一碗肉燥 (喜薈)

营业中

休息中

開頭覺得冇咩野 以為自己味覺問題 食埋個白肉 肯定係間野問題牛肉酸同佢講 佢唔理我白肉生佢話蒸熟左粉紅色 咬唔開 咁都熟？落單又落錯 態度又差啲肉燥又唔知似咩食緊柴咁 咁樣都開門做生意是但搵間茶記都做得好過佢

今日喺app叫咗個（$64）香酥雞扒肉燥飯配熱檸檬薏米水（+$0）再加咗個生菜（$21）。運費加$15。嚟咗一碗令人嘩然嘅生菜。雖然味道唔錯，但份量真係… 嚇親我四位同事😂😂😂另外，呢個招牌香酥雞扒肉燥飯，唔知係咪因為外賣嘅關係變到唔酥脆同出晒油，可能都係堂食比較好。

廢話不多說，馬上點評。#精巧香蔥肉燥拌麵 (原味)可轉飯，有辣可供選擇。麵條有咬口（似伊麵），肉燥啲油偏多，要自行撇油，撈勻咗之後又味道ok。#桂花果醋雞中翼雞翼我就食得多，呢款小食聽個名幾清新嘅口味，覺得冇預期咁好，汁液似酒釀小丸子嘅味。#熱檸檬桂花薏米特飲唔好飲，成杯嘢似擺咗一段時間，唔太新鮮，薏米已煲爛。#海苔蛤蜊湯分量少，不過海鮮味出，有豆腐。#三杯翠瓜豚肉呢款小菜最好食，豚肉唔係一片片，而係好似肉排咁一塊塊，翠肉瓜同肉都非常入味，有紅椒絲。#桂花仙草雙色丸子最失望係呢款，要追加足足7蚊先試到，丸子係一舊冇任何味嘅粉團，連糖都冇落，口感差。

今日食晏時間去試左位於長沙灣嘅一碗肉燥精挑細選套餐 肉燥飯有辣有唔辣，味道幾好，分量適中，辣味適中，不過唔食得辣嘅朋友仔應該會覺得幾辣。香葉鹽酥雞鹽酥雞炸得香脆，但雞肉就乾咗啲。小食口水汁豚肉豆腐丸啱晒喜歡辣的人，丸子本身炸得夠脆，配上麻辣汁，但麻辣汁唔似口水雞個種辣，味道麻辣得嚟帶少少甜。仲有冬瓜排骨湯，清甜帶少少胡椒味，微辣。熱檸檬桂花薏米水秋天最啱飲熱飲，清清哋，跟包白沙糖，可以自己決定走甜。

開咗幾年，有一段時間無嚟，點知一嚟就發覺餐廳有D嘢係改咗。午餐：1. )  以前食開既2餸飯$46? or $48 ? 已經無咗，變咗$53 / 3餸，變相==加價。2. ) 未食完，有個男士就走嚟收碗，渴住佢未食完才停手。然後剛剛放低筷子，又有人走嚟收碗，再一分鐘後職員走過嚟講: "先生夠鐘啦。"原來係45分鐘用膳時間。從來未聽過有45分鐘限制的。入座時職員都無講我知。大家唔好食炸雞扒飯，目測到2枱，要制作15分鐘，俾我，就唔夠時間食啦。同其他師兄講既一樣，好鹹..... 點解會咁鹹既......酸菜好鹹，肉臊好鹹，肉臊份量好少。豬軟骨鹹，白飯唔會鹹。綜合，除咗鹹，食品品質係OK既。凍檸檬意米水好飲。變相加價及45分鐘趕人走~ 我就唔會再幫襯俾錢佢賺~  留返個位比其他人食。

放lunch果陣經過見到肉燥兩個字吸引左入去🤣我叫左個雞排肉燥飯 份量黎講都ok😗我見個招牌一心食肉燥🥲但肉燥就相對好少 好似配角咁有啲失望😥不過雞排好厚好大排 😍都幾脆 肉汁就唔太多成碗食落都幾乾 😵可能佢比多啲汁會舒服啲既一一一一一一一一可能午餐時段太多人我舉手舉到手軟都冇咩人理我😮‍💨請佢比杯水佢啲態度都好似唔太願意咁🤕如果依方面可以改善會更好環境就似快餐店冇咩特別衛生都ok既不過我都會再去食既下次試下叫多肉燥先

途經長沙灣，見到門口裝修好得意，比隻雞蛋裝修吸引咗，所以就入去幫襯。😁😁😁入邊嘅裝修喺長沙灣佢來講算幾特別，而且一坐低枱墊都好得意。😂😂😂😂午市時間去到，人流都算幾多。一坐低本身諗住揀牛肉麵，因為台灣最出名。但係見到佢寫住一碗肉燥，所以為咗試吓佢嘅肉燥，就叫咗豬扒肉燥飯。上豬扒飯嘅時候，侍應同時都上咗唔同嘅調味粉，有七味粉，海苔粉，仲有梅子粉。豬扒炸得幾鬆化，而且幾入味，調味料好充足。而且玉子蛋都好好味，但係反而重點推介嘅肉燥就比較普通。但整體都幾不錯😁👍🏻

有事要去長沙灣，未有時間食午飯，經過呢間台式食肆下午茶餐有我喜愛的牛肉麵。牛肉麵湯底濃，牛肉炆得好淋，好入味；麵條軟硬適中，加埋香辣肉燥，唔錯飲品失望，完全冇味湯麵同牛肉麵一樣味道，多咗少少酸菜。鹽酥雞不過不失，台灣腸較硬。加$15有一款小食，叫咗台式餃子、炸貢丸，又乾又硬，唔好食，嘥咗$30朋友話可能唔係專做飲品，奶味夠但茶味淡。

今日🤴🏻陪我去睇牙醫，睇下做唔做到箍牙，醫生要我先做補牙！咁要再諗諗🤔️🤔！咁不如諗諗中午食咩先😬😬佢嘅‘精挑細選套餐’好有特色，一人一份特別精緻！😚😚～～～精巧肉燥飯+板燒洋蔥🧅牛沙郎肉+桂花果醋雞中翼+冬瓜排骨湯～～～肉燥帶甜味足夠撈飯(碗飯好細🤣🤣），牛沙朗肉幾林身幾好味！雞翼非常香桂花味，但肉質一般！排骨湯味好淡😶😶～～～香蔥肉操拌麵+黑蜜汁燒豬扒+滷水豬耳拼滷蛋+豆香A菜～～～拌麵係用左上海粗面，OK嘅但肉燥都係配飯好食啲😅😅豬扒較乾身有少柴，豬耳夠爽口但冇咩滷水味😀😀兩杯飲品都好淡， 建議叫少冰😛😛～～～桂花仙草香食丸子～～～有桂花香，過吓口癮😃😃

今晚晚餐用app。很讚紅燒牛肉，配麻辣燥底湯麵，紅燒牛肉肉質好嫩，果然👍很讚！麻辣湯底很濃郁，湯麵本身無咩野味，亦唔太索到湯汁，所以要肉+湯+麵 一齊食先好味。好吃鹽酥雞排，配燥底飯，雞排一開始都幾好食，擺咗一陣無咁熱既時候，會覺得有少少肥膩，不過我都有食曬既😙。燥底飯既肉燥本人覺得比較肥膩，唔係好食得慣。蒜香台灣腸--好！食！煎紅豆燒餅：硬！熱柚子果蜜/凍檸檬桂花薏米蜜--幾好飲。

今次黎到長沙灣既一碗肉燥😋雖然屋企附近都有，但原來唔同分店選擇會有啲唔同😇一碗肉燥性價比好高，套餐包含好多野，好似有好多個餸咁！食完超飽！食物質素亦唔錯，想食台灣野可以一試 🤗🥳精挑細選套餐（$62）1. 精巧肉燥飯🍚肉燥飯大大碗，肉燥亦都好香但肉燥份量唔套夠撈晒成碗飯2. 小菜選一：香葉鹽酥雞🐔鹽酥雞炸得好香脆，而且皮算薄好食3. 蔬菜選一：金銀蛋娃娃菜🥬娃娃菜就冇咩特別，煮得好軟林3. 小食選一：豉香汁煎蓮藕餅🫓蓮藕餅就係新選擇，好似家常菜咁好食5. 套餐飲品選一：檸檬桂花薏米特飲🥤（凍）套餐仲有埋杯特飲，夏天飲薏米岩晒

同行三人 食個午餐（午飯時間一小時寫三張單 有兩張單退回 一張表示沒有鍋貼 一張表示沒有蛋餅 再揀其他款 好不容易成功落單 發現 原來只係落左兩個餐 落漏左一個上餐時間慢 店員態度亦一般 上班時間仲玩手機 比主管鬧客人用餐感受惡劣 這餐廳 不敢恭維

雖然去到見無咩人都驚有伏，但個場好大座位又闊寬，坐得好舒服，係街行到身水身汗入去坐低真係好開心餐牌好長好多野揀，有啲選擇困難症$10加左個紅豆燒餅，點知得兩塊仔，有啲失望但其實野食都好大份好多，性價比高👍🏻

餐廳位數都算多，等了20分鐘，終於可入坐，等位期間已經填好所需的午餐選擇，職員12:55落單，坐了20分鐘都沒有出餐，作為午市服務，實在太慢太慢，不會再作考慮食用

日日想夜夜想，心思思幾時可以再食到台灣嘅牛肉麵同滷肉飯，呢晚係長沙灣唯有搵間台式餐廳頂住先😬😬很讚紅燒牛肉套餐（原味湯底+$4燥底湯麵+香辣肉燥+半隻糖心蛋+檸檬桂花薏米水）賣相都幾吸引，首先試一啖湯底先，味道個人覺得有少許偏鹹，牛肉有四大嚿望落偏瘦，但燜得都入味，肉質咬落好腍，麵條都幾Q彈，糖心蛋流心度熟到啱啱好，飲品薏米水十分足料，酸酸甜甜，夏日炎炎飲感覺一流，比起之前嘅蜂蜜紅茶好100倍，整體都算唔錯香葉三杯雞鍋套餐（香辣肉操+半隻糖心蛋+檸檬桂花薏米水）一上枱熱辣辣，鍋裡仲吱吱渣渣聲，第一時間就聞到九層塔的香氣，氣味十分濃郁，見到除咗主角雞肉塊之外，配菜仲有雙色椒，洋蔥同埋好特別嘅地瓜，味道不過不失，但整個鍋感覺太油膩，差不多食完嘅時候見到鍋底嘅油量都有唔少🥴🥴小食 香葉鹽酥雞呢度似乎每一碟小食嘅份量都係很迷你🤣🤣雞塊有5嚿左右，外層嘅粉漿見到係地瓜粉，做法正宗嘅，外脆內軟，味道不錯只是份量唔夠喉