影片
花胶浓汤 云吞鸡锅 配 咸蛋蒸手打肉饼 配中国茶都知道呢个餐分量比较多，但系估唔到系咁多，根本一个人都食唔晒，所以要将个肉饼同白饭打包走。鸡🐓～成只上，都几大只，而且好多肉。鸡髀位肉滑，鸡胸肉都唔会太鞋。云吞🥟～大约有4粒，正常味道。花胶大约有4-5片，都可以，冇期望，所以冇失望。鸡汤～淡淡地👌，唔会有水味。咸蛋蒸手打肉饼～咸蛋👌，肉饼唔太油淋淋，唔会太咸，但系始终唔及自己整。整体：物有所值🙃
继续阅读
瞓醒就要即刻揾地方食返个靓早餐，有沙嗲牛面梗系嗌佢，港式早餐嚟讲应该都算最受欢迎果种。中式连锁店虽然食物质素平平，但系价钱尚且亲民，而且上菜速度快，最岩饿就嚟晕嘅时候去。本身想食有炼奶牛油多士，想食甜腻腻嘅多士储脂肪过冬，点知点完餐先知道佢冇哂炼奶，有少少失望。沙爹牛肉面汤底唔算太浓，但都算可以接受嘅程度，面质唔会煮到太淋，尚有弹性，其他煎蛋、午餐肉正常，整体黎讲可以接受。叫左杯热可力，系寒冷既天气下暖暖身体。
继续阅读
𠮶日年初二，知道呢度实唔会加价、加一就嚟呢度食。我食下午茶，一去到超多人排队，但系旁边个个自助点餐就冇人用😂 ，有D搞笑。野食都几丰富，有包、有面、有粥、有炸鸡扒咁。我就叫咗艇仔粥，加 $8 有萝卜糕，加 $9 涷鸳等咗差唔多 15分钟先到，有DD耐，不过𠮶日有D多人，都正常嘅。待应服务态度好，可能因为新年想攞利是😂艇仔粥有两只虾(几爽)，有鱿鱼，有鱼腩，都几足料👍萝卜糕食到有萝卜，唔错冻鸳唔够奶，差D价钱 ：$51有D贵，下午茶😶都咁贵以为冻鸳可以加$3原来粥唔系餐😔
继续阅读
今日喺屯门周围揾地方食下午茶，，咁啱见到一粥面又想食粥咁就即刻入去食呀，发觉云吞面餐竟然可以免费转红豆冰，咁当然点呢个啦，再加多个鱼蛋鱼腐河加鸡翼同热奶茶，跟手发觉原来消费券入面仲可以免费换多碟油菜㖭，点完餐佢畀个遥控我，跟住我就揾位坐啦，发觉原来呢度完全系可以送餐嘅，但系𠮶个遥控唔可以定位你喺边，咁𠮶个姐姐攞住个餐周围喺度揾㗎咋，不过都总算比以前进步咗好多嘅，当云吞面嚟到，食落啲云吞都唔错都有一贯水准，鱼蛋鱼腐就都系一般啦，反而红豆冰又几好饮㖞，鸡翼就真系冻咗啲，热奶茶就冇乜comment呀，反而送𠮶蝶油菜都几新鲜㖞，最惊喜就系可以有送餐服务，我见啲公公婆婆年纪大，你唔送畀佢攞住个餐真系都几危险呀，简简单单只食完一个下午茶啦。
继续阅读
气温转冷 🌬，叹一煲热辣辣的煲仔饭🥘真暖胃。可以使用手机点餐服务📱买咗2个煲仔饭，手机下单后就可以到餐厅自取，非常方便！买咗2个麻辣系列煲仔饭 ~ 麻辣滑鸡腊肠煲仔饭及麻辣排骨腊肠煲仔饭，配以秘制麻辣酱🌶️，惹味又好暖胃呀!🤗煲仔饭用顶级茉莉香米，饭粒爽身有嚼劲，制作出独特饭香及金黄饭焦，爽、脆、焦、香集于一煲，有🌶️辛惊喜！饭粒粒分明，带色泽金黄色的脆卜卜饭焦有麻辣口感，排骨啖啖肉有辛惊喜🌶️，滑鸡香嫩肉滑，腊肠肥瘦适中，惹味十足👍🏻！
继续阅读