一記 (已結業)

中午食飯，黎到「一記」。間舖好細間，入面超級多人，好彩我一個人，等左5分鐘就有位。睇吓餐牌，話蘿蔔糕同牛肉球都係自家製，咁就試吓啦～蘿蔔糕好香，好足蘿蔔味，不過帶少少苦味，可能夏天蘿蔔唔夠甜。牛肉球真係一個驚喜！同出面酒樓嗰啲唔同，好香，好好味，細細粒，一口一粒～食完一份再叫多一份細嘅。一次過食咗佢8粒～再加一個蒸飯，雲耳蟲草花蒸雞～雞好滑，不過飯就有少少硬。好大碗，食唔晒，下次要叫少飯～誠意小店，值得推介。

呢間小店嘅自家製牛肉球超級好食！本身唔鍾意食酒樓嗰啲牛肉球，覺得冇牛肉味，質地奇怪，食完之後個口又有陣怪嘅aftertaste... ^_^" 但係呢個自家製牛肉球真係超級好食！下次一定會再食～ 仲有d清湯蘿蔔牛腩都好好味，牛腩好腍，蘿蔔好甜又入味，值得推介～！$10/$20一份好抵食，仲可以外賣拎返屋企加餸，非常方便！另外叫咗一碗五指毛桃湯，飲得出係冇味精嘅，同屋企阿媽煲嗰啲一樣咁好飲～ 下次想試埋佢個黨參杞子紅棗雞湯～

抵到爛，無得賺！快d黎食碗咖哩牛腩飯！第二次黎一湯一飯一餸 26蚊喳❤️❤️❤️❤️同一般茶餐廳既兩餸飯晤同無味精既眉豆紅棗雞腳湯😋😋好足料 又好味每日都有晤同既靚湯架☺️☺️☺️咖哩薯仔雞翼飯 好夠味好夠汁！雞翼超入味又林可惜既係。。。我晤小心食哂無影相🙈🙈黎試下啦甘平邊度揾，人地無得賺架啦

小店唔係好大,大概容納到30個客人,老闆娘就坐嚮高凳望住收銀機幫客人落單,等位其間有好多人買外賣,因為一個蒸飯唔使$30,而家食個午餐真係無$50都唔得啦~佢個飯仲要係好夠份量,唔會以價錢去減少份量! 店家真係好好~ 但最緊要都係質量,問左叫蒸飯既朋友仔,佢地都讚不絕口,話好好味,而且蒸飯好健康,仲有價錢平~我唔係好肚餓,所以就叫左一碗蕃茄薯仔湯,一個咸肉糉同一碗皮蛋瘦肉粥~蕃茄薯仔湯$8 無用味精,好清甜,全碗都係湯水,見唔到薯仔既蹤影~咸肉糉$15 味道唔錯,就係扎糉既時候扎得唔夠實,糯米有少少鬆既感覺~皮蛋瘦肉粥$10 係用細碗的,粥好棉唔係水,就係皮蛋同瘦肉都略少~我見牆上貼住一記腸粉皇,下次想試腸粉同蒸飯啊!

平！抵！好食！牛肉細細粒，當早餐岩岩好皮蛋瘦肉粥 10蚊碗，好足料！好有驚喜平過係附近食既茶餐又相對健康！覺得係益街坊既小店！食完覺得正，先留言讚獻上我既第一次留言❤️

自從黎左呢度反工之後, 就成日幫襯一記喇!!!!!!!!!首先, 呢度既菜式係好簡單, 又唔係D 咩高質素菜式, 不過頹頹地當係餐晏仔都幾好~~今日黎左呢度買腸粉同埋皮蛋瘦肉粥.......其實都真係幾平, 2樣野加埋先係$20~~腸粉比想像中好好多, $10姐, 但係都幾多醬既, $10 有6條..食完都幾飽....皮蛋瘦肉粥, 料好少, 但個味都幾好..入面都仲有咸蛋..都係$10, 仲想點呀... 

有一日經過荔枝角，想搵嘢食，見到有間鋪頭個招牌好得意，淨係寫住「一記」兩個字，就入去睇吓有乜食。食完發覺係一間「性價比」超高嘅餐廳！食咗一個蒸飯，鳳爪排骨飯，啲排骨好鬆，好香！而且大大碗，又可以免費加飯！＄24仲要俾兩條菜心！超抵食！跟住＄10叫咗個細份咖喱牛腩，牛腩好淋，仲有兩小件薯仔～好味～不過啲咖喱就唔係好辣～最驚喜係個「自家製牛肉球」！真係好好味！喺出面真係食唔到。＄10有五粒，全部迷你版，細細粒～見樣樣野都唔錯，叫咗個湯飲， ＄8～五指毛桃土茯苓煲豬骨～真係唔錯，唔似一般例湯～夠料，飲完唔口渴～不過鋪頭地方就細啲，人多，坐得唔算舒服～一兩個人你快食快走就啱晒～＄52食到飽，小店好嘢！

牛肉: 係真牛肉，似酒樓質素，唔似一般街邊加左好多粉的膠牛肉, $10有5粒，抵食。夢蔔糕: 有煎有蒸，我揀左煎，剛煎起，好香夢蔔同臘味味。燒賣: 冇乜特别。腸粉: 是幼身的，比較適合女仕細細口食 (但我是男)。湯: 見佢$8大大碗，又話冇味精，就叫番碗，飲完唔口渴，有埋湯渣俾你，抵飲。清湯腩: 牛腩炆得夠淋，一點也不un, 夢蔔甜得黎入哂味。鹵水雞翼: 夠哂入味。依度仲有得賣蒸飯同糯米飯，但實在太飽la, 下次再黎試。

難得放假行街街，自然醒完，打算食個下午茶再去行花市，見到呢間野新開張，膽粗粗入去試下。先講環境，乾淨光䁅企理。Ｄ侍應又nice, 讚！叫左腸粉燒賣同咖哩牛腩魚蛋！腸粉燒賣好正常！最驚喜係個自家製麻辣醬！無得輸！一定要試！咖哩魚蛋好彈牙，忍唔住叫多碟。原本想叫多個牛肉球，可惜已經賣哂，下次一定會黎再試。

去開搵朋友，樓下有間新開食市，咁就入左去坐底吹水。當時4點幾，雖然唔係滿坐但全部檯都有人，所以揀左吧檯坐。首先叫左咖哩魚蛋豬皮，手打迷你牛肉球同油菜，盛惠$27！平呀！d野食好快黎到，出奇地幾好食！因為我地冇咩expectation 咁走入黎諗坐搵個地方吹水！ 個咖哩一d都唔稀，好味同足料。魚蛋都好彈牙，豬皮又唔會太林，爽爽地咁。牛肉球唔似酒樓嗰d咁你大粒，但佢寫得係迷你都預左，size 係好似平時打邊爐d丸咁，食落好新鮮好有肉味！我個人認為係必點。油菜就正正常常，幾蚊雞食返健康少少都抵。之後再追加腸粉，蘿蔔糕，同埋（冇味精）湯- 佢menu係咁寫。d腸粉好正喎！個老細話有個sauce 食佢地自己溝出黎！如果住得近黎買早餐都幾正。蘿蔔糕都食得出你自家整，個人認為有丁丁咸，不過都係up to standard 嘅。而個冇味精嘅湯好似媽媽煲嘅靚湯咁，幾足料嘅。總括黎講係有驚喜，中午應該好多人黎食lunch，因為價錢親民，佢仲有幾款蒸飯，都係20幾蚊一個，我因為唔太肚餓所以冇點，下次有機會一定試下。我同朋友坐左兩個鐘，期間好多大走入黎買外賣，多數係要蒸飯同腸粉。我見佢都會送外賣，喺附近返工嘅

今日經過荔枝角，由於天氣寒冷，所以想吃點東西。經過一間小食店，外貌十分光猛新淨，所以入內進食。原來這間小食店只開了一星期。一望個餐牌，價錢十分實惠，簡直可以算極平。所以我們每樣都叫了一些。叫了一碗糯米飯、油菜、細咖喱豬皮魚蛋、細清湯蘿蔔牛腩。糯米飯很香，臘腸臘肉好足夠。咖喱豬皮魚蛋，豬皮十分淋滑，魚蛋很彈牙，咖喱不會太辣。清湯蘿蔔牛腩更加一絕。牛腩很淋，蘿蔔很入味，忍唔住再encore了一個。所以早知叫個大清湯牛腩。之後再叫了一個自家製牛肉球，牛肉球好彈牙，食過翻尋味！下次要再來！！！