一品南餐室

营业中

休息中

呢間餐廳真係劣食黎。。嚟到叫咗以下呢幾樣嘢- 雞絲柚子芝麻醬薯仔沙律- 炸蝦餅- 豬頸肉米紙卷- 熱蜂蜜柚子茶- 青檸梳打1. 先講吓呢個薯仔沙律叫嗰陣同我講冇雞絲，咁我叫佢轉雞翼俾我，佢話要加錢，我話冇問題嚟到嗰陣啲雞翼都還好，個沙律多水到好似碗湯咁😩個重點係一粒薯仔都唔見同埋嚟到先同我講話柚子汁都冇2. 炸蝦餅個味算係正常，不過絕對唔係好食嗰種3. 個豬頸肉米子卷真係世界級難食，食到有洗潔精味之後即刻吐咗出嚟。同佢個店員講佢仲話重新做過碟俾我，我真係多謝晒，即刻同佢講話取消咗佢4. 熱蜂蜜柚子茶正常嘅5. 不過個青檸梳打就真係搞唔掂，唔知點解有陣好奇怪嘅味，我真係飲唔到落去咁耐以黎都冇試過喺OpenRice度留言，今次真係頂唔順先咁做，如果大家會去Life@KCC食嘢嘅話，都係揀其他餐廳啦

葵興真心係美食沙漠⋯係度工作左十幾年 選擇真係太少⋯呢間一品南 開左幾個月。最近越嚟越差，雞絲喇沙只有一碗雞皮！！！只有雞皮！！！只有雞皮！！！所以一點繁忙時間都仲有好多空位，以後又少一個選擇

用餐日期 10/1/2025睇咗佢張餐單話下午茶有鮮油多，特登下午茶去試下，入到去單點個鮮油多。個女店員話「呢度唔係茶餐廳，無鮮油多」。咁我話又得佢啦，跟住走。講多句都嘥氣。咁張餐單假架？呢個app post 出嚟張餐單，下午茶第二項咪鮮油多，原來係假。我理得你係茶餐廳定舞廳，你寫咗話有我先嚟啫，垃圾。其實啲客人都唔係無智慧既，或者都會有智慧架。真係睇咗你個餐單，做足準備先入嚟，唔係白撞架。事後兩星期我再攞你哋放店鋪門口既餐單，都仲有鮮油多。何解？

7點零鐘行完KCC，好多餐廳都收咗啦，見到呢度仲開，咁就試吓啦。嘢食份量夠晒大，喇沙同咖哩都唔太辣，啱晒小朋友食，而小食就加十零廿蚊就有，可以試試個雞扒飯好靚呀！必食！雞扒滑呀，個喇沙湯少鹹大過塊面既豬頸肉大人鍾意食串燒小朋友鍾意食蝦餅識食梗係食咖哩牛腩既薯仔椰汁香豆冰椰味香濃（啲冰澎湃左啲，下次會少冰）呢間餐廳岩一家大細去，我地要碗仔，職員哥哥仲用滾水淥晒啲碗，真係好細心！佢地新開左個零月，大家可以試試

新開食左雞扒撈檬，食到腸胃炎，食完嘔哂出黎，屙足4日新開食左雞扒撈檬，食到腸胃炎，食完嘔哂出黎，屙足4日新開食左雞扒撈檬，食到腸胃炎，食完嘔哂出黎，屙足4日新開食左雞扒撈檬，食到腸胃炎，食完嘔哂出黎，屙足4日