影片
今晚6点半去咗上水一粥面食，买票都排晒队，餐厅也9成满座。我哋见到”花胶醉鸡锅肥牛餐$68” 即刻就点了，服务员送上来，我们都有点惊喜😁d配料多到我一个女仔都食唔晒呀...有一碟醉鸡块(几嫩滑) 一盒肥牛片(都有好多片), 另有鲜鱼片、鱼旦、鱼片角、云吞、乌冬、粟米，生菜，仲有花胶筒，在火㶽煲内还有蒸笼可以在边食火㶽同事蒸鲜鱼片及醉鸡块👍🏻👍🏻 咁大份真系要两个女孩才食得晒呀...价钱$68，剪埋报纸折扣券仲平多$4👍🏻😁
继续阅读
今日落雨，又湿又冻，个午餐又太难食，所以放工好想去食返d热野暖暖身。本来谂住食炸鸡店，咁啱望到隔离呢间仲有下午茶，价钱又唔系太贵，就拣左呢间。今次叫ge下午茶餐有一碗细蓉，一只鸡全翼同一杯奶茶。碗细蓉都有3粒云吞，虽然唔系话大大碗，但香港百物腾贵，32蚊有3样野又食得饱，味道又正正常常，价钱都算公道！！！杯奶茶好啱我口味！食完个下午茶真系好暖好满足，成个人当堂精神晒。
继续阅读
今晚又想偷懒唔煮饭，之前大鱼大肉咗几日，清清地食个粥和肠粉做晚餐就最啱。喺上水晚餐时段有粥食的地方，大概只有三四间。一粥面系最中之一。艇仔粥，粟米肠粉 $39粥还粥，海鲜还海鲜。粥底味道较淡，搞匀材料先有返啲味。粟米肠粉蒸得较干身，味道较淡，要加多少少豉油食。碎牛粥，羊城叉烧肠粉 $38粥底又绵又滑，碎牛肉质感较软，油炸鬼增添口感。粥的温度够热，食咗个人舒服晒。羊城叉烧肠粉好足料，食完好饱肚。叉烧不会太肥，肠粉较干，热食还可以，冷咗先食就真系有点难入口。快餐还是快餐。食物真的很一般。值得一赞系店员的服务不错，收餐、清洁，快手又干净。
继续阅读
久违了儿时屋邨酒家美味干炒牛诃，今天竟然在上水一粥面找回，牛肉大件件数亦多，肉质刚好有咬感，芽菜爽口足够，只欠忘记添加芝蔴，厨师镬气炒功绝不逊色并可肴美大排档或酒楼的出品，开工午膳又一意外惊喜！
继续阅读
今日收工同男朋友去左上水行阵街就是但揾d野食，于是去左上水汇间一粥面食晚饭。我叫左头抽墨鱼片头墨鱼丸捞粗（$37）个面冇煮太耐都尚叫爽口，但墨鱼片头同墨鱼丸唔太食得出墨鱼味。男朋友就叫左荔湾艇仔粥配葱花炸肠、豉油炒面（$63）男朋友觉得佢个粥入面有虾叫做有诚意XD但炒面炒得唔够干身，葱花炸肠唔够脆！我地都叫左冻柠檬茶，属正常味道冇咩特别！如果呢个价钱配呢个味道，略嫌太贵而且份量少，男士会食唔饱。男朋友耍手拧头话冇下次！
继续阅读