一品四川麻辣米線

七月二十日, 同朋友傾開, 發現原來我未試過呢間《一品四川麻辣米線》,所以今晚同我去試吓, 因為啲人話呢間同《譚仔》既老闆有關係架喎!我叫咗腩肉、羊肉、雞肉酸辣米線 ($30), 呢間既酸辣同麻辣都有分十級架!我叫咗五少辣, 其實唔算好辣, 同埋原來勁大碗, 食整三份一碗麵呀...啲餸喺晒個底, 整噃出嚟見, 都幾多餸喎!! 不過個湯底好奇怪, 唔單只顏色比較深, 似豉油色, 連食落去都覺得鹹多過酸... 呢碗細啲既係雞肉麻辣米線 ($23), 個麻辣湯底都 OK 幾好味。仲有「香草雞翼」($11), 呢條既雞翼都算好食, 同埋平 $4 喎!!但感覺好似《譚仔》既雞翼香口啲, 同埋呢度係冇「土匪雞翼」架!佢張餐牌都幾清晰, 仲好似多啲餸選擇添!不過講嚟講去, 都係覺得《譚仔》好食啲, 可能主要因為個酸辣湯底做得太鹹啦! 但座位就呢度坐得舒服好多既~~同埋我哋兩個人都唔記得帶紙巾, 問佢拎又話冇供應紙巾, 要我哋畀 $2 買咗包... 亞姐服務普通啦! 怪唔之得約十點已冇乜人幫襯啦! (加埋我哋兩個都係得四個人)雖然《譚仔》多人啲, 同埋部份亞姐態度麻麻, 但《譚仔》啲嘢真係好食啲, 我諗我都係比較鍾去《譚仔》...更詳細資料及圖片請看 : http://hk.myblog.yahoo.com/joycewai616/article?mid=9426…查看更多

每次到ssp都吃同一間米線，這次轉轉口味，怎知就出事了。還是點了平時的幾味，酸菜、炸醬、腩肉米線。用來盛米線的碗都是很大，米線的份量很多，二人share 都夠。酸菜的酸味不突出，像腌的時間不足；炸醬比較水，味道也偏甜；腩肉的味道最正常，可惜份量最少。雖然阿姐服務沒有問題，但衛生情況卻不樂觀。差不多的價錢，我情願等位吃更好吃的了。…查看更多

我周不時都會去深水埗，所以會上Open Rice搵定有邊間食店多人話好食可以順便去試吓，上個月我就試過呢間，都係因為有人話好食，但係食評唔多，點佑原來食評少信唔過架.............食米線，响深水埗好多人都識譚仔，我就幾鍾意幫襯，貪佢夠平夠大碗，味道亦唔錯，至於呢間，同譚仔比如下1. 個湯底既味道同譚仔好似，但據說譚仔話自己有俾味精，唔知呢間有冇呢.......2.其他配料，好以芽菜、韮菜...........又係同譚仔一樣，唔知係米線既橝準格式定係其中一間抄另一間喇..........3.米線黎講質感同譚仔差不多但係份量明顥比譚仔少............專搵平野食既我絕對接受唔到...........4.d餸既款式都可以，佢唯一一方面俾譚仔好係佢有d譚仔冇既餸，我就試左鮑片同芝心丸，兩樣都好食，尤其係鮑片，同去酒樓飲宴食果d味道完全一樣..........5.食同樣既野價錢俾譚仔略貴一、兩蚊..........6.坐得比譚仔舒服，因為少人幫襯嘛.........整體而，我唔係覺得好一般，俾我寧願坐逼d去譚仔好…查看更多

五月三十日下午, 同男友來一試呢間一品四川麻辣米線,環境乾淨, 人唔多, 地方無譚仔咁窄兩個人叫左一碗$36蚊既咩都有酸辣米線,個阿姐好好笑容又好細心, 一落完order就比兩隻碗仔我地, 值得一讚!米線一黎到, 我同佢即刻呆一呆, 哇! 咁大碗既?? 仲大碗過譚仔果d用料好豐富, 有一大堆酸菜0係面, 腩肉, 蔥, 豬, 牛, 雞, 芽菜, 豆卜, 魚蛋, 豬潤...等等米綫分量夠多, 兩個人食都好飽.... 講返味道, 酸菜又夠酸又夠爽口, 同酸酸辣辣既湯底好夾魚蛋非常彈牙, 其他肉類量多而且水準不俗,$36食到一碗咁好味既米線, 一定會再返兜 !!…查看更多

日期：二零零八年四月二十三日時間：晚上八時三十分地點：一品四川麻辣米線人物：我和他食物：麻辣過橋米線、新疆香草雞翼、四川麻辣雞翼、凍豆漿深水步區的麻辣米線店多不勝數，有不少都在大門處貼著蔡欄推薦該店的專欄，其中包括譚仔、新昌隆等，一品當然也不例外，屬於蔡先生推薦之列。蔡先生似乎獨愛麻辣米線，而對深水步區的米線更是情有獨鍾，如蔡先生所言非虛，那米線之城的美譽便非深水步莫屬了。蔡先生為知名食家，自有其權威性，作為普通的食客，就只能隨便說上幾句。一品的米線的確夠麻，也夠辣，純粹追求麻辣的朋友不妨一試；然而，要吃麻，要吃辣，深水步滿目皆是，要在眾多米線店中突圍而出，必須做到各色兼備。麻辣米線或能與譚仔、新昌隆等一較高下，但配料及小食就未必能與他店爭一日之長短。譚仔有竹笙及腩肉，新昌隆有白肉及司華力腸，而一品卻沒有能作招牌的配料。此外，一品的兩款雞翼的味道如出一轍，都是以家樂牌鹽焗雞粉，再混合相應香料，如新疆香草雞翼就是混合了孜然或茴香醃製而成，而四川麻辣雞翼就只是換上了麻辣粉而已。除了雞翼外，凍豆漿竟是維他奶就真令人膛目結舌了，食店對自己的出品竟能如此隨便，實在難與一街之隔的米線店分庭抗禮。食店成功之道，在於「誠」，沒有誠意或根本沒有能力處理好的食物，寧可棄而不強，否則只會敗壞名聲，實非經營之上策。…查看更多

路過，見麻辣魚旦特價$5 八粒，便買了串。整體上，這區消費物價都略為低（維記例外），就連這串魚旦亦然。麻辣湯底配上炸魚旦，嘩！好麻！辣辣地。咀巴紅腫熱，果然很麻辣！…查看更多

這店的米線特別之處，是比較麻一點。材料充足，芽菜和韮菜也充足，腐皮會有一至兩塊。可選擇的食物材料相比譚仔會少了一點點(例如墨丸)，不過基本的雞、豬、牛、乍醬一定會有，而其他就不盡錄了，賣個關子大家去嘗嘗就知。東主們都很多禮貌，很好招呼的；老實說，相比譚仔來說，這裡的禮貌真是好得過火(容我這樣說)。一般不要辣，一味餸的，就$18元正，$22兩味如此類推，加辣就$3(無論任何程度)。注:有大窩米線，非常足料；加飲品都是$5元正。環境夠光猛得來，整個格調給人柔和和OK舒服的，整體衛生也很好。只是最隱祕之處的洗手間只適合男士使用，它的設計給人印象其實不太好，盡可能大家都應該不會想再用這個小地方了。餐牌不夠譚仔那種給人整齊和有組織的感覺，如果負責人可以花些心機去重新設計一個讓人覺得好看些會比較好一點；雖然就一般食客而言，這並不是必要的。有粗糙紙巾提供給食客，算是比較人道的做法，這樣會比連紙巾也要食客付錢買的大陸式風氣要好。一般而言我到這裡吃米線，都不用怎樣等位的，值得一提的地方是，這兒的環境和人流暫時來說是個安樂窩，可以給我和友人一邊自在地吃、一邊談談天；好的地方是、這裡的人不會好像要你快食快走似的。(當然吃畢就不好妨礙別人做生意啦)在每況愈下的譚仔之外，想自在地吃個足料的麻辣米線，這裡可說是個樂土。畢竟它是另一邊很受歡迎的「四川麻辣米線」店的分身嘛！=]…查看更多

以前譚仔係長沙灣個邊時真係成日都過去食~無幾耐呢邊都開左間,心唸無死啦...點知食過幾次...唔知係咪太多人喇..水準越來越差..最後都好少去食喇d雞肉好肉用攪拌器整過咁碎到唔知係咩...魚蛋有時係壞,唔壞都勁腥既!!米線就lum到爆~野右唔好飲,人多右唔好招呼...有日行過呢間野..聞到一陣味,好明顯係譚仔個隻喇~聽d食客講唔知同譚仔有d咩關係之類喇..不過無理,一於去試下~餐牌同譚仔一樣都係個d,辣都係加3蚊,叫左魚蛋腩肉炸醬米線+小辣.飲ice lemon tea一樣既配菜,一樣既香味,湯底我覺得比譚仔無咁麻(丁士咁多)魚蛋都係潮州個隻,但一d腥都無~good炸醬都係譚仔個隻有少少茄汁味...一般無咩唔好腩肉都係同譚仔一樣既...米線右比譚仔好,唔太lum....i like it睇睇餐牌,雞翼仲有10蚊3隻,都係譚仔個2款同樣既湯底,少d人,野右好食d..但遲d人多左唔知會點喇睇怕我都唔會再去譚仔喇...…查看更多

本人住在深水埗多年，需然屋企下面好多食店，但覺得無好嘢食，全部都係得個名，味道真係一般，但最近開咗間新嘢，起初每次經過覺得無什麼特別，但係有一Ｄ辣味飄過嚟，因為附近有好多米線店，所以真係無注意，昨天終於同幾個朋友去試吓，覺得十分好味，我叫咗三味餸加小辣，牛肉，腩肉，魚蛋，因為係老細推介，牛肉煮得岡好，因為煮得太熟會好難食，魚蛋好彈牙，腩肉好有肉味，直得一提小辣都好辣，老細比咗碗清湯我加落碗米線度先至好Ｄ，後來老細同我講小辣分開十級下次我會叫小Ｄ辣。重有Ｄ奶荼好正.…查看更多