一起食堂 (域多利皇后街)

营业中

休息中

今日去中環行街咁啱見到開咗一間 台灣菜我見價錢都唔係好貴 喺中環真係好少有所以我哋就入咗去食我哋首先叫咗紅燒牛肉麵個湯微辣好正 而牛肉都好林而我哋亦都叫咗個原條蒲燒鰻魚飯鰻魚配埋個汁 好惹味味道同出面食嘅唔同 都幾特別小食我哋就叫咗個鹽酥雞 好香脆又唔會太油膩之後仲叫咗個台灣香腸過下口引之後仲叫咗個肉燥燙青菜肉操燥到青菜冇咁寡最後我哋仲叫咗一個芋圓仙草凍我地都估唔到有咁多粒芋圓三十幾蚊真係超抵抵過出面糖水舖而且都好好味

舊居遲遲未能租出，所以每隔兩三個星期都會過來中環打點一下。帶完經紀睇樓，又是時候外出搵食。記得上次老公帶咗我去 The Wellington 食 Overtimed Lunch，所以今次就由我發板，嚟中環這間新開嘅人氣店「一起食堂」吃午餐。其實嚟之前有做過功課，上網睇過餐廳資料，知到店子主打台日菜，既有台灣嘅招牌美食「紅燒牛肉麵」、亦有日本的代表性料理「蒲燒鰻魚飯」供應，一站式可以吃到兩地菜餚，非常特別，所以已經即時 mark 低咗間餐廳，趁這天要來中環，就順便過嚟試下。餐廳位於域多利皇后街 2 號地舖，門面不大起眼，以木色為主調。踏進內，面積不大，間隔呈長方形，裝修有點似日本嘅拉麵店，以木作為主題。進門右手邊設有一列面壁嘅吧檯位，而左手邊就以四人桌為主，陳設簡約，但拼湊出一份舒適的感覺。餐牌很簡單，一頁過，用點菜紙形式，客人可以自行剔出自己所需。至於選項方面就包括有：麵食、便當、小吃、甜品及飲品。一向是鰻魚嘅粉絲，所以第一時間點了我至愛的原條蒲燒鰻魚飯便當 ($138)，另外再加咗幾款小食、甜品同飲品。鰻魚飯以套餐形式奉上，上桌時附有前菜小食和蘿蔔清湯。小食很豐富，有日式沙律、一口迷

今日約咗個舊同學去中環食晚餐，大家都有啲興趣食台灣野，就去咗呢間一起食堂。呢度餐牌簡潔易明，全日都係同一個餐牌。我哋叫咗兩個飯、兩個前菜、兩杯嘢飲同埋一個甜品。呢度免加一。<貢丸湯> ($18)有三粒夠曬彈牙既貢丸。湯唔會好鹹。<燙青菜> ($22)有得揀肉燥燙青菜或者就咁燙青菜。我同朋友都想食清啲所以就揀左呢款。<三色海鮮茶漬飯> ($108)呢個海鮮湯飯有蟹肉、廣島蠔、鯛魚。超豐富嘅海鮮，啲飯又煮到夠晒腍。<原條蒲燒鰻魚飯> ($138)超大條鰻魚，肉質非常彈牙，燒汁夠晒甜，加上半熟蛋，成個飯都超好味。<仙草冬瓜茶> ($24)朋友叫咗呢個冬瓜茶，用粗飲管飲，啖啖仙草好似好正。<Asahi無酒精啤酒> ($38)我就揀咗呢個無酒精啤酒，原來係零卡路里，比起正常啤酒健康好多。睇吓個營養標籤，另外仲有膳食纖維添，原來飲啤酒都可以咁健康。<芋圓仙草凍> ($38)最後我哋兩個share呢個甜品，啱啱好每人一個湯碗咁大份。超多粒芋圓，每粒仲要五毫子咁大粒，啲仙草又好大磚。加上淡奶

同女朋友去中環happy hour之後周圍睇下有咩食，無意間見到呢間好似唔錯，就決定揀呢間一起食堂，裡面裝飾都算整潔，仲播緊好多經典台灣歌😂原條浦燒鰻魚飯 - $138👉🏾鰻魚真係大條得好誇張，有前臂咁長！啖啖肉！🤤👉🏾個汁甜甜地，撈埋流心蛋送飯，無得輸😍👉🏾湯嘅味道偏淡，薑味比較出蔥油雞絲乾拌麵 - $78👉🏾麵質黏韌，食之前一定要整穿隻蛋，等啲蛋醬融入啲雞肉度，撈埋一齊食☺️👉🏾本身拌麵味道已經好高質，不過鰻魚飯真係搶哂風頭🤪烤台灣香腸 - $32👉🏾表皮脆卜卜，但肉質軟熟，而且充滿肉味👍🏾炸地瓜條 - $32👉🏾一出黎時熱辣辣，好脆口，非常新鮮👉🏾食得出清新嘅地瓜味👉🏾但切忌要快啲食，凍左嘅話就無左原來嘅質感肉燥燙青菜 - $28👉🏾菜嘅份量都算多，吸收到肉汁嘅味道，係健康嘅首選冷泡苿前毛尖茶 - $24👉🏾味道唔同，茶味適中👉🏾本身已經無冰，唔怕會太凍芋圓仙草凍 - $38👉🏾紫色同埋白色嘅芋丸裏面都有芋頭肉，黃色嘅應該係地瓜丸👉🏾多奶應該會再正啲🤤

響中環想食得經濟又好味 真係唔係咁易 今晚響中環閒逛見到呢間台灣菜小店 上網睇到食評唔錯 而且有鰻魚飯食 就來試下了😋店舖係用劃紙點餐形式 食物選擇都好多下首先點左好多人推介既鰻魚飯 嘩真係好大條呀 鰻魚口感肥美腍身 個飯仲有一隻流心蛋 加上甜甜的鰻魚汁同蔥花拌飯食 非常美味滿足鹽酥雞 以小食來講份量好多 炸漿好薄好 一d都唔會油膩 入面雞肉仲好juicy 唔乾 十分出色呢個巨蜆真係好大隻 蜆肉厚身 鮮甜 無沙 而且個湯不但有清酒味同蜆既鮮味 仲有陣淡淡既牛酒咸香味 味道好特別又好有層次真係非常大隻！有手掌心咁大燙鮮蚵 粒粒飽滿 雖然無咩特別既調味 但蚵仔本身既鮮味 加上上面蒜蓉同薑絲 已經好惹味甜品叫左呢個芋圓仙草凍 份量又係好多 仙草比起出面食果d更有甘甜味 芋圓煙韌彈牙 正冷泡茉莉茶好大杯 2個人share飲都夠 茶味好香好濃郁 順口唔會澀 仲有d回甘tim 總括來講呢間台灣小店無論主食定甜品都做得幾好 份量又多 性價比算高 有回頭 下次試埋佢個牛肉麵先！

今日下午約咗朋友係中環行街，行到攰攰地上網搵下附近有咩嘢食，見到呢間一起食堂又幾吸引所以去試試。店舖不大座位不算多但感覺親切。————————冷泡茉莉毛尖茶茶味不錯，行到成身汗飲番杯有助降溫，而且無糖，啱晒我！————————蔥油雞肉乾拌麵台灣地道菜式，炎炎夏日必點，非常清爽。雞肉嫩滑，乾蔥及雞油炸成的蔥油味濃，配著我最愛嘅烏冬，一口接一口停不了。————————原條蒲燒鰻魚飯原條鰻魚份量好足，味道帶焦香，食落魚肉嫩滑，皮脂肥美，有充足醬汁，另外亮點係半熟溫泉蛋用來拌飯一流。————————配菜午餐附送嘅配菜都唔差一啲都唔馬虎，有迷你番薯仔、黑木耳、沙律，我同朋友都覺得好味，清晒！————————鹽酥雞、炸花枝丸鹽酥雞外皮酥脆，肉質滋味，唔會話好油膩，讚！；炸花枝丸不過不失，都算爽口彈牙。————————總括，食物質素及服務都不錯，落單及上菜速度快，價錢不算貴，值得一試！

行經中環，咁岩撞正lunch time，見到呢間台灣餐廳幾清靜，決定入去試試。lunch menu 款式唔多，最後決定試原條蒲燒鰻魚飯($138)雖然餐廳內冇乜客人，但可能燒鰻魚需要既時間比較耐既關係，我等左差唔多成30分鐘先有得食。lunch set 鰻魚飯包埋沙律同湯，沙律菜同蕃茄仔都幾新鮮，但湯就嫌佢太淡味，好似飲水咁。至於鰻魚飯方面，鰻魚本身夠肥同厚身，而且燒得岩岩好，唔會過火，配埋燒汁食，口感一流

上星期中午時間，因為未係好餓，所以就去左書局行左一陣，睇左一陣書之後就係隔離間台式餐廳食飯，就隨便揀左三色海鮮茶漬飯，包蟹肉、廣島蠔同埋鯛魚，價錢108，set 有前菜，有沙律、蕃薯，蕃薯仔夠甜，茶漬飯就普通左小小，以108蚊黎講，中規中矩

本人是牛肉麵的粉絲, 從OP得知中環開了間台灣小店, 找個藉口去試試.跟同事12點3到達, 不需要排隊, 店員直指我們到閤樓上去食膳, 樓上比樓下更有空間感.每人點了招牌菜紅燒牛肉麵外, 還要了客鹽酥雞.牛肉麵的湯頭有點油, 配菜紅蘿蔔, 白蘿蔔有根, 但尚算清甜.牛肉有筋有肉, 易咬,不費力 炆得入味, 麵條彈牙, 十個讚, 力推!!!鹽酥雞香口鬆脆, 不油膩, 火喉恰到好處, 吃個不停.唯一是飲品雪梨茶有點過甜, 且甜道沒有得選擇...整體來說, 價錢大眾化, 食物可口, 這食堂是午膳的好去處. 一定會常光臨!

中環嘅「一起食堂」係呢頭頗出名既台灣菜。呢日係星期一一到放工時段，就連bar台都差不多坐滿人。「一起食堂」以「畫紙點菜」，簡單方便。我同男友一人點了一個主食。分別是「原條蒲燒鰻魚飯」和「蔥油雞肉乾拌麵」。「原條蒲燒鰻魚飯」嘅鰻魚真係超大條，鰻魚好肥美，不過就軟了少少，不夠爽口。燒汁亦好香。當中仲有溫泉蛋，配上紫菜用以佐飯真係愈食愈滋味。---「蔥油雞肉乾拌麵」台灣嘅蔥油真係好野味，雞肉分量足，差不多鋪滿了整個碗面。麵條彈牙不會糊。不過就乾了少少。（因為是乾拌麵的關係。）---台灣名物又點會少了「鹽酥雞」呢？呢度嘅鹽酥雞調味頗香，雞肉雖然比較細粒，勝在分量多。「炸花枝丸」同「鹽酥雞」一樣是即炸的，肉丸爽彈，外層香脆。最後我地仲點了「燙青菜」，分量唔算太多，少油鹽，味道清淡頗健康。仙草冬瓜茶冬瓜鮮甜，仙草量亦夠。黑糖薑母茶幾健康，甜甜地，薑味幾重，幾潤喉。

襯住有幾日假今日去咗中環蒲，突然諗起好耐冇食台灣嘢就搵到呢間隱世小店，播住台灣歌手嘅歌裝修亦好別緻。紅燒牛肉麵$88-牛肉夠腍又大舊，湯好香濃有啲啲辣，麵索曬啲湯汁好滋味三色海鮮茶漬飯$108-七彩繽紛好吸引，有廣島蠔、蟹肉同鯛魚，廣島蠔好鮮味，肥美飽滿，令茶漬飯都好鮮甜兩款主食都有配小菜牛油煮托托蜆3隻$72-好香清酒味，蜆大隻鮮甜炸花枝丸$32-好有台灣風味，夠爽滑彈牙鹽酥雞$32-酥脆可口，雞都好嫩滑芋圓仙草凍$38-好大碗下，啲仙草大大舊好冰涼，芋圓七彩顏色又好咬，做飯後甜品剛剛好仙草豆漿+$12-豆漿甜度剛好，加埋仙草可以清熱蘆薈桂花雪梨茶+$12-好香桂花味，飲住有啲蘆薈食下透心涼

同fiancé黎中環度身訂造西裝，見到附近有間食台灣野竟然有鰻魚飯食😍😍😍整完西裝就去試下。因為好肚餓，我地叫左勁多野食！🤣🤣🤣叫左紅燒牛肉麵（$88）、原條蒲燒鰻魚飯（$138）、貢丸湯（$18）、炸花枝丸（$32）、迷你魯肉飯（$18）、肉燥燙青菜（$28）、芋圓鮮草凍（$38）、菊香黑枸杞茶（$18）同埋仙草豆漿（$24）。紅燒牛肉麵帶微辣，麵用左稻庭烏冬，估佢唔到！咁啱我地本身都鍾意呢隻烏冬，夠滑👍🏻重要好索湯！牛肉份量好多，有四大舊，唔係平日食開個種牛腱，偏向似牛腩，但食到有一舊帶少少筋，又似牛腱啲紋咁，炆到咁腍👍🏻湯底香濃得黎唔會勁鹹，食完無口渴。原條蒲燒鰻魚飯勁正！大大條，好肥美🤤我同fiancé都超鍾意！我形容佢既份量為more than enough 😂因為食晒啲飯都重有鰻魚淨！佢重錦上添花加左隻溫泉蛋，令到啲飯濕啲無咁乾。貢丸湯既貢丸就一般，我覺得太腍唔夠彈牙。炸花枝丸有好多花枝係入面，足料！帶點甜甜地，如果有啲椒鹽粉係面會更正！迷你魯肉飯真係抵食過春水堂好多，份量差不多，平$10兼唔洗加一。油脂未算好香，雖然唔算話好好食，但以呢個價錢黎講抵食！肉燥燙青菜用左油麥菜

收工路過台式料理，見入面幾多人咁就試下。原條蒲燒鰻魚飯+魯蛋+魯肉飯 $138+$12+$18鰻魚飯一個碗咁長，溫泉蛋同甜甜既燒汁拌飯食令人不可抗拒。鰻魚屬於唔太淋有返啲咬口。魯蛋，唔係老蛋，蛋白幾滑。魯肉飯，細細碗，想少少地試下就岩哂。三色海鮮茶漬飯 $108蠔唔算細仔，幾滑。整體清淡。鹽酥雞$32咬開肉心熱辣辣，如果粉薄啲肉質會更顯嫩滑。冷泡茉莉毛尖茶 $24茶味清新，冇加糖。岩哂怕甜既我🌞

第一次去時週六中午碰門釘，今次排左五個字終於食到⋯但期望大過實際，有點失望😞限量五十碗的紅燒牛肉麵，湯好少。麵條彈牙，牛肉也已酥爛，算是收貨。然而一碗麵的靈魂，湯底卻是大失敗⋯過左半日，腦海中的印象只剩下甜鹹微辣。麵湯無香味，鮮味也頗為堆砌，食晒碗麵只為飽腹。整個set只有泡芙有點驚喜，入面奶油冰涼，外層面皮酥軟⋯其他只可以說「好普通」！服務生的態度十分親切。但花大把時間同近九十蚊食一碗「好普通」的麵，就算在中環區我亦覺得冤枉⋯

一個人等咗5分鐘呀姐姐才有空閒點菜，又等了15分鐘麺才到！姐姐三次都攞咗唔係我嘅麵嚟...奌呀🥵🥵🥵好啦！佢好努力奈何能力有限...無計！嘢食終於到.....🙄青菜冇味,算啦當食青啲，主角之不過是鹽水雞拌麵天呵！怎麼是一劈煮過頭嘅烏冬？說好了的拌麵呢？咩玩法？汁沒有顔色也沒有味....葱油味像雲一樣，軽到飄走💨💨鷄只是Ok！我只能講我自己整會好味得多....這個麵應該可以係醫院俾病人食都健康喎！