一糖 (屏山)

营业中

休息中

氣溫驟降了很多，老婆提議到一糖，吃多些甜品之餘又可以抗寒暖胃。先來一些熱食魚蛋是陳皮魚蛋，煙韌得來又彈牙，腸粉滑嘟嘟，配上特製醬汁，少少甜少少咸帶點花生香。魚肉燒賣有咬口，魚味香濃。楊枝金露非常甘甜清香，芒果味突出。椰皇燉蛋白蛋白香滑細軟，有啖啖椰香味。抹茶麻薯窩夫配曲奇炒趣雪糕窩夫內裡有抹茶餡料，茶味濃郁，配上曲奇雪糕，味道非常匹配。疏乎里紫薯外層是軟棉棉疏乎里，底層鋪滿紫薯，甜入心中。鮮雜果蛋撻配生薑茶定食薑茶有濃郁的薑味，底層有一條條薑絲，真材實料。蛋撻是芝士撻，咬開有流心的芝士溢出，非常美味。

呢間一糖開左一段時間，裝修幾有特色。食物款式多，主打西式窩夫，心太軟，少量中式糖水，小食。價錢綜合偏貴，食物水準不是很穩定。但一糖🤗勝在出面有得泊車，近西鐵站，很多枱唔洗等位，可以約朋友收工吹下水。小心坐出面有時深夜會見到小強，很多蚊🤮———————————🔸oreo曲奇奶昔$32呢杯又真不錯👍🏻唔會太甜岩，又滑又好飲 .🔸oreo窩夫 呢間出名窩夫 ，試過窩夫比較厚身， 未到好鬆化好食，oreo雪糕好食，覺得佢係合格但未到好好食咁。之前試過芒果會酸，可能咁岩黑仔掛。 .🔸綠茶牛奶冰 $60個價錢都覺得貴架啦呢份，冰是不錯 但細份左少少，綠茶不夠正索，紅豆太淋 ，雪糕是唯一加分位。. 🔸腸粉咖哩燒賣$10(4條)/$8(5粒)正常野己經好感恩 .🔸蒜香香辣雞翼尖$20 煮得太耐好淋 ，冇牙都食到🤣都入味既。 🔸焦糖燉蛋(凍）其實都不錯 👌蛋味甜味好夠，不過好細杯，但個價錢偏貴。 🔸紫薯糖水$28一般般 冇咩特別🤧 💢蓮子百合紅豆沙 $20好稀 🤦🏻‍♀️好水 冇起沙。紅豆唔好食 仲差過酒樓🤧.味道：3/5環境服務：2/5性價比：2/5再番食指數🌟：唔會🍽綜合：食物偏貴，水準一般，中式糖水

今次同媽媽輪到入鼎鼎大名既天水圍食甜品😎 一落西鐵站行2分鐘就到既日系甜品店，入去經過車場，好似城市入面既綠川咁🌵.抹茶紅豆心太軟配曲奇雪糕🍨媽媽想食左成個禮拜喇！一望到個下點解個心太軟咁似cupcake既😂 切落去個下，流哂心😍 焗既時間岩岩好先咁流啊！抹茶一d都唔苦，紅豆凍上，同熱辣辣既心太軟冰火交融🤭.黑糖芋圓紅豆仙草剉冰🍧大大碗，黑糖另上自己倒，但杯既設計有d問題，一倒就瀉🤦🏻‍♀️ 仙草同紅豆偏怖成碗，反而芋圓唔太多，黑糖味唔太夠，當冰融埋後就好似水咁，好彩紅豆同芋圓拉返唔少分，芋圓好煙UN☺️.魚肉燒賣+咖哩魚蛋🍢咩玩法，有埋小食食！咖哩魚蛋重推，係腦魔最鍾意既細粒彈牙魚蛋，正，咖哩味可以再重少少🤨.同事話呢到既紫薯窩夫仲好味！下次再試🤤

同家人出黎食下甜品，來到了西鐵站旁的一糖，貪其可以泊車不難搵車位。日落黃昏，坐室外也不熱，不過就難免有一點小蟲子了。鮮雜果椰皇（$60）想嚐甜，但又病病地，點了個較正氣的椰皇，自我感覺良好嘛，哈哈。燉奶加上椰子水，又香又滑，甜度適中，十分對胃，淡淡的椰香令人回味雜果有西瓜，芒果，哈蜜瓜同火龍果，很清新的自然甜美，無浸泡糖水的。朱古力心太軟配鮮雜果＆雪糕（$50）家人點了心太軟，賣相吸引好豐富雪糕要了薄荷朱古力口味，味道一般不夠滑，但呢個價錢亦不會期望用靚牌子雪糕，甜甜地又有薄荷味，收貨了。心太軟的朱古力好濃，中間亦很流心（照片好似睇唔出？）蛋糕鬆軟沒焗得過火，份量幾大個的，食完好飽芒果沙冰（$38）＆菠蘿沙冰（$38）家人仲點左沙冰，芒果個杯超濃芒果味，用左好多芒果打成，很杰身菠蘿個杯相對較稀，但都好有菠蘿香，兩杯都加左雜果糖水，挺甜的，但我喜歡，食甜品點可以唔甜賣相靚打卡一流，價錢合理，加上餐牌選擇十分多，中式西式飽肚輕食樣樣有，總有一款合心水呢。

我一直對一糖的窩芙念念不忘其他地方吃過總不及這裡當然有人覺得這裡並不就腳但佢位於西鐵站旁算不錯了而且有一大個屬於他們的停車場對於有車人士，過來三五知己聚頭其實很方便例牌還是必吃窩芙朋友叫了這個仙草剉冰實物與照片不附啊？！實物竟然大這麼多雖然之前已經吃過綠茶味窩芙不過只有他是寫明有麻薯，所以還是點了配上薄荷朱古力雪糕保持水準了嘛男友突然其來說不如試試紫薯其實我跟他在旺角試過中招吃了一間紫薯窩芙很難吃，怪味……牯我自己就有了陰影不過他想試就由得叫沒想到他內裡的紫薯蓉吃起來一樣Q彈再配上他們的黑糖，整件事可說是天衣無縫朋友覺得渴order了蜂蜜菠蘿梳打我沒試，見著他自己調混喝，感覺有趣我不夠飽，又有幾款想試原來他有這個，正是用來付合三心二意的客心叫了一個椰皇燉蛋白還可以加元就有個腐竹白果糖水這樣就不怕會太多燉蛋白的汁偏甜，配上蛋白一起吃就剛剛好腐竹白果一碗，是一片片的腐竹甜度適中突然看到外面的風景很漂亮就跑出停車場位置拍照香港不多地方能看到這樣一大片天空整個心情都愉快了許多

同舊同學食完晚飯想搵個地方再食糖水傾下計，同學提議去天水圍站附近。我地R曬頭，乜個邊原來有甜品舖架咩跟住佢揸車入去，就算搭車都好近天水圍站幾方便～我地三個人食，兩個女仔一人叫左一個set一份係綠茶心太軟配抹茶雪糕另一份係朱古力心太軟配芒果雪糕心太軟係即叫即做，所以好新鮮熱辣辣架，配埋雪糕一凍一熱，超正！同埋兩個心太軟都好香，抹茶同朱古力味都好濃，甜味亦剛剛好呀係呢個位置開左間高質隱世小店真係好難得都幾full house架

一糖來過幾次，非常喜歡這裡有室外座，地方較寬，帶小孩來有地方讓他跑跑跳跳（不過記得要帶蚊膏）尤其是飯后光榮結業，要吃甜品同時有腸粉魚蛋實在沒那裡有得揀（絕不去B仔）日系裝潢，不少甜品也挺有日系的賣相，但當然，這是一家切切實實的本土甜品店，如果你追求原材料都是日本貨，這個價錢，他們說是你也不會相信的。性價比高絕對是一糖的賣點！尤其是如果你是抹茶控，一糖絕對可以滿足你！這杯抹茶乳酸梳打，組合挺新奇吧？下面是抹茶醬，附一整枝梳打水和一小杯乳酸，味道就是益力多不過比較杰身。挺甜的，所以份量多與少自己決定吧。說真的，抹茶醬沒有很濃很濃，只有淡淡的抹茶味，我沒有加太多乳酸，但由於乳酸味濃，基本上把其他味道蓋過了。梳打水是泰國食店很常見的那種，沒甜味，所以整體我覺得挺解渴，味道都可以，拍照超級美的。餐牌上看到這個抹茶麻糬鍋窩夫，已經不作他選了～四大塊窩夫，配上紅豆蓉，抹茶cream和抹茶雪糕，真是份量和質量並重！！麻糬匿藏在窩夫裡！而且量還真多！讓本來已經很飽的窩夫變得更飽（笑）煙煙韌韌的口感，我自己很喜歡！最重要的是他們即叫即做，所以暖呼呼，特別好吃！爸爸今天咳，所以吃得養生一點，有這款熱薑茶配芝

男友帶我嚟食呢間糖水，估唔到天水圍都有好嘢食，位於天水圍西鐵站隔離，3-4分鐘腳程，見到好多人都係揸車一家大細過嚟食！叫咗一個Bailey 心太軟, 酒味唔重，只係嗰層cream係Bailey , 可以唔使加錢要返普通心太軟就夠！都好味，都好流心窩夫， 好味價錢正常， $5x左右仲有雞翼尖，但唔記得影相雞翼尖好好味，有成十幾廿隻好抵食可以食完華嫂，再行過嚟食糖水都唔錯

這家店初開的時候已經和朋友立刻來嘗鮮 新鋪開張 人自然多 記得當時要大排長龍 坐下後每人點了一份窩夫 來到的時候真的很失望 窩夫overcooked 又焦又硬 雪糕也硬得像石頭 用鐵羹都插不進 當晚是失望而回的過了幾個月後 熱潮減退 人流回復正常 我們決定再給它一次機會這次同樣點了窩夫 一個是朱古力窩夫 另一個是抹茶窩夫 一吃進口就一洗前耻 窩夫香脆有蛋香 抹茶窩夫內更有qq的麻糬 朱古力cream滑而不膩 抹茶窩夫配以紅豆和綠茶cream 整個配合很match 再塗上雪糕 將窩夫的每一格都填滿 非常滿足 試業過後 水準總算穩定下來 坊間不少甜品店的窩夫同樣價錢 但只有半份窩夫 一糖的窩夫這價錢 這份量 這質素 絕對稱得上最強窩夫

天水圍西鐵站附近有間糖水鋪 外面裝潢都好靚 有和風既感覺!一打開個菜單 除左有熱食之外仲有唔同既甜品!首先我地叫左一個芒果腸粉腸粉十分之滑 芒果亦十分香甜好快就滑晒入肚度 然後仲叫左一個生磨芝麻窩夫聽聞係新口味黎架緊係要試一試啦上面仲有烤過既棉花糖好新鮮的配搭~一咬落去已經聞到香濃既芝麻味!窩夫入面口感軟熟 不會太乾配上棉花糖既甜味 相當不錯!仲有Bailey’s 心太軟~!一切開心太軟 入面朱古力即刻流晒出黎沒有令我地失望 流心朱古力質地相當滑配上雪糕 一冷一熱  最後仲叫左沙冰!一糖入面有好多種不同沙冰好難決擇!  入口冰涼 大家都可以叫黎試下解暑一流

當食甜品變成一種習慣，有一間好嘅甜品店係你左近係一件好重要嘅事。一糖係天水圍站一岀就係，超級方便，放工再去食啲甜，認真不了得。麻糬窩夫黎到一糖，點可以唔食佢個麻糬窩夫呢，外脆內軟嘅口感，係店家堅持即叫即整既成果。上面仲加咗朱古力醬，加埋雪糕，good!宇治抹茶芭菲抺茶控必叫，層次分明，係食芭菲最大既享受，其中脆米真係好好食，加強口感之餘，又中和咗紅豆容既甜品，真心唔錯，不過，味道方面稍稍偏甜。🤭

尼間位於天水圍既甜品店，經朋友介紹過來試下平日下午時間都開始坐滿一半人，不過店就比較細間尼到甜品款式都幾多而且吾貴門口都有位坐落單忍吾住又係叫左我最愛既抹茶🍵麻薯窩芙，可配一種口味雪糕🍦我又係揀左綠茶除左綠茶仲有朱古力、曲奇🍪、草莓🍓、芒果、薄荷朱古力。因為又係即叫即整所以要等尼個《抹茶🍵麻薯窩夫》$50 比想像中大份仲要勁抵食，食完真係食吾落飯窩夫夾住麻薯第一次食到有內涵既窩夫，口感非常煙韌，抹茶🍵配紅豆當然最夾啦，仲要有超多紅豆蓉🤩另外加上cream同雪糕🍦超級正綠茶雪糕陣陣綠茶香味而且整個窩夫又吾會太甜不錯👍🏻而朋友叫左個《榴鏈皇子》$60非常大個之餘超香榴連味仲要真係有榴連肉裝的滿滿的好足料不最抵食都係個窩夫咁大份先$50必食除左抹茶仲有好多口味，下次試埋個紫薯先走前都要係佢既畫作牆打個卡好靚，下次要試埋尼到招牌冰

今日經過呢間野，見到營業時間係4點，當時3點55分，見佢開左諗住入去坐陣先。點知我一開門，首先見到啲員工坐曬係度傾計，大大聲叫 未開吖... 我知，可唔可以坐陣？佢居然話，係出面坐住先出面又曬又熱，居然叫客人出去坐，班人又繼續係度hea同傾計！你話準備緊樓面，要出去等我就理解，完全係度hea 居然叫人客出去等，完全無心情食野，間野有幾好食，大家自己諗啦

位於天水圍西鐵站附近，一間小鋪。如果撞正人流，就要等下位。叫左鮮雜果蛋撻配生薑茶定食($46)，焦糖oreo窩夫($60)。芝士撻creamy得黎唔會膩，食完唔會濟。配生果一齊食，夠fresh，而且生果都新鮮。杯生薑茶既薑味濃烈，冬天飲一流，暖入心。窩夫外脆內軟，香濃蛋味。配以朱古力醬and雪糕食，一凍一熱。擺盤精緻，有心思。雖然定價貴，不過一分錢一分貨。整體，每逢季節都會出新款式既甜品，選擇多。而且擺到靚一靚，打卡。

回家途中想找找糖水甜品店，開開openrice看見這間一糖，住了這麼久也未曾聽過和吃過，又看見很多好評，所以來到這間一糖的食店，位置是西鐵站旁，沿路也有一糖的標旗指示大家，店內也有大量車位，很適合揸車既朋友。雖然價錢比較其他糖水店會略貴一點，但味道是值得付這個價錢的芒果雪糕奶凍$32楊枝甘露冰$42芒果雪糕奶凍，不論芒果、雪糕和糖水也很重芒果味，味道很棒，我會推薦的；而楊枝甘露冰味道個人認為會較淡，但味道都不錯的。