一生任食和式火鍋

刺身正常, 不過切得細片左d...蝦比較細, 又無左帶子 >.<款式數量都可以, 不過都試唔到咁多樣, 有個火力弱面積小既鐵板燒下野, 燒蝦同埋牛舌都幾好總括黎講唔係要特別去食, 同其他放題差不多…查看更多

話說當日，係最後一日有特惠，午餐火鍋set 買一送一我o地幾個人，叫o的海鮮呀，豬呀牛呀撈亂o黎食，出面仲有任拎o既行貨o的one off o既料交足功課，有新鮮度可言，好好的說無限o既獅子狗，魚蛋，餃子等等，都做足佢o地o既責任最好o既係佢有咖哩飯，烏冬，雪糕侍應服務幾勤快，值得一讚…查看更多

太太之前同朋友食過, 120 蚊加一, 食物又 ok, 所以同我翻炒一次...120 蚊的特價餐依然尚在, 價錢黎講就算平啦... 2 位埋單都係300 蚊左右, CWB 食飯差唔多啦...Waiter 招呼 ok wor, 又冇咩走單, 比網友之前講既好好多食物方面: 刺身有 5 款三文魚, 北寄貝, 甜蝦, 希靈魚同魷魚, 質素好一般, 算做合格自助壽司 bar 有 4 款壽司輪流出普通卷物, 一般質素, 冇甚特別... 食佢只有有少少飯到肚爐端燒約 10 款雞翼 -- 冇食雞皮 -- 唔夠脆雞肉 -- 叫左冇到雞肉捧 -- 一般來貨質素雞腎 -- 幾惹味雞軟骨 -- 咸左少少蝦 -- 好油, 似煎多過燒多春魚 -- 好乾, 似炸多少少秋刀魚 -- 個肚冇洗過, 好臭...鯖魚 -- 一早賣晒...火鍋生料有肉有海鮮海鮮盤 -- 蝦, 魷魚同青口, 少少唔新鮮... 要食就食刺身好過牛肉 -- 幾好, 比一般肥牛出色, 吉之島應該係賣 30 幾蚊 1 pack豬肉 -- 一般而已自助 salad bar 還有不少菜蔬及菇類, 另外一些日式魚蛋, 餃子等等, keep 到個樣好似係全日式火鍋, 起碼唔會無啦啦有魚皮餃...免費飲品有熱水, 凍茶, 甜品有四色雀巢雪糕 湯底就真係好冇味... 早知就加 20 蚊轉壽喜鍋, 最後同網友一樣, 以海鮮及蕃茄自製湯底.本來食依 d 120 蚊既放題, 我就唔會對食物質素同服務有好大期望, 付出同收穫係成正比既... 平靚正既野已經絕跡... 但餐廳小家係好大問題... 例子如下:1. 第一次上檯的刺身拼盤最初每款有 4 片, 後來再叫三文魚加魷魚一樣係每款 4 片, 但之後再叫, 就減到每款 2 片, 最後單叫三文魚, 一樣只得 2 片2. 第一次上檯的牛肉, 一碟有 10 幾片, 再叫, 得返 9 片, 再叫, 得返 6 片... 教育電視玩減數 ??最後最衰就係未夠鐘, 係我去左 toliet, 就放低張單, 駛唔駛呀, 星期日夜晚黃金時間你都得半滿, 又冇人等, 駛唔駛咁趕呀...佢既 promotion做到 4 月30 日, 之後唔知會執定加價啦... 想試就早少少啦...…查看更多

很早之前已經知道一生係日式放題, 好想試, 但總係無時間過海.終於來到, 但原來已經改為任食火鍋, 不過本人非常喜歡食日式火鍋, 因此照樣入座.佢地分3個set, 全部配日式清湯底, 如果要求其他湯底, 便要加 $20, 限時為120分鐘 –Set A $158 美國豚肉眼 / 美國豚腩片 / 海鮮Set B $178 美國小牛排 /美國豚肉眼 / 美國豚腩片 / 海鮮Set C $198 安格斯牛肉 / 美國豚肉眼 / 美國豚腩片 / 海鮮當日 set B做特價 $100另原價加一, 二話不說選此套餐, 但時間只有90分鐘, 對我而言時間絕對足夠.由於清湯底, 淡而無味, 所以自己將所有海鮮 + 蕃茄自己整湯底.火鍋料 – 美國小牛排本人好少食牛, 所以無咩要求美國豚肉眼味道偏淡美國豚腩片比較好食海鮮不夠新鮮五款刺身 –同樣任叫, 但件數按人客數量, 食一round就夠, 因為質數麻麻還有一張紙剔爐端燒, 但每次每枱只可以選5款, 每款每次只可按人客數量落單.豚肉蕃茄串非常好味, 但小心蕃茄仔於口腔內爆裂的熱力雞腎串切得太幼細, 無咬感雞翼 / 雞軟骨唔錯燒虎蝦 / 太子貝燒得太乾, 可以一試免治雞肉棒好食多春魚少許腥還有 雞肉串 / 雞皮串 / 雞頸肉 / 鯖魚 / 秋刀魚 合共13款出面有個自助 bar蔬菜有兩種雪糕有四款日式魚蛋 / 蟹柳/ 菇類 / 炒飯 / 烏冬 / 咖哩汁 / 麵豉湯 / 粟米湯 / 水 / 烏龍茶 等等用咁嘅價錢食物質數算可以接受, 而且個胡麻醬幾香.…查看更多

食到一肚氣自助的食物唔多，全部都係菜同菇， d肉要落order, 人手又唔夠,想搵個人 落order都難, 叫左又唔黎, 催到發火. 偏偏夠鐘即刻趕客,當時又無人等位,我地仲有成台野arm arm 到未食...埋單又計多兩個人錢,好彩我地check 單見到. 卑鄙!!!There are only 5 types of sashimi and each time we order they give all the 5 types & only 1 piece per person, so we can't choose which one we want nor the quantity. The pork & beef are ok, but the grilled food either was too salty or was tasteless. The environment is neat & tidy 食物質素就一般, 二百蚊係外面可以食多d 花款...i will choose normal Chinese restaurant rather than this. Given the service 好很差，i will never go again …查看更多

同朋友九點幾先食晚餐, 好想食一個好飽既放題, 就揀左黎一生, 上到黎先知原來已經變左半自助火鍋啦! 我地睇個餐牌都唔係好明, 帶位姐姐好主動咁解釋, 佢分三個set, 我地最尾揀有格拉斯哥牛果個火鍋 (安格斯牛肉, 美國豚腩片, 美國豚肉眼, 海鮮，配日式清湯底), 送五款刺身(蝦, 北寄貝, 三文魚, 墨魚片, 同唔肯定係咪鯛魚), d牛, 同刺身就食完再叫佢地攞, 有張紙剔燒物(大約十款左右). 我地覺得清湯都ok, 無加錢轉其他湯底喇, 飲品任飲既有熱茶, 烏龍茶同凍水!菜, 雪糕, 麵豉湯, 咖哩, 等就可以出去任攞個牛.. 係好肥同埋有d未解凍, 豚肉ok啦,,,, , 湯底.. 唔知係咪清湯底關係, 一d味都無, 好水, 海鮮無食到, 因為個湯無味, 我地落d海鮮落去餚下味, 不過都係無味既刺身一碟黎晒五款, 食完叫佢再黎, 係要五款咁上, 無得話我只係要其中某幾款, 但係張燒物紙又寫叫大家珍惜食物呀, 切勿浪費咁, 咁即係迫人sine野:(, 有d人真係唔食某d食物, 但係間野又唔彈性, 話跟單一下子就要黎五款, 希望佢地可以改善下, 燒物食左雞翼, 雞皮, 雞肉, 雞頸肉, 雞軟肉, 蝦, 元貝, d雞翼好大陣魚腥味, 我諗係因為佢用同一個板燒完魚又燒雞, d味好複雜, 如果佢地可以魚還魚一個板燒, 肉還肉咁會好d, d食物個味無咁混亂要有幾方面都值得讚, 第一係臨十點尾差唔多十一點, 雪糕櫃既芒果雪糕兩盒都吉左, 我仲諗住佢都唔會開盒新架啦, 因為當時個場得幾枱人未走, 又就黎收鋪啦佢地, 以為無得食, 點知佢呢個情況下都再開盒新架喎! 第二係個服務, 果位著黑色西裝應該係經理既男人既態度好好呀, 我地叫俾燒物紙既時候, 過左陣佢話雞翼無晒, 我地以為又係臨收鋪賣晒無得叫, 點知原來佢話要等一陣, 依家解緊凍, 叫我地唔好介意喎, 後尾解完佢又逐枱落番雞翼既單! 呢d任食, 其實都expect落左會漏呀, 唔黎呀咁, 但係呢間竟然咁細心同客人交待番喎!:)Set C $198, 星期五減廿蚊, 原價加一呢間我諗我都唔會再黎架啦, 唔岩我食! 而食物計, 我會俾喊, 但係因為佢既服務, 我俾OK佢!…查看更多

昨日下午1點半同屋企人一行五人去左試呢個半自助火鍋午餐,買一送一! 限食90分鐘. 最後我地叫左6個set. ($48-$58), total $190 (已包括加一服務費)1. 張檯下長方形,我地5個人得一個爐, 有兩個人根本完全夾唔到,要求比多一個鍋,佢地話6個人都係得一個鍋,唔肯比多個鍋我地,結果我要負責夾野食比我兩個完全夾唔到既屋企人食. 咁打邊爐邊有樂趣呢,加上我呢90分鐘真係好忙,完全唔enjoy囉!!! 我奉勸打算去呢個半自助火鍋午餐,如果你多個4個人,不妨考慮下分開booking,最多分開坐,至少都可以自己打邊爐,唔洗等人餵!2. 所謂free比你既清湯底,根本完全冇味,佢地只會加水比你, 不妨自己帶粒雞湯同鹽,相信會好好多. 你可以加$20試下其他湯底......3. 又話有咖哩汁,我地1點半已經冇晒,冇再添,連個放咖哩汁個碗都未見過.4. d碟完全冇收過,90分鐘一隻都冇收過!!!太過份,見到都唔收,當睇唔到.結果我地要放d碟係度.5. 2點出去自助bar攞野食,所有野食都冇晒,又冇人添,好離譜!!! 10分鐘後先有人添,不過好多野食都冇左添啦,好失望.其實種類好少.6. 我地order左燒魚青魚$48,不過事實係塊魚:烚+煎,好腥,冇味,魚肉仲係濕淋淋,一d都唔覺得燒過,只係煎過下就出餐.7. 炸雞$48又淋又酸,最後都食唔晒,一定要白飯食,如果唔係酸死呀! 最慘係我地以為日式餐廳炸野一定好得,所以要左兩set,佢地只係話炸雞件,估唔到會咁酸.我地有位家庭成員好食得酸野都頂唔住.8. 胡麻醬冇味,好水呀. 如果你平日唔胡麻醬就唔會知道有既差.8.我自己就order左用黎打邊爐既薄豚肉$58,真係好厲害,紙咁薄! 但係完全冇味,加埋個冇味湯底,就好似煲完湯既肉片一樣.其實如果個湯底有味,應該會好食d,因為佢會吸左湯底d味.9.佢地提供free既飲品只有:熱茶,無糖凍茶同水,佢地d野食同service咁,我真係唔想再投資落呢餐度.10.好多廁格,不過冇廁紙呀!應該要注意同改善.原本我地係打算黎呢度dinner慶祝屋企人既生日,所以先黎試下個lunch.點知攪到成家都好唔開心.唉....平就平,不過冇service,冇好quality既野食!…查看更多

一生已轉型為火鍋店,,這次來試它的午餐,,打電話訂位時店員解釋得很清楚又有禮貌:)一人點一set,,價錢由$48-$88星期六也很少人來,,四個人點了牛肉七味燒($58), 滑蛋豬扒($58), 火鍋豚肉($58), 火鍋牛180g ($68)無論是定食還是火鍋都有自助蔬菜,甜品和飲品蔬菜有很多選擇,,也有獅子狗蟹柳魚餅烏冬等火鍋配料單吃這些已覺豐富,,火鍋湯底只有清湯是免費,,sukiyaki湯和另一款要加$20牛肉七味燒 - 牛肉滑又少少辣,,很惹味壁底有豆腐,,不錯吃但份量略少滑蛋豬扒 - 一般水準,,豬扒外層仍然是脆的火鍋牛肉豚肉 - 兩款肉都很薄,,味道也偏淡,,豚肉較香,,醬料有我和男友都愛的胡麻醬,,讚!!我們也取了咖哩汁弄咖哩烏冬;P飲品和甜品則較弱,,飲品只有凍水,凍綠茶和熱茶甜品有牛奶公司朱古力味雪糕午市可以吃90分鐘,,店員會提醒客人時間又會為你調較火力服務還好:)…查看更多

去了在明珠廣場的一生自助buffet,去到的感覺是優雅，不過服務就真是怪怪的，可能是因為那個像管家的服務生太服務周到吧。雖然牛舌燒和月見烏冬也不錯，但都是一些日常見到的，牛舌是多汁和香而那個服務生不停的叫我們快些吃完就要熄火，在再燒的時候再開給我們，又叫我們不要放冬菇上去燒，我又不是要毀了店子，為何就是要干涉我們的自由?月見烏冬就是帶點煙韌的烏冬再加上自動滑進喉嚨的雞蛋而已。還有個菠菜蘆葦沙律，要不是那個汁太酸，蘆葦的甜味一定令我更難忘。其他的刺身什麼不是太新鮮，味道有點腥，shusi還好吧。最後有松葉蟹腳，味道不太甜，潮州凍蟹的蟹味更重更甜。D位都唔太迫不過係嘈左D者~…查看更多

一生任食放題一向唔做平日午市，見最近改做火煱放題連午市都有得食，重要一連三日推廣午市一送一，一定要試。任食90分鐘(其實有邊個lunch time有90分鐘吖)點左一份豚腩肉燒定食及一份豚肉火煱share食，另叫左兩杯特飲。出去吧枱見有唔少火煱料，有秀珍菇、金菇、鮮東菇、蟹柳、炸餃子、炸魷魚餅、紹菜、魚旦、獅子狗卷、茄子、烏冬，重有珍珠米白飯加日本雜菜咖哩汁同兩種湯。最貼心嘅係籮白片巳徑煮熟，唔怕煮唔淋。一個鐘已經飽到食唔郁，重有雪糕甜品任食，$86兩個人真係十個抵！…查看更多

一行六人諗住高高興興去慶祝下09年最後一晚既dinner, 所以諗住食buffet, 擦餐勁, 因諗住去LKF countdown, 所以我地就plan去CWB食飯, 食完再落老蘭;之前去"一生任食"食過一次覺得都OK, 所以就提議除夕果晚再去, 朋友早兩日去book枱, 竟然仲有位, 仲話無時間限制添, 但最開心既係價錢非常抵, $188 + 10%, 係大時大節佢竟然無加價, 我地當然lur飯應喇 ; 原本諗住張枱會好差, 因無理由肯俾我地任坐(無時間限制), 但估唔到佢會俾張圓table我地坐, 仲要有得挨, 唔似其他果d係bench黎, 坐得辛苦d;佢地有個自助沙律bar, 有兩張tick野食既食物紙 (一張係佢地highly recommend既, 另一張係乜都有既雜食), 我地一開波就叫左成枱都係既食物:~ 雞軟骨~ 蝦沙律~ 秋刀魚~ 和風牛肉~ 天婦羅蝦~ 牛舌丶蝦丶羊肉 (有個爐係俾我地自己燒既)~ 牛肉鍋~ 刺身拚盤 (三文魚丶鮑片丶toro丶北寄貝等)~ sushi ~ 炸蠔~ 日式餃子~ 雞翼d野食味道尚算ok, 中規中炬, 唯一微中不足係刺身同sushi款式少, 同埋落單有限制, 睇下每一人一枱幾人, 再決定可以幾多款, 每款幾多件, 我地6個人, 所以可以揀12款, 每款3件, 單係雞翼, 要落兩次, 先可以每人一隻, 有點麻煩, 同埋好waste紙; 飲品就做緊promo, 每杯$10, 但唔好飲, 飲茶算; 果晚要特別讚個waiter, 佢好熱心幫我地執野同埋加茶, 佢既服務態度真係一流, 我果晚都親自讚佢好好人, 做野好有heart :)以咁既價錢有咁既quality & service, 非常好, memorable new year eve's dinner !!!!!!!!!…查看更多

打電話去問的時候個女仔好似好忙,而且講野悟得清楚,以為好面,點知去到都系無乜人首先提醒你如果去呢間野的時候悟好著冷衫,因為陣油煙味好大去到的時候不是很多人,帶位的姐姐都好好服務,講解清楚呢度次次落單都要限住上,兩個人order最多叫張sheet上面的6款的野食根本就悟算多,應該形容為chicken肋,食之無味,棄之可惜舉個例,你特別喜歡食北寄貝,想一次order多dd系無可能的事,因為無論你點落法兩個人去一定系4塊,就算你只想要呢一樣都無辦法,簡直荒謬但刺身方面都悟算新鮮,三文魚就細細塊,蝦就爛肉的.....壽司就無邊款簡得落手呢度悟知點解有幾款野要自己燒的,搞到成個場好臭,明明食日本野似變左韓燒,得果幾款就不應該要客人自己搞,要不就搞好個抽風先做啦......其他款的食物都不大好食,甚麼蛋啊,素面啊,烏冬啊,薯餅啊,耶菜卷啊,全部都是平價成本難道比小小小小好小小的食物都悟得咩環境有點過度太暗,上野食都算系幾快下.......但$185食呢類食物我寧願選擇去其他地方單點,因為限量order無論你點食你肯定都食悟多你最想食的野,ok,無下次…查看更多

男友生日週, 飯局一連串。今次安排呢度, 係因為行到過黎, 唔知食乜, 用手機上OR. 再打電話黎話有位, 仲有做特價 (好似是$168, 唔係好記得), 同埋之前有朋友介紹過, 咁就試下啦。黎到好似隱約聽到佢話食兩個鐘? 心諗我同我男友食野都比較快, 一定唔會坐超過兩個鐘, 所以未有理會。一埋位, 點了基本的刺身, 熟食咁, 我就甫出去睇下佢個自助位有乜好食。拎左0的蝦, 一0的好似自己0係家整的生果奇妙醬沙律, 一個忌廉湯同一個日式碗仔翅。我真係好喜歡佢個日式翅, 我食左兩碗! 明知呢0的野係呃我, 想0的馬啼粉張住我個胃等我食唔到野, 但係佢COMBINE左碗仔翅同日式醬油窩個味, 真係好好食。食物方面, 我地仲食左其他人介紹0的野食, 例如自助燒- 個韓式燒蝦好得, 好味, 相反個牛肉就點佢燒俾你0個個好食過自己燒0個個。刺身一般, 個好似螺片0個個好味。壽司麻麻地。牛肉窩都好味。其實好多野都想番叮, 但奈何我個胃唔夠大裝唔到。果然同我預算一樣, 食完一小時後可以返家追看宮心計。…查看更多

如果大家覺得非常出名的"明x"迴轉壽司係難食的話...我只可以講話"一生" 比佢更加不能接受....雖然百多元的價錢食放題並不能有太高要求....但呢度d 食物質素相當差劣... 未試過食放題連刺身都唔敢encore刺身: 三文魚(色澤暗淡, 食落去完全無味... 像爛肉一樣, 不知是否用上快近過期的貨色) 立魚: (從來未食過咁難食既刺身, 食完第一塊即時吐出黎, 竟然有泥味同出水的情況出現) 鱆紅魚 (難食, 像食魚乾一樣) 吞拿魚(與平時外面的沒太大分別)燒物同熟食如雞肉棒, 咖哩青口等全部都唔夠熱, 只有微溫... 試問連烹調食物的基本功夫都未做好.. 更莫講話好食.... 但值得一讚的是環境氣氛唔錯...有類似酒店式的自助bar, 另有較為特式的自助燒肉但一生食物種類少... 質數差... 回歸基本連 food quality 都未可以接受付出百多元食這樣的放題, 我只可以說, 外面仲有更多好既選擇…查看更多

好好食~服務ok~4個人~因為我生日~朋友仔請食~但總之圍起一個人185左右啦~呢個價來講~真係好平~因為d野食既水準我覺得好ok~…查看更多