一芳台灣水果茶 (已結業)

食完飯咁啱行經一芳，平時水果茶就聽得多，見到新出咗溪口甘蔗系列：溪口甘蔗茶&溪口甘蔗鮮奶。見到甘蔗鮮奶都幾特別，決定買嚟試下~雖然聽落好似伏伏地，但一芳出品應該都唔會太差掛🤔，鍾意試新嘢嘅我一定要試下啦🤣🤣夜晚無咩人排隊，前面得一個人排，好快就到我喇~😆店員建議，加粉圓有d嘢𡁻下會好飲d~見都係加$3啫，就聽佢建議啦~😆等咗5分鐘都唔洗，就已經到手喇~鮮奶+甘蔗真係第一次試，又幾好飲喎~😋比例啱啱好，兩者都唔會蓋過對方嘅味。飲到鮮奶嘅同時，又有好濃嘅甘蔗味，唔錯！而且店員推介都好好，加埋粉圓，口感真係豐富好多。最怕粉圓太硬，但佢整得啱啱好，煙韌得嚟又夠軟身，唔錯👍🏻總括而言，值得一試！但略嫌有少少太甜（可能我叫咗微糖嘅關係？🤔），建議下次可以叫少甜。😊

一芳台灣水果茶，我諗唔洗多講大家都知佢出名架喇~荃新天地嘅呢間係正門口隔離, 好易搵!之前水果茶就試過喇, 今次就想試下佢個黑糖粉圓系列,因為門口橦左個牌話每日限量100杯, 好似好矜貴咁, 所以對佢都有期望~黑糖粉圓鮮奶(大)飲左第一啖係有啲失望嘅, 牛奶奶味好淡就算我搖勻左成杯, 理應牛奶會有黑糖味,飲到嘅只係好淡好淡嘅黑糖味而粉圓方面, 佢係細珍珠黎嘅~都幾有咬口, 但美中不足都係黑糖味好淡黑糖粉圓鮮奶茶(大)老老實實, 我就試左一啖姐~真係好普通, 什至可以話佢係淡朋友話成杯奶茶好似溝左水咁不值得一試

今日去左荃灣行街行到口渴，經過荃新天地見到有間手搖飲品店就去買左杯試下。見到有poster 特別推薦黑糖粉圓鮮奶茶就買左黎試下。唔係特別鍾意甜味既我諗住叫少糖，但係只有普通既粉圓鮮奶茶先可以調較糖份，黑糖只有一種甜度。黑糖粉圓鮮奶茶一定要搖勻後才飲用，如果唔係既話黑糖就會集中係杯既底部，飲到底既時候就會太甜。黑糖粉圓鮮奶茶既珍珠大小剛剛好，而且亦都好有咬口。奶茶既茶味和奶味相當得宜，和一般奶味偏重既珍珠奶茶不同。

一芳出名水果茶，上次就飲過了，成三十幾蚊杯，算好飲嘅，不過都係糖水浸水果嗰啲野今次就試埋佢話嘅每日限量。因為覺得貴，只係買左中杯黑糖嘅飲品飲前一定要搖匀！如果唔係第一啖又成口糖佢所講嘅粉圓，即係珍珠，本身仲胡塗地諗左陣係唔係芋圓中杯勁快飲完，味道係ok嘅，冇乜特別，奶又唔係特別香濃，黑糖都唔係特別香，珍珠都唔係特別好食，係名符其實嘅"ok啦"飲品

冬瓜鮮奶茶加珍珠 中杯（$29）6點去到，好彩早左幾分鐘到，唔需要排隊，等左幾分鐘就有啦！冬瓜茶通常偏甜，唔記得左少甜，不過都OK，可能因為冬瓜茶份量唔太多，味道唔會太重。加左珍珠，細細粒仲好咬！

最近成日見到朋友在 FB post 一芳水果茶，一直好想試。今天行街經過見到，買了一杯中size 1/3 甜試下，相信第一口我沒好好攪拌，所以比較甜，之後攪拌均勻後就不會太甜，飲落每口都有果香，因杯口封實，要找個好位才取到𥚃面的生果吃，而生果尚算可以。不過中size 都要$30杯，比較貴了點，加上市面有好多不同的選擇, 所以試過算了。 

最近又有好多飲品鋪頭進註香港 特別係咩黑糖珍珠鮮奶 冇錯 真係好吸引 不過顧及到減肥係女人嘅終生事業 我就唔跟大眾嘅口味 轉飲水果茶 今次我就去左荃新天地個間一芳 叫左佢嘅招牌貨 一芳水果茶 根據電視有專家講水果茶裏面嘅糖水先會肥 比起黑糖珍奶 又有珍珠又有黑糖同糖水 致肥嘅東西比較少 真係女仔嘅恩物咁因爲本身水果都有甜味 所以我只係叫左微糖 甜味已經好足夠 而佢裏面都好足料 有蘋果 橙 菠蘿同百香果 啲百香果真係好有咬口 酸酸甜甜 飲完成杯野唔會口渴 非常好入口 十分值得推介!!Ps 試左佢嘅珍珠奶茶 都好好飲.... xd

呢間店門面裝修好有日本風味好吸引人去買，以為係日本飲品，但係原來係台灣飲品， 但唔緊要都 試下， 四個人買四杯飲品，係完全完全唔好飲好難會有咁嘅機會率， 真係好難會去再俾機會佢😥

一芳台灣水果茶 是淸淸甜甜水果茶👍🏻好多時候我怕果汁太甜 感覺不太解渴，今次飲的水果+茶又啱我口味喎！ 一芳將當造的台灣水果切片 以秘方水果醬熬糖入味，再加上松柏嶺青茶調教出他們獨有的酸甜清爽風味。大家可以試一下！

透心涼的水果茶🍎🍊🍎🍊台灣知名的水果茶店 「一芳」登陸香港，現在荃灣荃新天地一期都開咗一間新鋪呀。因為天氣實在太熱，氣溫應該係34度，唔飲番杯水果茶點可以消暑呀！今日路過排隊啲人冇上次咁多咁洶湧，所以我又去飲番一杯。水果茶真係好好味唔會太甜，裏面有好新鮮的蘋果，蘋果片是很新鮮很脆口，還有橙片和百里香果等。當然佢都唔係咁簡單，佢哋以當造的水果以秘方熬糖入味，加上清茶襯托出清爽風味，喝一杯包你透心涼。

荃灣終於開咗一芳，唔駛特登走到入旺角先飲到呢間台式飲品啦！荃灣分店位於市中心citywalk一期，鋪頭嘅位置人流相對比較少，但係都無阻呢間飲品店吸納客人嘅威力，次次想飲嘅時候都見到有條長長嘅人龍，所以無排。今次終於喺非繁忙時間去到，唔使排隊！叫咗一杯一芳嘅signature, 一芳水果茶。店員好貼心提醒第一次飲嘅話可以先選擇半糖，如果唔係就唔會太甜。門口嘅promotion stand指水果茶係以秘方水果醬調製，唔知佢係唔係真係咁犀利呢？唔使兩分鐘，我嘅水果茶就沖好啦。果然，茶味非常之清香，水果醬嘅甜度剛好，並冇蓋過茶嘅幽香。拌勻後，既有熱情果嘅甜美，亦帶淺淺嘅蘋果、香橙味道。飲完水果茶後，就可以食埋裏面嘅水果添！

其實我平時好少飲凍野，但今日都要破例，因為實在太熱啦。呢間人氣水果茶店，早排係沙田新城市開左分店，見咁多人買，一於試一試。叫左「一芳水果茶」，因為怕甜，所以叫左微微甜同少冰。裡面有蘋果，橙同熱情果。因為有熱情果既關係，我覺得呢個茶揀「微微甜」岩岩好，唔太甜，飲落好fresh但茶味欠奉，俾熱情果覆蓋左。下次要試試其他味。價錢係$30（M size)，其他一般都係$2X幾，俾我想像中平，畢竟係大商場，好多店都會吊高黎賣，所以都出乎預料。下次試下其他味先。

一芳台灣水果茶自從由觀塘一田pop-up store小試牛刀，開設實體分店的計劃也蔓延開去，繼旺角朗豪坊開了首間香港一芳台灣水果茶後，最近荃新天地也開了分店。在炎炎夏日，我更需要冰涼的一芳水果茶降溫消暑。之前試過水果茶少甜，但對我來說仍很甜，所以今次選了微甜，微甜約三分甜度，沒有上次所喝的甜膩感，好多了。百香果籽蠻有咬口的，蘋果脆甜可口，橙肉比旺角店切得少片，更容易咀嚼，整杯水果茶頗清新涼快。唯一意見是店員不會主動為點了水果茶的食客提供叉子，方便食客進食水果，我觀察了所有客人都是這樣，而我自己就在收銀旁自取叉子叉水果吃。

呢間荃灣新開既分店，天氣太熱就想飲下凍野，佢有好多唔同既茶，而水果茶都算出名我今日見到佢有個好大既牌 sell 佢呢個冬瓜鮮奶茶，所以就試左佢呢杯我叫既時候無糖份比你揀，只有一個甜度，我就叫左少冰，人唔算多但都要等10分鐘左右杯飲品出左黎飲第一淡冬瓜茶唔會太甜岩岩好（有去台灣飲過冬瓜茶既朋友都知，台灣既冬瓜茶係好甜既），但我攪勻之後鮮奶蓋過左冬瓜茶既味道所以變淡左，成杯飲品就好淡但都有少少冬瓜茶既味道既

由見住佢裝修到宜家張開, 每次行過都心絲絲想買杯試下, 但次次都因為條人龍而放棄｡ 今日經過終於見到少 D 人,  所以一嚐所願可以入去睇下有咩飲｡ 雖然佢地主打水果茶, 但本人對水果茶真係冇咩興趣, 所以就直接 Skip 左水果茶 Menu 嗰 Part｡ 俾門口 Banner 上嗰杯 “粉圓鮮奶茶” 吸引左我嘅目光, 決定就試下佢｡先睇睇實物, 真係夠大杯, 大杯要 $32, 價錢偏貴, 但如果真係好飲嘅其實都 OK 😐 Menu 上佢係 “鮮奶茶” 系列, 而且寫明係 “茶濃 Double Shot Tea”, 所以 Expect 個奶茶應該好好味｡ 但事實上, 很抱歉咁講, 我完全飲唔出奶茶味  “鮮奶” 與否已經唔係重點,  個味道係同用奶粉 or 奶精沖一樣｡ 茶就更加唔洗講, 同個 “濃” 字係完全冇關係, 茶味非常淡薄 😥 至於個粉圓有點兒太淋, 唔算係 Q 彈｡ 叫左少糖, 但仍然係超級甜