一粥麵 (都會駅)

营业中

休息中

因為不舒服，連續幾天發高燒，吃了幾天的粥T.T今天選最近的一間 【一粥麵】同樣的價格食物，就是有點距離還是海皇好吃點 ...但沒辦法，附近有粥麵吃的只有這間幸好它中餐不行，還有西餐食品頂上。 朋友過去可以試試~

住在附近，而調景嶺食店太少，所以很多時都要光顧到這店。食物是一般，但服務就超差，經常見到員工互駡，每次買了飛等野吃，都等好耐, 不是人多原因，樓上的大快活一样多人，但流程快，效率高，是餐店經理的失敗管理，還有，成間店只有两張BB椅，離普，每次都要搶拱，大快活有六張以上，希望店的高層關注

約埋幾個朋友新年行個大運，決戰釣翁之山巔！由北區的到將軍澳，發現早餐沒什麼選擇喎，唯有是但一粥麵。朋友們仲未到，食住等。行山前不能食太多、不能太復雜，肚痛要便便就麻煩喇。輕食中式早餐，炒麵加粥。豉油皇炒麵，份量少得可憐，只有平時紅磡買既一半乍，兩啖就被我消滅。何解要跟芽菜青蔥兜亂炒埋一齊呢？好多人都唔食架喎，我都一樣唔食，揀死我咩。濕炒麵勁多汁黏住，味道偏甜、質感黏黏厚厚的。好采麵質未算太腍，還可接受。皮蛋瘦肉粥，唔記得走蔥添。全部料黐埋一舊聚起底，好明顯一早執好個碼，有 order 就求其倒殼粥落去算鬼數囉！得得得，我自己攪勻去。煮都無煮過，泡粥？大陸傳入架？粥底完全無皮蛋瘦肉味，粥還粥、料還料。雞湯味粥有點咸味再加少少胡椒粉較好，入得口唔難食。$35 好貴喎，完全唔值。大排檔、粥舖好食百倍千倍，價廉物美！

今日買左個外賣lunch 反公司食~ 一打開份量好夠，最讚係湯另外裝開，不會浸淋d河粉... 河粉幾滑...牛腩都好入味，不過可惜係牛腩粒唔夠喉，下次一定要試牛坑腩.. 炸兩就普普通通，但33蚊一份午餐份量又夠 真係扺食！

本來想試佢今期推介嘅坑腩，可惜賣晒，唯有試下呢個上海排骨菜飯唔包飲品，有碟肉燥豆角作為伴菜，豆角煮得幾腍，偶然有幾條有渣！豬扒有三塊，唔算太肥，煮得肉腍易咬開，醬計甜甜地幾好味！碗菜飯頗大碗，菜粒多亦有薑粒，但食唔到一𢇃薑味，味道好淡，食晒成份會好飽肚子！

到月尾或者要儲錢的時候，去食一粥麵，絕對是我既不二之選，又平又飽肚平時都係食魚蛋拼雲吞河。兩款魚蛋都好彈牙雲吞則係鮮蝦雲吞，咬落爽口，香蝦肉 湯底係清湯唔會話好濃好鹹，清清地，有少少蒜調味，幾唔錯咖

上個禮拜，成班一次過病咗，齊齊要食粥我就例牌揀咗皮蛋瘦肉粥，係炒麵同腸粉二揀一就揀咗冇咁油腻既腸粉份量好正，岩岩好再full啲嗰種粥好好味，皮蛋可以再落多啲食完之后喉嚨好似即刻好翻咁每一啖都治愈緊個喉嚨病緊嗰陣真係好過食葯當然葯都係要照食

呢度一到lunch就好多人排隊，可能近學校。lunch叫左個水餃河粉+炸兩，幾抵食，又足料，先$40幾。炸两細細舊，好易入口，啲醬要自己攞，係攞餐隔離。不過個份量其實夠兩個女仔食，一個人食會太飽！食到我捧住個肚返屋企-3-

令我和家人上星期到這間分店吃午飯,但這店的員工由收銀到出餐的服務態度都非常差。首先是收銀十問九唔應。出餐的把茶扔在餐盤上，把調味的醬油也倒瀉了，一句逳歉也沒有。加上用餐時有蒼蠅飛到我的家人的食物上，所以我已決定不再去這店用餐了。我們也會直接向大家樂投訴，希望他們改善。

帶完非常活潑的BB上完playgroup後精力完全耗盡, 回家前先到附近的一粥麵叉叉電!一粥麵是大家樂旗下以提供粥粉麵為主的快餐店 , 成立於1999年已有超過三十多家分店。一粥麵主攻中收入住宅區, 店鋪設計採用木作主調營做家的感覺。下午茶時段選擇多, 價值二、三十元, 最平十六元十分吸引!即烤豬扒包配冰鎮奶茶$27雖然一粥麵是快餐店, 但是服務細心 。遇上老人、孕婦及推BB車的客人, 店員會送上食物。等了不久, 店員送上食物。麵包烘了表面至脆卜卜口感, 麵包面上的芝麻粒烘過後更加香口。豬扒厚身, 肉質一般有筋; 幸好配上沙律醬及生菜吃, 整體味道不錯。冰鎮奶茶是吸引我來一粥麵的主要原因。冰鎮奶茶出自太興, 但一粥麵從外觀至味道都跟太興差不多, 一樣出色。茶香奶滑, 入口順滑, 用冰鎮住令奶茶保持同一温度而且没有把奶茶味變淡, 飲完個人都即刻精神晒! 最重要是這裏的奶茶味道十分穏定。雖然一粥麵是大家樂旗下成員, 環境/味道都不錯。對不太喜歡光顧大家樂/大快活的我, 這裏是我唯一光顧的快餐店。

身子好，一早食碗粥，飽肚舒服；身子帶病，一早食碗粥，暖胃舒暢。所以，中國人發明的粥水，真的是任何時候都老少咸宜。是日，喉嚨不適，打思噎打了兩天，上班途中，實在頂不順，在景嶺轉車時，喜見《一粥麵》，我立即想起，食碗粥仔睇下有冇效。平日食來食去都是皮蛋瘦肉粥，這一次想改一改口味，叫了一個蠔豉肉片粥，濃味一點，也香口一點。而我也沒有想過，這一個蠔豉肉片粥原來是足料足味道，內裡的蠔豉大大隻，咬入口是充滿味道的，而且亦肥美到充滿醬感覺，選材用料的確不錯。暖暖和和的一碗粥，胃曖了，思噎窨解了，暖暖地上班去。 

叫左個蠔豉瘦肉粥，味有以前大排檔風味，用料充足，蠔豉都幾大隻。豉油皇炒面，唔太油，味道唔錯，份量充足。炸兩，見到即叫即拉，讚！腸粉好味，不過油炸鬼唔夠脆。總體唔錯。

Finally, today was the last day of my stay in HK!! As I have not had some real HK style tea set for ages, my very kind mum bought me to Super Super Congee & Noodles (一粥麵) today to have some really nice local food.The restaurant was much bigger than I thought. Although I had never been to this shop, I could tell that this shop definitely provide good food because there were a lot of customers and the queue never became shorter.Although the service was not good at all as the lady was not patient t

一粥麵這個宵夜套餐非常超值，皮蛋瘦肉粥或鮮蝦雲吞配菜或鯪魚球或XO醬腸粉，都是HK$26。皮蛋瘦肉粥：粥底夠綿，用料足，不過味道略鹹． XO醬腸粉：腸粉皮夠薄，腸粉和XO醬份量也OK，沒有「縮水」．晚了下班，沒有胃口吃太多時，這倒一個不錯的選擇！

帶個仔上完playgroup, 正好12點正, 又係醫肚o既時間, 今日點中呢間一粥麵!喺我心目中一粥麵係一間一向都能保持製作認真、服務態度良好的快餐店, 希望久別後不會令我失望啦! 正好旁邊的VTC同地盤工人都還未放飯, 買完飯仲大把位等我坐! 環境開揚、光線充足, 服務員見我推住BB車, 仲主動叫我坐底先, 佢地會幫我送餐比我! 真好服務~ 不過廚房出餐速度真係驚人....地慢! 等左15分鐘仲未到, 但服務員貼心地幫我追左廚房2-3次, 最後我見佢仲企定定喺出餐枱前幫我等, 值得一讚! 脆炸魚塊菜飯賣相不錯, 炸魚塊看起來不太油, 睇真D, 原來炸醬混入一些乾蔥碎, 我諗是用來減輕油膩感的, 夠細心! 魚塊厚薄適中, 食落仲保留到肉汁, 炸得岩岩好! Good~ 跟炸魚塊來的醬汁, 甜甜酸酸的, 不過個人不喜歡用來配炸魚塊一起吃, 最後用來撈飯食, 也不錯吧!