一起果醬 (已結業)

我地透過OPENRICE訂位, 呢間餐廳頗受歡迎,  平日下午茶幫襯都差不多滿座, 我地叫左一個手撕燒豬肉野菌忌廉湯長通粉同英式奶油鬆餅(一份有3個)配蛋黃菠蘿果醬, 我覺得最好味既係佢地既鬆餅反而唔係果醬, 個人覺得果醬既質地偏水, 唔係好揸到上去個鬆餅上面, 果醬味道天然唔假但唔夠突出, 唔夠香同濃郁, 同埋希望店家可以增加佢地提供既CLOTTED CREAM同果醬既份量, 真心覺得唔夠分落D鬆餅度, 而個鬆餅就真係好好味, 我覺得仲好味過好多酒店既下午茶所供應既鬆餅, 好有牛油香, 外脆內軟。長通粉雖然賣相普通但估唔到又幾好味, 係小朋友喜歡的簡單口味, 我覺得可以係屋企跟住試下整, 應該唔難。

今日係公司無所事事就跟同事傾食飯，因為大家都無野好做我同同事拎起電話碌下Openrice，傾傾下愈傾愈開心，收工２個人又無地方去，咁就即興決定食晚飯就大家返屋企，所以簡左係尖沙咀食，之前聽朋友講一起果醬好好食，係一間好特別既鋪頭，睇埋Openrice好評如潮，二話不說，Let's Jam!龍蝦汁海鮮意大利飯意大飯煮到生熟岩岩好,龍蝦汁入哂味,粒粒分明海鮮有蝦,青口,帶子魷魚等等,不過海鮮就麻麻地,相反之下飯出色過餸黃金蟹肉軟殼蟹意粉軟殼蟹脆口,唔會好厚粉,不過軟殼蟹就比較細隻意粉有蛋黃碎同蟹肉,好味得黎口感又好士多啤梨燒豬肋骨豬肋骨最怕韌,呢個又唔會喎,好易切開一舊舊咁食,配上士多啤梨果醬,開胃得黎食落又無咁油,係好好既配搭

小店主打自製果醬 好耐之前食過一次 上次食黃金蟹肉軟殼蟹意粉覺得好好食 雖然都算細份 但啖啖肉 不過今次就有少少失望.全天英式早餐配肉桂果醬$109🍞🍳🥓🍄🍅不過不失 普普通通既一份All Day 唔會有好大驚喜 值得一讚既係多士夠厚身鬆軟 配上自家製肉桂果醬 好食😋 炒蛋香滑 其餘仲有雞肉腸 炒蘑菇 煙肉 茄汁豆同車厘茄黃金蟹肉軟殼蟹意粉$119🦀🍝蟹肉份量都充足 軟殼蟹都炸得夠香脆 不過偏細隻 整碟意粉頗為細份 醬汁唔係好食到咸蛋黃味 反而有少少偏漏既感覺 意粉就淋左少少 希望只係我食個日失左水準🤣 可能食過Beans 性價比有比較🤣特調果醬紅茶$42🥭🍹揀左芒果果醬 第一次飲果醬紅茶 幾特別 甜甜地 同紅茶好夾 又有果肉咬下 唔錯😋.玫瑰蘋果茶$39🌹🍎🍹淡左少少😖 玫瑰同蘋果味都唔係好出😖.計埋加一價錢有少少偏貴 性價比唔算高 不過黃店會支持下

星期五晚嘅尖沙咀，好多受歡迎嘅餐廳都會滿座。即興地搵到呢間餐廳，之前喺西貢都諗過試，但無試到。打去問左walk in都可以。好彩去到排隊等左大約20分鐘就有位啦。🥳.餐廳有供應Dinner Set，主要睇你想唔想食沙律同甜品，佢跟餐飲品只係半價，而唔係包埋。我個人覺得喺menu散叫會仲抵！.「意式青醬雞肉意粉」$99🍽：意粉較為偏濕，即醬汁較多，味道適中，不會太咸，雞肉口感正常。.「龍蝦汁海鮮意大利飯」$129🍽：值得讚的是你會看見海鮮豐富，帶子很厚、兩隻大蝦、兩個藍青口、還有魷魚。份量剛好，不會太膩。.「果醬雪糕窩夫餅」半份$69🍽：這裡的果醬很出名，亦有多款果醬可供選擇，我們選擇了雜莓。雪糕口味則是固定的，雲尼拿味道，口感很滑，還有水果伴碟。窩夫是外面脆脆的，內裡鬆軟。想吃甜品的，這個值得推介！不過餐廳內的冷氣十分強勁，這會令人不想逗留太長時間。還有的是，職員很「勤力」地幫客人收回餐碟，沒有留意到其實還未吃完。😅

次次行過都好多人排隊，今日非繁忙時間經過，終於唔係長長一條人龍，終於可以到我食龍蝦汁海鮮意大利飯($129)意大利飯十分足料，有蜆肉，帶子，魷魚，青口，蝦；飯煮飯得比較軟身香濃，較creamy & chessy；美中不足就係蝦唔夠新鮮，分數：7/10，勝在性價比高玫瑰蘋果茶($39) 幾清，玫瑰味唔算好出，飲到一粒粒蘋果蓉，又唔會好甜，我幾鍾意其實想試吓多士，鬆餅&自家製果jam，但係真係太飽，一定會返嚟再試其他嘢，見到下午茶餐都好抵食

平時唔知出嚟做咩好又想約朋友食下野，飲杯野，呢間絕對係非常好嘅選擇！位置唔算難搵，喺佐敦站D出口行5到10分鐘左右就到！門面靚靚，餐廳staff都好友善一入去個staff就問我係咪有朋友生日，我都仲未知發生咩事😂答佢係個friend喺OpenRice book位嘅！（請看後續）之後我朋友到咗，主食嗌左龍蝦汁海鮮意大利飯：見到好多人推介，試過之後都覺得值得推介！個飯有兩隻青口，一隻帶子，兩隻大蝦同埋好多蜆肉，個人認為幾抵食又新鮮！ 另外仲嗌左個all day breakfast: 除咗佢特別嘅果醬之外，其他都中規中矩，呢個價錢同味道都正正常常！飲品嗌左：果醬梳打同埋果醬紅茶，飲品想配合咩果醬都可以自己揀，個人黎講就推介玫瑰蘋果同埋桂花雪梨！如果想試佢個果醬可以直接嗌果醬九宮格多士，不過今次甜品朋友想嗌窩夫，所以揀咗半份果醬雪糕窩夫！食食下野個Staff拎個窩夫甜品出嚟嗰時真係嚇親，見到隻碟又有蠟燭又寫咗自己個名，仲諗緊咩事😂😂因為自己生日其實已經過咗半個月了，朋友仲勁有心幫我補祝返❤️❤️😭真係勁驚喜，勁感動總括而言，都推介大家喺呢間餐廳慶祝生日或者同朋友聚下舊！

生日飯一定要搵同聲同氣餐廳食飯先至開心！尖沙咀食黃店，其實都幾困難，唔係選擇少，而係因為間間都full Booking，旺角按摩想搵間餐廳食個靚飯，真係唔容易㗎 ！今次朋友生日，聰明嘅我梗係book定位啦！哈哈！一起果jam西貢店我就成日去，但係尖沙咀店真係第一次！入到去見到好悶嘅連儂牆，真係好感動。至於食物方面，果然冇令我失望，用了新鮮，天然食材好有特色！壽星公都非常滿意，可惜因為人太多嘅關係，只有1.5小時食飯時間，如果唔係就可以嗌多杯嘢飲慢慢吹水啦。

疫情關係好耐冇外出食飯亦冇好chill地食過lunch 之前都有聽過朋友讚呢間餐廳，一於去試下！門口見到空白連儂場，就知一定要撐啦我叫左一個all day breakfast 同一杯roasted almond coffee (cold) 先講all day breakfast 1.芝士炒蛋: 有拉絲，芝士淡口，吾會溜，蛋夠滑2.炒mushroom : with black pepper, nothing special 3.煎腸x24.bacon 咸到七彩，不過我本身都吾愛食煙肉5.toast!!!! 作為一個麵包控，個多士外邊脆，內面軟熟，加埋cinnamon Apple jam!! d jam 比得啱啱好，蘋果肉焾得嚟吾爛，仲有咬口，清爽，吾甜膩好正！6.茄汁豆7.車厘茄有煎過到杯coffee 一飲都幾surprise，因為好香almond之餘，真係飲得出係roasted過，齒甲留香！

呢間位於山林道既Let’s Jam cafe出左名係黃店，長期都好多人排隊，佢地主打自家製既果jam,有好多款式，有啲味仲好特別，例如菠蘿、木瓜雪耳、雪梨、雜莓、蘋果同香橙等。如果想試曬咁多款，可以叫佢個果醬九宮格多士，食曬9隻口味🤤🤤🤤而且個賣相仲好靚💞💞今日叫左All day breakfast,好豐富🥰仲有厚多士，可以自己揀一口味既果醬。炒蛋唔算好滑但都唔錯，bacon就煎得好好，唔會煎到又燶又硬。

Bookmark好耐既lets jam，今日特登食佢個九宮格jam toast & all day breakfast其實係為左呢個toast，可以試晒幾隻jam🥰不過略嫌太甜，但味道新鮮，幾好，滿足晒我貪心慾望好大路既all day breakfast認真冇特別，其實間間都係差唔多不過真係好想試佢個鬆餅所以特登轉左個英式鬆餅，不過原來冇跟clotted cream，叫咗個玉桂蘋果果醬，其實味道真係幾好㗎不過我就覺得有啲甜，但係配埋個鬆餅味道幾清新。不過其他嘢就真係爭少少啦。不過我嚟呢度食嘢唔係食味道，係食良知

近幾個月因疫情關係，午餐要經常帶飯，時常都會去佐敦一起果醬食午飯，今次選擇咗買外賣，叫咗個黑松露野菌意大利，冇諗過外賣都保持水準👍🏼真係好好味😋直得推介，現時疫情關係又有折扣$又平咗😊凍飲🥤加3蚊。

好吃的東西，值得等待🥰朋友預約了，去到門口，等左一陣，我地預約嘅時間都比較晏，但見出面仲有好多人等位，真係好受歡迎呢🥳叫了兩個dinner set1. 士多啤梨醬燒豬肋骨：個醬唔會好甜，甜度適中，豬肋骨燒得岩岩好，唔會過乾😋2. 紅蝦意粉！！d 蝦係有鮮味，仲好大隻😍最最最驚喜係跟餐個蘑菇湯，好濃味（唔係罐頭果種）非常推介🤤👍🏻👍🏻本身想另叫甜品，不過太飽了，下次再來😘呢個係跟餐的芝士蛋糕～玫瑰蘋果茶，偏清淡

明明寫08:00-23:00開，我10:30去到佢話11:00先開因為要落場。我明白要休息，但係可以喺門口寫清楚，唔洗人哋白行囉！仲要岀面又落住大雨。西貢個老闆識做好多！

Bookmark左好耐既餐廳，終於黎到！————————🔸果醬九宮格多士 $55除左樣靚，味道都好好食！厚多士烘得岩岩好，外層好脆入面好鬆軟。每一格既果醬都唔同味，我鍾意佢唔太甜，食哂都唔覺膩👍🏻評分：🌕🌕🌕🌕🌘-🔸黃金蟹肉軟殼蟹意粉 $119鹹蛋黃味都幾出，但得半隻軟殼蟹唔係好夠喉🥺評分：🌕🌕🌕🌖🌑-🔸玫瑰蘋果醬單骨雞翼 $45甜甜地幾好食，不過就冇咩玫瑰味。評分：🌕🌕🌕🌖🌑-呢到暫時唔收信用卡，記得帶多d cash!

近日約了朋友到尖沙咀 Let's Jam 晚膳，大概七點左右。人不太多，大約坐了餐廳一半。我們兩人叫了慢煮極黑毛豬扒，英式奶油鬆餅，黃金蟹肉軟殼蟹意粉。另外叫了兩杯飲料。首先到來的黑毛豬扒，扮盤隨意，幾粒薯菜加幼露荀，已切四件豬扒。但黑毛豬扒挺肥，像是在吃燒腩的部位，十分肥膩。很少配菜比主菜好吃的，今天試到了。後來的意粉，只有半隻軟殼蟹，意粉中蟹肉完全吃不到。意粉底是普通的忌廉汁，沒有任可特色。整餐飯只有鬆餅比較好味，奶油及果醬調製得很好， 與鬆餅很搭配。飲品也沒什特式別，就不再在此序述。總括而言，119的軟殼蟹意粉和189黑毛豬扒不好吃亦不值，就像茶餐廳的的品質。而鬆餅就比較推薦，72三個價錢合理。飲品個人而言也很普通，可以不試。即使是黃店，不好吃，也很難支持。盡管你把整間店劃為連儂牆，失望。