一幻拉麵

营业中

休息中

食湯麵除咗麵質好之外，湯底係非常重要。一幻係以蝦做主要湯底，亦可再加一般日式拉麵嘅湯。今次我呢個係原味味噌粗麵餐。沙律有雞肉、椰菜絲，配胡麻汁，好開胃！濃濃蝦味湯底，飲咗啲湯都唔覺口渴；麵條有咬口，叉燒淋滑，糖心蛋就一般。餃子餡料係豬肉，普普通通，勝在煎得香脆。呢度人流比較少，想食麵唔使去尖沙咀排隊了

🔸一幻拉麵🔸🔆唔知大家中唔中意食拉麵，​係香港要食一碗好食拉麵真係一啲都唔平，好掛住係日本食個啲又有麵又有飯，比澱粉質暴擊嘅每一餐。預告，1月會去福岡啦！到時會講下福岡嘅野食，同大家分享下。但暫時都係係香港食住先啦~🔆今次的拉麵係連鎖嘅，一入到去已經聞到好濃嘅蝦湯味，令我地都幾期待。但唔知點解明明到左食飯時間都係無咩人食....🔆濃厚豚骨蝦湯拉麵 $88湯底蝦味真係一試難忘，佢係蝦甜味加個蝦頭獨有鮮味混合，再後來有種豚骨嘅豬油香。揀左粗麵，麵質爽口彈牙。日式叉燒肥肉較多，唔係我style。但湯底真係好出色，唔會鹹到覺得自己要有腎病得黎而又夠濃。🔆辛辣味噌蝦湯拉麵 $88Oh WOW!飲一啖個湯底，辛辣味好出，第一啖未ready，會有小小嗆，但佢唔會搶左個蝦味，反而好似帶埋個蝦味一齊出黎，個湯底真係好濃好厚，唔係個種稀冷冷嘅湯底，每啖麵都掛到好多湯！好好食！不過個日式叉燒都係太多肥肉。麵底揀左幼麵，所掛到的汁會更多，蝦味爆發！🔆餃子 $35餃子一共有5隻，豬肉餡。但無咩特別記憶點，反而有啲油膩。🔆Pleasure指數（滿分5粒🤩）🐭小姐：🤩🤩🤩🤩🦁先生：🤩🤩🤩🤩+0.5📌地址：荃灣楊屋道

見到呢個品牌好多分店，決定試一試，果然沒有失望😍。✨黑蒜叉燒蝦湯拉麵（$78）湯底真係充滿超級濃郁既蝦味🦐，配上黑蒜日式叉燒，簡直冇得頂，拉麵既硬度柔軟，一個拉麵最緊要湯底好味，而佢做到。

【有番茄湯底的拉麵店】 今次來到荃灣一幻拉麵，就在荃新天地內，位置方便，而且餐廳環境寬敞，有嬰兒椅，亦有水於枱上自行斟，很細心！點了番茄蝦湯拉麵，可以自選麵條粗幼度、加減配料、追加飲品和小食。這碗番茄蝦湯底很特別，足料濃味，好似有一點辛辣感，不知有沒有嘗錯，總括而言是不錯的。 一幻拉麵 (荃灣)荃灣楊屋道1號荃新天地UG樓UG02號舖

其實本身都食過幾次，之前都覺得佢幾好食，但係今次呢，就覺得佢個湯底雖然都好味，但係就冇初初開業嘅時候咁濃味，但係以蝦湯底來講呢，佢都算幾特別，同埋都幾好食，而且唔知點解每一次嚟呢度都唔需要等位，其實我都百思不得其解，所以既然佢又唔使等位又好食又啱口味，值得我下次繼續幫襯。值得一提嘅係，可能你間舖頭比較人少啦， 嚟過幾次服務員嘅Service都幾好，會細心同你講吓有咩promotion，點樣叫會抵食啲，呢樣就真係幾值得讚

心血來潮想食拉麵，咁啱一幻又搞緊個一人餐買一送一優惠，一於就試下啦！ 套餐好抵食，連加一兩個人先$206，即刻平均每人$103就食到碗拉麵，餃子，沙律同野料🤪 甜辣小蝦沙律呢個沙律好好食🥹 用咗麵酥(紅薑天婦羅)去取代一般沙律會出現嘅煙肉碎，成個沙律好有一幻風格⭐️ 生菜新鮮爽脆🥬 佢哋特製嘅甜辣小蝦調味啱啱好，甜甜地好似食緊日式小菜咁😋 蝦嘅質感咬落酥酥地，但嚼落似蝦乾嗰種感覺，好食！餃子3隻日式煎餃子🥟 內餡係白菜豬肉🐽 餃子底煎到香脆😀 唔錯👍🏻鹽味蝦湯拉麵最經典無加豚骨湯嘅拉麵🍜 配料有2塊叉燒，半隻糖心蛋同埋麵酥(紅薑天婦羅)👍🏻 今次揀咗粗麵😋 麵質煙韌，配埋香濃嘅蝦湯真係一流😍 叉燒肥瘦適中😝 麵酥脆脆為成個麵添來神來一筆，增添一幻獨有風味👅 辛辣味噌蝦湯拉麵作為食到十小辣嘅我都飲到呢個湯😎 喺蝦湯嘅基礎上再加上辛辣味噌，令到個湯再濃厚😉

一入鋪就聞到濃濃既蝦香味豚骨蝦湯拉麵$88 原味蝦湯拉麵$88餃子 $35 一食落去真係好濃蝦湯味 不過我自己覺得原味好食d個湯濃到食到一半好膩最鍾意佢有得任你加蒜 餃子就無乜特別

放工想食拉麵經過荃新天地既時候就見到佢之前已經食過 記得幾好食馬上就入去開餐鋪頭地方寬敞, 位置都好多 唔會逼住逼住我地每人分別叫左個原味蝦味拉麵同埋一個濃厚豚骨 鹽味拉麵等左一陣個拉麵就上啦原味既蝦湯拉麵蝦味真係非常濃郁我係一個好鍾意食蝦既人 呢個拉麵湯底就真係岩哂我至於濃厚豚骨湯 佢都會有蝦味係入面但相比原味 佢就會有豬骨湯既味道係埋入面我地叫鹽味相對無味噌或者醬油咁咸更加容易食得出湯底入面既蝦味蝦味既拉麵真係好好食!推介大家一定要黎試下

平時豬骨湯就食得多，蝦湯麵比較少食。之前因為有海港城食物券，認識咗一幻，覺得幾好食👍🏻知道佢其他區都有分店，所以都有試過。個湯頭真係好似用咗好多隻蝦淆咁，上枱係好夠熱，麵質彈牙😄真係唔錯。

週末出來行街的時候，經過這間拉麵店舖。四/五點入去的時候不算太多人，不需要排隊，很快便有位。平時見好多人排隊。店舖地方很清潔，同事也很有禮貌，服務不錯。這裏是用QR code落單，主要都是點拉麵，因應自己的喜好而選擇粗麵或幼麵。然後就揀選要不要加額外的配菜，如糖心蛋、叉燒、面底。還可以加一些小食，如煎餃子，甜辣蝦沙律。我叫咗個龍蝦湯拉麵粗麵，湯底好濃郁，叉燒有兩三片，油脂均勻食落口好軟霖，加埋嗰濃湯一齊食更加好味。糖心蛋都算是合格，但並不是十分流心。餃子比較普通， 甜辣沙律味道有點辣，但很惹味。

前排同呀B帶我去咗荃灣一幻 叫咗二人套餐🍽套餐簡咗：🍜招牌蝦湯拉麵 x2🥗沙律一碗🥟煎餃子6隻🍹桃味梳打 & 烏龍茶📝招牌蝦湯拉麵蝦湯底非常鮮味濃厚，拉麵質地非常爽口但唔硬身，麵身容易掛起湯汁😋拉麵附兩塊叉燒同半隻糖心蛋🥚叉燒片薄身又軟非常易入口 大讚👍🏻🥗沙律以生菜為主加試蝦乾及雞肉做topping 以芝麻醬混合 非常開胃又健康✨🥟煎餃子表現正常💪🏻如果餃子皮可再薄身啲就出完美🍹桃味梳打 & 烏龍茶我哋簡啲呢兩款飲品都係日本直送，雖然桃味梳打味道偏甜😆但汽水樽包裝好靚😂餐廳環境闊落又乾淨，好有好似係日本食緊麵嘅感覺✨😋

今次去屯門依間一幻依蝦湯拉麵，個湯先係精華，個味都幾濃，不過有啲肥油，今次食粗麵，軟硬適中。而今次去亦可以加$5要3隻餃子，所以都叫左黎試下。個餃子皮幾薄，味道都唔錯，另外都叫左份雞髀菇食，都唔錯👍🏻👍🏻佢依家仲做緊個優惠，電話號碼有幾多個5字就有幾多優惠，最多可以有8折。整體都唔錯！😆👍🏻

荃灣荃新天地一幻拉麵，湯底口味多，有醬油、味噌同辣味，蝦湯味道夠晒鮮美 😋。價錢嚟講，算係中規中矩啦，$100有找，都算幾抵食嘅！荃灣分店環境好乾淨，座位仲好闊落添✨麵條彈牙，而且啲湯底都好香濃，令人一試難忘。如果鍾意辣味嘅話，可以試下佢哋嘅辣味湯底，啲辣椒味道好豐富，但唔會太辣，好啖。如果想要啲清爽嘅湯底，可以試下佢哋嘅醬油湯底，啲湯底有啲淡淡嘅甜味，同埋啲麵條好滑口。至於味噌湯底，就有啲濃郁嘅味噌味，同啲麵條配合得好好，口感豐富。ps加分位係職員幾有禮貌🤣🤌🏻

今次同 T 小姐去荃灣試下一幻拉麵！店內的裝潢和氛圍也非常舒適，員工勁有禮貌，有啲跟日本嘅招待禮儀，令人覺得放鬆和舒適！講番個拉麵，由麵條到湯頭都非常用心，湯底仲有幾種口味選擇，包括醬油、味噌和辣味，蝦湯味道十分鮮美。我地就試左辛辣同鹽味湯底，麵條彈牙有嚼勁，湯頭鮮香濃郁，一食就停唔到落嚟。總之，今次一幻拉麵改變左香港食拉面嘅死板形象，唔係淨係得魚介豬骨，其實應該可以有好多選擇！價錢嚟講，今次去食$88一位，算係中規中矩啦，以呢個質素嚟講，係抵食嘅!! 值得再嚟!!

荃灣新天地都有好多食肆，想搵個下午茶食，喺個商場兜嚟兜去揀吓食邊間，都行到對腳有啲攰。一幻主打日本蝦湯拉麵。餐廳寬敞，裝修以淺木色做主調再撞紅色，中間一排排木三角頂兩座位，似日本拉麵店。一幻下午茶套餐，已包小食及飲品。一上枱紅色嘅麵碗盛住深橙色嘅蝦湯，顏色好搶眼。◉辛辣味噌蝦湯拉麵 $68係香港店限定，上枱首先飲啖湯，係純蝦湯無加入豚骨湯，蝦味更加濃郁，飲得出用大量蝦頭蝦殼熬製，質地稠身。辛辣味突出，慢慢喺個口到擴散，唔會辣到食唔到。揀咗粗麵更為硬身有嚼勁。叉燒肥瘦平均入口溶化，溏心蛋入味，有流心。❀餃子小食配餃子加$10，皮夠薄餡飽滿，如果煎得再香脆啲更好。◉招牌蝦湯拉麵 $68蝦湯底揀咗加入濃厚豚骨湯，更為稠身肥膩，蝦味相對溝淡咗，揀咗醬油口味，湯底更濃味。幼麵質地煮得剛好，唔會過腍，掛湯力強，一樣有叉燒及半隻溏心蛋，配料都可以隨自己口味選擇，揀咗有蔥同麵酥。❀蝦味飯糰珍珠米口感偏硬身，粒粒分明，淡淡蝦味，裡面有少少蝦米，配脆紫菜一齊食。雖然係下午茶，但係份量都好足，食完好飽同埋成個人充滿蝦味。#一幻拉麵地址：荃灣楊屋道1號荃新天地UG樓UG02號舖