晒成碗！紅燒牛肉麵 $88湯底超濃香，帶少少辣，又香又惹味！麵質有點像烏冬，入口順滑！牛肉夠腍夠入味，只是咸了一點點！