一本丼

营业中

休息中

難得10點收工仲有舖頭開，有少少肚餓就入去試吓，竟然有驚喜**1. 吉列豬扒** ⭐⭐⭐⭐⭐ 外皮酥脆，咬落有「咔嚓」聲，肉質嫩滑唔乾柴，但略嫌薄咗少少，厚切啲會更滿足！ **2. 日式咖喱** ⭐⭐⭐⭐甜中帶微辣，稠度剛好，撈飯一流！不過香料味可以再濃郁啲，而家偏大眾化口味。 **3. 煎餃子** ⭐⭐⭐⭐⭐ 皮薄脆底，餡料豬肉白菜比例OK，入面仲有隻蝦添，加辣油會更好！ **4. 米飯** ⭐⭐⭐⭐ 日本米煮得唔錯，吸咗咖喱汁超正！**5. 整體** ⭐⭐⭐⭐⭐ 穩陣嘅日式風味，豬扒同餃子都炸/煎得夠香，如果咖喱再濃味啲就完美！ 原來仲開到凌晨，夜鬼有機會嚟試吓

大圍夜晚到左咁上下時間真係選擇唔多唔食炸野辣野熱氣野都幾難🙂‍↕️聽人講有間新既日式餐廳開左仲要開到好夜咁我今晚又收得夜夜地一於去睇睇有咩食去到時一眼個感覺係乾淨 好明亮望一望係小店格局有好多野食既相係牆上面睇一睇佢既選擇真係算好多好快就有得食仲要有湯附送呢個鐘數邊度仲有呢啲野食味道個人覺得好食 對得起個價錢有突問返原來都算新開 開左兩個月左右一個女仔一手包辦晒真犀利👍🏼佢仲好細心會問下啲野食點 有咩需要咁我以為去左居酒屋😂下次會再去試下佢啲小食

噚晚OT完，返到大圍都21:30諗住買啲嘢食返屋企食，經過依間小店，心諗新開啵，試少少睇吓咩環境先。入到去諗住睇吓有咩小食吸引，叫咗個吉列牛肉薯餅，出去買罐啤酒坐係公園食完，都炸得唔錯喎。之後order多個滑蛋煮鰻魚飯返屋企食，蔬菜好新鮮，滑蛋返到屋企仲係滑，最鍾意食入面啲菇，調味做得好好。等外賣途中，見到廚房入面好企理，門面好整潔，舖頭入面都準備咗啲櫈俾客人坐低等餐，幾細心，而且冷氣好充足，等餐時間都好快，大約10至15分鐘就拎得。以後OT完可以打定嚟叫外賣，快靚正。

早兩日經過，見到新開張，諗住買個Lunch返屋企同屋企人食，又估唔到呢間小店嘅食物都有啲驚喜咖哩日本牛肉漢堡扒飯+溫泉蛋：咖喱好香，唔咸，味道真係似日本食到嘅咖喱。漢堡扒煮得岩岩好，入面仲有肉汁，牛味都唔錯極上炙燒鰻魚飯+溫泉蛋：全條鰻魚上，好大份量，鰻魚都幾厚肉，仲要只係$58+$5(溫泉蛋)，性價比相當高，值得再幫襯，一定有下次老闆娘好nice，見我行到熱辣辣，叫我坐低涼住冷氣等餐，仲請左包茶比我飲老闆娘話佢哋嘅牛肉香味燒飯都好多人買，下次過黎試下先，到時再報告比大家知

迷你咖哩吉列豬扒，即叫即整，唔係預製品，熱辣辣，塊豬扒脆得黎唔乾身，嫩滑多肉汁，最抵讚係咖哩汁係會主動分開上，外賣反屋企都唔會搞到塊豬扒淋哂，$45值得一試👍🏻

見佢新開張所以試吓，估唔到非常有驚喜價錢又唔貴，試咗個雞頸肉飯又唔鹹好好味，啲雞頸肉好嫩一啲都唔嚡，仲有啲菇配埋一齊炒，感覺一啲都唔油膩真係好好食，好適合收緊身嘅我🤤食完一啲罪惡感都冇！！！

😋😋😋第一次入大圍，試吓呢間因為我見到有黑松露，🤩所以我叫咗黑松露叉燒蛋飯，叉燒非常爽口，保留原有味道，黑松露味道我好鍾意。下次我會帶埋小朋友過來食。價錢唔貴，原來依間新開，老闆娘好健談，問我味道意見，還請我飲了一包飲品。

忙了一整天，經過大圍順便喺附近揾間餐廳食個晚餐。行行下，路過見到間隱秘的日式小店，內有少量堂食位置，於是心血來潮決定食日式料理。我叫咗炸海鮮豚骨湯烏冬。食物是即叫即整的，絕非預製品，所以炸物是熱騰騰的，而且海鮮仍有諗住原有的鮮味，而烏冬幼身容易掛湯，湯底亦清甜。

大圍港鐵站隔一條街發現一間新開的日本類快餐店，滴嘢又便味道都好OK，了。這次嘗試的这碗叉烧乌冬我個人觉得唔错，首先是六块叉烧，個人觉得叉烧够大块 量足，加入个乌冬汤好好味。個湯都幾濃郁，唔錯👍