一幻拉麵

营业中

休息中

一幻係好朋友最鍾意食嘅拉麵店。原因佢喺北海道讀書嗰陣已經食開, 所以一幻開左喺香港, 佢得閒就會要求去食。前排喺FB見到一幻出咗個優惠2人餐- 2個麵, 2份餃子+2x飲品 ($148) +原價加一($29.6) = $177.6。本身一幻淨係食個麵都$88 (加埋一 $96.8) 其實即係食麵送餃子同飲品, 真係好抵。 個人嚟講,唔係好鍾意食佢個招牌蝦湯拉麵, 好彩問左職員話套餐個麵都可以揀冷麵/撈麵🤭我就揀左冷麵, 朋友就繼續食佢嘅湯拉麵。餃子呢度係2人份, 即係一人3隻~飲品方面唔加錢下可以揀波子汽水, 好開心!!係童年回憶~ 同埋職員好好, 如果唔識開記得叫佢地幫手😊

蝦湯底做主打, 標榜用解蝦頭去煲既湯底. 除左有原味 (即係蝦湯) 之外, 仲有適量豚骨同濃厚豚骨 (其實都係 蝦湯湯底, 只係再加豚骨). 3款湯底都可以選味噌, 鹽味, 醬油. 價錢一樣都係 $88.除左有蝦湯拉麵外, 仲有香港限定既特濃蝦汁叉燒伴麵. 今次試左2個唔同湯底:原味, 鹽味, 半份幼麵 + 叉燒 : 蝦味好濃, 真材實料.  因為怕味噌同醬油都會好咸, 所以選鹽味. 叉燒厚薄適中. 好咪到連湯都似埋適量豚骨, 鹽味, 半份幼麵 + 叉燒: 同原味相比下, 呢個蝦味冇咁重, 但又唔係好食得出豚骨既味道.另外再叫左幾款小食:餃子: 呢個就普通左少少.  35蚊有5隻就算啦香辣甜蝦椰菜沙律: 見幾張枱都有人叫, 我地又唔執輸. 食唔到辣味, 麻麻地. 呢個唔推介 醬燒雞脾菇: 咸左少少, 同埋太多木魚絲O係上面.其實個湯麵係唔錯既.  小食方面可以再落多少少心機去做

一幻拉麵出左個$148得一賞二餐，超抵食，專程同朋友來試。要等位，但因為店舖坐位比較多，假日都唔洗等好耐就有位。拉麵嗌左一個辛辣蝦湯拉麵，另一個揀咗醬油豬骨蝦湯。兩個蝦味都好重好香，湯底濃郁。但要快食，因為發現好快比麵吸哂湯。餃子原來係一碟有6隻，每人三隻（哈，個圖以為好抵有二碟）不過已經覺得好抵食。仲要最驚喜係有波子汽水揀不用加錢，仲要有三隻味。已經好耐無飲過波子汽水，都差點忘記怎樣開。埋單加一後每人不用$90就食倒拉麵+波子汽水+餃子，十分抵食。

專程為著好姊妹介紹的178套餐而來。這裡是尖沙咀海港城的《一幻拉麵》。星期五的話人流也不少，已訂位還是等大概15分鐘，今次很幸運，被安排坐海景位，望住海景感覺輕鬆又自在，然後說說笑笑，很舒服。下單後很快就上菜了。兩大碗濃蝦湯底拉麵，每碗有2片叉燒，半隻流心蛋 ，套餐包兩枝波子汽水。特濃湯底，好重海鮮味，不過鮮得黎都幾咸，再飲啖白桃味汽水中和一下。兩片叉燒對女孩們來說剛好。吃埋6隻餃子， 煎得香脆脆 ，肥豬肉較多， 簡直是太飽太滿足了。 優惠期內可以再來尖沙咀碼頭一試。

喺日本都非常受歡迎嘅拉麵店 一幻 唔知你又聽過未呢？好耐之前有朋友帶過我食過一次第二間分店 嘩 一試個湯就比佢吸引住所以就衍生咗我成日捉其他人黎陪我食啦～有啲舖頭分店依然味道會有啲分別 但係一幻就完全無令人失望嘅感覺特別鍾意海港城呢間 因為對住個海景好chill 好正～當然唔係次次坐到海景位嘅不過in general 都坐得舒服 咁耐以黎都未試過比人限住要食幾多分鐘 感覺好大壓力好唔自在可以隨意同朋友chit chat 餐廳亦好衛生 野食方面 以前試過拌麵同拉麵都貫徹佢哋嘅風格 一食就知好惹味～超濃厚蝦湯 一試難忘～真正味道好嘅湯 先會令到好懶嘅我願意一直拎起隻羹係咁飲啲湯 而食完唔會係咁想飲水（因為所謂嘅濃湯只係味精）雖然我叫咗軟身嘅麵 但佢嘅麵質都可以保持彈牙 令人不知不覺好想清晒成碗 一條不漏～真心推介 我耐唔耐就會有舖癮想再去食一次 講到拉麵覺得要必提嘅一間餐廳/麵館～

一幻拉麵有人話好食 亦都成日聽人講話唔好食 但日日都大排長龍喎！？ 今次有coupon就lunch試下先！仲要好好彩咁唔洗排隊🤣 招牌蝦湯拉麵 $88🍜拉麵最重要既湯底偏稠身，並且主打係即叫即整！味噌湯底偏咸，鹽味湯底就岩岩好，不愧係招牌湯底😂 一上枱已經見到碗麵係超級熱💢（小心），岩岩煮好咁，哩樣真係做得幾好💯，未食先加分😆 但個人就唔太鐘意個幼麵底啦，唔知點解有好大陣鹼水味，有無人試過都食到？ 而叉燒係好食既 但真心好薄，食兩啖就無左😂 糖心蛋🥚就正常啦，拉麵一定要有尖沙咀店環境比我想象中好 原來入面鋪位好大😂 仲有一行吧枱位/靠窗邊位，都幾chill ga!👍🏻 可能本身無抱咁大期望去食，出嚟既結果都ok既，唯一敗筆左係個麵到🤦🏻‍♀️ 下次試粗麵唔知會唔會好d呢🤔

之前去北海道食過呢一間蝦湯底嘅拉麵，因為湯底非常之濃厚，所以一路都想食返。佢喺香港開分店都有一段時間，但成日經過都見到排隊排到打晒蛇餅所以放棄左無數次。今日終於的起心肝去食。可能係閒日加上冇咗自由行，排咗四個字就有位啦！而且仲好好彩係窗邊位添！好多過江龍嘅餐廳質素都不如日本，但一幻又keep到喎！個湯真係好好味，飲下飲下飲到飽晒，早知就唔嗌個餃子啦😩

趁着海港城早前送的美食優惠券，來了主打蝦湯拉麵的一幻拉麵試試看！這天晚飯時間特別多人，大概排了20分鐘吧！非常肚餓極速下了單！先來了味增湯底的招牌蝦湯拉麵，幼麵，配上脆卜卜的紅姜酥，口感非常特別！麵質非常彈牙，是傳統的日本拉麵！糖心蛋很美味，叉燒肥瘦適中，湯底也很濃郁，陣陣鮮蝦咸香，可能是因為麵豉湯底的緣故吧，最後那幾口有點越喝越鹹的感覺！但整體還是很推薦的！下次會試試其他湯底比較一下！再來是香港限定的叉燒蝦濃湯撈麵，設成粒狀的叉燒很有口感，湯底覺得還好吧！個人還是比較喜歡湯麵的湯頭！最後追加了一份辛辣蝦沙律、餃子和一份叉燒，前者實在令人失望，下次不會再叫，餃子也比較普通，所以下次來一幻還是重點來吃拉麵就夠了！

🍜最近一幻做緊特價，2個人加埋一都係$178不過佢d拉麵唔係我杯茶，感覺好似味千咁，但佢個湯底係好濃嘅蝦味，不過濃到好濟，如果鍾意食蝦嘅，應該會鍾意食，個蛋係ok嘅，夠流心同香，餃子不過不失，但我應該無下次嚕😂因為我最後食淨咗大半碗，真係食唔落🙈但如果對拉麵無乜大要求嘅，佢宜家真係好抵食！不過原價就真係唔值得嚕😝

雖然疫情放緩, 一幻最近仍然推出超級優惠, $148就可享用兩碗自選拉麵, 六件餃子及兩款指定飲品。相信一幻排長龍嘅情景, 大家都好熟悉, 所以星期五一放工就即刻趕過嚟, 7pm前到只係需要等一兩張枱! ✌🏻波子汽水 - 充滿童年回憶餃子 - 欣賞餡料嘅調味較清啖, 如果即叫即煎保持溫度會更好適量豚骨鹽味拉麵 - 蝦湯鮮甜, 蝦香四溢。除咗濃郁蝦湯, 亦非常欣賞湯底新鮮滾熱辣, 天氣涼食熱嘢特別開心! 不過加咗豚骨湯嘅關係, 湯底偏油膩。麵條選擇咗粗麵, 烹調時間控制得好, 彈牙有咬口, 而且粗麵掛湯能力都較高!呢個質素人均$90有找, 實在划算! 如果再有優惠推廣, 一定會再試其他口味配搭!

講到尖沙咀拉麵第一時間諗起一幻☺️好彩今日唔使排隊，平時紅日都要排隊。蝦頭湯加味增係我最愛💓賣相一流佢嘅拉麵都好好食😋叉燒肥瘦適中👍🏻今次唔係好肚餓冇叫到飯團，但佢嘅飯團都好好食有少少蝦味，同啲飯好match😣😣有興趣可以試吓

明明入面有位，又要等！坐底左，本想order ，一order 就話填返張紙先，但我座底你又唔比我！到我填好張紙，一舉手就有人點頭，隔一陣仲唔黎既，再舉手，有兩個侍應望住我，但又唔過黎，看似我嗰位唔係佢兩個服務區域，所以望住我，但唔會埋我，都舉左兩分鐘，先有第三個人黎埋我！算，一心想食碗拉麵！麵質，可以，正既，分量都多蛋，好味。义燒，無味。湯，勁咸！ 飽到好飽，因為飲咗勁多水！

套餐主要包自選拉麵x2+餃子x2+指定飲品x2💁🏻‍♀️👉拉麵方面可選湯麵/拌麵/冷麵👉指定飲品分別係可以簡普通汽水或者波子汽水(檸檬/蘋果/桃味)👉加一以原價$296收取(連加一除返開每人都係$88.8, 都算抵食🤣🤟👉優惠供應日期由16/10/2020至另行通知 (全日適用)▫🍜 ɴᴏᴏᴅʟᴇs· 二人尊享套餐 $148﹟果日分別簡左①蝦汁胡麻冷麵同埋②龍蝦汁叉燒拌麵🦐🍜 兩碗既份量都十足, 配料多元化, 食果陣要好似撈起咁🤣我食果碗係冷麵, 有3隻大蝦, 讚既係冷麵夠凍, 個汁岩岩好掛到係每條粗麵👍而麵既質感係有嚼勁既果種🤪但略嫌覺得芝麻既香味唔係好食到🙈🥟sɴᴀᴄᴋ·煎餃子6粒﹟正常發揮, 底部煎到少少脆, 餡料會有少量肥豬肉, 食完有點油膩感🤔🥤ᴅʀɪɴᴋ· 波子汽水🍑﹟當日只淨返桃味波子汽水😂但飲落比想像中好, 唔會話似藥水味, 甜度都可以接受🤭

由日本食到返來香港第二次在香港光顧一幻拉麵今次試左4樣嘢北海道限定梳打$38蝦汁胡麻冷麵$88蝦味飯團$20餃子（5隻）$35北海道限定梳打$38誤信其他食客話好飲，點知口味呢啲野真係跟人，味道係糖水味梳打水。完蝦汁胡麻冷麵$88成碗野冇樣味道突出，蝦汁味、胡麻醬味都唔突出，只feel到啲麵好凍，有啲汁有啲味撈埋來食。蝦味飯團$20算吧啦，有味飯一舊餃子（5隻）$35最好味的一道菜，唯一食得過的。

在網上看見「得一賞二」優惠 男朋友肚裏既拉麵魂正式蘇醒！於是就趁假期去試下傳說中既「一幻」我同男朋友都有一把無辣不歡既嘴 所以就叫左兩碗辛辣味噌蝦湯拉麵 加左木耳等等額外既配料一夾起拉麵 由千萬蝦魂熬製而成既湯汁完美掛落係一條條既拉麵當中🍜 一入口 濃濃既蝦油香在口中無限既爆發 而糖心蛋浸泡在濃湯中樂而忘返唯一美中不足既係 湯底太濃 會愈食愈膩...... 所以要加麵既朋友要注意一下另外加配蝦飯團 只能說不過不失 無什麼特別 cp值不高 下次可以不用加 特寫👇👇