影片
以上资料只供参考，请与餐厅确认详情
唔系一本打手😝只系佢系楼下太方便，攰攰地唔想行就食佢。⭐尖椒爆炒猪爽肉猪颈肉仲多过椒，尖椒唔辣几脆口。⭐腐乳通菜炒牛肉无腐乳味，胜在大碟牛肉嫩。⭐热奶茶 & ⭐热柠茶次次黎都系饮呢两样。⭐辣子鸡唔够辣椒唔够辣椒唔够辣椒！完全唔辣！！⭐黑椒茄子牛仔骨呢碟抵食㖞，劲多牛仔骨，个黑椒汁香口。⭐热奶茶 & ⭐热柠茶又系佢地。⭐例汤呢晚早左少少黎终于饮到例汤，成日都无晒🥲⭐xo酱韭菜花炒猪爽肉几碟一齐出细碟左好多😭炒得香口嘅，味道唔差。⭐荔芋腊味排骨煲唔够味好淡，但劲多芋头超饱，腊味切片香口，饱肚之选。⭐热奶茶 & ⭐热柠茶一样啦😆$70小菜抵食嘅，但最近味道同份量下降，唔想无左个饭堂。
继续阅读
好少去呢一区，呢次试咗个常餐，真系失望。我叫咗个雪菜肉丝米，竟然完全无味，完全唔知自己食紧咩嘢。再讲多士同蛋，都系冷冰冰又硬，冇心机做咁。店内环境一般，服务态度麻麻，结果都系失望。下次都唔会再去呢间茶餐厅。
继续阅读
【九龙城区】【一本冰室】何文田站位置其实系老龙坑嚟，你知我知单眼佬知。喺其中一边出口出去系漆咸道北同芜湖街𠮶头，有一排我狂写呢头啲嘢食，唔知大家有冇印象，所以我都睇吓仲有冇边间未写就写埋佢。点知真系有，仲要唔少㖞。喺天桥嘅其中一边一落去就会见到呢间餐厅，以前好似系咪一间老牌日本嘢嚟，我都冇乜印象，总之而家就系呢间感觉亲民啲嘅一本冰室。入去发现门可罗雀，不过我系下昼去，未必有太多人都合情合理吧，等我叫嘢食先。谂唔到食乜之下叫咗个 $60 嘅「全日美式早餐」，有炒蛋、烟肉、薯饼、牛油酥、茄汁豆，配埋鸡扒仲有冻奶茶。质素只系正常啦，茶餐厅而家都愈嚟愈识玩呢啲炒埋一碟嘅嘢。呢个唔算话好好，纯粹系支持吓咁解。咁始终都想食返佢哋啲茶记嘢，要咗份 $50 嘅「一本常餐」，系「火腿炒日本滑蛋厚多士」配「沙嗲牛肉米粉」，成个餐冇亮点，所谓嘅日本滑蛋都系平庸之至，冇咩好讲，饮𠮶杯「冻柠茶」走甜亦系普通茶记嘢，不过不失。过咗一排我先三访佢哋，系呀食咗三次。今次食返 $60 嘅「全日美式早餐」，炒蛋、烟肉、薯饼、牛油酥、茄汁豆配猪扒嘅组合，因为得返猪扒所以局住食。饮够晒肥仔嘅冻奶茶又点，成件事冇进步过，冇乜机会再去。。。（地址：红磡芜湖街185-187号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #globaleats #followforfollowback #love #eat #1am九龙城区 #何文田 #红磡 #一本冰室 #茶餐厅 #全日美式早餐 #鸡扒 #猪扒 #冻奶茶 #一本常餐 #火腿炒日本滑蛋厚多士 #沙嗲牛肉米粉 #冻柠茶走甜 #1am0832 #1ambackup
继续阅读
5月9号试业期间，第一次试早餐，正常茶餐厅价钱，要了碗榨菜肉丝米粉，但碗面食了两啖后，发现米粉间有堆纸碎，融为一体，而纸上仲要系简体字！ 质同检字！祝各位有缘人用餐愉快！
继续阅读