影片
以上资料只供参考，请与餐厅确认详情
同班食肉兽杀入屯门呢间「一喜•烧肉」叹烧肉火锅放题（$225位），未坐低已经睇到雪糕柜有港式奶茶味雪糕，仲有即磨咖啡机，心谂：「今次回本位系饮品区啦啩？」 🔥 烧肉主角｜牛魔王必扫！▪️ 澳洲安格斯牛板腱：脂肪雪花靓到似艺术品！烧到五成熟啱啱好，肉汁爆出嚟仲带炭香▪️ 牛肩肉：薄切够快熟，蘸佢自家制烧汁，惹味到停唔到口（4.5/5分） ▪️ 牛油带子：锡纸兜加牛油烧，带子爽甜仲吸晒牛油香～小心烧过火会缩水（4/5分） ▪️ 多春鱼+墨鱼仔：海鲜新鲜冇雪味，多春鱼烧到脆卜卜！墨鱼仔细细只好爽脆（3.5/5分） 🍲 寿喜烧火锅｜汤底惊喜！▪️ 寿喜烧汤底：甜酱油汤底超正宗！落咗昆布同木鱼花熬，涮火锅专用牛肉秒熟超滑，娃娃菜索晒汤甜到想饮埋（必点！） ▪️ 豚肉片：火锅比烧烤更出色，薄切滚两滚就食得～（4/5分） ❄️ 爆炸性回本区｜雪糕饮品任搬！▪️ 任食雪条/雪糕：港式奶茶味茶香超浓！Muji蓝莓乳酪酸甜解腻，云呢拿就稳阵之选（食3条先够皮） ▪️ 即磨咖啡机：估唔到有Latte仲拉倒花！饮落唔输cafe～ ▪️ 炸物+沙律吧：中华沙律爽脆无渣，炸咖哩角够香口；可惜章鱼丸放耐咗少少淋身（3/5分） ▪️ 纸包饮品墙：由道地各式茶到韩国果汁十几款，仲有冷泡茶解油腻 ▪️ 菇类得冬菇，种类少咗啲 总结：牛板腱同寿喜烧汤底系灵魂！饮品区夸张到似便利店，净系食奶茶雪糕+muji雪条都值回票价～下次会skip炸物专攻牛肉同海鲜！
继续阅读
一起去烧肉！屯门有好多间烧肉店，难得母亲大人点名想食烧肉，就试吓啲未试过嘅舖头。呢间一喜烧肉位于千色对面，开咗都有一阵子，见佢套餐都多选择，店内阔落平日去食，试吓个平价任食烧肉自助区有茄瓜类、炸物、冻前菜（中华沙律、鱼皮、麻酱豆腐）、甜品、咖啡、任饮罐装♨️任食澳安格斯牛板腱餐 配 寿喜烧（连加一） HKD225由于依个系最平嘅套餐，选择就冇牛舌点啦，不过点菜𠮶阵时就专攻安格斯牛板腱，肉味浓厚，都唔错。另外佢仲有啲海鲜可以点，最钟意多春鱼同埋墨鱼仔，正！寿喜烧可以转猪骨汤，夹埋佢啲火锅肥牛都好正， encore咗好多碟。不过菜嘅种类有啲少就可惜嘅，如果有得任食金菇就好啦🥹🥹总体都唔错，出餐快，换网快。平日冇乜人又坐得舒服唔会赶你走，食到捧住个肚返屋企
继续阅读
今日父亲节食饭，一早拎位但好多都要等好耐，老人家好肚饿唔舒服，见呢间无乜人排时间相对唔洗等好耐，又见做紧优惠，所以等位入去食。但见无乜人排队，已经觉得少伏，但老人家肚饿无计。收费绝对唔算平 叫咗个B餐嚟食（佢明明系写『主餐牌同行第二位半价』，但佢净系得A个个先有半价！埋单见佢无写问佢无计优惠，佢先话要叫A餐先有。可以嘅话应该系直接写A餐半价，唔应该系写主餐牌)嘢食种类算少 基本上都系得啲鸡牛猪 加几样海鲜比你烧B餐系送个寿喜烧打边炉火锅但佢打边炉嘅料系得肥牛 猪 狮子狗 乌冬同3款菜 无丸类咁济佢主打系食烧肉，但烧肉汁系得枱面一樽 无其他选择而佢主打食烧肉 佢嘅肉同行5人全部都觉得好难食啲肉有分几种汁叫 但完全唔觉有咩分别…第一次食烧肉放题系觉得啲肉咁难食到 食咗第一转就唔想再叫…佢系猪牛鸡都唔好食仲要除咗啲肉之外系冇其他嘢有得食至于环境 佢烧肉个网系用一次食𠮶啲网但系佢个炉自系好污糟 完全无清洁过咁一路饮一路警钟系咁响 唔知系佢个防烟器问题定商场问题啦但响咗几次 每次都15-20mins 嘈到好头痛 又倾唔到计嘢饮种类好少庆祝父亲节搞到大家都好无瘾 一肚气！埋单五个人2000几，但唔好食真心，无下次。唯一可以赞嘅系 出餐比较快。
继续阅读
今日黎到屯门呢间烧肉店，可以一次过满足烧肉同打边炉两个愿望！而家做紧优惠第二位仲有半价一坐低劲快就上左个边炉汤底，入面已经有料放好左系入边，好快就有得食今次叫左寿喜烧汤底，食落甜甜地又唔会太咸，最正系啲娃娃菜索晒啲味劲好食烧肉材料用手机落单，好多款式拣，猪牛鸡海鲜类乜都有叫到成枱都系劲兴奋肉类可以拣味道例如盐味、烧肉汁等等，任君选择。烧完出黎肉味都仲keep到唔会冰鲜左好耐食落去无晒肉味干柴柴咁食烧肉当然唔少得紫菜饭，再打只日本蛋落去就100分除左烧肉打边炉，仲有少量熟食到炸物，好丰富饮品区饮品任拎，加$20于可以无限畅饮啤酒，配烧肉无得顶到最后当然唔少得要食埋甜品先走，到最后真系顶住个肚走！
继续阅读
一喜烧肉地方尚算宽敞冷气足够平时食烧肉嘅地方都好焗同好热呢度都坐得好舒服牛肉种类有好多款每一款，我都试过最喜爱嘅就系安格斯牛版腱澳洲安格斯牛牛板腱餐，任饮任食有打边炉和烧烤，猪骨汤锅，长时间熬煮的猪骨释放深沉醇厚的骨髓香气，汤色乳白浑厚，入口绵密滑顺，丰富的胶原蛋白汤汁浓稠，口感丰腴，略带黏唇的口感安格斯牛板腱牛肉香嫩鲜明，无腥膻，油脂与瘦肉比例均衡，滋味浓厚不腻，弹嫩带筋微脆有嚼劲，肉质紧实却多汁，越嚼越涌现肉脂甘甜，油花细腻分布均匀，入口即化如奶油，粉嫩肉质，胶质软糯牛舌浓郁肉香与细腻乳脂甜，质地独特，外层弹脆，内里柔嫩带胶质黏唇感，鲜嫩多汁，越嚼越鲜味还有丸类，多款蔬菜，甜品泡芙，雪糕和雪条任食
继续阅读