一幻拉麵

营业中

休息中

套餐主要包自選拉麵x2+餃子x2+指定飲品x2💁🏻‍♀️👉拉麵方面可選湯麵/拌麵/冷麵👉指定飲品分別係可以簡普通汽水或者波子汽水(檸檬/蘋果/桃味)👉加一以原價$296收取(連加一除返開每人都係$88.8, 都算抵食🤣🤟👉優惠供應日期由16/10/2020至另行通知 (全日適用)▫🍜 ɴᴏᴏᴅʟᴇs· 二人尊享套餐 $148﹟果日分別簡左①蝦汁胡麻冷麵同埋②龍蝦汁叉燒拌麵🦐🍜 兩碗既份量都十足, 配料多元化, 食果陣要好似撈起咁🤣我食果碗係冷麵, 有3隻大蝦, 讚既係冷麵夠凍, 個汁岩岩好掛到係每條粗麵👍而麵既質感係有嚼勁既果種🤪但略嫌覺得芝麻既香味唔係好食到🙈🥟sɴᴀᴄᴋ·煎餃子6粒﹟正常發揮, 底部煎到少少脆, 餡料會有少量肥豬肉, 食完有點油膩感🤔🥤ᴅʀɪɴᴋ· 波子汽水🍑﹟當日只淨返桃味波子汽水😂但飲落比想像中好, 唔會話似藥水味, 甜度都可以接受🤭

由日本食到返來香港第二次在香港光顧一幻拉麵今次試左4樣嘢北海道限定梳打$38蝦汁胡麻冷麵$88蝦味飯團$20餃子（5隻）$35北海道限定梳打$38誤信其他食客話好飲，點知口味呢啲野真係跟人，味道係糖水味梳打水。完蝦汁胡麻冷麵$88成碗野冇樣味道突出，蝦汁味、胡麻醬味都唔突出，只feel到啲麵好凍，有啲汁有啲味撈埋來食。蝦味飯團$20算吧啦，有味飯一舊餃子（5隻）$35最好味的一道菜，唯一食得過的。

在網上看見「得一賞二」優惠 男朋友肚裏既拉麵魂正式蘇醒！於是就趁假期去試下傳說中既「一幻」我同男朋友都有一把無辣不歡既嘴 所以就叫左兩碗辛辣味噌蝦湯拉麵 加左木耳等等額外既配料一夾起拉麵 由千萬蝦魂熬製而成既湯汁完美掛落係一條條既拉麵當中🍜 一入口 濃濃既蝦油香在口中無限既爆發 而糖心蛋浸泡在濃湯中樂而忘返唯一美中不足既係 湯底太濃 會愈食愈膩...... 所以要加麵既朋友要注意一下另外加配蝦飯團 只能說不過不失 無什麼特別 cp值不高 下次可以不用加 特寫👇👇

一幻自從8 月完咗買1 送1 優惠後, 10月16 日再次推出另一個得一賞二優惠。咁抵食! 我哋即刻飛撲去試呀!我哋喺優惠推行第一晚去食O既, 大約8 點去到餐廳, WOW! 要等位! 大約要等7 – 8 枱左右, 唔緊要! 為咗食好西, 等!其實都只係等咗十幾分鐘就有位, 我哋見到海景位有位, 就要求坐, 好開心呀! 可以對住個海景食飯! 今次優惠係得一賞二, 二人同行尊享套餐。主要係包2 碗拉麵 (點餐紙上任何拉麵都可以), 6 隻餃子 (平時一客5 隻的), 同2 杯特定飲品 (可樂/波子汽水)因為8 月時試咗拌麵, 今次想試下個拉麵, 點知我地不約而同點咗同一樣O既配搭: 招牌蝦湯拉麵, 原味湯底鹽味幼麵。先上餃子,  餃子都頗大隻的, 皮薄, 饀豐富, 加埋個醬汁已經好正! 如果個皮再脆D 就PERFECT 啦! 招牌蝦湯拉麵 - 果然係招牌, 湯底好濃蝦味, 作為一個蝦控, 感覺滿足; 隻流心旦都好好味。另外D 叉燒好淋, 一咬即化開, 掂! 今次要左幼麵, 可以沾多D 湯, 麵質軟硬度適中, 簡直係我杯茶呀! 呢年冇得去日本旅行, 唯有去一幻食個麵FF 下啦~!! 埋單係

Ichigen is a true 🍜 inside the Harbour City. This is actually my second visit and the signature prawn soup is to die for.Since they have 2 flavors: Signature Ebisoba and Spicy Miso Ebisoba (HK exclusive), my recommendation is to go for the spicy one. The soup is extremely rich and tastes perfect with their spciy miso. Reminder to add ginger tempura since it really gives a highlight of the ramen by offering the crispy texture.

近排都響尖沙咀返工,就搜羅下附近有啲咩拉麵鋪,呢間個招牌係個蝦湯底..平時食開都係豬骨濃湯..所以決定去試吓新野去到已經三點所以有下午茶..不過嗰日好肚餓所以最終嗌返午餐見到佢有一個寫住（香港限定）-特濃蝦汁拌麵...所以決定叫黎試吓..拉麵質地適中，唔太硬又唔太淋唔知係咪因為拌麵嘅關係，個叉燒就變咗切粒..不過份量都幾多..最特別係佢嗰個紅姜天婦羅撈埋啲麵食好有口感.不過話係咪好有蝦味就唔多覺...只係覺得係一個普通拌麵..名過於實..皮薄肉汁多..個人認為俾佢個拉麵更好吃。

同男朋友行完LCX見有啲肚餓就睇吓海港城有啲咩啱食😋經過見到唔駛等就即刻入咗去😂一入到去已經聞到好濃嘅蝦味🦐原本淨係諗住叫碗拉麵同一碟餃子就算突然男朋友見到牆上有張海報寫住💢抗疫優惠$128💢包括有一碗拉麵，一碟餃子，一杯飲品打算問清楚優惠詳情，但該位職員態度麻麻🤷🏽‍♀️最後，叫咗招牌蝦湯拉麵（$88）😎湯底，口味都可以比客人自己自由選擇😎原味湯底初入口有香濃嘅蝦味，但飲到中後段就開始淡啦😂❣️建議可能叫適量豚肉湯底會濃味啲餃子正正常常，一碟有五隻，本人覺得味道唔錯👍🏾男朋友叫咗杯啤酒🍻雪得好凍唔錯唔錯🤣🤣

👧🏻 ate...Signature ebisobaEbi Mazesoba 👧🏻 wants to say...個麵賣相唔錯 坐位都唔會好似普通拉麵舖咁逼 至於嘢食質素......個人認為好一般喇🙈個麵軟硬都掌握得唔錯 但太重鹼水味有少少似細個食味千拉麵嘅感覺😂 食食吓會成口澀味 至於個湯底叫咗豚骨 重口味人仕表示如果可以濃啲就好喇🙌🏻值得一讚嘅係$88一碗一個咁嘅海景都算唔錯嘅同埋 上菜速度都比其他拉麵舖快 不過應該唔會試第二次喇🙌🏻

一直也想試一幻拉麵，較早前終於試了，點了招牌蝦湯拉麵 Signature Ebisoba。我鍾意客人可以因應自己的喜愛而去選擇。最後，我選了濃厚豚骨湯底，鹽味，粗麵，有麵酥。另外，我鍾意食蔥和蛋，額外加錢要多蔥和溏心蛋。先試了湯底，入口有香濃的蝦味，與豚骨好夾。湯偏向杰身，這樣粗麵能夠掛到更多湯，而麵質幾彈牙，這個質感啱我ロ味。溏心蛋味道尚算不俗，唯獨叉燒太薄身，我鍾意厚身叉燒，這樣口感相對較佳。下次試其他款式。

呢間又係D日本過江龍，一開始排勁長龍，然後而家又靜英英 LOL其實一入去就聞到好濃蝦殼煲汁的味, 我自己有時整蝦麵中意留哂D頭同殼整個汁，完全係呢種味，非常香同真材實料第一次同友人吃，加左麵底同蛋，份量勁大，終於圖文相乎 (仲有叫餃子)但食哂之後, 想嘔, 唔係好舒服 哈哈所以第2次同媽食，就叫標準算睇下，即刻細哂呢間野食一次都夠

同朋友諗住求其係搵間嘢食撞撞下就入咗呢間拉麵舖因為疫情關係每次入餐廳前都要量體溫由量體溫嗰一刻開始就feel到店員態度極差話晒一幻都係過江龍起碼服務應該都一齊過嚟 做到一半都好吖但係佢連最基本嘅服務禮貌都冇 語氣非常差俾大家睇吓我同朋友點咗啲咩可能我同朋友有啲蠢 唔係好識睇佢個點餐紙😂😂😂問店員嘅時候店員好似唔係好想答我地好似嫌棄我地咁樣🙈🙈咁我就嗌左個湯拉麵 第一啖食落去 已經唔想食第二啖 雖然其實個味冇乜嘢 但係味道不是太好🙈我仲加咗三塊乾爭爭嘅叉燒我朋友就嗌左個拌麵 可能係我食完湯拉麵嘅關係 我覺得呢個拌麵係好食嘅😆 味道幾特別個口感好得意 又鹹鹹地 有少少脆脆嘅粒粒對於我來講呢種口感好新鮮😋成餐飯整體來講 如果服務態度好啲就好了啲嘢食又唔係特別好食 希望餐廳可以用服務態度改變客人對餐廳嘅睇法😄唔想受氣嘅大家千祈唔好去🙈

必加紅薑天婦羅麵酥 優惠多多餐廳回頭率甚高-🍜 招牌蝦湯拉麵 ($88)果然係招牌!! 餐廳嘅蝦湯底每日係店舖熬製 用上甜蝦頭熬3個鐘絕對真材實料👍🏻 拉麵湯底(原味•適量豚骨•濃厚豚骨)同口味(味噌•鹽味•醬油)有以上各3款選擇✔️我地分別揀咗濃厚豚骨同鹽味 麵條方面揀咗幼麵! 湯底好特別 飲到好鮮嘅蝦味 而蝦味突出之餘又有平時其他拉麵店嘅豚骨湯味道 加上鹽味就為個湯再調下味咁 配埋一齊又幾好! 每碗麵都有兩件叉燒同半隻溏心蛋 叉燒大件肉質正常味道唔錯 溏心蛋半熟嘅口感亦係日本拉麵必有嘅水準❗️重點一定要加麵酥❗️呢款紅薑天婦羅係店舖自家製嘅脆脆蝦味麵酥 食到蝦味之餘仲有酥脆嘅口感 層次感好豐富! 麵質正常有韌性我個人幾鍾意幼麵整體幾好🤩🍲 (香港限定) 特濃蝦汁叉燒拌麵(配粗麵) ($88)呢款唔使揀咁多嘢由餐廳主理成個配搭 拌麵有別湯麵 只係碗底有少量嘅蝦汁俾你撈埋嚟食 麵上有叉燒碎 溏心蛋同麵酥 我覺得蝦汁未到特濃嘅程度 叉燒唔係原件而係碎上相信係為咗方便你撈埋 可惜變相無乜口感 味道正常肥瘦位置都有 我個人都依然欣賞麵酥 食拌麵更加突出佢嘅酥脆 同埋可以掛係麵條上面一齊食 粗麵口感

童年嘅時候，總係覺得海運嘅消費指數好高，以致長大後都一直甚少約朋友或自己去嗰度食飯。嗰晚男朋友仔帶我去食拉麵，小妹真係開心到飛起呀！呢間拉麵店好似日本嘅拉麵店，又骨子又企理，仲有吧枱可供選擇。咁我地冇坐到吧枱，揀咗二人枱。只係當時疫情仍然嚴峻，限聚令下，靠窗嘅位置都冇開放到俾啲食客，所以基本上只係坐得五成左右。講返兩碗拉麵，我地都揀咗辛辣味噌蝦湯拉麵。雖然話係辛辣，但對於食得辣嘅我地，又唔算好辣喎。佢啲湯底十分濃厚，好有鮮蝦嘅味道。我地揀咗幼麵，麵就爽滑彈牙；紅薑天婦羅提鮮，唔係度度都有，幾特別！好想再去食呀！用完晚餐後，仲可以散步欣賞下美麗嘅維港景色，真係一樂也！

北海道名拉麵店於2018年初在灣仔開設第一間香港分店時已有幫襯，今次專誠去尖沙咀分店，因為今個月生日可享拉麵半價(每碗-$44)，正日當天更免費兼無限添食(每碗-$88)，小弟襯正日屈朋友請客。招牌拉麵的叉燒由起初一塊變成現在的兩塊，但明顯薄咗。麵身及湯底仍能保持水準，環境比灣仔店舒適，侍應生服務也不錯，唯獨收銀員態度實在不太友善，可能不滿侍應生寫漏了生日折扣價錢而要令她改單，又好像不相信小弟能夠食兩碗麵咁。疫情下已經人客不多，服務水準卻有點下降，希望管理層能好好注意及改善員工訓練，吸納多些回頭客，才能令這個招牌在香港做得住。

由日本過江來港的一幻拉麵，是以蝦湯拉麵聞名。曾品嘗過其招牌蝦湯拉麵，是出色的，蝦味香濃令人回味，今次再度惠顧，決定一試其蝦汁撈麵！難得這天午市顧客不多，可以選擇窗前的吧枱位，好好欣賞下雨天的維港景。是次選擇季節限定的蝦汁胡麻冷麵（撈麵），配的是粗拉麵，可跟或不跟蔥或紅薑。冷麵賣相不俗，有3隻大蝦、厚切叉燒絲、蛋絲等。大蝦爽口好吃，其中深紅色的蝦酥，味道甜帶微辣，配搭撈麵一起吃頗為特別。可惜的是，所謂蝦汁胡麻麵，嘗不到蝦味，連蝦香也沒有，都被胡麻汁掩蓋了味道。下次再去，應該會點回招牌蝦湯拉麵，起碼熱湯的蒸氣升起時，能夠率先嗅到令人回味的蝦香。店內同時推出不少優惠，如外賣折扣、9月生日優惠等，可參考以下相片。