一休(居食屋)日本料理 (38廣場)

营业中

休息中

喺旺角搵到呢一間平靚正，仲可可以坐得耐嘅日式快餐廳，食晏嘅時候，佢有好多午飯嘅套餐，有拉麵啦，有鰻魚飯啦，有牛肉Don啦，天婦羅餐。另外仲可以單點壽司啦，魚生，煎炸小食。都真係好鬼多樣化。最後我哋都係揀咗鰻魚飯同天婦羅。鰻魚飯其實就一般般啦，個汁就普普通通，啲飯又稍為硬咗少少，不過由於太肚餓，我都食晒。天婦羅就份量都幾足，但係味道就OK啦。呢間嘢勝在係夠平。 仲有一樣好就係我哋可以坐足三個鐘傾傾偈都唔會催你走！

朋友英國返嚟，話好耐無食日本嘢，去到旺角，打開openrice，結果就揀左呢間。第一樣一定要介紹先嘅係海鮮丼，三文魚海膽飯($98)，$100都唔洗就可以食到海膽喎，本來想加多少少錢食靚一級嘅海膽，可惜已經售罄。海膽1d腥苦味都無，而且仲好鮮甜，加少少Wasabi、豉油，伴飯進食，簡直係人間美食，朋友仲誇張到大口擺入口食，話靚海膽就係要大啖食先夠正。除左刺身飯之外，我地仲有炸芝士年糕($36)，正常高質，外脆內軟，年糕煙煙韌韌。日本南瓜天婦羅($48)外皮脆漿夠薄，唔會食到滿口油膩嘅感覺。蒜燒茄子($38)又係我嘅心頭好，多蒜到可以就咁𢳂蒜食，配上微脆肉嫩嘅茄子食非常可口惹味。最後share埋北海道芝士蛋糕($20)，軟糯綿密嘅口感作結。刻意要清楚寫低食物價錢，因為這間餐廳真係性價比極高。整晚最貴的就是海鮮丼，其他食物全部唔過$50，兩個人只係食左大約($300)，朋友邊食邊概嘆自己返英國就無這個口福了。

嗌咗$188嘅刺身拼盤，刺身質地好似膠，同埋雪到好凍，食落仲有啲冰咁。真係完全唔新鮮唔好食。不過如果你話$188咁多舊嘢嘅話，佢就即刻叫平，如果大家追求平可以試吓嘅。另外仲嗌咗一個$68嘅火焰三色卷，味道係唔錯，成餐飯最好食應該係呢樣啦仲係一個鰻魚炒飯，濕立立冇乜味。唔知食咗啲咩，食咗一半就放棄了。另外嗌咗一個吉列炸蠔，正常發揮啦。$58有五件算係好平㗎啦。所以大家可以自行斟酌下，如果一班人去食，的確係幾抵嘅。

今日出咗旺角做完野就直接收工 所以同朋友可以早少少就食晚餐 咁啱經過38廣場樓下見到呢間餐廳嘅易拉架宣傳 感覺好似幾唔錯咁所以就決定試下呢度嘅食物種類好多 有刺身 壽司 沙律 燒物 揚物 鍋類 飯類等等 價錢都唔算貴 CP值幾高三文魚生飯雖然唔係厚切不過一碗都有成8片三文魚 好足料! 而且魚生食落都好新鮮牛肉壽喜鍋有牛肉 蔬菜 蛋 豆腐同菇等等 牛肉份量正常 湯底甜甜地忍唔住飲咗兩碗香芒乳酪松葉蟹卷估唔到芒果配卷物又幾夾 芒果食落好甜好開胃 松葉蟹炸過後口感好香脆 面頭仲有蟹籽作點綴 賣相好靚大阪燒一上枱嘅時候已經好細心咁幫我地切開咗4份 內饀有八爪魚粒同菜絲 面頭仲鋪滿咗木魚絲 沙律醬同燒汁 食落唔會好厚粉和牛粒串燒 2串和牛粒好厚肉而且牛味幾出! 肉同肉之間會夾住青椒同洋蔥 咁食就唔會覺得油膩

今日出嚟旺角做嘢，晏晝就揀咗呢間朋友推薦嘅一一休太肚餓嘅緣故，揀咗食角切魚生飯😌最鍾意見到角切魚生飯，上面粒粒魚生，因為每一啖魚生都可以配到一啖飯食，每一啖都可以試到魚生嘅味道，呢間餐廳好就好在粒粒刺身都好大粒😹而且又唔同嘅魚類🫡呢排做嘢咁辛苦，梗係要慰勞自己，叫咗細版海膽同埋兩隻日本室津生蠔，我都冇諗過餐廳咁用心擺盤😂😂拎上枱時，我都有啲嚇親😂好欣賞過海膽，冇腥味，而且鮮甜，濃度為中上，不過紫菜就有啲腍咗，令到佢有啲失色日本室津生蠔，味道係好食嘅，不過呢醬汁比得太多，我都要畢走啲先食，但係係好食嘅香草燒雞翼，我鍾意佢展開咗，所以好易食，基本上唔使點沙律醬都已經覺得好香，啖啖肉加錢叫咗杯凍咖啡，又估佢唔到日本餐廳嘅凍咖啡都可以幾香濃下次再喺附近做完嘢都會過嚟呢度食🤭

大家好今日去了旺角一休日本料理食日本餐這間店是在38商場一樓裝修好日本風環境都幾舒服以一休和尚作為主題既日本料理食物方面首先來個沙律清清腸胃今次點了一休海鮮沙律這個沙律包含左多款角切海鮮好似三文魚 吞拿魚 蝦 其他魚都好適合減肥人仕蔬菜好似車厘茄 生菜都好新鮮仲有一碗沙律醬跟埋跟住就係天蝦天婦羅這個天蝦天婦羅總共有五隻蝦甘多天婦羅脆漿炸得都好香脆完全唔會油膩蝦都仲係比較柔軟也都係有專用既天婦羅醬汁跟住就來個極上北海道帶子丼叫得做極上海鮮丼 材料都幾好豐富有三隻好厚既帶子 同一隻幾大既赤蝦 仲有兩片三文魚 蛋和三文魚籽材料都好有鮮味尤其蝦同帶子都非常厚另外這個丼飯加$12仲可以配凍京都抹茶鮮奶抹茶甘都幾重仲有D回甘最後來個甜品北海道芝士蛋糕都好軟滑總括這間店食物質數都唔錯

小朋友鍾意食日本嘢 咁啱今日在旺角行街於是在openrice 睇下附近有咩好食最後揀咗一休，整體而言，味道可以，性價比高。角切海鮮沙律沙律菜新鮮爽口特價三文魚刺身+象拔蚌刺身特價$9/件壽司: 火炙芝士帶子壽司、火炙黑松露赤蝦壽司、赤貝壽司芝士和帶子味道唔係咁夾反而掩蓋了帶子的是應有的鮮甜味胡麻醬赤蝦卷物本來諗住叫給小朋友食點知佢哋食咗兩啖就唔食全部大人食曬還有壽喜燒牛肉鍋+烏冬這個反而是兒童至愛烏冬撈住甜甜的壽喜燒湯底好快變清曬了餐廳的位置位於旺角地段，晚上六七時左右用餐時間，只坐滿了一半的客人。可能很多人近來選擇北上消費，但這也意味著用餐環境相對寧靜，不會太擠逼。另外，有窗口位置，那會是一個更好的選擇，透過窗戶看著旺角的熙來攘往，感覺愜意。

作為一個喜歡日本料理的港女，我和男友前往旺角38廣場的「一休日本料理」享受晚餐，整個用餐體驗讓我留下深刻印象。進入這家日式居酒屋，我們被精緻的日式裝修所吸引，仿佛走進了日本的街頭小酒館。我們點了牛肉壽喜燒和大板燒，牛肉肉質鮮嫩，搭配特製醬汁，散發著誘人的香氣；大板燒上的食材新鮮豐盛，讓人胃口大開。最令我驚艷的是槍燒三色飯，盤中的帶子、三文魚和左口魚邊色澤誘人，口感鮮美。每一口都彷彿在品味日本海域的新鮮風味，讓人感受到料理師的用心和手藝。甜點的芝士蛋糕濃鬱細緻，入口即化，是完美的結束。飲品中的日式茶清新怡人，與料理相得益彰。在這裡，我不僅享受到美味的料理，還感受到日本料理獨特的文化氛圍。和男友共度美好時光，讓我流連忘迸。

呢間有lunch set食，選擇好多，性價比高，平均消費$60-$70度。好多日式野食。都係一個套餐甘揀，13:00前離席仲有9折，好低食，食左好幾次，但仲未試得哂，好多都想試，原本晚上想去食，但發現係單叫，所以lunch set真係好正

星期二晚上黎到旺角，行完朗豪坊之後，搵到呢間唔算好貴嘅居食屋😋 餐廳用QR code落單，見到有勁多選擇，例如沙律、刺身壽司、拉面、丼飯、串燒、炸物🤩 我都掙扎好耐先落到決定🤣黑松露三文魚沙律 $45好食！黑松露醬汁好惹味，三文魚好多舊，一個人食都已經飽～ 推介👍🏻油甘魚壽司兩件 $32肥美油甘魚，魚生好正😋火焰三色卷 $68芝士、沙律醬好襯好好食🤤 而且好厚好大舊🐽🤣青蘋果味梳打 $22和牛粒串燒兩串 $68和牛粒好厚好肥😆 唔好以為好細粒，食兩粒已經飽🤣 醬汁辣辣地，有陣黑椒味🧂醬油七味燒左口魚邊壽司 $18*2難得一見嘅左口魚，又係好肥美，醬汁幾特別。餐廳喺朗豪坊隔離，好易搵 & 近E1出口，平時午市都幾抵食，可黎試吓！👍🏻

天氣凍，連續打左幾日邊爐，想食番啲輕便野😂上openrice見到呢間一休居酒屋評價幾高，本身想食拉麵既，但見到壽司好吸引，叫左個戀火壽司拼盤($248)，加一杯荔枝果味梳打($22)，壽司樣樣都好新鮮🤭，我夜晚仲要食dinner,所食吾到好多，下次想試埋沙律同刺身同拉麵，未到7點已經full，book位會比較穩陣👍🏻

一行上去打開𨋢門 第一眼就見到好多燈籠居酒屋燈籠高高掛 比一般居酒屋嘅燈籠都多感覺係幾正 燈光都係偏柔和 舒服為主加州卷 $48色彩豐富 平時去日本餐廳都會叫一碟食食壽司飯鋪滿蟹籽 配合埋沙律醬食易入口岩鹽燒赤蝦（2串）$68金黃色的外殼，色澤誘人最簡單直接燒保留了赤蝦鮮美和原始風味岩鹽微妙鹹度喺第一啖會感受到 剝走外殼 就會食到赤蝦鮮甜 彈牙黑蒜油蝦拉麵$78濃郁香蒜 豬骨湯底甜甜地去殼去腸蝦肉 鳴門卷 粟米 海膽先飲一啖湯底 再一口拉麵 另外可以選擇烏冬 同樣係黑蒜油嘅好夥伴蟹籽沙律$58作為沙律前菜 佢份量十足大件夾抵食 另外沙律醬本身已經撈埋入去唔使自己再撈嚟撈去味道相對平均一休(居食屋)日本料理旺角山東街38號38廣場1樓

喺冬天除咗係食蟹嘅最好時機之外，亦都係火鍋嘅最佳時機，尤其是淥完蟹嘅湯底絕對係夠晒鮮甜，諗起都流晒口水。 🤤喺旺角行完咁多個商場之後就到報咗喺朗豪坊附近嘅38廣場。喺呢度附近都有唔少嘅選擇，要喺餐牌上比較華麗嘅就會係一休日本料理，😋呢一度嘅選擇都幾大包圍，壽司刺身同埋一系列嘅熱食都各有選擇，不過佢哋嘅煱亦都非常有份量，幾個人食嘅話就最暖笠笠。😚北海道松葉蟹鍋（海膽豆乳湯）— 🍲松葉蟹係一個大冰碗裏面顯得格外嘅鮮紅，🦀配埋一籃嘅菜籃裏面有冬菇椰菜豆腐，🍲金針菇蘿蔔片等，保證新鮮而且鮮嫩，而且咁多款蔬菜都夠晒爽脆。 🤤當然個主角都係大量嘅松葉蟹腳。🦀基本上淥下就已經OK，西美品嚐各種天然嘅海水咪再結合埋松葉蟹自身嘅甜，🦀果然係夠晒享受，而且肉身都夠堅挺。 🦀至於個湯底更加係精粹，裏面係真材實料落咗唔少嘅海膽肉，未食之前飲一下個湯零舍清純，😋喺錄到咁上下嘅時候啲蟹汁同埋蔬菜嘅甜味自然就會融入咗喺個湯頭裏面，再飲就暖入心，🥗一個字就係Fresh🥬辣味三文魚軍艦— 🍣當然日本嘢就係以魚生為主角，咁多款壽司同埋軍艦裏面最印象深刻反而就係辣味三文魚軍艦，🍣粒粒三文魚都切到好好嘅三文魚丁，而且淋上一層

❤️💛🧡松葉蟹蟹鍋🦀依個天氣真係好啱食鍋物！心血來潮就決定食返嗰蟹蟹鍋！🤤暖笠笠又鮮甜，係幸福滋味呀！❤️北海道松葉蟹鍋❤️(海膽豆乳湯) $498海膽豆乳湯真材實料，濃香嘅豆乳湯加上鮮甜嘅海膽，口味好融洽！🍲第一啖嘅湯頭，又鮮又甜，真係唔可以錯過！北海道松葉蟹擺盤好靚，仲好貼心開晒殼🦀食嘅時候好方便！將蟹蟹淥下就食得，鮮上加鮮，有蟹肉嘅回甜味同埋湯底嘅鮮甜！🦀仲有個蔬菜盤，食到咁上下就將啲蔬菜放入去等佢可以吸收湯底嘅精華，蔬菜有唔同嘅類別，都幾豐富㗎！🥬🧡蟹膏軍艦壽司🧡 $26食日本料理梗係要食埋壽司啦！🍣蟹蟹鍋配埋蟹膏軍艦壽司，成個口都充滿蟹嘅鮮甜！🦀今晚發夢可能都會夢見自己捉到蟹！🤣餐廳彩光度足夠，仲有好多日式嘅設計！食物選擇有好多，佢哋仲有午市定食添！🤤BTW記得save post，方便向店員查詢有關餐點啦❣📍一休(居食屋)日本料理📍旺角山東街38號38廣場1樓

尋日同個會友一齊傾談公司業務, 正值中午十二點幾大家都未食lunch, 會友搵我推介旺角油麻地有咩好食, 我即刻諗起 旺角有間日式居酒屋幫襯多年於是乎第一時間send條link同地址畀佢, 相約一齊系一休日本料理食個lunch, 先到先等！呢間居酒屋位於旺角彌敦道附近, 位置正中帶旺, 性價比極高係喺我心目中食lunch必到之地, 無論一個人同四個人都有卡位任你揀任你坐, 價錢又唔貴又多選擇, 相對喺之前嚟講今次應該每個set加咗幾蚊雞但係都覺得值得！今次我哋坐喺門口左手邊, 平時嚟講我鍾意坐喺窗口可以望下街, 有時邊食邊聽音樂幾寫意, 今次同會友都每人都嗌咗一個set lunch, 佢叫咗一個極尚北海道帶子加一杯凍咖啡, 而我就叫咗一個雜錦天婦羅刺身定食, 首先嚟嘅係杯凍咖啡同凍檸茶少冰, 朋友嗰碗帶子丼啲帶子都好大大粒, 之後嚟嘅係個帶子丼同埋我個刺身, 隔兩三分鐘之後就嚟埋個天婦羅炸物白飯加個麵豉湯, 啲炸物係即叫即炸非常新鮮, 刺身係用冰鎮形式保持肉質鮮味, 正！