一心素食 (已結業)

嘩！好抵食…4個下午茶加埋都係95蚊。味道好有水準，抓餅(類似印度薄餅)及小食拼盤(炸嘢)就算唔點醬汁佢本身都好夠味。反而D醬汁感覺鹹咗D。個特價雜菌麵真係平靚正。下次再去試其他食品，如果滿座嘅話，怕服務質素可能會下降，因睇落服務員唔多。凍飲加大嘅請留意個size,睇到隔離枱個杯真係好鬼大。我飲熱飲比較的式。

本身係觀塘工業區好難找到一間坐得舒服，環境舒服，食物又好食既餐廳，最重要係食素添，開頭跟朋友來食，心諗:未又係素食店一間，點知一踏入門口，嘩…好大間舖，完全冇壓迫感，好舒服，不似平時食開的中式素食店，店內主要是西式素食，感覺好新穎，叫了一份set lunch, (價錢:49元左右，未加一)有兩款湯和三款前菜選擇，跟凍飲不用加錢，飲品我個人覺得比出面較多選擇，最重要凍飲不用加錢，好快湯和前菜已放在我眼前，不久主菜也來，份量剛剛好，不會太多也不會太少，非常滿足及驚喜一餐，真的不像在食素，似好似平時食西餐一樣，服務態度也係很好，希望他們長做長有，因為係觀塘係難找到一間環境咁舒服既餐廳(≧∇≦)

鴻圖樓3樓的西餐廳結業後轉為素食，在這四周餐廳林立，就是缺乏做素食的，所以抱有大期望。內含翠玉瓜的忌廉湯有少許芥末味的麻醬菠菜，不錯黑椒素扒焗意粉味道濃郁，扒的質感像真度高雜菌意大利飯稍為淋，但味道很好新張期間的優惠為49元，但原來的定價稍高，吸引力不大。值得讚賞的是店內是重新裝潢，比以前的感覺更乾淨，而且服務員的態度很好。