一滴

食物質素差，性價比極低，唔洗專登過黎試。本來想發掘下大角咀有咩coffee shop（因為二世祖冇開）就係google map search下附近仲有咩coffee shop推介，岀左呢間野4.8分就去試下，上到去櫃檯落單坐低等左20分鐘都未黎野食，過程係見到有班學生都等左好耐，最後原來我同班學生都係漏單。見住班學生lunch time時間就到又食唔切真係好慘，明明已經親自落單都可以漏，仲要等咁耐啲野係唔好食。雞肉好咸，野飲一般。同工廈啲茶記是但煎塊扒加啲汁落去個感覺差唔多。…查看更多

呢間cafe真係一個可以同屋企人或者frd子慢慢嘆咖啡、享受美食，甚至同社區結連嘅好地方！無論係飲品、食物，定係整體氣氛，都流露出cafe嘅用心，同埋佢哋對社區人士嘅support同關懷！🙌🙌🫶🫶💪💪咖啡方面，選擇多而且款款有特色！ 首推3款夏天必試嘅透心涼咖啡：❄️☕️湯力咖啡 (Espresso Tonic)：氣泡感十足，走甜又清爽，飲完即刻涼快醒神！橙汁湯力咖啡 (Orange Tonic Espresso)：橙汁微酸甜配咖啡嘅甘香，清新又提神，非常適合夏天。 骯髒咖啡 (Dirty)：凍牛奶配濃郁咖啡，口感順滑，層次豐富，飲落非常滿足！ 鍾意甜口嘅朋友，焦糖瑪奇朵 (Caramel Macchiato) 就係必選！香濃嘅咖啡加上焦糖碎塊嘅咬口同甜香，口感層次絕對豐富；而 泡沫咖啡 (Cappuccino) 奶泡特厚又夠綿密，出色嘅經典暖心之選。 總括嚟講，呢幾款咖啡唔單止味道出色，仲非常IG-able，絕對係打卡拍Reels嘅好選擇！ 主食方面，強烈推薦佢哋嘅 招牌香煎厚切黑豚扒配秘製豉油！豬扒外脆內嫩，肉質鮮嫩多汁，配上秘製醬油鹹香適中，香到不得了，必試！ 另外，龍蝦汁蝦仁扁意大利粉 亦係好驚喜嘅選擇，超級濃郁嘅龍蝦汁包住每條意粉，再加埋煎香嘅彈牙蝦仁，味道豐富，一啖接一啖停唔到口。 仲有 巴馬火腿金鉤炒飯，用料十足！蝦乾、瑤柱同巴馬火腿嘅鮮味完美融合，加上特製金鉤醬，每一啖都係滿滿滋味，真係一試難忘！ 如果鍾意魚類，可以試下 脆香龍脷伴葡汁，炸得香脆嘅龍脷魚，超大件啖啖肉，配埋濃郁葡汁，仲可以揀配飯或者意粉，無論邊款都一樣好味！ 輕食方面，推薦 煙三文魚沙律、牛油吐司同炒滑嫩雞蛋 (可轉煎蛋)！炒蛋滑嫩得嚟充滿蛋香，cafe超體貼，為咗健康少油烹調，啱晒注重健康嘅朋友仔；再配埋新鮮嘅煙三文魚同特大份量又超高汁嘅沙律菜，健康又飽肚，cp值高到一個點！ 甜品方面，更加值得一讚！原來呢度嘅甜品係由區內婦女親手製作，真係好有意義！我試咗佢哋嘅 巴斯克芝士蛋糕 (Basque Cheesecake)，芝士味香濃，口感細膩，甜度啱啱好，食落真係感受到滿滿嘅心意同溫暖。🥰🥰最特別嘅地方，係呢間cafe唔單止食物同咖啡好味高汁，仲非常注重同社區嘅結連！cafe會舉辦/借場地俾社區搞活動，例如音樂會、workshop、講座，甚至親子活動，真係俾街坊同客人都多咗機會交流同參與。呢種打破傳統餐廳界限、連結社區嘅理念，令人感受到濃厚嘅歸屬感，非常有心！ 總括嚟講，呢間cafe無論係咖啡、食物，定係社區氛圍，都係一個充滿特色同誠意嘅好地方！下次一定會再嚟，仲要帶埋屋企人同frd子一齊感受呢份不一樣嘅溫暖同意義！🫶🫶最新updates, 特別營業時間：…查看更多

一滴咖啡，整個理念、地方、事工都係做社區服侍，老闆分享我哋每一個都可以成為水滴泛起漣漪，影響身邊每一個。簡單惠顧都可以幫助到佢哋做社區服侍，係一個非常有意義嘅消費選擇。除此之外，可能因為需要從地面尋找入口上一樓，會比較隱蔽，但正因如此比較清靜少人，較多枱及充電可供逗留、約會或工作。有四人二人或一人座位。//龍蝦汁蝦仁扁意粉 $82老闆話呢個係最多人叫。的確啲意粉煮得十分出色軟硬剛剛好！！！亦都好掛汁。龍蝦味唔會好鹹，但又夠厚身而不膩。我仲見到係有龍蝦殼！真材實料！！！啲蝦仁亦都係十分大粒，而且肉身夠彈牙，證明解凍時間足夠另外啲雞髀菇都好彈牙，係一個十分健康嘅食材之選// 紅酒燴牛尾意粉 $78呢個菜式原來係老闆新年推出，我哋第一個嘗試，所以俾多嚿牛尾唔係講笑，第一下入口驚艷咗！又係意粉煮得十分出色軟硬剛剛好！！！亦都好掛汁，呢個個汁係明顯厚身啲，但唔會張住喺個口感覺只有驚喜平時我唔會食洋蔥，但呢度嘅洋蔥係真係第一次令我覺得咁好好食！而我係會主動夾埋剩低嘅洋蔥食！另外啲牛尾都係另一大重點，超 級 軟 熟！！！已經煮到唔痴骨、唔會攝牙罅、啲軟骨同根都勁軟熟、勁腍BEST!!!// 巴馬金鈎火腿炒飯 $78本身對炒飯冇乜好感，覺得純粹都係啲嘢炒埋一碟，但係呢一碟炒飯真心出色！先係用料上毫不吝嗇，巴馬火腿、蝦乾、瑤柱俾到足，全部啖啖都有 ，同米飯比例平等。另外真係做到炒飯嘅精髓！就係炒得乾身、粒粒分明、不硬已經足夠滿分佢啲米十分特別，並非長身尖尖嘅泰國米、亦唔係橢圓脹卜卜嘅日本米，而係細細粒嘅小米幾好食// 招牌香煎紐西蘭黑豚扒配秘製豉油汁 $82呢個香煎豬扒相對出面嘅豬扒，比較冇咁油膩，不過可能稍微乾身咗少少。佢嘅秘製豉油的確特別，唔係鹹豉油，同甜豉油近少少，豬扒必點秘製豉油，然後配合飯一齊食。我哋仲有叫朱古力同Dirty，有咖啡師專沖同拉花，不錯！我見隔籬枱全部人都叫晒珍珠奶茶，仲要全部飲晒，肯定好好味了！…查看更多

閒來無事search 下屋企附近有咩CAFE,搵到呢間新開咗無耐嘅樓上咖啡小店，趁Weekend一於去試下。店內採用清新木系設計，光線充足，空間感覺舒服，插頭位很多，啱晒假日想chill 下同享受Me time，鍾意享受嘅朋友。食物方面，我地叫左龍蝦汁蝦仁意粉，食落意粉上汁但唔油膩，蝦仁量足夠，味道不錯。餐飲方面，跟餐可以揀伯爵茶或者housemade嘅健康飲品: 洛神花山楂茶同意米水，亦可以半價轉做咖啡。咁小妹當然選咖啡…☕️咖啡選擇都多，佢哋有提供 Magic Coffee。呢個option喺香港比較少見。不過我今日選左另一杯- 佢地自家招牌咖啡: OneDrip 有點近似Latte 同flat white 之間，咖啡香濃順滑，值得推介。lunch set 價錢實惠，連埋轉咖啡共$8x，新張期內仲有額外9折。呢個價錢包lunch同埋一杯高質咖啡，絕對高cp值。店員都非常friendly有禮貌，有問必答，服務加分。有見其他枱order 沙律，份量同賣相都好吸引，Café仲有限量麵包同撻，下次要試試。🥯支持區內嘅小店，呢啲地方好值得大家發掘同支持 …查看更多

今日search 下屋企附近有咩食搵到呢間應該係開咗無耐嘅cafe 就諗住去支持下小店都知依家香港飲食業好難做嗌咗個意粉三文魚得好少好少得3,4塊而且好細塊果種咁價錢都反映咗嘅而味道真係好普通 我忍唔住自己去扲調味料🧂唔係真係無乜味反而杯咖啡雖然個樣一般但味道都尚可咖啡我覺得高分過個主食Lunch time 由12點到1點全場都係得3,4抬一半入坐率左右當係支持下小店啦但食物質素真係有待改善雖然平但味道都要顧及下㗎…查看更多

weekend下午，去開大角咀，另一半想我同佢去試呢間cafe整體嚟講，食物味道比預期好食我嗌咗豬軟骨飯 餸同飯嘅份量都好足 豬軟骨夠淋同入味 正～另一半嗌咗龍蝦汁鮮蝦意粉估唔到一塊塊正方形嗰啲薄片，原來係菇嚟嘅 另一半表示滿意好食我杯long black 夠香濃另一半都好滿意佢杯magic加上weekend都有lunch set, 性價比堅高，一致同意係值得encore嘅cafe~#cafehopping#大角咀咖啡店…查看更多

今日去咗哩間食個中午飯，環境優雅舒服，還有意外驚喜。 點餐時叫了豬軟骨肉燥飯，龍蝦汁蝦仁意，食上口唔覺得油膩，仲好啱口味，味道不錯。😋😋😋 餐飲叫咗支洛神花山揸茶，不過這款只有凍飲，🍹但職員好好幫我助熱，當我品嚐時溫度剛剛好，酸酸甜甜好好味。😋🥤👍👍 之後見隔離位食沙律，份量同賣相都好吸引，下次經過一定要試試。期間餐廳剛剛整出限量麵包同撻，試了幾款，特別蘋果芝士撻，食後有驚喜，與平時食既不同，好味到走時再外賣拎走。🤩🥞🧇🥯🫓 付款時，發現餐廳內有其他產品售賣，都幾特別。 大角咀又多一個選擇👍…查看更多

發現區內新開咗間樓上咖啡小店，趁lunch time後人少d去試下。店內清新木系設計，光線充足，空間感覺舒服，適合chill chill地睇書同wfh，啱晒鍾意靜靜地飲咖啡嘅朋友。我喺2點半前到，趕得切嗌lunch set。食物方面，我揀咗溫泉蛋雞扒肉燥飯，份量足，味道有家常feel，簡單但滿足。餐飲方面，跟餐可以揀伯爵茶或者housemade嘅健康飲品，亦可以補咖啡半價轉做咖啡。咖啡選擇有個小驚喜，佢哋有serve Magic Coffee。好少喺香港嘅cafe見到呢個option。我加咗$18轉做Magic Coffee，咖啡香濃順滑，質素唔錯。lunch set 價錢實惠，連埋轉咖啡共$83，like咗佢哋嘅ig有額外9折，結果$75埋單。呢個價錢包lunch同埋一杯高質咖啡，係我所知嘅區內cp值最高嘅選擇。店員friendly、斯文禮貌，服務加分。我帶咗本書嚟，chill咗一個下午。會revisit。我好少寫食評。呢篇係我寫嘅第二篇食評，之前嗰篇都係寫區內另一間咖啡小店。支持區內嘅小店，呢啲地方好值得大家發掘同支持 🤎…查看更多