一休(居食屋)日本料理 (38廣場)

营业中

休息中

黎過好多次，最喜歡夜媽媽來，因爲好似到淩晨2點，座位濶落無投訴，尤其是卡位望住下面朗豪坊門外口既人流真係幾過癮。是日同女朋友深夜大概十一時來撐擡腳，點左壽司拼盤，幾款刺身，味道ok。反而廚房野有驚喜。燒雞泡魚干香脆煙靭，炸墨魚嘴又非常香口。值得一提口既係個厚燒玉子真係正，但等候時間就要耐少少。另外叫左個我最喜歡既中華冷麵，大熱天時就最應景。拉麵夠煙靭，感覺涼浸浸，爽。由於走大衆化路綫，所以會播香港電視節目同埋廣東國語歌，吾介意口既朋友就會幾開心，因爲呢度好多一大擡朋友圍威喂，吾怕嘈就ok。我自己反而幾自在，記得之前神劇天與地大結局都係呢度欣賞。另外好似風馬牛，但呢度居然有港式凍奶茶，對於無奶茶不歡的我就最arm。每次都要叫杯，亦都係我中意黎呢度口既原因之一因爲可以解決到我日本菜同凍奶茶不能並存的問題。

與男朋友和妹妹一行三人.. 係旺角行左一陣, 大約7點左右..就決定去食晚飯今次就決定去試下新既分店..地方: 不太難找~ 在雅蘭中心附近 上1樓~一入去.... 客人數量比女人街那間差得多了環境方面 燈方比較暗.. 但坐位比舊舖闊得多, 舒服得多睇左一陣決定叫野食既時候.. 一直舉手都冇人理.. 開埋聲"唔該".. 都冇人理..叫左2,3次, 先有個原本企係度傾緊計既女仔慢慢咁行過黎, 叫等等, 之後去搵紙落order.. 我地點左.. 壽司丼, 滑蛋天婦羅蝦飯, 三文魚1磅, 炸墨魚咀, 雙龍卷, 燒三文魚腩 以及 櫻花魷魚+响螺壽司]當時餐廳人客好少, 計埋我地, 都只係得2枱,但我地就等左好耐D 野都未黎, 望過去壽司個d位, 就發現d員工根本係度傾計.. 首先黎到既係 炸墨魚咀, 不錯~特盛海鮮壽司丼 : 飯~ 醋好似多左, 比較酸" , 而裡面d刺身都不錯滑蛋天婦羅蝦飯 : 黎到2件蝦已經林左.. 蛋好似平時屋企d煎蛋咁..而且太乾燒三文魚腩: 不錯 櫻花魷魚: 非常唔抵~~" 魷魚份量小得可憐..食到差唔多, 雙龍卷 同响螺壽司都未到, 咁我地仲問個侍應, 佢地就

又係行完街夜左, 所以就是但搵間野可以坐得耐d食晚飯咁o咁行行下見有人派傳單, 睇下張傳單話呢間野開到凌晨一點半wo, fit哂!結果就上左去試啦o唔好講野食.. 淨係個menu都已經睇到人眼花暸亂..唔係太多野食.. 係佢個排版好鬼花仲有好鬼亂..我地叫左..茄汁蛋包飯 - 蛋飯唔講, 個茄汁唔好味, 同個蛋包飯唔夾o滑蛋炸蝦飯 - 炸蝦唔知點解浸左d咩野, 淋芝芝, 個汁怪怪地味o蒜蓉炸生蠔 - 聽到個名所以想試下點樣又要「炸」又係生蠔~ 結果係..咸同好燶呢間野, 再俾多3個字 --- 「冇下次!」

原本的目標是樓上的盛八，但原來星期六是開12:30而不是12:00，大家不願等，求其落一休吃點東西便算。在午市套餐中選了三款，大家分吃。先說我揀的網燒牛扒定食，牛扒切薄片，似煎多於燒，吃起來完全沒有肉味，只是有些黑椒去調味，還好肉不會太韌；而同事點了牛肉粒石鍋飯，同是無肉味，甚至是韌韌的，更差。另外有豚肉泡菜鍋，豚肉還算可以，起碼是浸著辣湯有點味道，有肥有瘦；泡菜則有些取巧，只有黃芽白、金菇、花菇等浸於湯內，並不是正式泡菜來的。幸而，辣湯味道對勁，我最後更用來撈飯。有甜品送，就是泡芙，現成貨來的，也雪得太硬太實，不過送的就不投訴了。一時前埋單可享八五折優惠，趕緊時間找數。