一粥麵 (已結業)

花膠濃湯 雲吞雞鍋 配 鹹蛋蒸手打肉餅 配中國茶都知道呢個餐分量比較多，但係估唔到係咁多，根本一個人都食唔曬，所以要將個肉餅同白飯打包走。雞🐓～成隻上，都幾大隻，而且好多肉。雞髀位肉滑，雞胸肉都唔會太鞋。雲吞🥟～大約有4粒，正常味道。花膠大約有4-5片，都可以，冇期望，所以冇失望。雞湯～淡淡地👌，唔會有水味。鹹蛋蒸手打肉餅～鹹蛋👌，肉餅唔太油淋淋，唔會太鹹，但係始終唔及自己整。整體：物有所值🙃

瞓醒就要即刻搵地方食返個靚早餐，有沙嗲牛麵梗係嗌佢，港式早餐嚟講應該都算最受歡迎果種。中式連鎖店雖然食物質素平平，但係價錢尚且親民，而且上菜速度快，最岩餓就嚟暈嘅時候去。本身想食有煉奶牛油多士，想食甜膩膩嘅多士儲脂肪過冬，點知點完餐先知道佢冇哂煉奶，有少少失望。沙爹牛肉麵湯底唔算太濃，但都算可以接受嘅程度，麵質唔會煮到太淋，尚有彈性，其他煎蛋、午餐肉正常，整體黎講可以接受。叫左杯熱可力，係寒冷既天氣下暖暖身體。

嗰日年初二，知道呢度實唔會加價、加一就嚟呢度食。我食下午茶，一去到超多人排隊，但係旁邊個個自助點餐就冇人用😂 ，有D搞笑。野食都幾豐富，有包、有麵、有粥、有炸雞扒咁。我就叫咗艇仔粥，加 $8 有蘿蔔糕，加 $9 涷鴛等咗差唔多 15分鐘先到，有DD耐，不過嗰日有D多人，都正常嘅。待應服務態度好，可能因為新年想攞利是😂艇仔粥有兩隻蝦(幾爽)，有魷魚，有魚腩，都幾足料👍蘿蔔糕食到有蘿蔔，唔錯凍鴛唔夠奶，差D價錢 ：$51有D貴，下午茶😶都咁貴以為凍鴛可以加$3原來粥唔係餐😔

今日喺屯門周圍搵地方食下午茶，，咁啱見到一粥麵又想食粥咁就即刻入去食呀，發覺雲吞麵餐竟然可以免費轉紅豆冰，咁當然點呢個啦，再加多個魚蛋魚腐河加雞翼同熱奶茶，跟手發覺原來消費券入面仲可以免費換多碟油菜㖭，點完餐佢畀個遙控我，跟住我就搵位坐啦，發覺原來呢度完全係可以送餐嘅，但係嗰個遙控唔可以定位你喺邊，咁嗰個姐姐攞住個餐周圍喺度搵㗎咋，不過都總算比以前進步咗好多嘅，當雲吞麵嚟到，食落啲雲吞都唔錯都有一貫水準，魚蛋魚腐就都係一般啦，反而紅豆冰又幾好飲喎，雞翼就真係凍咗啲，熱奶茶就冇乜comment呀，反而送嗰蝶油菜都幾新鮮喎，最驚喜就係可以有送餐服務，我見啲公公婆婆年紀大，你唔送畀佢攞住個餐真係都幾危險呀，簡簡單單只食完一個下午茶啦。

氣溫轉冷 🌬，嘆一煲熱辣辣的煲仔飯🥘真暖胃。可以使用手機點餐服務📱買咗2個煲仔飯，手機下單後就可以到餐廳自取，非常方便！買咗2個麻辣系列煲仔飯 ~ 麻辣滑雞臘腸煲仔飯及麻辣排骨臘腸煲仔飯，配以秘制麻辣醬🌶️，惹味又好暖胃呀!🤗煲仔飯用頂級茉莉香米，飯粒爽身有嚼勁，制作出獨特飯香及金黃飯焦，爽、脆、焦、香集於一煲，有🌶️辛驚喜！飯粒粒分明，帶色澤金黃色的脆卜卜飯焦有麻辣口感，排骨啖啖肉有辛驚喜🌶️，滑雞香嫩肉滑，臘腸肥瘦適中，惹味十足👍🏻！

叫咗個鬼馬碎牛粥，叫完個餐先發現冇油炸鬼，番去問佢話個餐本身冇跟，又話啱啱開爐冇油炸鬼？？張圖明明有油炸鬼，33蚊淨係買碗稀到爆既碎牛粥，又冇嘢飲跟，你落單就要通知人一聲嘛，真係餐如其名，鬼馬碎牛粥鬼馬到死叫個特價餐 26蚊，加6蚊飲品，粟米粥 菜肉包 炒麵，一早賣哂菜肉包，又通知唔到前台cut 個餐，問佢個餐係咪冇咗菜肉包，就咁話賣哂就算，用番正價買個餐，焗住人硬食。總之要咩冇咩，唔清唔楚。雖然知道果段時間好忙，會有甩漏，但係買咩冇咩真係好唔gur 囉！！

餸又咸，飯又硬，真係好難食。仲有個通菜，又話係馬拉盞炒牛肉通菜，根本就係薑絲炒牛肉通菜，唔會再回頭食，今日打風姐都唔洗食隔夜飯嫁。如果大家要食真係要三思。。諗真啲。

雞扒包配碗仔翅 奶茶 31蚊呢個價錢食到大碗的碗仔翅都唔錯，不過水份較多，雞扒包都幾特別，用白麵包，配照燒汁，味道都唔差的，熱奶茶就好一般啦。31蚊呢個價錢只可以講不過不失。

今朝買沙嗲牛肉米粉配斑斕多士，凍齋啡走甜小冰。結果米粉冇轉依然係公仔麵要自己去講，返到屋企發現咖啡冇轉凍齋啡。杯咖啡極多奶冇咖啡味，唔知自己飲緊奶茶定咖啡！沙嗲牛肉米冇沙嗲味，以為自己食緊清湯。好難食！

粥麵快餐的好選擇，今日就試試這間快餐，我們大慨20:30已有消夜套餐，一碗粥配小食或是一碗麵配小食，價錢都尚合理，雖然是消夜套餐，但份量也相當足夠，味道尚可，台上有配料以防唔夠咸時加的鹽我們叫了一款雲吞麵，雲吞也相當吸引，大大粒的而且這間地方好大，雖然是快餐店，也有遞餐服務，只要將購買食物後有一個感應器給我，將感應器放在台上，前台便會知道我在那，而且他們已有自動零售機，好方便的自助選購自己喜歡的食物